بەژداری پێ کردنی هەواڵ لە

FacebookTwitterGoogle BookmarksRSS Feed
بانكی‌ ناوه‌ندی‌ هه‌رێم ئاماده‌یی‌ خۆی‌ بۆ دابه‌شكردنی‌ موچه‌ی‌ وه‌زاره‌تی‌ ناوخۆو پێشمه‌رگه‌ پیشانده‌دات، به‌ڕێوه‌به‌ری‌ بانكه‌كه‌ش ڕایده‌گه‌یه‌نێت، "ئه‌گه‌ر ئێستا كه‌ كاتی‌ ناردنی‌ پاره‌ی‌ به‌غدا نییه‌ بڕه‌ پاره‌یه‌ك بخرێته‌سه‌ر حساب بانكی‌ هه‌رێم هیچ كێشه‌یه‌ك بۆ دواكه‌وتنی‌  موچه‌ی‌ مانگه‌كانی‌ دیكه‌ دروستنابێت".

 

 

حاجی عابد به‌ڕێوه‌به‌ری گشتیی بانكی ناوه‌ندیی هه‌رێم له‌هه‌ولێر به‌تۆڕی‌ هەواڵى سلێمانى ڕاگه‌یاندوە، "ئێمه‌ ئاماده‌كاری‌ ته‌واومان كردوه‌ بۆ گه‌یشتنی‌ پاره‌ی‌ به‌غداو دابه‌شكردنی‌ موچه‌ی‌ ئه‌و وه‌زاره‌تانه‌ی‌ له‌چوارچێوه‌ی‌ خشته‌كه‌ی‌ وه‌زاره‌تی‌ داراییدا ڕانه‌گه‌یه‌نراون كه‌ پێش جه‌ژن موچه‌یان پێبدرێت".

وتیشی‌:"له‌ڕوی‌ ژمێره‌وه‌ هیچ كێشه‌یه‌ك دروستنابێت ئه‌گه‌ر حكومه‌تی‌ به‌غدا له‌ئێستادا كه‌ كاتی‌ ناردنی‌ پاره‌ نییه‌و بڕه‌ پاره‌یه‌كی‌ دیكه‌ بۆ موچه‌ی‌ ئه‌و وه‌زاره‌تانه‌ بخاته‌سه‌ر حساب بانكی‌ هه‌رێم".

به‌ڕێوه‌به‌ری گشتیی بانكی ناوه‌ندیی هه‌رێم له‌هه‌ولێر جه‌ختیشیكرده‌وه‌، ""ئێمه‌ش له‌چاوه‌ڕوانی‌ ئه‌وه‌داین له‌لایه‌ن به‌غداوه‌ به‌فه‌رمی‌ ئاگاداربكرێینه‌وه‌ بۆ ناردنی‌ پاره‌كه‌، چونكه‌ تائێستا هیچ شتێكمان له‌به‌غداوه‌ پێنه‌وتراوه‌ كه‌ هیچ بڕه‌ پاره‌یه‌كی‌ دیكه‌ بۆ موچه‌ی‌ وه‌زاره‌ته‌كانی‌ ناوخۆ، پێشمه‌رگه‌و خانه‌نشینی‌ بخاته‌سه‌ر حساب بانكی‌ هه‌رێم یاخود نا".

به‌گوێره‌ی‌ زانیاریه‌كان ، له‌ئێستادا ژمێریاری‌ خانه‌نشینی‌ هه‌رێم و  وه‌زاره‌ته‌كانی‌ ناوخۆو پێشمه‌رگه‌ش ئاگاداركراونه‌ته‌وه‌ بۆئه‌وه‌ی‌ لیستی‌ موچه‌كانیان ئاماده‌بكه‌ن، تاوه‌كو هه‌ركاتێك به‌غدا ڕه‌زامه‌ندی‌ نیشاندا بۆ ناردنی‌ بڕه‌ پاره‌یه‌كی‌ دیكه‌، ئه‌وان ئاماده‌بن تاوه‌كو ده‌ست به‌دابه‌شكردنی‌ موچه‌كانیان بكرێت.

نێچیرڤان بارزانی سەرۆکی حکومەتی هەرێم لە مەراسیمی سەرکەوتنی تاقیکردنەوەی سیستمی ئەلیکترۆنی لە وەزارەتی ناوخۆ ڕایگەیاند، حکومەتی هەرێم ئامانجی ئەوەیە وەکو وڵاتانی پێشکەوتوو تا دەکرێت هاووڵاتییان بە ئۆنلاین لە ماڵەوە مامەڵەکانیان ئەنجامبدەن.

لەو مەراسیمەدا کە پێشنیوەڕۆی ئەمڕۆ لە شاری هەولێر وەزیری ناوخۆ و ژمارەیەک وەزیر و بەرپرسی حکومی و دیبلۆماتکاری بیانی ئامادەیبوون، وتی "حکومەت لە چاکسازی کارگێڕی جدییە و ناکرێت هاووڵاتییانی ئێمە بەدەست ئەم سیستمە بێمانایەوە بناڵێنێنن".

هەروەها نێچیرڤان بارزانی ڕووی دەمی کردە جەعفەر ئیمینکی جێگری سەرۆکی پەرلەمانی کوردستان و وتی، "کاک جەعفەر، هەندێک جار یاسا و ڕێنماییەکان هاوکاری ڕۆتینن".

هەر بە وتەی سەرۆکی حکومەت، سیستمی بە ئەلیکترۆنیکردنی حکومەت دوای سەرکەوتنی لە دهۆک، لە دیوانی وەزارەتی ناوخۆ سەرکەوتنی بەدەستهێناوە، لە داهاتوویەکی نزیکیشدا لە هەردوو بەڕێوەبەرایەتی هاتوچۆی هەولێر و سلێمانی جێبەجێدەکرێت.

وتیشی  "ڕۆژێک دێت پارەمان هەبێت و بینا و ڕێگای فراوان دروستبکەین، بەڵام بەبێ بوونی ژێرخانێکی ئەلیکترۆنی لە بواری کارگێری بینا و باڵەخانەی گەورە هیچ نین".

كۆمسیۆنی‌ باڵای‌ هەڵبژاردن و ڕاپرسی‌ هەرێمی‌ كوردستان بڕی‌ پارەی‌ بارمتە بۆ تۆماری‌ قەوارە سیاسییەكان رادەگەیەنێت، بەوپێیەیش "بۆ كورسی‌ گشتیی 30 ملیۆن دینارەو بۆ پێكهاتەكان 15 ملیۆن و ئەرمەنەكانیش 10 ملیۆن دیاریكراوە"، جەختیشدەكاتەوە، ئەوانەی‌ كورسی‌ بەدەستناهێنن بڕی‌ 25%ی‌ پارەكەیان بۆ دەگێڕدرێتەوە.

بەگوێرەی‌ ڕاگەیەنراوێكی‌ كۆمسیۆنی‌ باڵای‌ هەڵبژاردن و ڕاپرسی‌ هەرێم، ئەنجومەنی‌ كۆمسیاران لەكۆبونەوەی‌ چواری‌ ئەم مانگەیدا بڕی‌ پارەی‌ بارمتەی‌ بۆ هەڵبژاردنی‌ پەرلەمانی‌ كوردستان دیاریكردو بڕیاری‌ لەسەریدا.

 ئەمەی خوارەوە تەواوی بڕی پارەی بارمەتەكەیە...

 

 

فەرماندەكانی ئەمریكا لەگەڵ كشانەوەی هێزەكانیان لەمەنبەج نین، ئەوەش بەقسەی پۆڵ ئی فەنك، فەرماندەی هێزەكانی ئەمریكا بۆ شەڕی داعش.

پۆڵ ئی فەنك، رایگەیاند، مانەوەی هێزەكانی ئەمریكا لەمەنبەج گرنگە، چونكە ئەو هێزانە رۆژانە ئۆپەراسیۆنی سەربازی دژی داعش ئەنجامدەدەن.

ئەو فەرماندەیەی ئەمریكا راشیگەیاند، ئەو خواستەیان بە بەرپرسانی سەرەوەی خۆیان گەیاندووەو كار بۆ مانەوەی هێزەكانیان لەو ناوچانە دەكەن.

ئەمە لەكاتێكدایە، چەند رۆژێكە دەنگۆی ئەوە هەیە، ئەمریكاو توركیا لەسەر نەخشەرێگایەك رێككەوتوون، بۆ ئەوەی شەرڤانانی یەپەگە لەناوچەكانی مەنبەج بكشێنەوە.

ئه‌مڕۆ 5-6-2018 قوباد تاڵه‌بانی جێگری سه‌رۆك وه‌زیران، به‌ ئاماده‌بوونی وه‌زیری ناوخۆو وه‌زیری په‌روه‌رده‌، له‌ هه‌ولێر پێشوازیكرد له‌ لۆرۆن ڤۆقیز سه‌رۆكی ئه‌نجومه‌نی هه‌رێمی ئۆڤێرن رۆن ئاڵپسی فره‌نسا و وه‌فدی یاوه‌ری.

له‌ كۆبونه‌وه‌كه‌دا، باس له‌ ڕه‌وشی هه‌رێمی كوردستان و عیراق و گوزه‌رانی نه‌ته‌وه‌و پێكهاته‌ جیاجیاكان و پێكه‌وه‌ ژیان و په‌یوه‌ندییه‌كانی نێوان هه‌رێم و فه‌ره‌نسا كرا.

سه‌رۆكی ئه‌نجومه‌نی هه‌رێمی ئۆڤێرن رۆن ئاڵپسی فره‌نسا، له‌ بارودۆخی نه‌ته‌وه‌و پێكهاته‌ جیاجیاكانی عێراق به‌گشتی و كوردستان به‌تایبه‌تی پرسی و چۆنیه‌تی گوزه‌رانی نه‌ته‌وه‌ جیاجیاكان له‌ هه‌رێمی كوردستان و به‌تایبه‌ت ئاواره‌كان. له‌ وه‌ڵامدا جێگری سه‌رۆك وه‌زیران ئاماژه‌ی به‌وه‌دا كه‌ هه‌میشه‌ كوردستان شوێنێكی ئارام بووه‌ بۆ هه‌موو نه‌ته‌وه‌و پێكهاته‌ جیاجیاكانی عێراق به‌تایبه‌ت بۆ ئه‌وانه‌ی له‌ ترسی تیرۆرستان روویان كردۆته‌ هه‌رێمی كوردستان، بۆ ئه‌و مه‌به‌سته‌ش پێویستمان به‌ هاوكاری هه‌موو لایه‌كه‌.

ئاماژه‌ی به‌وه‌شكرد، نه‌ته‌وه‌ و پێكهاته‌ جیاجیاكانی عێراق به‌ كوردستانیشه‌وه‌، هه‌موویان هاووڵاتی ره‌سه‌نن بێ جیاوازی و خاوه‌ن مافن له‌م وڵاته‌، بۆیه‌ ده‌بێت هه‌موو مافه‌كانیان به‌ ده‌ستوورو یاسا پارێزراو بێت، ده‌بێت هه‌مووان پێكه‌وه‌ یه‌ك بن به‌ پێكهاته‌كانی نه‌ته‌وه‌یی و ئایینی و سیاسی، بۆ ئه‌وه‌ی وڵاتێكی ئارام و دادپه‌روه‌رو پێشكه‌وتوو بنیاتبنێین.

هه‌روه‌ها سه‌باره‌ت به‌ پرسی پێكه‌وه‌ژیان له‌ كوردستان، دووپاتیكرده‌وه‌ ئێمه‌ له‌ كوردستان ده‌بێت هه‌میشه‌ پێشه‌نگ بین له‌ پێكه‌وه‌ژیان و یه‌كتر قبووڵكردن و به‌و یه‌كبوون و یه‌كتر قبوڵكردنه‌ كوردستان به‌هێز ده‌كه‌ین و نمونه‌یه‌كی جوان بۆ عێراق و ناوچه‌كه‌ش دروستده‌كه‌ین، بۆیه‌ لامان مه‌به‌سته‌ كه‌شێكی ئارام هه‌بێت بۆ ئه‌وه‌ی پێكه‌وه‌ژیان به‌هێزتر بكه‌ین له‌ هه‌رێمه‌كه‌مان.

له‌ به‌رامبه‌ردا، لۆرۆن ڤۆقیز سه‌رۆكی ئه‌نجومه‌نی هه‌رێمی ئۆڤێرن رۆن ئاڵپسی فره‌نسا ئاماژه‌ی به‌وه‌دا كه‌ ئاسایش و ئارامی ئه‌م ناوچه‌یه‌ بۆ فه‌ره‌نساو جیهانیش به‌گشتی زۆر گرنگه‌، بۆیه‌ هه‌مووكات ئاماده‌ین هاوكاربین له‌گه‌ڵ هه‌رێمی كوردستان و په‌یوه‌ندی توندوتۆڵمان هه‌بێت بۆ ئه‌وه‌ی پێكه‌وه‌ژیانی ئاشتیانه‌ زیاتر بنیاتبنرێت.

هه‌روه‌ها ئاماژه‌ی به‌ رۆڵی گرنگی هه‌رێمی كوردستان كرد له‌ شه‌ڕی دژ به‌ تیرۆرستانی داعش كه‌ هه‌رگیز ئه‌و رۆڵه‌ گرنگه‌ی كوردستان له‌یاد ناكرێت چ له‌ شه‌ڕی داعش و چ له‌ خۆگرتنی ئاواره‌كان.

یەكینەكانی پاراستنی گەل یەپەگە كشانەوەی ژمارەیەك راوێژكاری سەربازی لەشاری مەنبەج راگەیاند.

فەرماندەیی یەپەگە ئەمڕۆ سێ‌ شەممە رایگەیاند، ئەو ژمارە راوێژكارەیان كشاندووەتەوە، ئەوەش بەپێی رێككەوتن لەگەڵ ئەنجوومەنی سەربازی مەنبەج.

فەرماندەییەكە راشیگەیاندووە، دوو ساڵ پێش ئێستاو بەئاگاداری ئەمریكا ئەو راوێژكارانەیان رەوانەی ناوچەكانی مەنبەج كردووە، ئەوەش بۆ هاوكاری ئەنجوومەنی سەربازی شارەكە.

هەروەها رایگەیاندووە، ئێستا كۆتایی بەئەركی سەربازی راوێژكارەكان هاتووە، بۆیە دەكشێنەوەو ناوچەكان رادەستی ئەنجوومەنی سەربازی مەنبەج دەكەن.

ئەمە لەكاتێكدایە، دوو رۆژە بانگەشەی ئەوە دەكرێت، كە ئەمریكاو توركیا لەسەر نەخشەرێگایەك رێككەوتوون بۆ كشانەوەی هێزەكانی یەپەگە لەمەنبەج.

لە دوای چەندین دەیە لە قەدەغەکردنی پێدانی مۆڵەتی شۆفیری، دواجار ژنانی سعودیە دەبنە خاوەنی ئەو مۆڵەتە.
 
وڵاتی سعودیە رایگەیاندووە کە لە قۆناغی سەرەتا لە پێدانی مۆڵەتی شۆفێری بە ژنان، مۆڵەتیان بە ١٠ ژن داوە و لە چەند ھەفتەی داھاتووشدا ئەو ژمارەیە دەگاتە ھەزار مۆڵەت. 
 
ئاژانسی سعودیە پرێس بڵاوی کردۆتەوە ئەو ژنانە دەبێت پێشتر تاقیکردنەوەیەکی پراکتیکیان بە سەرکەوتوویی ئەنجام دابێت، بۆ ئەوەی ببنە خاوەنی ئەو مۆڵەتە.
 

 

سوپای تورکیا ١٣ بنکەی سەربازی لە ناوخاکی ھەرێمی کوردستان دروستکردوەو بەردەوامیشە لە زیادکردنی ھێزەکانی‌و فراوانکردنی چالاکییە سەربازییەکانی. بەنیازیشە لەشکرکێشی نوێ لە ناو خاکی ھەرێم ئەنجام بدات.

رۆژنامەی حوریەتی تورکی لەزاری (بیناڵی یەڵدرم) سەرۆک وەزیرانی وڵاتەکەی بڵاویکردۆتەوە:  ھێزە سەربازییەکانیان لە ھەرێمی کوردستان چەند ھێندە زیادکردوەو ١١ بنکەی ھەرێمیان بۆ لێدانی پەکەکەو رێگریکردن لە دزەکردنی گەریلاکانی پەکەکە بۆ ناو خاکی تورکیا دروستکردووە. 

راشیگەیاندوە؛ تورکیا بۆ پاراستنی سنورەکانی لەگەڵ عێراق و سوریا لەو مەترسییانەی کە پەکەکەو یەپەگە ماوەیەکی زۆر دروستیان کردووە لە رێوشوێنە سەربازییەکانی بەردەوامە و تا ئێستا توانراوە بە درێژایی ٢٥٠ کیلۆمەتر کۆنترۆڵبکرێت و ھەزار کیلۆمەتری تریش پێویستی بە پاراستنە، ئەوەش وەک ئاماژەیەک بۆ ئەگەری ئەنجامدانی لەشکرکێشی نوێ  لەناو خاکی عێراق.

سەرۆک وەزیرانی تورکیا جەختیشی کردۆتەوە، ھەوڵەکانی وڵاتەکەی بۆ پاراستنی سنورەکان لەرێگەی دروستکردنی دیوارو ناوەندی چاودێری ئەلکترۆنی بەردەوام دەبێت تا ئەو کاتەی تەواوی سنورەکان کۆنترۆڵ دەکرێن.

نێچیرڤان بارزانی سەرۆكی حكومەتی هەرێمی كوردستان بڕیار لەبارەی هەڵبژاردنی ئەنجوومەنی پارێزگاكانی هەرێم دەدات، بۆ ئەوەی لەگەڵ هەڵبژاردنی پەرلەمانی كوردستان بەرێوەبچێت.

بەپێی سەرچاوەیەكی ئاگادار، نێچیرڤان بارزانی بۆ بڕیارەكەی بەم نزیكانە لەگەڵ كۆمسیۆنی باڵای راپرسی‌و هەڵبژاردنی هەرێم كۆدەبێتەوەو بۆچوونیان لەو بارەوە وەردەگرێت.

هەر بەپێی سەرچاوەكە، لەو كۆبوونەوەیە بۆچوونی كۆمسیۆن لەبارەی ئەوەوە وەردەگرێت، كە ئایا دەتوانن لەیەك رۆژدا هەڵبژاردنی پەرلەمانی كوردستان‌و ئەنجوومەنی پارێزگاكان بەرێوەبەرن.

نێچیرڤان بارزانی ماوەی رابردوو بڕیاریدا لە 30ی نۆی ئەمساڵ هەڵبژاردنی پەرلەمانی كوردستان بەرێوەبچێت، كە كۆمسیۆن ئێستا ئامادەكاری بۆ ئەو هەڵبژاردنە دەكات.

سەبارەت بەموچەو دەرماڵەکانیان دڵنیایی بەھێزەکانی ناوخۆ دەدرێت و پەرلەمانتارێکی یەکێتیش ڕایدەگەیەنێت، "قبوڵناکەین موچەی ھێزە ئەمنیەکان کەمبکرێتەوە"، بڕیاردەری لیژنەی یاساییش جەختدەکاتەوە، "ئەگەربێت و حکومەتیش دەرماڵەکان ببڕێ ئەوا لەپەرلەمان ڕێگە بەتێپەڕاندنی نادەین".
 

 

دوێنێ ٤ی ٦ی ٢٠١٨ ھەردوو لیژنەی یاسایی و دارایی لەپەرلەمانی کوردستان کۆبونەوەو ڕاپۆرتێکی ھاوبەشیان لەسەر ھەموارکردنەوەی چەند مادەیەکی پڕۆژەیاسای چاکسازی لەموچەو دەرماڵەو خانەنشینی ئامادەکردو پرسی دەرماڵەی فەرمانبەرانیشیان ڕەوانەی حکومەت کردەوەو بڕیاریاندا حکومەت ئەو پرسە یەکلابکاتەوە نەک پەرلەمان.

تەلار لەتیف بڕیاردەری لیژنەی یاسایی و ئەندامی فراکسیۆنی یەکێتیی لەپەرلەمانی کوردستان بەی ڕاگەیاند، "دوێنێ پەرلەمان بڕیاریدا پرسی دەرماڵەکان حکومەت یەکلای بکاتەوەو پەرلەمان ئەوکارە نەکات".

وتیشی:"ئەگەربێت و دەرماڵەکان ببڕدرێن ئەوا موچەی ھێزە ئەمنیەکان کەمدەکرێتەوە، چونکە وەزارەتی ناوخۆ یەکێکە لەو وەزارەتانەی بۆ موچە پشت بەدەرماڵەکان دەبەستێت".

بڕیاردەری لیژنەی یاسایی جەختیکردەوە، بەدوو ئاراستە کاردەکەن، یەکێکیان ئەوەیە دەبێت دەرماڵەکان زامنی پاراستنی موچەی ھاوڵاتیان بکات بەتایبەت ئەو وەزارەتانەی موچە بنەڕەتیەکانیان کەمە، ئاراستەکەی دیکەش ئەوەیە کار لەسەر ئەوەدەکەین لەیاسای چاکسازیدا زامنی خانەنشینی فەرمانبەران و ناوخۆ بکەین کە لەکۆی موچەو دەرماڵەکانیان بێت.

ئەو پەرلەمانتارە بەپێویستی دەزانێت، "حکومەت کار لەسەر ئەوەبکات، خانەنشینی ھێزەکانی ناوخۆ لەسەر لەکۆی موچەو دەرماڵەکانیان پەیڕەوبکات، لەبەرئەوەی ئێستا خانەنشینیەکەیان زۆرکەمەو تەنھا لەموچە بنەڕەتیەکەیانە، بەدڵنیاییشەوە قبوڵی ناکەین زیان بەھێزە ئەمنیەکان بگات".

لەلایەکی دیکەشەوە خەڵەف ئەحمەد بڕیاردەری فراکسیۆنی یەکێتیی لەپەرلەمانی کوردستان بەتۆڕی هەواڵى سلێمانى راگەیاندوە :"ئەگەرچی پرسی دەرماڵەکان ڕەوانەی حکومەت کراوەتەوە، بەڵام جەختدەکەینەوە وەکو یەکێتیی، بەھیچ شێوەیەک لەگەڵ کەمکردنەوەی موچەو دەرماڵەی ھیچ فەرمانبەرێک نین بەھێزە ئەمنیەکان و پێشمەرگەو فەرمانبەرانی مەدەنیشەوەو قبوڵی ناکەین".

 

 

الصفحة 8 من 1271

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥