سەرەتای مانگی داهاتوو قۆناغی دووەمی ئێس٤٠٠ دەگاتە توركیا Featured

آب/أغسطس 13, 2019

خڵوسی ئاكار وەزیری بەرگری توركیا ڕایگەیاند: ئەم مانگە یان سەرەتای مانگی داهاتوو، قۆناغی دووەمی بەشەكانی سیستمی موشەكیی ئێس٤٠٠یان بەدەست دەگات، ڕۆژنامەیەكی ئەو وڵاتەش خواستی ئەنقەرە بۆ بەدەستهێنانی فڕۆكەی سو٣٥ی ڕووسی ئاشكرا دەكات.

وەزیری بەرگری توركیا بە تەلەفزیۆنی "ئێن تی ڤی" ڕایگەیاندووە، كار دەكەن بۆ دیاریكردنی شوێنێكی گونجاو بە مەبەستی جێگیركردنی سیستمی موشەكیی ئێس٤٠٠ و پێدەچێت لەم مانگەدا یان سەرەتای مانگی ئەیلول، قۆناغی دووەمی موشەكیی ئێس٤٠٠ لە ڕووسیا وەربگرن، لە لایەكی تریشەوە ڕۆژنامەی "یەنی شەفەق"ی توركی بڵاویكردووەتەوە، دوابەدوای ڕێگرییەكانی ئەمریكا لە بەشداریكردنی توركیا لە بەرنامەی فڕۆكەی ئێف٣٥، ئەنقەرە خواستی كڕینی فرۆكەی سو٣٥ی لە ڕووسیا هەیە.