بەژداری پێ کردنی هەواڵ لە

FacebookTwitterGoogle BookmarksRSS Feed

خاپوركردنی قەڵادزێ‌ لە لایەن بەعسەوە، لە دادگا وەك تاوان ناسێنراوە
Featured

24 نیسان 2017
مه‌حمود حاجی ساڵح وەزیری شەهیدان و ئەنفالكراوان  لەم چاو پێكەوتنە تایبەتە بە 43 ساڵە بۆردومانی قەڵادزی     
و زانكۆی سلێمانی، باس لەچۆنێتی ناساندنی تاوانەكە لە دادگا و رۆڵی وەزارەتی شەهیدان لە یادەكان دەكات، هەروەها لەبەشێكی تری چاوپێكەوتنەكەدا  باس لەشێوازی جیاوازی یادەكان دەكات كە ئەمساڵ زانكۆكان بە لێكۆلینەوە و كۆنفرانس بەشداربوون.
 
مه‌حمود حاجی ساڵح وەزیری شەهیدان و ئەنفالكراوان 
 
+ با لەوەوە دەست پێبكەین، دۆسییەی قەڵادزێ‌، دوای 2003 گەیەنرایە دادگای باڵای تاوانەكان، بەڵام بڕیاری پێویستی لە بارەوە نەدراو لەچوارچێوەی دۆسییەی ئەنفال ئەژمار كرا، لەكاتێكدا ئەم دۆسییە جیاوازەو تایبەت مەندی خۆی هەیە، هۆكاری ئەمە بۆ چی دەگەڕێتەوە؟ 
- سەرەتای  لەیادی 43 ساڵەی بۆردومان كردنی شاری قەڵادزێ‌ و زانكۆی سلێمانی لەو شارە و 35 ساڵەی راپەرینە بەعس تۆقێنەرەكەی ئەوكاتە، درودو بۆ رۆحی شەهیدەكان دەنێرێن و سڵاو بۆ كەس و كارە سەربەرزەكانیان دەنێرێن.
بۆ وەڵامی پرسیارەكەتان دەربارەی دۆسیەی خاپور كردنی قەڵادزێ‌ ساڵی 1989 لەلایەن بەعسی لەناوچووە و بەڵێ‌ ئەو دۆسیەیش هاوشێوەیەكی دۆسیەكانی تر  كوردانی فەیلی و بارزانیەكان، كیمیابارانی هەڵەبجە و ئەنفال و هیتد...لەدادگای تاوانەكانی لەبەعدا كاری لەسەركراوە لە رۆژی  12/9/2011 ناسێنراوە.
+ حەوزی پشدەر بە گشتی و قەڵادزێ‌ بەتایبەت، یەكێكە لە ناوچە زەرەر مەندەكانی دەستی سیاسەتەكانی بەعسی فاشی، لە چەندین قۆناغی جیاجیادا، چی كراوە بۆ ئەوەی زیانە مادی و ئابورییەكانی ئەم تاوانانەی بەعس كۆبكرێنەوەو بخەمڵێنرین، بە مەبەستی ئامادەكردنیان بۆ قەرەبووكردنەوە؟ 
- هەموو كەیسەكانی جینۆساید و تاوانی جەنگ و دژی مرۆیی، كە لەدادگای تاوانەكانی بەغدا دوای ساڵی 2003 ناسێنراون و لەمادەی 132ی دەستووری هەمیشەی عێراق وا هاتووە كە منجە بۆ شەهیدان و زیندانیانی سیاسی و لەلایەن حكومەتی ناوەندەوە دابین بكرێت و قەرەبووی زیانەكانیش بكاتەوە، بەڵام حكومەتی ناوەندی هیچ كارێكی نەكردووە، خاپووركرندی قەڵادزیش یەكێكە لەو تاوانانەی تری بەعس كە لە چوارچێوەی كەیسەكانی ئەنفالدا ناوی قەزای پشدەر هاتوەو بەبریار ناسێنراوە.
+ئایا ئێوە وەك وەزارەت كارتان بۆ ئەوە كردوە، دۆسییەی بۆمبارانكردن و جینۆسایدكردنی قەڵادزێ‌، جارێكی تر تێهەڵچونەوەی بۆ بكرێ‌، ئەمە لەكاتێكا ئەگەر دادگای باڵای تاوانەكان لە عێراق بە گەڕ بخرێتەوە؟ 
- بۆ هەموو ئەو كەیسانەی تا ئێستا نەناسێنراون لە دادگای تاوانەكانی عێراق لە بەغداد كە ژمارەیان لە 9 كەیس زیاترن، لەلایەن وەزارەتمانەوە چەند پارێزەرێك دیاری كراوە بۆ بەدواداچوون و جارێكی تر هەوڵدان بۆ ئەوەی ئەو دادگایە هەم كارابكرێتەوە هەم ئەو كەیسانە بەكەیسی قەڵادزێشەوە  لێكۆلێنەوەی لەسەر بكرێت.
+چی هەوڵێكتان داوە بۆ ئەرشیفكردن و دۆكۆمێنتكردنی تاوانەكە؟ ئایا هیچ پڕۆژەو هەنگاوێك هەیە بۆ دروستكردنی مۆزەخانەیەكی تایبەت بە وێرانكردن و بۆمبارانكردن و جینۆسایدكردنی قەڵادزێ‌؟ 
- بۆ كۆكردنەوەی بەڵگەنامەكان و ئەرشیف كردنیان هەوڵدراوە، بەڵام تائێستا مۆنۆمێتی  قەڵادزێ‌ تەواو نەكراوە، ئەم مۆنۆمێنتە ساڵانی پێشوو لەلایەن پارێزگای سلێمانی و ئیدارەی ڕاپەرینەوە بری 1،200،000 یەك ملیار و دوو سەدملیۆن دیناری بۆ تەرخانكراوە، بەڵام دیارە بەهۆی  خراپی باری  داراییەوە تەواو نەكراوە، تەواوكردنی  ئەو مۆنۆمێنتە گرنگی تایبەتی خۆی هەیە لەرووی  كۆكردنەوەی سەرجەم كەل وپەلو ووێنەوە بەڵگە یاسایەكان  هەڵگرتنی لەناوبراو، لە هەمان كاتدا لەكاتی سەردانی خەڵك  وبینایەكان هەبوونی هۆڵی گەورە بۆ كۆكردنەوەیان.
+دەمەوێ‌ ئەوە لە رێگای ئێوەوە بزانم كە ئایا هاوشانی دۆسییەكانی تری جینۆساید و ئەنفال و كیمیابارانكردنی كوردستان، قەڵادزێ وەك پێویست لە ئەجێندای كاری ئێوە لەسەر ئاستی ناوخۆو كۆڕو كۆمەڵی نێودەوڵەتی ئامادەبوونی هەیەو كاری لەسەر دەكەن؟ 
- وەزارەت هەموو یادەكانی پۆڵێن كردوە بۆ دوو بەش:
بەشی سەرەكی بریتیە لە یادەكانی هەڵەبجە، ئەنفال، بارزانیەكان، قەڵادزێ‌، شەنگال هەموو یادەكانی تر لە شوێنە جیاجیاكاندا دەكرێتەوە، دەسەڵات دراوە بە بەرێوەبەرایەتی گشتیەكان و بەرێوەبەرایەتیەكانی شەهیدان بەهاوكاری یەكەی ئیدارەی ناوچەكان كە یادەكان بكەنەوە.
+بۆمبارانكردنی قەڵادزێ‌ و بەدیاریكراوی كە ئەوكاتە زانكۆی لێبوەو بەخەستی بەركەوتوەو لەبەر هەمان هۆكار، بە رۆژی شەهیدی زانكۆ دیاریكراوە، ئایا ئێوە وەك وەزارەت چی هەما هەنگیەكتان هەیە لەگەڵ زانكۆكانی كوردستان، بۆ ئەوەی ئەم رۆژە تەنها هی قەڵادزێ‌ نەبێت و ببێتە رۆژێكی سەرتاسەری لە سەرئاستی كوردستان و تەواوی زانكۆكان؟ 
- ئەمساڵ بۆ ڕێكخستن و یادكردنەوەی كیمیابارانی هەڵەبجە، ئەنفال و قەڵادزێ‌ لەگەڵ وەزارەتی خوێندنی باڵاو توێژینەوەی زانستی دا‌ بەپێ بەرنامەیەك جگە لەوەی وەزارەتمان یادەكان بەرز ڕادەگرێ – زانكۆكان لێكۆلێنەوە و پانێڵ و كۆنفرانس پێشكەش دەكەن
یادی تاوانی بەعس دەرهەق بە شاری قەڵادزێ‌ و زانكۆی سلێمانی لە قەڵادزێ‌ وەك یادی سەرەكی دەگرێتەوە.

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥