بەژداری پێ کردنی هەواڵ لە

FacebookTwitterGoogle BookmarksRSS Feed

ته‌رمى سێ برا دواى حەوت رۆژ، له‌ شیلادزێ دۆزرانه‌وه‌، كه‌ "به‌هۆى تۆپبارانى سوپاى توركیاوه‌" شه‌هید بووبوون.

، برازاێکى ئەو سێ شه‌هیده‌کە،  راگەیاندوە، مامەکانی لە حه‌وتی ئەم مانگە چووبوونه‌، گوندی نێروەک لە دەڤەری دۆسکی ناحیەی شێلادزێ، بە مەبەستی چاودێریکردنی مێش هەنگوینەکانی خۆیان، بەڵام دیارنەمان.

وتیشی، ئەمڕۆ سەردانی گوندی نێروەک-یان كردووه‌، بە مەبەستی زانینی چارەنوسیان "بەڵام دیاربوو، هەرسێکیان بەهۆی تۆپبارانی سوپای تورکیاوه‌ گیانیان لە دەستداوە".

ئاماژەشی به‌وه‌کرد، ئێستا سه‌رقاڵى هێنانه‌وه‌ى ته‌رمه‌كانن، دەچنە شوێنی رووداوەکە بۆ هێنانه‌وه‌ى تەرمەکان.

حکومەتی تورکیا فەرمانی دەستگیرکردن بۆ ٧٠ ئەفسەری سوپا دەردەکات بە تۆمەتی پەیوەندییان بە رەوتی خزمەتەوە.

ئەو ئەفسەرانە لە ئەرکی سەربازیدان  و تۆمەتبارکراون بەوەی پەیوەندییان بە رەوتی خزمەتەوە ھەیە کە لەلایەن فەتحوڵا گیولەنەوە رابەرایەتیی دەکرێت، و حکومەتی تورکیاش تۆمەتی ئەوەی خستۆتە پاڵ کە دەستی ھەبوە لە کودەتا سەربازیەکەی ھاوینی ساڵی ٢٠١٦دا. 

پێشتریش ھێزە ئەمنییەکانی تورکیا ٩٨ کەسیان بەتۆمەتی تێوەگلان لە کودەتاکەی ساڵی ٢٠١٦ دەستگیر کرد.

داواکاری گشتیی  پارێزگای ئیزمیر  فەرمانی دەستگیرکردنی بۆ ٥٣ سەرباز دەرکردووە، بەتۆمەتی بەشداریی کردنیان لەو  کودەتایەدا.

 لەکۆی ئەو ٥٣ سەربازە تا ئێستا ٣٤  یان دەستگیر کراون کە تا ساتی دەستگیر کردنەکەیان لە ئەرکدان بوون. 

داواکاری گشتیی ئیستەنبوڵ فەرمانی دەستگیر کردنی بۆ ٤٥ کەسی تریش لەسەر ھەمان دۆسیە دەرکردوە، فەرمانەکەش پشتی بەچەند بەڵگەنامەیەک بەستووە، لەوانە   بەکارھێنانی ژمارە تەلەفونی نھێنی پەیوەست بەو کودەتایە.

 

وتەبێژی ئەنجومەنی ناوەندی یەكێتی رایگەیاند كە یەكێتی بۆ ئەم هەڵبژاردنە پەیامێكی كاریگەرو هێمانەی دەبێت و ئاماژەی بەوەشكرد كە یەكێتی بەباشی خۆی ئامادەكردووەو ناو ماڵی خۆی رێكخستووە.
دوابەدوای كۆبوونەوەی ئەنجومەنی ناوەندی یەكێتی و لیژنەی باڵای ئامادەكاری هەڵبژاردنەكان، كە لەسەعات 11ی پێش نێوەڕۆی ئەمڕۆوە لەمەكتەبی سیاسی دەستیپێكردبوو، لەتیف نێروەیی وتەبێژی ئەنجومەنی ناوەندی، لەكۆنگرەیەكی رۆژنامەنووسیدا رایگەیاند: كۆبوونەوەی ئەمڕۆ بۆ ئەوە بووە كە هەڤاڵانی مەكتەبی سیاسی و سەركردایەتی دابەشببن بەسەر سنووری مەڵبەندەكان و پارێزگاكان و سنووری ناوچە دابڕاوەكان.
ئاماژەی بەوەشكرد كە ئێستا یەكێتی بەباشی خۆی رێكخستووەو ناو ماڵی خۆی رێكخستووە، یەكێتی ناو یەكێتی پاراستووەو لەهەموو بوارەكاندا وەك یەك تیم كار دەكەن بۆ یەك لیست كە لیستی ژمارە 162ەوە.
لەبارەی پەیامی یەكێتیشەوە لەهەڵمەتەكانی هەڵبژاردن بۆ پەرلەمانی عیراق، روونیكردەوە پەیامی یەكێتی لەم بانگەشەیە پەیامێكی هێمانەیە، كە گوزارشت لەیاسای هەڵبژاردن و پرۆسەی دیموكراسی بكات، وتیشی: "ئێمە زمانی زبر بەكارناهێنین و بڕوامان بەوە هەیە كە لەدوای هەڵبژاردنەوە كورد بەیەك تیم لەبەغدا بەرگری لەمافەكانی كورد بكات، بەڵام ئەگەر هێرشیش بكرێتە سەرمان ئەوا ناچارین بەرگری لەخۆمان بكەین".
وتەبێژی ئەنجومەنی ناوەندی راشیگەیاند ئەندامان و لایەنگرانی یەكێتی دڵنیادەكەینەوە كە یەكێتی لەئاست ئەو مێژوو خەباتەی دەبێت كە بەدرێژای شۆڕشی نوێی گەلەكەمان كۆمەڵانی خەڵك متمانەی پێكردووە.

سەعدی ئەحمەد پیرە وتەبێژی مەكتەبی سیاسی یەكێتی نیشتمانی كوردستان رایگەیاند، سەرۆك كۆماری داهاتووی عێراق كورد دەبێت‌و لەناو كوردیش بۆ یەكێتی دەبێت.

ئەو قسانەی سەعدی ئەحمەد پیرە ئەمڕۆ هەینی لەمیانی كۆنگرەیەكی رۆژنامەوانی هات، ئەوەش لەكاردانەوەی ئەو دەنگۆیانەی باس لەوە دەكەن، كە پۆستی سەرۆك كۆمار لەدوای هەڵبژاردنی پەرلەمانی عێراق بۆ كورد نابێت.

سەعدی ئەحمەد پیرە ئەوەشی راگەیاند، ئەوە خەونە، كە "پۆستی داهاتووی سەرۆك كۆمار بۆ كورد نەبێت‌و لەناو كوردیش بۆ یەكێتی نەبێت".

ئەمە لەكاتێكدایە بڕیارە لە 12ی ئایاری داهاتوو هەڵبژاردنی پەرلەمانی عێراق بەرێوەبچێت‌و لەئێستا باس لەوە دەكرێت، كە سوننەكانی عێراق چاویان لەو پۆستەیە.

ئەمجارە كورد بەو كارتانەوە ناچێتەوە بەغدا، كە لە 15 ساڵی‌ رابردوودا دوای‌ هەموو هەڵبژاردنێك لەگەڵ خۆی‌ دەیبرد بۆ گوشاركردن سەبارەت بەدیاریكردنی‌ ئەو كەسەی‌ دەبێتە سەرۆك وەزیرانی‌ عێراق.

جیابوونەوە لەعێراق‌و چارەنووسی ناوچە جێناكۆكەكان‌و سەربەخۆیی‌ فرۆشتنی‌ نەوت‌و بەكارهێنانی‌ هێز دیارترین ئەو كارتانەبوون، كە پێشتر كورد بەدەستیەوە بوو بۆ چنینەوەی‌ ئەو دەستكەوتانەی،‌ كە دەیویست لەبەرانبەر  دەنگدان بەپاڵێوراوی‌ پۆستی‌ سەرۆك وەزیران، كە باڵاترین دەسەڵاتە لەعێراق بەكاری‌ بهێنێت.

ئێستاو بەر لەمانگێك لەئەنجامدانی‌ هەڵبژاردنی‌ پەرلەمانی‌ عێراق كورد ئەو كارتانەی‌ بەدەستەوە نەماوە، كە پێشتر لەدەستدابوو بۆ گوشاركردن.

ئەنجامدانی‌ ریفراندۆم لەساڵی‌ رابردوودا كارتی‌ جیاكردنەوەی‌ هەرێمی‌ كوردستانی‌ لەعێراق سفركردەوەو بەو هۆیەشەوە هێزە ئەمنیەكانی‌ عێراق كۆنتڕۆڵی‌ زۆرینەی‌ ناوچە جێناكۆكەكانیان كرد كەپێشتر كورد تیایدا باڵادەست‌و خاوەن هێزی‌ سەربازی‌ بوو.

بۆ هەرێمی‌ كوردستانیش چیتر سەربەخۆیی ئابوری‌ فرۆشتنی‌ نەوت ئەو بەهایەی‌ نەماوە بەهۆی‌ دابەزینی‌ نرخی‌ نەوت لەبازارەكانی‌ جیهانداو لەدەستدانی‌ چەند كیڵگەیەكی‌ نەوتی‌ سنوری‌ كەركوك بۆ بەغدا كە پێشتر بەشێكی‌ زۆری‌ هەناردەی‌ نەوتی‌ لێوە دەكرد.

لەخولەكانی‌ رابردووی‌ پەرلەمانی‌ عێراقدا كورد لەپاڵ سوننەو شیعەدا گەمەكەری‌ سەرەكی‌ بوو لەپرسی یەكلاییكردنەوەی‌ پۆستی‌ سەرۆك وەزیران‌و پاڵێوراوەكەیدا، پێشتر لەساڵی‌ 2005 توانی‌ پالێوراوی‌ شیعەكانیش بۆ ئەو پۆستە رەتبكاتەوە كە ئیبراهیم جەعفەری‌ بوو .

چوونی‌ كورد بەدەستبەتاڵی‌ بۆ بەغدا بۆ ئەمجارە پێشبینی‌ دەستبەتاڵیشی لێدەكرێت لەیەكلاییكردنەوەی‌ پۆستی‌ سەرۆك وەزیراندا.

ئەمین بەكر سەرۆكی فراكسیۆنی گۆڕان لەپەرلەمانی عێراق بە"نیقاش"ی‌ وت "كورد پێگەی جارانی لەبەغدا نەماوەو ناتوانێت رۆڵی یەكلاییكەرەوەی لەدیاریكردنی سەرۆك وەزیرانی‌ داهاتوو هەبێت، بەڵام بەبێ كوردیش ئاسان نییە بڕیار بدرێت لەعێراقدا."

وتیشی‌ "ئەگەر كورد یەكگرتوو بێت دەتوانێت پێگەی بەهێز بكاتەوە، بەڵام ئەگەر بەم پێگەیەی‌ ئێستاوە كورد بچێتەوە بەغدا ئەوا وەك پێشوو كە سەرۆك وەزیران دیاریكراو بودجە پەسندكرا بەبێ كورد، ئەمجارەش هەروا دەبێت".

یەكڕیزی‌ لایەنە سیاسییەكان لەهەرێمی‌ كوردستان ئێستا بۆ ئەوان چڵە پوشی هیوای‌ بەهێزیانە لەبەغدا دەستیان پێوە گرتووە، بەڵام ئەگەر بارودۆخەكە وەك ئێستا بێت پشتبەستن بەو هیوایەش ئەستەمە.

كێشەی‌ پرسی پۆستی‌ سەرۆكایەتی‌ هەرێم‌و یەكلایی نەكردنەوەی‌ رەشنوسی دەستورو ناكۆكی‌ لایەنەكان لەسەر پرسی داهات‌و شێوازی‌ حوكمڕانی ئەوەندەی‌ تر بۆشایی‌ نێوان لایەنە سیاسییەكانی‌ هەرێمی‌ كوردستانی‌ زیاتر كردووە كە بۆ جارێكی‌ تر لەحكومەتی‌ بنكە فراوانەوە شێوازی‌ بەرێوەبردنی‌ هەرێم بووەوە بەدوو بەرەی‌ ئۆپۆزسیۆن‌و دەسەڵات‌و جیاوازیەكانیشیان زیاتر بووە.

پێشتر كورد بەدڵنیاییەوە دەچووە بەغدا بەوەی‌ یەكێكە لەكۆڵەكەكانی‌ سازانی‌ پێكهاتەكان‌و رۆڵ‌و داواكارییەكانی‌ لەبیر ناكرێت، بەڵام ئەمجارە گومانی‌ لەهاوبەشەكانی‌ رابردووی‌ هەیە.

ئارێز عەبدوڵا سەرۆكی فراكسیۆنی یەكێتی لەپەرلەمانی عێراق  بە"نیقاش"ی وت "لەعێراقدا ئاڕاستەیەكی سیاسی هەیە كە دەیانەوێت رۆڵی كورد پەراوێز بخەن، بەڵام ناتوانن‌و  هەر حكومەتێك بەبێ دەنگی كورد پێكبهێنرێت ئەوا پڕۆسەی سیاسی عێراق شكست دەهێنێت، چونكە هەر بڕیارێكی چارەنوسساز لەعێراق دەدرێت، دەبێت بەتەوافوق بێت نەك بەزۆرینەو كەمینە".

ژمارە بۆ كورد لەپەرلەمانی‌ عێراق ئێستا ئەو هێزەی‌ نییە كە پێشتر هەیبووە ئەوە جگە لەوەی‌ خول دوای‌ خول كورسییەكانی‌ كەم بوونەتەوە لەهۆڵی‌ پەرلەماندا.

لە هەڵبژاردنی‌ ساڵی‌ 2005ی‌ پەرلەمانی‌ عێراقدا لەكۆی‌ 275 كورسی‌، كورد 77 كورسی‌ بەدەستهێنا، بەڵام لەهەڵبژاردنی‌ 2010دا ژمارەی‌ كورسیەكانی‌ كورد بۆ 57 كورسی‌ كەم بووەوە ئەگەرچی‌ ژمارەی‌ كورسیەكانی‌ پەرلەمان زیاد كرا بۆ 325 كورسی، بەڵام لەهەڵبژاردنی‌ رابردوشدا كورد ژمارەی‌ كورسیەكانی‌ بەرزكردەوە بۆ 62  كورسی‌ ئەگەرچی‌ ژمارەی‌ كورسییەكانی‌ پەرلەمانیش بەرزكرانەوە بۆ 328.

سەردار عەبدولكەریم ئەندامی‌ پێشووتری‌ ئەنجومەنی‌ كۆمسیۆنی‌ باڵای‌ سەربەخۆی‌ هەڵبژاردنەكانی‌ عێراق بە"نیقاش"ی‌ وت "سیستەمی‌ هەڵبژاردن هۆكارێكی‌ بۆ كەمبوونەوە دەنگی‌ كورد لەهەڵبژاردنەكاندا".

ئەوەی‌ چاوەڕوان دەكرێت گۆمی‌ كەمكردنەوەی‌ كورسی كورد لەپەرلەمانی‌ عێراق بۆ هەڵبژاردنی‌ داهاتوو قوڵتر بكاتەوە، هەڵبژاردنە لەناوچە جێناكۆكەكانی‌ كەركوك‌و دیالەو سەڵاحەدین‌و نەینەوا.

لەلایەك پارتی‌ دیموكراتی‌ كوردستان بڕیاری‌ بایكۆتی‌ هەڵبژاردنی‌ داوە لەسنوری‌ كەركوك، لەلایەكی‌ تریشەوە بەهۆی‌ كۆنتڕۆڵكردنی‌ ئەو ناوچانە لەلایەن هێزە ئەمنیەكانی‌ عێراقەوە دەنگی‌ ناڕازی هاوڵاتیانی‌ كورد لەو ناوچانە دژ بەحزبە كوردییەكان بەزربووەتەوە، ئەوە جگەلەوەی‌ بەهۆی‌ شەڕی‌ داعشەوە هاوڵاتیانی‌ بەشێك لەو ناوچانە ئاوارە بوون یان كۆچیان بۆ دەرەوەی‌ عێراق كردووە كە پێشتر حزبە كوردییەكان پشتیان پێدەبەستن.  

مەحما خەلیل قایمقامی‌ شنگال لەسنوری‌ پارێزگای‌ نەینەوا كە لەلایەن حكومەتی‌ ناوەندیەوە دانی‌ پێدا نانرێت پێشبینی‌ كەمبوونەوەی‌ كورسیەكانی‌ كورد دەكات لەو پارێزگایە لە 8 كورسییەوە بۆ 4 كورسی‌.

مەحما خەلیل بە"نیقاش"ی‌ وت "دەنگی‌ كورد ئەمجارە كەم دەكات، چونكە خەڵكێكی‌ زۆر لەناوچە جێناكۆكەكان ئاوارەبوون یان كۆچیان كردووە بۆ دەرەوە، جگە لەوەش خەڵكی‌ ناوچەكە زۆر نیگەران‌و توڕەن بەرامبەر لایەنە سیاسیە كوردیەكان كە نەیانتوانیوە بیانپارێزن".

سەرەڕای‌ لەدەستدانی‌ كارتەكانی‌ هێشتا كورد ئومێدی‌ بە خاڵی‌ "بەهێز"ی‌ تری‌ خۆی‌ هەیە بۆ گۆڕینی‌ هاوكێشەی‌ سیاسی‌ لەپەرلەمانی‌ عێراق بۆ خولی‌ داهاتوو.

عەرەفات كەرەم سەرۆكی فراكسیۆنی پارتی لەپەرلەمانی عێراق  گەشبینە بەوەی‌ كورد رۆڵی دەبێت لەدیاریكردنی سەرۆك وەزیرانی داهاتووی‌ عێراق هەرچەندە دان بەوەدا دەنێت كە كورد وەك پێشوو پێگەی بەهێزی‌ نابێت تا رۆڵی یەكلاكەرەوە ببینێت.

عەرەفات كەرەم بە"نیقاش"ی‌ وت "ئەگەر كورد یەكگرتوو بێت‌و لەدوای هەڵبژاردنەكان هاوپەیمانێتی‌ پێكبهێنن ئەوا رۆڵی سەرەكی دەبێت لەپێكهێنانی حكومەت‌و دیاریكردنی سەرۆك وەزیراندا، بەڵام بەم پەرتەوازەیی‌‌و لاوازییەی ئێستاوە كورد ناتوانێت رۆڵی هەبێت".

ئەمە ئەو بۆچوونەیە كە ئەحمەد حاجی‌ رەشید سەرۆكی‌ فراكسیۆنی‌ كۆمەڵی‌ ئیسلامیش لەپەرلەمانی‌ عێراق پشتیوانی‌ دەكات‌و  پێیوایە لایەنەكانی‌ تر ناتوانن كورد پەراوێز بخەن، ئەو بە"نیقاش"ی‌  وت "بەبێ بەشێك لەكورد حكومەت پێكناهێنرێت، لەكاتێكدا ئەگەر حكومەتی‌ زۆرینەش پێكبهێنرێت كە دوور نییە وابێت بەشێك لەكوردی‌ تێدا دەبێت".

ئاماژەكانی‌ پێكهێنانی‌ حكومەتی‌ زۆرینە لەماوەی‌ رابردوودا بۆ كورد دڵخۆشكەر نەبوو، چونكە هێزە كوردییەكان لە15 ساڵی‌ رابردوودا پشتیان بەحكومەتی‌ تەوافوق بەستووە، هەموو جارێكیش ئەو هێزە كوردییانە ژمارەیەكی‌ كاریگەربوون بۆ پێكهێنانی‌ حكومەت‌و یەكلایی كردنەوەی‌ پۆستی‌ سەرەك وەزیران.

نزیكبونەوەی‌ ئەم دواییەی‌ هێزە سونەو شیعەكان لەژێر چەتری‌ پەرلەماندا  مەترسی دووبارە كردنەوەی‌ تێپەڕاندنی‌ پرسەكانی‌ لەلای‌ كورد دروستكردووە بەزۆرینەی‌ دەنگی‌ ئەو دوو پێكهاتەیە، وەك چۆن پێشتر پڕۆژەیاسای‌ بودجەی‌ 2018 یان بێ رەزامەندی‌ كورد پەسەندكرد.

مەحمود عوسمان سیاسەتمەداری كورد كە بۆ چەندین خول ئەندامی‌ پەرلەمانی‌ عێراق بوو بە"نیقاش"ی‌ وت "نزیكبوونەوەی شیعەو سونە دەریدەخات كورد رۆڵی دەبێت لەبەغدا یان نا، ئەگەر نزیك ببنەوە كورد ناتوانێت رۆڵی‌ هەبێت‌و پۆستی سەرۆك وەزیران یەكلایی بكاتەوە".

هەموو ئاماژەكان بەرەو ئەو ئاراستەیەن كە ئەمجارە كورد ژمارەیەكی‌ قورس نییە لەفەرمانڕەوایی‌ عێراقداو وەك پێشتر ناتوانێت مەرجەكانی‌ خۆی‌ بسەپێنێت، بەڵام ژمارەیەكیش نابێت كە فەرامۆش بكرێت، رەنگبێ‌ بەدەمەوە هاتنی‌ ئەم دواییەی‌ حەیدەر عەبادی‌ بۆ ناردنی‌ موچەی‌ فەرمانبەرانی‌ هەرێم‌و كردنەوەی‌ فرۆكەخانەكان بۆخۆی‌ دانپیانانی‌ سەرەك وەزیران بێت بەگرنگی‌ دەنگی‌ كورد، چونكە عەبادی‌ لەئەگەری‌ كاندیدبوونەوەی‌ بۆ پۆستی‌ سەرەك وەزیران، نایەوێ‌ دەنگی‌ سەروو 50 كورسی‌ لەپەرلەمانی‌ عێراقدا لەدەست خۆی‌ بدات.

 

نەوزاد رەسوڵ پەرلەمانتارى یەکێتى نیشتیمانى کوردستان لە پەرلەمانى عێراق تایبەت بە HNNراگەیاند چەند رۆژێکە ئێمە لە هەوڵداین بۆ چارەسەرکردنى موچەى پاسەوانى دوای ئه‌وه‌ی حکومه‌ت توانی پێداچوونه‌وه‌ به‌ مووچه‌ی فه‌رمانبه‌ران بکات و سیسته‌مێکی نوێ مووچه‌ی ڕاگه‌یاند، له‌گه‌ڵ به‌ڕێزان،له‌ لە ئەنجومەنى وەزیرانى حکومەتى هەرێم  لەهەوڵى چدى دا بووین بۆ ئه‌م مه‌به‌سته‌.ئێمەیان دڵنیاکردەوە،مووچه‌ی یه‌که‌ی پاسه‌وانیش به‌پێی سیسته‌می نوێی مووچه‌ ده‌ستکاری ده‌کرێت. 

Image may contain: Nawzad Rasul, suit

ڕونکرده‌وه‌یه‌ک له‌ نەوزاد رەسوڵ پەرلەمانتارى یەکێتى نیشتیمانى کوردستان ،ده‌رباره‌ی موچه‌ی یه‌که‌ی پاسه‌وانی

دیسان مووچەی پۆلیسی پاسەوانییەکان لەلایەن پارتییەوە موزایەدەی پێکرا،لەکاتێکدا چەند رۆژێکە ئێمە لەهه وڵداین و تەنانەت لەرۆژی ۱۲ی ٤ من نامەی ڕەسمیم ئاراستەی بەڕێز کاک قوباد تاڵە بانی کردووە و لەلایەن کاک سمیر هەورامی راوێژکاری بەڕێزیانەوە وەڵام دراینەوە کە دڵنیای پۆلیسەکان بکەنەوە وا لەهەوڵی بەردەوامی چارەسەرکردنی کێشەکە داین ،،بەڵام وەک پیشەی هەمیشەییان کەزانییان کێشەکە بەرەوچارەسەرە،بەو رۆژی جومعەیە کە پشووەو جەنابی وەزیر و وەزارەتیش هەرلەدەوامدا نین پەنایان بۆ لێدوانێکی وەزیری ناوخۆ بردگوایە ئەو لەخەمی پۆلیسەکاندایەلەکاتێکداهەمووان دەزانن چارەسەرکردنی کێشەکەلەدەسەڵاتی وەزیری ناوخۆ دانی یە و ئەم بابەتە لەچوارچێوەی توانا و دەسەڵاتی سەرۆک و جێگری سەرۆک وەزیران و وەزارەتی دارایی دایە ، بۆیە پۆلیسە دڵسۆز و سەربەرزەکان لەوە هۆشیارترن کە موزایەدەیان بەسەرەوە بکرێت.

 

 

No automatic alt text available.

به‌هۆی بایكۆته‌وه‌، ٣٧ مامۆستا له‌ هه‌ولێر و دهۆك سزادراون، و تا ئێستا سزاکان بەردەوامە و لانەبراون یه‌كێتى مامۆستایانیش داواى سڕینه‌وه‌ى سزاكان ده‌كات.

، جێگری سه‌رۆكی یه‌كێتی مامۆستایانی كوردستان، راگه‌یاندوە'' له‌ قوتابخانه‌یه‌كی هه‌ولێر ١٩ مامۆستا و له‌ دهۆكیش ١٨مامۆستا، به‌هۆی نه‌چوونه‌وه‌یان بۆ ده‌وام سزادراون"

وتیشی"وه‌ك یه‌كێتی مامۆستایان په‌یوه‌ندیمان، به‌ لقه‌كانی هه‌ولێر و دهۆك-ه‌وه‌ كردووه‌ و دوپاتیانكردووه‌ته‌وه‌ نابێت سزابدرێن، چونكه‌ كاته‌كه‌ی هه‌مان رۆژی بایكۆتی گشتی مامۆستایان بووه‌ بۆ داواكردنی مافه‌كانیان".

 

ئه‌مڕۆ رێكه‌وتى 12 ى 4 ى 2018، له‌سه‌ر شه‌قامى 120 مه‌ترى شارى هه‌ولێر پێكدادان له‌ نێوان دوو ئۆتۆمبێلدا روویدا و له‌ ئه‌نجامدا منداڵێك گیانى له‌ده‌ستدا و شۆفێرێك برینداربوو.

به‌پێى ئه‌و زانیاریانه‌ى له‌ به‌ڕێوه‌به‌رایه‌تى هاتوچۆى هه‌ولێره‌وه‌ بلاوکرایتەوە، پێش نیوه‌ڕۆى ئه‌مڕۆ پێنج شه‌ممه‌ له‌سه‌ر شه‌قامى 120 مه‌ترى شارى هه‌ولێر رووداوێكى هاتوچۆ له‌ جۆرى پێكدادان له‌ نێوان سێ ئۆتۆمبێلدا روویدا.

له‌ ئه‌نجامى رووداوه‌كه‌دا منداڵێك كه‌ سه‌رنشینى یه‌كێك له‌ ئۆتۆمبێله‌كان بووه‌ گیانى له‌ده‌ستداوه‌ و شۆفێرێكیش برینداربووه‌.

 

 

 

میسون چاكربۆرتی بناسه‌

 

كەمال محەمەد سمبولی بەرخۆدان بڵاو دەكاتەوە

 

لە نوێترین كاری خۆیدا هونەرمەند كەمال محەمەد باس لە كارە نوێكەی دەكات كە پێشكەشی شەرەڤانانی كردووە لە رۆژئاوای كوردستان.

كەمال محەمەد لە پارچە ڤیدیۆیەكدا ئەوەی بڵاو كردووەتەوە نوێترین بەرهەمم بەناونیشانی "سمبولی بەرخۆدان" 

كە پێشكەشی شەرەڤانانی پیاوان و ژنانی رۆژئاوای كوردستانی كردووە .

بریارە لە چەند رۆژی داهاتوودا ‌وئەو بەهەمە بڵاو ببێتەوەكە هونەرمەند ماوەیەكە بەرهەمی نوێی نیە بەڵام ئەمە نوێترین بەرهەمی ناوبراو دەبێت لە ساڵی 2018 دا .

بەرهەمەكە لەلایەن كۆمپانیای  كەی ئێم جییەوە كاری بەرهەمهێنان و ئامادەكردنی بۆ كردووە  .

الصفحة 6 من 1240

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥