موسەننا ئەمین، سەرۆكی فراكسیۆنی یەكگرتوو لە پەرلەمانی عێراق رایگەیاند، "پەرلەمانی عێراق بەلاڕێدا براوەو بڕیار دوای بڕیار دژی كورد دەریدەكات".

موسەننا ئەمین ب ئاماژەی بەوەكردەوە، تا ئێستا ئامادەكاری نییە بۆ بەشداریكردنی كورد لە دانیشتنی پەرلەمانی عێراق، "نابێت خۆمان بچووك بكەینەوەو بەهەڵەداوان بڕۆین بۆ بەغداد".

راشیگەیاند، "پەرلەمانی عێراق بەلاڕێدا براوەو بڕیار دوای بڕیار دژی كورد دەریدەكات، ڕێڕەوی سیستمی سیاسی عێراقیان گۆڕیوە لە سازانەوە بۆ مەسەلەی زۆرینەو كەمینە، ئەگەر ئەوان بەو شێوەیە پەرلەمان بەڕێوەببەن پێویست ناكات ئێمە بچین، چونكە دەبێت هەمووو ڕۆژێك بایكۆت بكەین".

لە دوو هەفتەری رابردوودا پەرلەمانی عێراق چەندین بڕیاری دژی هەرێمی كوردستان دەركردووە، دواین بڕیاریشی ئامادەكردنی‌ لیستی‌ ئەو پەرلەمانتارانە بوو كە بەشداری‌ ریفراندۆمیان كردووە، بۆ ئەوەی‌ دۆسییەكانیان رەوانەی‌ دادگای‌ فیدڕاڵی‌ بكرێن و بڕیار بدرێت لەسەر هەڵپەساردنی‌ ئەندامێتیان.

موسەننا ئەمین وتیشی، "دەبێت پەرلەمان بچێتەوە سەر ڕێڕەوی ئاسایی خۆیی و بە سازان و ڕێككەوتن بڕیار بدرێت، ڕێز لە پێكهاتەی كورد بگیردرێت، ئەوانەش مەرجی ئێمە نین بەڵكو دەستوری عێراقە".

رونیشیكردەوە، "دەیانەوێت پەرلەمان وەكو دار دەستێكی عەرەبی زۆرینە بەكاریبهێنن دژی كورد، بۆیە دەبێت قبوڵی نەكەین، پێویستە كۆببینەوەو گفتوگۆبكەین و ڕێككەوتن لەگەڵ سەرۆكایەتی پەرلەمان و فراكسیۆنەكاندا بكەین".

پەرلەمانتاران سەمیرە موسەوی لە ئەنجومەنی نوێنەرانی عێراق توانیویەتی ٩٣ واژۆ کۆبکاتەوە بۆ ئەوەی لە رێگای پەرلەمانەوە داوا لە حکومەتی ناوەند بکات لیستی ناوی سەرجەم ئەو بەرپرسانە ئاشكرا بکەن کە لە بە تاڵانبردنی نەوتی هەرێمی کوردستانەوە تێوەگلاون.

موسەوی هەروەها داوایکردووە '' حکومەتی عێراق گفتوگۆ لەگەڵ هەریەکە لە ئەمریکا و تورکیا و ولاتانی ئەوروپا ئەنجامبدات بەمەبەستی بلۆککردنی پارەی بەرپرسانی حکومەتی هەرێمی کوردستان و بیگوازێتەوە بۆ خەزێنەی دەوڵەتی عێراق''.

راشیگەیاندووە '' لەو رێگایەوە حکومەتی ناوەند کاری خۆی لە بەرژەوەندی هاوڵاتیانی هەرێم دەکات لەوانەش پێدانی موچەی فەرمانبەران لە وادەی خۆیدا''.

لە نێو پەرلەمانتارە کوردەکانیش کە واژۆیان کردووە ناوی هەریەک سروە عەبدول واحید سەرۆکی فراکسیۆنی گۆڕان و کاوە محەمەد ئەندامی فراکسیۆنی گۆڕانی تێدایە.

ڕۆژی یەکشەمە ٨ی تشرینی یەکەمی ٢٠١٧ لەچەندین هەرێمی ئەڵمانیا بەهەماهەنگی و بەشداری نزیکەی ١٨ شاری ناوچە جیاجیاکان پرسەی پڕشکۆی مام جەلال بەڕێوەچوو.

لەچوارچێوەی ئەو مەراسیمە شایستەیەدا لەناوەندی پێکەوە ژیانی کوردوئەڵمان لەشاری نۆرنبێرگ بەبەشداری حزب ولایەنە کوردستانیەکانی هەرچوارپارچەی کوردستان ژنان وپیاوانی ڕەوەندی کوردی وبەخەمێکی زۆرەوە بەهەست وسۆزێکی جۆشخواردوەوە بارگاوی بەگەورەیی مام بەشداریانکردو هاوشان لەگەڵ ڕێکخستنەکانی یەکێتی نیشتمانی کوردستاندا  نوێنەری حزب و لایەنە سیاسیەکان لەپێشوازی میوانانی پرسەی پڕشکۆی مام دا بوون .

هەمانکات هاوڕێ لەگەڵ ڕێکخستنەکانی کییل ی باکوری ئەڵمانیادا نوێنەری حزب و لایەنە کوردستانیەکان بەهاوخەمیەوە لەخزمەتی میوانانی مامی مەزندا بوون و ئەو ڕاستیەیان بەرجەستەکرد کەمام ڕاستە بۆتە کلتورێکی سیاسی و قوتابخانەی بیری کوردایەتی وخەباتی نیشتمانی هەربەتەنیا سکرتێری گشتی یەکێتی وسەرۆکی پێشوی عێراق نەبوە بگرە هزروبیرو خەباتی پڕشکۆی ئەم مەزنە خەسڵەتی نیشتمانی و نەتەوەیی و شوناسی میلەتێکی بەشخوراو لەپێناوی ئازادی و دیموکراسیدا.

11 (2).jpg

لەپرسەی مام دا لەهەردو شاری کییل و نۆرنبێرگ بەشداربوان بە گوڵ خۆشەویستیەوە پرسەکەیان بەرز ڕاگرت و لەپرسەی کییل دا وێڕای خوێندنەوەی وتاری "ی.ن.ک" حزب و لایەنە کوردستانیەکان وتاریان خوێندەوەو دواتر چونە سەرشانۆو سوێندیان خوارد بنەماکان و پرەنسیپی چەپکەگوڵەکەی مام بکەنە نەخشە ڕێگای تەبایی و یەکڕیزی و پاراستنی ڕیزەکانی کوردایەتی.

11 (3).jpg

لەم بارەیەوە سدیق کرژەیی کارگیڕی کۆمیتەی ڕێکخستنی ئەڵمانیا سەبارەت بەپرسەکە وتی ئەوەی لەڕەوەندی کوردی و حزب و لایەنەکانمان بینی بەچەپکە گوڵ و پەیڤی جوان و هاوبەشی و ماندوبون مەگەر هەر لەهەڤالە دڵسۆزەکانی خۆمان بینرابێ ئەمەش ئەوە دەگەیەنێت کە مام مامی هەموان بووە بۆیە دەبێ هزروبیری مام بکەینە نەخشەرێگای خەباتی یەکڕیزی.

11 (6).jpg

سەبارەت بەبەڕێوەچونی پرسەکە لەنۆرنبێرگی ئەڵمانیاش کامەران ڕەووف بەرپرسی ڕێکخستنەکانی یەکێتی لەنۆرنبێرگی ئەڵمانیا وتی مام نەک هەر بۆ یەکێتی بەڵکو بووە سونبول و هێمای سەروەری نەتەوەیەک بەگشتی کەبینیمان چۆن ٤٠ ملیۆن کورد بەپەرۆشەوە پێشوازی لەمام دەکەن ئەو ڕاستیە دەرکەوت کەخەباتی مام جەلال خەباتێکی نیشتمانی و نەتەوەیی گەورە بوووە لەمێژووی دورونزیکی میللەتەکەماندا کامەران ڕەووف وتیشی بەشداری گەرمی ژنان و پیاوان لەنۆرنبێرگ ئەو ڕاستیەی سەلماند کەمام جێی شانازی نەتەوەکەمانەو شایستەی ئەو ڕێزلێنانەیە.

11 (8).jpg

لەنۆرنبێرگ نەوزاد قەفتان لەکۆتایی پرسەکەدا وتەیەکی مامی سەبارەت بەئازادی تاک ونوسین وەبیر بەشداربوانی پرسەکە هێنایەوە کەلەکاتی مەراسیمی کردنەوەی دەزگای سەردەم دەیکات بەو بیرهێنانەوەیە گەورەیی هزرو تێڕوانینە شارستانی و مەدەنیەکانی مامجەلالی بەرجەستەکردو بەناوی ڕەوەندی کوردیەوە سوپاسی بەشداربونی هەمولایەکی کرد.

 

ئەمڕۆ سێشەممە پرسەی جەلال تاڵەبانی سكرتێری گشتی كۆچكردوی یەكێتیی نیشتمانیی كوردستان و سەرۆك كۆماری پێشووی عیراق لە تەلاری پەرلەمانی كوردستان بە بەشداری دەستەی سەرۆكایەتی و فراكسیۆنەكانی ناو پەرلەمان بەڕێوەدەچێت و دواتر ئاڵای كوردستان كە بۆ نیوە هێنرابوە خوارەوە، بەرز دەكرێتەوە.
، ئەمڕۆ وەك كۆتا رۆژی پرسەی مام جەلال و كۆتا هاتنی ئەو وادە فەرمیەی لەلایەن سەرۆكایەتی هەرێمەوە بۆ پرسەكەی دانرابو، لە تەلاری پەرلەمانی كوردستان پرسە بەڕێوەدەچێت و دواتر ئاڵای كوردستان كە لەسەر باڵەخانەكانی پەرلەمانی كوردستان و ئەنجومەنی وەزیران و دامودەزگاكانی تری هەرێم بۆ نیوە هێنرابونە خوارەوە، بەرزدەكرێنەوە.  

 

قوباد تاڵەبانی، کوڕی مام جەلال، پەیامێکی ڤیدیۆیی بڵاودەکاتەوەو تێیدا سوپاسی ئەو کەس و لایەنانە دەکات کە لەپرسەی باوکیدا بەشداییان کردووە.

ئوسامە نوجێفی جێگری سەرۆک کۆماری عێراق ڕایگەیاند، بڕیاری ئەنجامدانی ڕیفراندۆم تاک لایەنانە بووە و لە گفتوگۆکانیاندا لەگەڵ سەرکردایەتی کورد بارزانی ڕازیبووە ئەنجامی ڕاپرسی هەرێم هەڵپەسێرێت.

کەناڵی ئەلعەرەبییە بڵاویکردەوە ئوسامە نوجێفی ڕایگەیاندووە "لەسەر لابردنی گەمارۆکان و ئەو فشارەی لەسەر هەرێم دەکرێت بارزانی بەڵێنی داوە ئەنجامی ڕاپرسی هەرێم هەڵپەسێرێت".

لە دوای پرسەی مام جەلال، سکرتێری گشتی یەکێتی هەوڵەکان بۆ گفتوگۆی نێوان هەرێم و بەغدا دەستیپێکردووە و لەو چوارچێوەیەدا ئوسامە نوجێفی و سەلیم جبوری سەرۆکی پەرلەمانی عێراق چاویان بە بارزانی کەوتووە.

لەلایەکی دیکەوە هێمن هەورامی، ڕاوێژکاری مەسعود بارزانی لە تویتەری خۆی بڵاویکردووەتەوە "بارزانی بە سەلیم جبوری وتووە هەرێم ئامادەی گفتوگۆی بێ پێش مەرجە لەگەڵ بەغدا".

ئەوە لە کاتێکدایە هەر ئەمڕۆ سەبارەت بە ئەگەرى دروستبوونی کۆنفیدڕاڵی لە نێوان هەرێم و بەغدا، فازڵ میرانی سکرتێری مەکتەبی سیاسیی پارتی دیموکراتی کوردستان بە ئێن ئاڕ تی ڕاگەیاند، "حکومەتى عێراق پێشنیازی کۆنفیدراڵی کردووە و بەڕای منیش ئەگەر عێراق ببێتە دوو کۆنفیدراڵی چارەسەرێکى باشە لە ئێستادا".

سەرۆكی فراكسیۆنی كۆمەڵی ئیسلامی لە پەرلەمانی كوردستان رایدەگەیەنێت، رێككەوتنێكی سیاسی بۆ دواخستنی هەڵبژاردنەكانی پەرلەمان و سەرۆكایەتی هەرێم كراوە، ئەوانیش دژی دواخستنی هەڵبژاردنەكانن.
 
مەروان گەڵاڵی، سەرۆكی فراكسیۆنی كۆمەڵی ئیسلامی لە پەرلەمانی كوردستان  رایگەیاندووە "ئەوەندەی زانیاریمان هەبێت رێككەوتنێكی سیاسی كراوە بۆ دواخستنی هەڵبژاردنەكان، دیارە هەڵبژاردنەكانی پەرلەمان و سەرۆكایەتی هەرێم دەبێت پێكەوە دەكرێن، بەڵام تائێستا پارتی كاندیدیان پێشكەش نەكردووە".
 
گەڵاڵی وتیشی "ئێمە دژی دواخستنی هەڵبژاردنەكانیان، چونكە خەڵك بۆ چوار  ساڵ متمانەیان پێداوین لەبەرئەوە وەكو ئەمانەتێك بۆ خەڵكیش، گرنگە لە كاتی خۆیدا هەڵبژاردنەكان بكرێن".  

ئەمڕۆ سەییاح كورەچی، ئەندامی ئەنجومەنی كۆمسیارانی كۆمسیۆنی باڵای سەربەخۆی هەڵبژاردن و راپرسی بە وێستگە نیوزی راگەیاند، ئەوان وەكو لایەنی جێبەجێكار بەشێكی زۆری ئامادەكارییەكانیان بۆ ئەنجامدانی هەڵبژاردنەكان تەواو كردووە بۆ ئەوەی لە رۆژی 1-11-2017 هەڵبژاردنەكان ئەنجام بدرێن، وەكو پێشتریش راگەیەندراوە رۆژی 15-10-2017 بانگەشەی هەڵبژاردنەكان دەست پێدەكات.
 
كورەچی روونیكردەوە، رۆژانی 9-13-10-2017یش ماوەی پێشكەشكردنی كاندیدەكانە بۆ هەڵبژاردنی پەرلەمانی كوردستان. پێشتریش كۆمسیۆن رۆژانی 3-6-10-2017ی بۆ هاوپەیمانی قەوارەكان دیاریكرد.
 
بڕیارە رۆژی 1-11-2017 هەڵبژاردنەكانی پەرلەمان و سەرۆكایەتی هەرێمی كوردستان ئەنجام بدرێن، پێشتریش كۆمسیۆنی هەڵبژاردن رایگەیاند رۆژی 15-10-2017 بانگەشەی هەڵبژاردن دەست پێدەكات تا 29-10-2017.
ئه‌مڕۆ 9-10-2017 سه‌عدی ئه‌حمه‌د پیره‌ وته‌بێژی یه‌كێتیی نیشتمانیی كوردستان له‌ پرێس كۆنفرانسێكدا له‌ هه‌ولێر وێڕای سوپاسی هاووڵاتیان و كه‌ناڵه‌كانی راگه‌یاندن له‌ به‌شداری و روماڵی پرسه‌ی جه‌لال تاڵه‌بانی، وتیشی "هه‌واڵی دواخستنی هه‌ڵبژاردن دووره‌ له‌ڕاستییه‌وه‌".
سه‌عدی ئه‌حمه‌د پیره‌ رونیكرده‌وه‌، به‌هۆی ئه‌وه‌ی هه‌موو لایه‌نه‌كان و هاووڵاتیان به‌ گشتی مام جه‌لال-یان به‌ هی خۆیان زانیوه‌، بۆیه‌ هه‌مووان به‌بێ جیاوازی چونه‌ته‌ پرسه‌كه‌ی. هه‌روه‌ها سوپاسی ده‌زگاكانی راگه‌یاندنی ناوخۆ و ده‌ره‌وه‌شی كرد له‌ گواستنه‌وه‌ی مه‌راسیمی هێنانه‌وه‌ی ته‌رمی مام جه‌لال و رێوڕه‌سمی پرسه‌كه‌ی.
له‌ به‌شێكی دیكه‌ی قسه‌كانیدا وته‌بێژی یه‌كێتی وتی "ئه‌و هه‌واڵانه‌ی بڵاوكراونه‌ته‌وه‌ له‌باره‌ی هه‌ڵبژاردن و دواخستنه‌كه‌ی سه‌رله‌به‌ری دووره‌ له‌ڕاستییه‌وه‌، چونكه‌ تائێستا هیچ لایه‌نێكی سیاسی له‌سه‌ر ئه‌و بابه‌ته‌ بڕیاری نه‌داوه‌ و واش بڕیاره‌ ئه‌گه‌ر ئه‌م هه‌فته‌یه‌ نه‌بێت، به‌دڵنیاییه‌وه‌ له‌ هه‌فته‌ی داهاتووه‌ كۆبونه‌وه‌ی فراوان ده‌كرێت و بڕیار له‌سه‌ر هه‌ڵبژاردن ده‌درێت".
له‌وه‌ڵامی پرسیاری په‌یامنێری رادیۆی نه‌واش له‌باره‌ی یه‌كڕیزی ناو یه‌كێتیی نیشتمانیی كوردستان دوای مام جه‌لال، سه‌عدی پیره‌ وتی "به‌ نه‌خۆشكه‌وتنی مام جه‌لال چه‌ند بۆچوونێك هه‌بوون له‌ناو یه‌كێتی-دا، ئێستا مام جه‌لال به‌ یه‌كجاری نه‌ماوه‌، ئێمه‌ دوو ئه‌ركمان له‌ پێشه‌ یه‌كه‌میان ئه‌وه‌یه‌ كه‌ ده‌بێ كۆنگره‌ بكرێت و سه‌رۆكایه‌تییه‌كی تازه‌ بۆ یه‌كێتی ده‌ستنیشان بكرێت، هه‌روه‌ها كاربكرێت بۆ پاراستنی باڵانسی ناو یه‌كێتی تا كۆنگره‌ ده‌كرێت، چونكه‌ ئه‌و جه‌ماوه‌ره‌ی هاتن بۆ پرسه‌ی مام جه‌لال، ته‌نها پرسه‌ نه‌بوو، به‌ڵكو په‌یامێكیشیان پێداین بۆئه‌وه‌ی خۆمان یه‌كخه‌ین و خۆڕاگربین".

پارتی دیموكراتی كوردستان بەفەرمی لەپرسی سەربەخۆیی كوردستان پاشەكشە دەكات‌و داوای ئەنجامدانی گفتوگۆ لەگەڵ بەغدا دەكات، ئەوەش بۆ تاوتوێكردنی پرسی كۆنفیدراڵی.

بەپێی ئەو زانیارییانە، لەگفتوگۆكانی چەند رۆژی رابردووی مەسعود بارزانی‌و بەرپرسانی پارتی دیموكرات لەگەڵ بەرپرسانی عێراقی، "بەفەرمی ئەوەیان راگەیاندووە، كە ئەوان ئامادەن ئەنجامەكانی ریفراندۆم سڕبكەن‌و دەست بەگفتوگۆ بكەن، ئەوەش لەگەڵ لایەنە عێراقییەكان".

هەر بەپێی زانیارییەكان، "بارزانی‌و بەرپرسانی پارتی ئەوەشیان راگەیاندووە، گفتوگۆكان بەئاراستەی چارەسەركردنی كێشەكان نێوان هەولێرو بەغدا بكەن، نەك پرسی سەربەخۆیی".

ئەمە لەكاتێكدایە، كە پرۆسەی ریفراندۆمی سەربەخۆیی هەرێم لە 25ی مانگی رابردوو بەرێوەچوو، كە پێش ئەنجامدانی پرۆسەكەو چەند رۆژێكیش دوای ئەنجامدانی پرۆسەكە، بارزانی‌و بەرپرسانی پارتی جەختیان دەكردەوە، ئەوان لەپرسی سەربەخۆیی پاشكشە ناكەن.

هاوكات لەدوا دەركەوتنیدا، فازڵ میرانی سكرتێری مەكتەبی سیاسیی پارتی دیموكراتی كوردستان رایگەیاند، ئەوان ئامادەن، بۆ ئەوەی لەگەڵ لایەنی عێراقی گفتوگۆ بكەن، بەتایبەتی، كە ئەوان باس لەوە دەكەن دەكرێت پرسی فیدراڵی لەدەستوور بۆ كۆنفیدراڵی بگۆڕن.

فازڵ میرانی هەروەها رایگەیاند "ئەگەر بەغدا بەبێ مەرج دان بەكۆنفیدراڵیدا بنێت، دەبێتە چارەسەرێكی باش بۆ كوردستان‌و عێراقیش، بەو هۆیەشەوە هەرێمی كوردستان سەربەخۆ دەبێت‌و عێراقیش بە یەكپارچەیی دەمێنێتەوە".

هەروەها ئوسامە نوجێفی جێگری سەرۆك كۆماری عێراق رایگەیاند، ئەنجامدانی ریفراندۆمی هەرێمی كوردستان "تەندروست نەبوو"، ئاشكراشیكرد، مەسعود بارزانی بەسڕكردنی ئەنجامی ریفراندۆم رازی بووە، بەو مەرجەی سزاكانی سەر هەرێمی كوردستان هەڵگیرێت.

ئوسامە نوجێفی رۆژی شەممەی رابردوو لەگەڵ مەسعود بارزانی كۆبووەوە، كە ئەمڕۆ دوو شەممە لەمیانی لێدوانێكی بۆ كەناڵی حەدەس راشیگەیاندووە، كۆبوونەوەكەیان لەگەڵ بارزانی "زۆر باش بووەو رازی بووە بەسڕكردنی ئەنجامی ریفراندۆم".

لەهەمان كاتدا، هێمن هەورامی رێوێژكاری سیاسی مەسعود بارزانی راشیگەیاند، "مەسعود بارزانی رازی بووە بەئەنجامدانی گفتوگۆی جدی لەگەڵ بەرپرسانی عێراقی، ئەوەش دوای كۆبوونەوەی لەگەڵ سەلیم جبوری سەرۆكی ئەنجوومەنی نوێنەرانی عێراق".

ریفراندۆمی هەرێم كاردانەوەی جۆراوجۆری بەدواوە هاتووەو كاردانەوەكانیشی بەردەوامی هەیە، كە شەوی رابردووش نوری مالیكی سەرۆكی لیستی دەوڵەتی یاسا رایگەیاند، بەغدا تەنیا بەهەڵوەشانەوەی ئەنجامی ریفراندۆم گفتوگۆ لەگەڵ هەولێر بۆ چارەسەری كێشەكان دەكات.

بەرپرسێکی باڵای کۆماری ئیسلامی ئێران رایدەگەیەنێت کە ریفراندۆم کوردستان لە جیهان و ئاوە ئازادەکان دادەبڕێت و دەڵێت "لەوانەیە بارزانی بە دوای زنجیرەیەک ئیمتیاز لە دەوڵەتی ناوەندی بێت".

سەردار حسێن دێهقان راوێژکاری سەرجەم هێزەکانی کۆماری ئیسلامی ئێران  لە بواری پیشەسازی بەرگری و پشتیوانی و وەزیری پێشووی بەرگری و پشتیوانی هێزە چەکدارەکان لەبارەی ریفراندۆمی هەرێمی کوردستانەوە بە ماڵپەڕی تەسنیمی راگەیاندووە، کە "باسی کوردستان و کوردستانەکان باسێکی نوێ نییە، بەڵام ریفراندۆم سەرەتا کوردەکان دەخاتە گێژاوێکی جیۆپۆلەتیکییەوە و پەیوەندی بە جیهان و ئاوە ئازادەکانەوە دەپچڕێت و لەلایەکی تریشەوە جۆرێک هەڕەشەی ناوچەیی بۆ سەرجەم وڵاتانی هاوسێی دروست دەبێت."

ناوبراو لە چاوپێکەوتنەکەیدا ئاماژەی بە ئەوە کردووە، کە "لەوانەیە بارزانی بە دوای زنجیرەیەک ئیمتیاز لە دەوڵەتی ناوەندی بێت. هیچ کوردێک لەگەڵیدا نەبووە. بەوشێوەیە نییە هەرچییەک بارزانی ویستی بیکات."

الصفحة 8 من 1124

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥