بەژداری پێ کردنی هەواڵ لە

FacebookTwitterGoogle BookmarksRSS Feed

هەر بوارێك لە نێو ژیانی سیاسی و ژیانی تایبەتی و ژیانی دیبلۆماتی و ژیانی ئابوری و كۆمەڵایەتی پێگەی تایبەت بەخۆی هەیە و زۆرجاریش ئەم بوارانە وەك ئەڵقەی زنجیر تەواوكاری یەكدین، لە بواری پەیوەندیە گشتییە نێودەوڵەتیەكانی حكومەتیش چەمكێكی گرنگی بواری پەیوەندیە گشتیە نێودەوڵەتیەكانە، هەر لەم ڕوانگەیەوە پێویست دەكات لەم چەمكە بە وردی بڕوانین ، چونكە زۆر جار بوارەكانی پەیوەندی نێودەوڵەتی و پەیوەندیە گشتیەكانی نێودەوڵەتی تێكەڵ دەكران چ جای ئەوەی چەمكی پەیوەندیە گشتیەكانی نێودەوڵەتی حكومەت.
لەزانستی پەیوەندیە گشتییەكانی نێودەوڵەتی توانراوە لایەنێكی زۆر گرنگ لە پرۆسەی سیاسی حكومیدا خۆی جێگا بكاتەوە كە ئەویش پەیوەندیەگشتییەكانی نێودەوڵەتی حكومەتەكانە، كە وەك ئاماژەم بۆكرد لێرەش تێكەڵاویەك لەنێوان هەردوو چەمكە هاوبەشەكەدا دروست دەبێت ، هەربۆیە زۆر گرنگە لەم چەمكە بە وردی بڕوانین.
پەیوەندیە گشتیەكانی نێودەوڵەتی حكومەتەكان لە كۆمەڵێك ئەرك پێكدێن كە حكومەتەكان لە وڵاتانی دەرەوە بەرجەستەی دەكەن ئەو ئەركە نێودەوڵەتیەی پەیوەندیە گشتیەكانی حكومەت لەم خاڵانەی خوارەوە تەوزیف دەكرێت كە ئەوانیش .
یەكەم : لە ڕێگەی ڕێكخراوە نێودەوڵەتیە ئابووری و كۆمەڵایەتیەكان و نەتەوە یەكگرتووەكان.
دووەم : لەڕێگەی كۆمپانیا فرە ڕەگەزەكانەوە كە هاوكارە لە بەشداری پێكردنی پەیوەندیە گشتیەكانی نێودەوڵەتی حكوماتەكانیان و دەتوانێت ڕۆڵێكی كاراو گەورە ببینێت لە پێكهێنانی سیاسەتی دەرەوەی حكومەتەكانیان.
سێیەم: ئاژانسەكانی پەیوەندیە گشتیەكانی نێودەوڵەتی كە ڕۆڵێكی سەرەكی دەبینن لە بەرجەستەكردنی ئەم چەمكە.
چوارەم: كەسایەتیە سیاسیە دیار و گرنگەكانی وڵات دەتوانن ڕۆڵێكی گرنگ ببینن لە دروستكردنی پەیوەندیە گشتیەكانی نێودەوڵەتی حكومەتەكانیان و هاوكارێكی گرنگ بن لە دروستكردنی كەناڵەكانی پەیوەندیە گشتیەكانیان لەسەر ئاستی نێودەوڵەتی و هەرێمی.
پێنچەم: ئاژانسە هەواڵیە نێودەوڵەتیەكان بە هەمان شێوە ڕۆڵی بەرچاو و كاریگەریان هەیە لە دروستكردنی ئەم جۆرە پەیوەندیەی حكومەتەكانیان.
شەشەم: ڕێكخراوە نا حكومیەكان، لە بەشێكی گرنگی ئەم پەیوەندیە گشتیە نێودەوڵەتیانەی حكومەتەكانیان و دەتوانن ڕۆڵی گەورە بگێڕن.
پەیوەندیە گشتی نێودەوڵەتیەكانی حكومەت لە ڕێگەی سەرجەم ئەوانەی لەسەرەوە باسمانكرد دەتوانێت هاوكاربێت لە دروستكردنی وێنە زەینی وڵاتەكەی كە ئامانج لێی ستراتیجییەتی پەیوەندی گشتی نێودەوڵەتیە.
ئەو لایەنانەی كە لەگەڵ خاڵەكانی سەرەوە هاوبەشن و هاوكارن لە دروستكردنی پەیوەندی گشتی نێودەوڵەتی حكومەت ئەمانەن:
یەكەم: دەزگاكانی ڕاگەیاندن لە دەرەوەی وڵات.
دووەم: دەزگاهەواڵگیریەكان ڕۆڵی گەورە دەبینن.
سێهەم: مەڵبەندەكانی ڕۆشەنبیری و كەلتوری كە وڵاتەكان لە دەرەوەی خۆیان دروستی دەكەن وەك مەڵبەندەكانی ڕۆشنبیری و كەلتووری ئەمەریكی و فەرەنسی و بەریتانی و پەیمانگەی گۆتەی ئەڵمانی.
پەیمانگەی گۆتە بە یەكێك لەو پەیمانگە گرنگ ودیارانە دادەنرێت كە توانیویەتی لە (80) هەشتا وڵات لقی هەبێت بە 144 زمانی جیاواز بەرنامەو كارەكانیان ئەنجام بدەن كە بارەگای سەرەكیان لە وڵاتی ئەڵمانیایە لە شاری میونخ.
ئەو پەیوەندیە گشتییە نێودەوڵەتیانەی كە حكومەتەكان پەیڕەوی دەكەن لە دەرەوەی وڵاتەكانیان كاردەكات لەسەرپەیوەندیكردنی ئیقناعی.
هانس كە یەكێكە لە شارەزا دیارەكانی بواری دیبلۆماتی گشتی ئەمەریكی لە ڕابردوو دەڵێت: بەرپرسان لە ئاژانسە میدیاییە نێودەوڵەتیەكانی ئەمەریكی هەستاون بە بەكارهێنانی پڕوپاگەندەی سپی كە بەلایانەوە كارێكی شەرعی بووە و وای دەبینن كە بڵاوكردنەوەی ڕاستیەكانە، هەر لەم ڕوانگەیەشەوە وادادەنرێت كە ئاژانسە میدیاییە نێودەوڵەتیە ئەمریكیەكان، ئاژانسێكی پڕوپاگەندە بێت كە كاردەكات بۆ كاریگەریكردنە سەر بیرو هەست و سۆزی نەتەوەكانی كە.
لە كۆتاییدا بۆمان دەردەكەوێت لە ڕێگەی بەكارهێنان و پراكتیزەكردنی پەیوەندی گشتی نێودەوڵەتی حكومەتەكان دەتوانرێت ئامانجە ستراتیجیەگرنگەكەی پەیوەندیە گشتییەكان بەدەست بهێنرێت و پێویستە بپرسین، ئایا لەم ئاستەدا پەیوەندی گشتی نێودەوڵەتی حكومەت لەچ ئاستێكدایە و تاچەند كاری لەسەر ئەم چەمكە گرنگە كردووە؟!

له‌گه‌ڵ ئه‌وه‌ی سیسته‌می نوێی مووچه‌ دانرا و بڕیاردرا كه‌هه‌ركه‌س مووچه‌كه‌ی له‌ خوار 300 هه‌زار بێت هیچ بڕێكی لێپاشه‌كه‌وت نه‌كرێت به‌ڵام ئه‌م سیسته‌مه‌ كه‌مئه‌ندامانی نه‌گرته‌وه‌و دۆخی كه‌مئه‌ندامان خراپتربوه‌.

 لێپرسراوی گشتی یه‌كێتیی كه‌مئه‌ندامان  رایدەگەێنێت: دوای ئه‌وه‌ی حكومه‌تی هه‌رێم سیسته‌مێكی نوێی مووچه‌ی راگه‌یاند و به‌پێی ئه‌و سیسته‌مه‌ هه‌ر كه‌سێك مووچه‌كه‌ی له‌خوار 300 هه‌زار دینار بێت هیچ بڕه‌پاره‌یه‌كی لێپاشه‌كه‌وت ناكرێت و مووچه‌كه‌ی به‌ته‌واوه‌تی پێده‌درێت به‌ڵام ئه‌م سیسته‌مه‌ش كه‌مئه‌ندامانی نه‌گرته‌وه‌و ئه‌مه‌ش دۆخی ئه‌وانی خراپتر كردوه‌.

وتیشی: ئێمه‌ له‌ ئێستایا بۆ ماوه‌ی 60 بۆ 70 رۆژ ده‌بێت مووچه‌مان وه‌رنه‌گرتوه‌و من خۆم له‌گه‌ڵ وه‌زیری دارایش قسه‌م كردوه‌و ئه‌ویش هیچ ئه‌مه‌لێكی پێنه‌دام بۆ ده‌ستكاریكردنی مووچه‌كه‌مان.

بۆ یەکەم جار لەوەتەی ترامپ ھەڕەشەی ھێرشی بۆ سەر سوریا کردوە، پوتن باسی بارودۆخی نێودەوڵەتی دەکات و رایدەگەیەنێت، بارودۆخی جیھان بەرەو فەوزای زیاتر دەڕوات.

ئێوارەی رۆژی چوارشەممە ١١-٤ ڤلادیمیر پوتن سەرۆکی روسیا کارنامەی ژمارەیەک باڵیۆزی وەرگرت و لە لێدوانێکی رۆژنامەوانیدا رایگەیاند، بارودۆخی جیھان رووی لە فەوزای زیاترە، ھیوادارین مۆسکۆ ھەر بە لایەنگیری لۆژیکی ئاشتیانە بێت بۆ کاروبارە نێودەوڵەتییەکان بۆ ئەوەی پەیوەندییە نێودەوڵەتییەکان بگەڕێنەوە بۆ سروشتی خۆیان.

چەند رۆژێکە بارودۆخی سوریا پێشھاتی نوێ بە خۆیەوە دەبینێت، بە تایبەتی دوای ئەوەی دۆناڵد ترامپی سەرۆکی ئەمریکا لە تویتەرەوە ھەڕەشەی کرد کە موشەکی (قەشەنگ و تازە و زیرەک) دەنێت بە سوریاوە، ئەمەش ئەگەر روبەڕوبونەوەی روسیا و ئەمریکا لە سوریای لە ھەر کاتێکی تر نزیکتر کردۆتەوە.
ھەدەپە لەبارەی شەڕی پەکەکەو تورکیا ھەڵوێست ڕادەگەیەنێت
پارتی دیموکراتی گەلان ھەڵوێست لەسەر ئەو داواکاریانەی ئاراستەی پەکەکە دەکرێن بۆ چۆڵکردنی قەندیل ڕادەگەیەنێت و نوێنەری ئەو پارتەش لەباشوری کوردستان دەڵێت:"ئامانجی تورکیا لەلەشکرکێشییەکانی ھیچ پەیوەندیەکی بەبونی پەکەکەوە نییە، بەڵکو تەواوی گەلی کوردی کردۆتە ئامانج".

 

 

 نوێنەری پارتی دیموکراتی گەلان (ھەدەپە) لەھەرێم  ڕاگەیاندووە، "چەندین ڕاستییەک ھەیە دەبێت ھەموو گەلی کورد ئاگاداربێت و لەبەرامبەر دوژمن بەکاربھێندرێت، چونکە ئامانجی سەرەکی تورکیا لەلەشکرکێشییەکانی تەنھا پەکەکە نییە، بەڵکو تەواوی گەلی کوردە".

بەوتەی نوێنەری ھەدەپە لەباشور، "ھێرشەکان تەنھا پەیوەست نین بەپەکەکەوە، بەڵکو بابەتەکە پەیوەستە بەخاکی کوردستانەوە، ھەدەپە پەیامی بۆ ھێزی پێشمەرگەو یەپەگەو پەکەکەش ھەبوە کە گەلی کورد لەسەرجەم پارچەکانی کوردستان بپارێزن".

ڕەتیشیکردەوە، بەرپرسیارێتیان بەرامبەر بەپەکەکە ھەبێت و وتی:"ھەدەپەش ھیچ بەرپرسیارێتییەکی نییە لەسەر پەکەکە تا بڕیارەکانی بسەپێنێت، بەڵکو تەنھا دەتوانێت پەیام ئاراستەی ھێزە کوردییەکان بەگشتی بکات".

سەبارەت بەداواکارییەکان بۆ چۆڵکردنی ناوچە سنورییەکانی ھەرێم و بیانوو نەدان بەتورکیا بۆ ئەنجامدانی لەشکرکێشی بۆ خاکی ھەرێم، عابد ئیکە ئاشکرایکرد، "ھەمولایەنە سیاسییەکان دەبێت ئاگاداربن ئەو شەڕە شەڕی پەکەکە نییە ئێستا تورکیا دەیەوێت لەو ڕێگەیەوە باشوری کوردستان داگیربکات، بەڵکو شەڕی گەلی کوردەو پێویستە یەکڕیزی نێوانیشیان بپارێزن".

پێشنیازێکی نوێ بۆ خشتەی نوێی موچەی ھێزەکانی ناوخۆ ئامادەدەکرێت
لیژنەی ئاسایش و ناوخۆ لەپەرلەمانی کوردستان زانیاری نوێ لەبارەی دانانی خشتەی نوێی پاشەکەوت بۆ موچەی ھێزەکانی ناوخۆ ئاشکرادەکات، سەرۆکی لیژنەکەش جەختدەکاتەوە، داوایەکیان لەبەرژەوەندی ھێزە ئەمنیەکان ئاراستەی سەرۆکایەتی حکومەت و وەزارەتی ناوخۆ کردوە، ئاشکراشیدەکات، "پێناچێت ئەمڕۆش بڕیاری کۆتایی لەبارەی خشتەی نوێی پاشەکەوت بۆ ھێزەکانی ناوخۆ بدرێت".

 

 

ئەیوب عەبدوڵڵا سەرۆکی لیژنەی ئاسایش و ناوخۆ لەپەرلەمانی کوردستان بەتۆڕى هەواڵی سلێمانى ڕاگەیاندووە، "بەدواداچونم بۆ ھۆکاری یەکلاکردنەکردنەوەی خشتەی نوێی پاشەکەوتی موچەی ناوخۆ کردوە لەگەڵ وەزارەتی دارایی، پێم وتون ناکرێت موچەکانیان ئەوەندەی دیکە دوابخرێت لەکاتێکدا بەشێکی زۆری وەزارەتەکان موچەیان وەرگرتوە".

وتیشی:"دوێنێ لەسەر ھەمان ئەو پرسە لەگەڵ وەزیری ناوخۆو بریکاری وەزارەتی ناوخۆ پەیوەندیم کردوە کە لەگەڵ سەرۆکی حکومەت و جێگری سەرۆکی حکومەت پەیوەندیی بکەن و ئەو ١٠ ملیار دینارەی بۆ وەزارەتی ناوخۆ تەرخانکراوە زیادبکرێت بۆ ١٥ ملیار دینار تابتوانرێت کێشەی موچەی ھێزەکانی ناوخۆ یەکلابکرێتەوە".

سەرۆکی لیژنەی ناوخۆ ئەوەشی ڕونکردەوە، ھەریەک لەکەریم سنجاری وەزیری ناوخۆو مامۆستا جەلال بریکاری وەزارەت بەڵێنیان پێداوە لەگەڵ سەرۆکی حکومەت و جێگری سەرۆکی حکومەت پەیوەندیی بکەن و ھەوڵی چارەسەرکردنی ئەو کێشەیە بدەن.

بەوتەی ئەیوب عەبدوڵڵا، "ئەمڕۆش ناتوانرێت بابەتی موچەی ھێزەکانی ناوخۆ یەکلابکرێتەوەو خشتەی موچە بەسیستمی نوێ ئامادەبکرێت، چونکە ئەو پارەیەی بۆ ھێزەکانی ناوخۆ تەرخانکراوە ناتوانرێت تەواوی ھێزەکان لێی سودمەندبن".

 

 

ئەگەری هێرش‌و روودانی شەڕ لەسوریا بازاڕی نەوتی نائاران كردووەو بەو هۆیەشەوە نرخەكەی رووی لەبەرزبوونەوە كردووە.

ئاژانسی رۆیتەرز ئەمڕۆ پێنج شەممە بڵاویكردووەتەوە، كە چەند رۆژێكە بازاڕی نەوت نائارامی پێوە دیارە، ئەوەش بەهۆی ئەگەری هێرشی ئەمریكا بۆ سەر سوریاو روودانی شەڕ لەو وڵاتە.

ئاژانسەكە بڵاویشیكردەوە، بەهۆی ئەو نائارامییەوە نرخی نەوت رووی لەبەرزبوونەوە كردووەو ئەگەر هەیە نرخەكەی زیاتریش بەرزبێتەوە، بەتایبەتی لەهەفتەی داهاتوو.

بەپێی ئاژانسەكە، لەكۆتا مامەڵەكانی رۆژ نرخی هەر بەرمیلێك نەوتی برێنتی جیهانی بە 72.14 دۆلار مامەڵەی پێوەكراوە، ئەوەش دوای زیادبوونی نرخەكەی بۆ 9 سەنت‌و بەرێژەی 0.1% لەچاو كۆتا مامەڵەكانی رۆژی رابردوو.

هەر بەپێی ئاژانسەكە، نرخی نەوتی خاوی ئەمریكاش، كە نەوتی سوكی رۆژئاوای تەكساسی ئەو وڵاتەیە، لەكۆتا مامەڵەكان هەر بەرمیلێكی بە 67.03 دۆلار مامەڵەی پێوەكراوە، كە نرخەكەی 21 سەنت بەرێژەی 0.3% بەرزبووەتەوە.

چەند رۆژێكە ئەریكا هەڕەشەی هێرشكردنە سەر سوریا دەكات، ئەوەش بەهۆی ئەوەی ئەو وڵاتە لەشەڕە ناوخۆییەكانی چەكی كیمیایی لەدژی خەڵكی مەدەنی بەكارهێناوە.

ەندازیار تاهیر عەبدڵڵا بەڕێوەبەری گشتی فڕۆكەخانەی نێودەوڵەتی سلێمانی، دەڵێت: تا ئێستا حكومەتی توركیا هیچ وەڵامێكی حكومەتی عێراق‌و هەرێمی نەداوەتەوە سەبارەت بەكردنەوەی ئاسمانی وڵاتەكەی بەڕووی فڕۆكەكانی فڕۆكەخانەی نێودەوڵەتی سلێمانی.

sharpress.net

تاهیر عەبدوڵڵا دەشڵێت: "حكومەتی عێراق بەرپرسی یەكەمە بۆ چارەسەركردنی كێشەی داخستنی ئاسمانی توركیا بەڕوی فڕۆكەخانەی نێودەوڵەتی شاری سلێمانی."

ئەندازیار تاهیر عەبدوڵا بەڕێوەبەری گشتی فڕۆكەخانەی نێودەوڵەتی سلێمانی لەچاوپێكەوتنێكی لەگەڵ دەنگی ئەمریكا لەبارەی دواین پێشهاتی كێشەی داخستنی ئاسمانی توركیا بەڕووی گەشتی فڕۆكەكانی فڕۆكەخانەی نێودەوڵەتی سلێمانی وتی: "تا ئێستا تاكە وڵات، كە ئاسمانی وڵاتەكەی بەڕووی گەشتی فڕۆكەكانی فڕۆكەخانەی نێودەوڵەتی سلێمانی نەكردووەتەوە لەدوای بڕیاری كردنەوەی فڕۆكەخانەكانی هەرێم بەڕووی گەشتە نێودەوڵەتییەكاندا لەلایەن بەغدادوە، توركیایە، بەداخەوە چەندین هەوڵ لەئاستە جیاوازەكانی حكومەتی هەرێم و حكومەتی عێراقی لەڕێگای وەزارەتی گواستنەوەی عێراق دراوە، بەڵام تا ئێستاش توركیا سورە لەسەر هەڵوێستی خۆی، كە ئاسمانی وڵاتەكەی بەڕووی ئەو فڕۆكانە نەكاتەوە لەفڕۆكەخانەی سلێمانییەوە دەردەچن یاخود ئەو فڕۆكانەی دەیانەوێت بێنە فڕۆكەخانەی نێودەوڵەتی سلێمانی."

مانگی پێشوو حكومەتی عێراق بڕیاریدا گەمارۆی سەر فڕۆكەخانەكانی هەرێمی كوردستان بەڕووی گەشتە نێودەوڵەتیەكان هەڵگرێت ئەمەش پاش ئەوەی لەدوای پڕۆسەی ڕیفراندۆمەكەی هەرێمی كوردستان لە (٢٥)ی ئەیلولی ساڵی ڕابردوو بڕیاری گەمارۆی گەشتە نێودەوڵەتیەكانی فڕۆكەخانەكانی هەرێم لەلایەن بەغدادەوە چووە بواری جێ بەجێكردنەوە."

بەڵام دوای بڕیارەكەی حكومەتی عێراق بۆ هەڵگرتنی ئەو گەمارۆیە، حكومەتی توركیا ڕایگەیاند "ئاسمانی وڵاتەكەی بەڕووی گەشتی فڕۆكەكانی سلێمانی ناكاتەوە"، هەر ئەوكاتیش ئەندازیار تاهیر عەبدوڵڵا لەلێدوانێكیدا بڕیارەكەی حكومەتی توركیای بە "سیاسی" وەسفكردبوو.

بەڕێوەبەری گشتی فڕۆكەخانەی نێودەوڵەتی سلێمانی لەم وتوێژەدا دوپاتیكردەوە، تەنیا هۆكارێك بۆ ئەو هەڵوێستەی توركیا هۆكاری سیاسییە، ئەگەرنا لەلایەن فڕۆكەخانەی سلێمانییەوە هیچ كێشەیەكی ئیداری و یاسایی و تەكنیكی و نییە و سەلامەتی تەواو بۆ هەموو فڕۆكە توركیەكان دابین كراوە هەروەك چۆن بۆ فڕۆكەكانی شوێنەكانی تر دابین كراوە."

لەبارەی هەڵوێستی حكومەتی هەرێمی كوردستان، تاهیر عەبدوڵا بەڕێوەبەری فڕۆكەخانەی نێودەوڵەتی سلێمانی وتی: "لەدواین پەیوەندیمدا لەگەڵ بەڕێزانی حكومەتی هەرێم پێیان ڕاگەیاندم، كە هەوڵەكانیان لەڕێگای كەناڵە جیاوازەكانی خۆیەوە بەردەوامە، بەڵام تا ئەم ساتە ئەو هەوڵانەش بێ سوودبوون."

بەڕێوەبەری فڕۆكەخانەی نێودەوڵەتی سلێمانی وتیشی: "خۆی ئەم بابەتە لەڕووی یاساییەوە پەیوەندی بەحكومەتی هەرێمەوە نیە،بەڵكو پەیوەندی بەحكومەتی عێراقەوە هەیە، چونكە حكومەتی عێراقی ڕێكەوتنی هاوبەشی لەگەڵ توركیا لەوبارەیەوە هەیە، حەق وایە حكومەتی عێراقی لەڕێگای ئەو ڕێكەوتنە هاوبەشەوە فشار لەحكومەتی توركیا بكات بۆ كردنەوەی ئاسمانی وڵاتەكەی بەڕووی فڕۆكەكانی فڕۆكەخانەی سلێمانیدا، چونكە لۆژیك نییە وڵاتێكی دراوسێ ئاسمانی وڵاتەكەی بەڕویدا دابخات، بەڵام ئەو دەوڵەتە (حكومەتی عێراق) هیچ هەڵوێستی نەبێت لەكاتێكدا ڕێكەوتنی هاوبەشیان هەیە و دەشتوانێت لەڕێگای فشاری نێودەوڵەتیەوە فشار لەحكومەتی توركیا بكات."

لەسەروبەندی بڕیارەكەی حكومەتی توركیا بۆ كردنەوەی ئاسمانی وڵاتەكەی بەڕووی فڕۆكەخانەی هەولێردا، بەڵام داخستنی ئاسمانی وڵاتەكەی بەڕووی فڕۆكەی فڕۆكەخانەی سلێمانیدا بەشێك لەخەڵكی لەتۆڕە كۆمەڵایەتییەكان داوایان دەكرد هەولێر ڕێگە نەدات فڕۆكەی توركی بێتە ئاسمانی وڵاتەكەی، بەوتەی ئەوكەسانە توركیا دەیەوێت بەوهەڵوێستەی كوردستان دوو لەت بكات.

سەبارەت بەو داوایە ئەندازیار تاهیر عەبدوڵڵا وتی: "ئەو هەڵوێستە پەیوەندی بەحكومەتی هەرێمەوە هەیە، ئێمە پێمان باش نییە كاری هیچ فڕۆكەخانەیەك ڕابگیرێت، بەڵام ئەگەر مەبەستی توركیا وەك مەبەستە كۆنەكەی عوسمانییەكان بێت، كە دەیوت پارچە پارچەیان بكە و سودیان لێ ببینە ئەوا پێویستە كورد یەك دەنگ و یەك ڕیز بێت  هەست بەو مەبەستە بكات، كردنەوەی فڕۆكەخانەی هەولێر خزمەتە بەهاوڵاتیان، بەڵام دواجار ئەو دوو فڕۆكەخانەیە (سلێمانی و هەولێر) فڕۆكەخانەی حكومەتی هەرێمن دەبێت ئەگەر بڕیاری لەو جۆرە هەبێت حكومەت ئەو بڕیارە بدات، بەڵام وەك خۆم پێم باش نییە كاری هچ فڕۆكەخانەیەك بوەستێ، چونكە ئەوە خزمەت بەهاوڵاتیان دەكات، بەڵام دووبارەی دەكەمەوە حكومەتی عێراق بەرپرسی یەكەمە بۆ چارەسەركردنی ئەو كێشەیە."

وەزارەتی ناوخۆ و وەزارەتی دارایی حكومەتی هەرێم كۆبوونەوە و چەند پێشنیازێك لەبارەی گۆڕانكاری لە مووچەی هێزەكانی ناوخۆ دراوەتە وەزارەتی دارایی.

وابریارە بەیانى لەكۆبوونەوەكەدا چەند پێشنیازێك لەبارەی زیاكردنی مووچەی هێزەكانی ناوخۆ دراوەتە وەزارەتی دارایی.

ئاشكراشكرا، بڕیارە رۆژی پێنج شەممە دوا بڕیار لەبارەی كەمكردنەوەی پاشەكەوتی موچەی هێزەكانی ناوخۆ بدرێت و لەكاتی راگەیاندنی خشتەی موچەی مانگی یەكی هێزەكانی ناوخۆ، دابەشكردنی مووچە بەپێی سیستمی نوێ دەبێت.  

بەپێ زانیارییەکان کەمکردنەوەى پاشەکەوتى موچە بۆ پاسەوانانى بارەگا حزبیەکان تا ئێستا یەک لا نەبۆتەوە پێ دەچێت موچەکانى ئەوان جیاوازى هەبێت لەگەڵ هێزەکانى تر.

هاوپەیمانی عەرەبی بە سەرکردایەتی سعودیە، خستنەخوارەوەی فڕۆکەیەکی بێفڕۆکەوانی حوسییەکانی یەمەنی ڕاگەیاند، کە فڕۆکەخانەی ئەبهای لە سعودیە کردبووە ئامانج.

تووکی مالیکی وتەبێژی هێزەکانی هاوپەیمانی عەرەبی لەو بارەیەوە وتی، فڕۆکەکە سەرلەبەیانی ئەمڕۆ لە فڕۆکەخانەی نێودەوڵەتی ئەبها نزیکبووەتەوە و لەلایەن هێزی بەرگری موشەکی فڕۆکەخانەکەوە خراوەتە خوارەوە، بەو هۆیەشەوە بۆ ماوەیەک گەشتی ئاسمانی لەو فڕۆکەخانەیە داخراوە.

لەلایەکی ترەوە ئاژانسی ڕۆیتەرز بڵاویکردەوە، لە ریازی پایتەختی سعودیە دەنگی سێ تەقینەوە بیستراوە و لە سێ شوێنی جیاوازەوە دوکەڵ بەرزبووەتەوە.

هاوکات لەگەڵ ئەو تەقینەوانەی پایتەختی سعودیە، گروپی ئەنساڕوڵا لە یەمەن، ئەنجامدانی هەڵدانی ژمارەیەک موشەکی بالیستی بۆ سەر خاکی سعودیە ڕاگەیاند.

گروپی ئەنساڕوڵا ئەوەشیان ئاشکرا کرد، ئەمڕۆ بە موشەکی بورکان ئێچ دوو وەزارەتی بەرگری سعودییەیان کردووەتە ئامانج.

هەروەها سوپای سعودیە خستەخوارەوەی موشەکێکی بالیستی ڕاگەیاند، کە لە یەمەنەوە بەرەو ریازی پایتەخت تەقێنرابوو.

ماوەی سێ ساڵە ئیمارات و سعودیە و چەند وڵاتێکی تری عەرەبی هێرشیان بۆ سەر حوسییەکانی یەمەن دەستپێکردووە و گەمارۆی ئاسمانی و ئاوی و وشکانیان خستووتە سەر یەمەن، بەو هۆیەوە قەیرانی مرۆیی لەو وڵاتە سەریهەڵداوە.

تەنھا سێ رۆژ ماوە بۆ دەستپێکردنی بانگەشەی ھەڵبژاردنی ئەنجوومەنی نوێنەرانی عێراق ، کە بڕیارە ١٢-ی ئایار بەرێوەبچێت، لە کۆنگرەیەکی رۆژنامەوانی ھاوبەشیشدا ، کۆمیسۆنی باڵای سەربەخۆی ھەڵبژاردنەکان و دەستەی چاکسازی ژینگەی ھەرێم و وەزارەتی شارەوانی ھەرێم، چەند رێنماییەکیان بۆ بەرێوەچوونی پرۆسەکە بڵاوکردەوە.

 

 

 

الصفحة 7 من 1240

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥