قاسم سلێمانی فەرماندەی سوپای قودسی ئێرانی ئاشكرایكرد، كە هۆكاری سەرەكی كێشەكانی هەولێرو بەغدا، نەمانی جەلال تاڵەبانی سەرۆك كۆماری پێشووی عێراق لەگۆڕەپانی سیاسی.

قاسم سلێمانی لەمیانی لێدوانێكی، كە ئاژانسی "تسنیم"ی ئێرانی بڵاویكردووەتەوە راشیگەیاندووە، جەلال تاڵەبانی رۆڵێكی گەورەی لەعێراق هەبوو، كە هەمیشە بەو رۆڵەی دەیتوانی كێشەكانی نێوان هەولێرو بەغدا چارەسەربكات.

ئەمە لەكاتێكدایە، رۆژی سێی ئەم مانگە جەلال تاڵەبانی كۆچی دوایی كرد، كە لەساڵی 2012وە بەهۆی نەخۆشییەوە لەگۆڕەپانی سیاسی عێراق‌و هەرێمی كوردستان دوورە.

فەرماندەی سوپای قودسی ئێرانی ئەوەشی راگەیاندووە، نەمانی تاڵەبانی جیاوازییەكانی نێوان كوردو عەرەب‌و توركاو‌و مەسح‌وی پێكهاتەكانی تری زیادكرد، بۆیە كێشەكان ئێستا گەیشتووە بەم كاتە.

سلێمانی ئەوەشی ئاشكراكردووە، كە پەیوەندییەكی باشی لەگەڵ جەلال تاڵەبانی هەبووەو هەر ئەو پەیوەندییەش وای كردووە، كە ئێران‌و عێراق هەماهەنگی باش بكەن.

ئەمە لەكاتێكدایە، چەند ساڵێكە كێشەو ئاڵۆزی لەنێوان هەولێرو بەغدا هەیە، كە كێشەكان گەیشتوون بەئاستێك زۆرێك لەچاودێران بەئەستەمی دەزانن بەئاسانی چارەسەربكرێت.

فه‌رمانده‌ی ئۆپه‌راسیۆنی كۆنترۆڵكردنه‌وه‌ی حه‌ویجه‌، كۆتایی هاتنی ئۆپه‌راسیۆنه‌كه‌ی له‌و قه‌زایه‌ راگه‌یاند.
 
له‌ به‌یاننامه‌یه‌كدا كه‌ دره‌نگانێكی شه‌وی رابردوو 10ی تشرینی یه‌كه‌می 2017 شانه‌ی راگه‌یاندنی جه‌نگی بڵاویكرده‌وه‌، عه‌بدولئه‌میر ره‌شید یاره‌ڵا تیایدا، فه‌رمانده‌ی ئۆپه‌راسیۆنی كۆنترۆڵكردنه‌وه‌ی حه‌ویجه‌ كۆتایهاتنی ئۆپه‌راسیۆنه‌كه‌ی راگه‌یاند، ئه‌وه‌ش دوای كۆنترۆڵكردنه‌وه‌ی قه‌زای حه‌ویجه‌و ناحییه‌كانی ره‌شاد و ریاز و زاب و عه‌باسی، له‌گه‌ڵ نزیكه‌ی 200 گوند.
 
له‌ ئۆپه‌راسیۆنه‌كانی قه‌زای حه‌ویجه‌ هه‌ریه‌كه‌ له‌ سوپا، پۆلیسی‌ فیدراڵی‌، دژه تیرۆر، هێزه‌كانی حه‌شدی شه‌عبیی و به‌رپه‌رچدانه‌وه‌ی‌ خێرا به‌شداربوون.
 
قەزای حەویجە (55كم باشوری خۆرئاوای كەركوك)‌‌‌و ناحیەكانی دەوروبەری، لە ناوەڕاستی 2014دا كەوتنە دەستی داعش‌و لە 5ی یشرینی یەکەمی ئەمساڵ به‌ته‌واوی له‌ لایه‌ن هێزە عیراقیەكانەوە كۆنتڕۆڵكرایەوە، بەهۆی پێكدادانەكانیشەوە هەزاران خێزان ئاوارەبوون.

حکومەتی عێراقی ٤٩ فەرمانبەر ڕەوانەی دیوی ئێوان و تورکیای دوو مەرزی هەرێمی کوردستان دەکات لەگەڵ ئەو وڵاتانەدا، ئەوەش لەچوارچێوەی ئەو بڕیارەی بەغدا دەری کردووە بۆ گەڕاندنەوەی دەروازە سنورییەکانی هەرێم بۆ ژێر دەسەڵاتی حکومەتی ناوەندی.

٢٦ی مانگی رابردوو حەیدەر عەبادی سەرۆکوەزیرانی عێراق زنجیرەیەک بڕیاری دژ بە هەرێمی کوردستان دەرکرد بەهۆی پرسی ئەنجامدانی ریفراندۆمی هەرێمی کوردستانەوە، کە دیارترینیان رێگریی گەشتی دەرەکیی هەردوو فرۆکەخانەی هەولێر و سلێمانی و رادەستکردنەوەی دەروازە سنورییەکانی هەرێم بوو لەگەڵ وڵاتانی دراوسێدا.

بەپێی نوسراوێکی رەسمی کە دەست ''ئاژانس'' کەوتووە دەستە گشتیی گومرگی عێراق لە ٢٥ی مانگی رابردوودا فەرمانی داوە بەناردنی ٤١ فەرمانبەر بۆ خاڵی سنوریی ئیبراهیم خەلیل کە دەکەوێتە نیوان هەرێمی کوردستان و تورکیاوە.

سەرچاوەیەکی بەرپرسی دەستەی دەروازە سنورییەکانی عێراق کە لەبەر هەستیاریی پرسەکە نەیویست ناوی بڵاوبکرێتەوە بە رۆژنامەکەی راگەیاندووە '' ٤٩ فەرمانبەری سەر بە وەزارەتی دارایی عێراق نێردراون بۆ هەردوو خاڵی سنوریی ئیبراهیم خەلیل و حاجی ئۆمەران''.

دەروازەی سنوریی حاجی ئۆمەران دەکەوێتە نێوان هەرێمی کوردستان و ئێران هەروەها دەروازەی ئیبراهیم خەلیل دەکەوێتە نێوان هەرێم و تورکیاوە کە هەردووکیان لەدەستی پارتیدان.

سەرچاوەکە راشیگەیاندووە '' ئەو فەرمانبەرانە لەدیوی سنوری ئێران و تورکیاوە رەوانە کراون و لەنێو سنوری ئەو دوو وڵاتەوە گەیشتونەتە دەروازەکان و ئامانجیش لەوە ئیدارەدانی ئەو خاڵە سنورییانەیە وەک نوێنەری حکومەتی عێراق''.

سەعد حەدیسی وتەبێژی حکومەتی عێراق ئامادە نەبوو لەو بارەیەوە زانیاریی بدات بەڵام بە رۆژنامەی ئاژانسی راگەیاندووە '' ئێمە بەردەوامین بۆ کۆنترۆڵکردنی دەروازە سنورییەکانی هەرێمی کوردستان لەگەڵ وڵاتانی دراوسێ و ئیدارەدانیان وەک چۆن دەروازەکانی تر بەو شێوەیە ئیدارە دەدرێن.

وتیشی '' ڕیوشوێنی کرداری هەیە لەو بارەیەوە کە جێبەجێ دەکرێت بە هەماهەنگی لەگەڵ تورکیا و ئێراندا.

ئیمانوێل ماكرۆن سه‌ركۆماری فه‌ره‌نسا داوا له‌ یه‌كێتی ئه‌وروپا ده‌كات نێوه‌ندگیری بكات له‌ قه‌یرانی نێوان حكومه‌تی ئیسپانیا و هه‌رێمی كاتالۆنیادا.
ئه‌م لێدوانه‌ی ماكرۆن له‌دوای كردنه‌وه‌ی پێشانگای فرانكفۆرتی نێوده‌وڵه‌تی بۆ كتێب هات كه‌ له‌گه‌ڵ ئه‌نگێلا مێركڵ راوێژكار ئه‌ڵمانیا كردیانه‌وه‌. ماكرۆن له‌وباره‌یه‌وه‌ وتی "پێویسته‌ یه‌كێتی ئه‌وروپا رۆڵی نێوه‌ندگیری ببینێت له‌ قه‌یرانی نێوان مه‌درید و كاتالۆنیادا".
وتیشی "بۆچی یه‌كێتی ئه‌وروپا و فه‌ره‌نسا و ئه‌ڵمانیا ده‌ست له‌ پرسی كاتالۆنیادا وه‌رناده‌ن؟، چونكه‌ یه‌كێتی ئه‌وروپا له‌چه‌ند وڵاتێكی سه‌ربه‌خۆ پێكدێت، ئه‌گه‌ر ده‌ست له‌ پرسی كاتالۆنیادا وه‌ربده‌ن به‌واتای ده‌ستوه‌ردان له‌ كاروباری ناوخۆی ئیسپانیا دێت، ئه‌مه‌ش قبوڵ كراو نییه‌ له‌لایه‌ن سه‌رۆك وه‌زیران و كۆشكی شاهانه‌وه‌".
ماكرۆن وای ده‌بینێت كه‌ كاتالۆنییه‌كان "رووبه‌ڕووی فشار"نابنه‌وه‌ و جه‌ختی له‌وه‌ كرده‌وه‌ كه‌ بۆ ئه‌م مه‌به‌سته‌ پاڵپشتی ماریانۆ راخۆی سه‌رۆك وه‌زیرانی ئیسپانیا، ده‌كات.
سه‌ره‌تای ئه‌م مانگه‌، هه‌رێمی كاتالۆنیادا گشتپرسی بۆ جیابوونه‌وه‌ له‌ ئیسپانیا ئه‌نجام دا و حكوومه‌تی كاتالۆنیادا رایگه‌یاند كه‌ 90 له‌سه‌دای به‌شداربووانی گشتپرسییه‌كه‌ ده‌نگیان داوه‌ به‌ جیابوونه‌وه‌ له‌ ئیسپانیا، هاوكات حكوومه‌تی مه‌درید گشتپرسیه‌كه‌ی به‌ ناده‌ستووری وه‌سف كرد.

سەفین دزەیی وتەبێژی حكومەتی هەرێمی كوردستان رایگەیاند سیستمی نوێی موچە دادەنێن‌و لەداهاتوودا پەیڕەو دەكرێت.

سەفین دزەیی وتەبێژی حكومەتی هەرێمی كوردستان، لەچاوپێكەوتنێك سەبارەت بەپرسی موچەی فەرمانبەرانی حكومەت ئاماژەی بەهۆكارەكانی كەمبوونەوەی موچەی فەرمانبەران كرد، لەوانە بڕیاری یەكلایەنەی نوری مالیكی سەرۆك وەزیرانی ئەوكاتی عێراق بۆ بڕینی بودجەی هەێمی كوردستان لەساڵی ٢٠١٤، هەروەها شەڕی داعش بە درێژایی سنووری زیاتر لە هەزار كیلۆمەتر لە مانگی ٦ی هەمان ساڵ. 

سەفین دزەیی، هاتنی یەك ملیۆن و ٨٠٠ هەزار ئاوارەو پەنابەر بۆ ناوچەكانی هەرێمی كوردستان، هەروەها دابەزینی نرخی نەوتی خاو لەبازاڕەكانی جیهانی بەبەشێكی دیكەی ئەو هۆكارانە دانا، كە بەقسەی ئەو ئەوش وای كرد حكومەتی هەرێم سیستمی پاشەكەوت جێبەجێ بكات، 

دزەیی هەروەها رایگەیاند "لەگەڵ ئەوەشدا وەزارەتی دارایی‌و ئابووری ئێستا كار بۆ ئەوە دەكات، كە سیستمێكی نوێ بۆ پێدانی موچەی فەرمانبەران پەیڕەو بكات، ئەویش بەپێی پێوەرە جیهانییەكان‌و بەهەماهەنگی لەگەڵ بانكی نێودەوڵەتی".

قسەكانی سەفین دزەیی لەكاتێكدایە، دوو ساڵ دەبێت حكومەتی هەرێم سیستەمی پاشەكەوتی موچە پەیڕەو دەكات، كە بەپێی سیستەمەكە، مانگانە برێك پارە لەموچەی فەرمانبەرانی هەرێم دەبڕێت.

نرخی نەوت لەبازاڕەكانی جیهان زیاتر بەرزبووەوە، ئەوەش بەهۆی كەمبوونەوەی بەرهەمی وڵاتانی ئۆپیك، بەتایبەتی سعودییە.

ئاژانسی رۆیتەرز ئەمڕۆ چوار شەممە بڵاویكردەوە، كە نرخی نەوت بەرێژەی 2% بەرزبووەتەوە، ئەوەش دوای تۆماركردنی كەمترین رێژە لەهەناردەی نەوتی وڵاتانی ئۆپیك، بەتایبەتی سعودییە.

بەپێی ئاژانسەكە نرخی نەوتی پێوانەیی برێنتی جیهانی لەكۆتا مامەڵەكان 82 سەنت بەرێژەی 1.5 بەرزبووەتەوەو هەر بەرمیلێكی گەیشتووەتە 56.61 دۆلارو مامەڵەی پێوەكراوە.

هەر بەپێی ئاژانسەكە نرخی نەوتی پێوانەیی ئەمریكاش، كە نەوتی سوكی رۆژئاوای تەكساسی ئەو وڵاتەیە 1.34 دۆلار بەرێژەی 2.7% بەرزبووەتەوەو هەر بەرمیلێكی بە 50.92 دۆلار مامەڵەی پێوەكراوە.

چەند رۆژێكە نرخی نەوت لەبازاڕەكانی جیهان رووی لەبەرزبوونەوە كردووە، كە ئەوەش پەیوەندی بەهەوڵەكانی وڵاتانی بەرهەمهێنەوە هەیە، بۆ كەمكردنەوەی بەرهەمی نەوتی لەبازاڕەكانی جیهان.

عه‌بادی په‌یامێك ئاراسته‌ی هێزی پێشمه‌رگه‌ ده‌كات
سه‌رۆك وه‌زیرانی عیراق، مه‌رجه‌كانی بۆ گفتوگۆ له‌گه‌ڵ هه‌رێمی كوردستان ئاشكرا ده‌كات و داواش له‌ هێزی پێشمه‌رگه‌ ده‌كات، له‌ناوچه‌ دابڕێندراوه‌كان رووبه‌ڕووی هێزه‌كانیان نه‌بنه‌وه‌، راشیده‌گه‌یه‌نێت: سازش له‌سه‌ر یه‌كپارچه‌یی خاكی عیراق ناكه‌ین.
 

حه‌یده‌ر عه‌بادی‌ رایگه‌یاند، كۆنفیدراڵی‌ پێویستی‌ به‌هه‌مواركردنی‌ ده‌ستورو ده‌نگی‌ سێ یه‌كی‌ په‌رله‌مانتارانه‌.

حه‌یده‌ر عه‌بادی‌ رایگه‌یاند، به‌ڕێوه‌بردنی‌ ئاسایش له‌ناوچه‌ جێناكۆكه‌كان ده‌سه‌ڵاتی‌ حكومه‌تی‌ فیدراڵییه‌.

 

 

حه‌یده‌ر عه‌بادی له‌میانه‌ی كۆنفرانسێكی رۆژنامه‌وانیدا، كه‌ ئه‌مڕۆ 10ی تشرینی یه‌كه‌می 2017، له‌دوای كۆتایی هاتنی كۆبونه‌وه‌ی  ئاسایی ئه‌نجومه‌نی وه‌زیران ئه‌نجامیدا، جه‌ختیكرده‌وه‌ له‌سه‌ر مه‌رجه‌كانیان بۆ ده‌ستپێكردنه‌وه‌ی گفتوگۆ له‌گه‌ڵ هه‌رێمی كوردستان.
وتی: هه‌ر گفتوگۆو دانوستانێك، ده‌بێ له‌سه‌ر بنه‌مای ده‌ستورو یه‌كێتی وڵات و ره‌تكردنه‌وه‌ی ریفراندۆم بێت.
وتیشی: به‌هیچ شێوه‌یه‌ك په‌یوه‌ندییه‌كانمان له‌گه‌ڵ هه‌رێمی كوردستان ناپچڕێنین، به‌ڵام سازش له‌سه‌ر یه‌كپارچه‌یی خاكی عیراقیش ناكه‌ین.
عه‌بادی داواشی له‌ هێزه‌كانی پێشمه‌رگه‌ كرد، له‌ناوچه‌ دابڕێندراوه‌كان رووبه‌ڕووی هێزه‌كانی عیراق نه‌بنه‌وه‌.
ئاماژه‌ی به‌وه‌شكرد كه‌ كۆمپانیاكانی په‌یوه‌ندی، ملكه‌چبوونی خۆیان بۆ حكومه‌تی عیراق راگه‌یاندووه‌و له‌ژێر ده‌سه‌ڵاتی ناوه‌ند كاره‌كانیان ئه‌نجام ده‌ده‌ن.

پارتی دیموكراتی كوردستان بە فەرمی پێشنیاری دواخستنی هەڵبژاردنەكانی خستووەتە بەردەم بزوتنەوەی گۆڕان‌و چاوەڕێی دوا وەڵامی بزوتنەوەكەش دەكات.

رۆژی یەك شەممەی رابردوو 8/10/2017 نێچیرڤان بارزانی سەرۆكی حكومەتی هەرێم‌و جێگری سەرۆكی پارتی دیموكراتی كوردستان سەردانی گردی زەرگەتەی شاری سلێمانی كردو بەنێوەندگیری سەلاحەدین بەهادین ئەمینداری یەكگرتوو لەگەڵ عومەری سەید عەلی كۆبۆوە.

بەپێی ئەو زانیاریانە نێچیرڤان بارزانی بەناوی پارتی دیموكراتی كوردستانەوە پێشنیاری دواخستنی هەڵبژاردنەكانی هەرێمی خستووەتە بەردەم بزوتنەوەی گۆڕان.

هەرچەندە بەرپرسانی گۆڕان‌و پارتی‌و یەكگرتوو باس لەوە دەكەن كە ئەو كۆبوونەوەیە تەنیا بۆ چارەسەركردنی كێشەكان‌و ئاسایكردنەوەی پەیوەندییەكان بووە، بەڵام نێچیرڤان بارزانی داوای لە گۆڕان كردوە رازی بێت بە دواخستنی هەڵبژاردنەكان.

هەر بەپێی زانیارییەكان بزوتنەوەی گۆڕان بە شاندی پارتی راگەیاندوە كە لەناوخۆیاندا كۆبوونەوە دەكەن‌و وەڵامی پارتی لەوبارەیەوە دەدەنەوە.

لەماوەی رابردوودا بزوتنەوەی گۆڕان لە هەڵوێستەكانیدا جەختی لە بەڕێوەچوونی هەڵبژاردنەكانی هەرێمی كوردستان كردوەتەوە لەوادەی دیاریكراوی خۆیدا.

 شەوی رابردوو بەرپرسانی گۆڕان لە گردی زەرگەتەی شاری سلێمانی كۆبوونەتەوەو تیایدا ئەو پێشنیارەی پارتیان هەڵسەنگاندوەو گفتوگۆیان لەبارەوە كردوە.

لەو كۆبوونەوەیەدا بەرپرسانی گۆڕان كە ئەندامانی خانەی راپەڕاندن ئامادەی بوون لەسەر ئەو پێشنیارە نەگەیشتوونەتە هیچ رێككەوتنێك‌و بڕیاری كۆتاییان نەداوە.

هەر بەپێی زانیارییەكان لەناو بزوتنەوەی گۆڕاندا دوو بۆچوونیان هەیە كە بەشێكیان سورن لە بەڕێوەچوونی هەڵبژاردنەكان لەوادەی خۆیدا‌و بەشێكیشان پێیانوایە كە تۆماری دەنگدەران تۆمارێكی مەترسیدارەو ناكرێت بەو تۆمارەوە هەڵبژاردن لە هەرێمی كوردستان بەڕێوە بچێت.

بەشێك لەبەرپرسانی گۆڕان باسیان لەوە كردوە كە بەسەدان هەزار ناوی دووبارەو مردوو هەروەها بوونی ناوی ئاوارەكان لەو تۆمارەدا هەیە، بۆیە بۆچونیان وابووە كە ناكرێت گۆڕان لەم كاتە بچێتە هەڵبژاردنێكەوە كە پشت بەو تۆمارە ببەستێت.

بەپێی زانیارییەكان هەرچەندە تائێستا بزوتنەوەی گۆڕان بڕیاری كۆتای نەداوە لەبارەی پێشنیارەكەی پارتیەوە، بەڵام زۆرینەیان لەگەڵ ئەوەن هەڵبژاردن لەم كاتەداو بەم تۆماری دەنگدەرانەوە نەكرێت.

بەرپرسانی گۆڕان باسیان لەوە كردوە كە پێیان باشە لە میدیاكان‌و هەڵوێستەكانیان جەخت لەسەر ئەنجامدانی هەڵبژاردن بكەنەوە لەوادەی خۆیدا،بەڵام لە هەمان كاتیشدا لەپشتی پەردەوە دژی ئەنجامدانی هەڵبژاردن بن ئەویش تەنیا لەبەر خراپی تۆماری  دەنگدەران.

لەلایەكی ترەوە   كۆمسیۆنی باڵای هەڵبژاردن‌و راپرسی لەماوەی ئەم كاتە كەمەدا ناتوانێت هەڵبژاردنەكان ئەنجام بدات، بەڵام راستەوخۆ ئەوە راناگەیەنێت، بەڵكو چاوەڕێی بڕیاری لایەنە سیاسیەكانە.

بڕیارە مانگی داهاتوو هەڵبژاردنی پەرلەمانی كوردستان‌و سەرۆكی هەرێم ئەنجام بدرێت، بەڵام هەر لەئێستاوە ئاماژەكان بەرەو ئەوەن كە هەڵبژاردن لە هەرێمدا ناكرێت.

بەگشتی خانمان کاتێک دووگیان دەبن ژیانیان تەواو گۆڕانکاری بەسەردا دێت و زۆر هەستیار دەبن بەرامبەر رووداوەکانی چواردەوریان.

لەرووی زانستیەوە هۆکاری گریانی خانمانی دووگیان چییە بەبەراورد بپێش دووگیان بوون یان بۆ چ شتێک دەگرین؟

1-زۆر هەستیار دەبێت، بەهۆی گۆڕانکاری لە تەواوی هۆڕمۆنەکانیدا، ئەمەش دەبێتە هۆی ئەوەی بە بابەتێکی زۆر سادە گریانی بێت.

2-کاتێک دەگری هەست بە ئاسوودەی دەکات، لەکاتێکدا ئەو شتەی بۆی دەگری زۆر بێ بایەخە.

3-دەگری کاتێک ئەو خواردنەی زۆر لای گرنگە تەواو بووە و ئارەزووی زیاتر دەکات یان کەسێک لە خواردنە تایبەتەکەی دەخوات، یان کاتێک چیرۆکێکی خەمبار دەبیستێت یاخود سەیری درامایەک دەکات.

4-دەگری، چونکە شتێکی دەوێت بەڵام نازانێت چییە ئەو شتە؟

5-هەندێکجار دەگری کە دەبینێت جلوبەرگە کۆنەکانی بۆ نابێت و قەبارەی گەورە بووە.

6-هەندێک لە خانمانی دووگیانیش کاتێک بۆ یەکەمجار گوێی لە ترپەی دڵی منداڵەکەی دەبێت دەگری.

ئەگەر یەکێکیت لەبەکارھێنەرانی ئەپڵیکەیشنی فەیسبوک مێسنجەر بەھۆی ئەو نامانەی کەبەبەردەوامی پێت دەگەیشت و ووزەی باتریی زۆر سەرف دەکات و داتای ئینتەرنێت دەبات، دەتوانیت جێگرەوەیەکی بەکاربھێنیت کەبە (مێسنجەر لایت) ناسراوە.
ئەمەش بۆ ئەو وڵاتانەیە کەئینتەرنێتیان خاوە، ئەگەر تۆ مۆبایلی ئایفۆنت پێیە ناتوانی دایبەزێنیت چونکە ئەمە بەردەستە بۆ خاوەنی مۆبایلەکانی ئەندرۆید.
ئەم ئەپڵیکەیشنە بەسوودە بۆ ئەوەی کەمتر ووزەی نێو باتری مۆبایلەکەت دابەزێ و قورسی نەکات و ئەوانەش کەئینتەرنێتەکەیان خاوە چیتر گرفتیان نابێت.
الصفحة 7 من 1124

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥