ئێواره‌ى ئه‌مڕۆ پێنج شه‌ممه‌ رێكه‌وتى 12 ى 10 ى 2017، كۆبوونه‌وه‌ى مه‌كته‌بى سیاسى یه‌كێتیى نیشتمانى كوردستان له‌ شارى سلێمانى ده‌ستى پێكرد.

سه‌رچاوه‌یه‌ك راگه‌یاندووە "ئێواره‌ى ئه‌مڕۆ كۆبوونه‌وه‌ى مه‌كته‌بى سیاسى یه‌كێتیى نیشتمانى كوردستان له‌ باره‌گاى مه‌كته‌بى سیاسى له‌ شارى سلێمانى ده‌ستى پێكرد".

كۆبوونه‌وه‌كه‌ى ئه‌مڕۆى مه‌كته‌بى سیاسى یه‌كێتیى نیشتمانى كوردستان یه‌كه‌م كۆبوونه‌وه‌ى پاش كۆچى دوایى "سه‌رۆك مام جه‌لال" سكرتێرى گشتى یه‌كێتییه‌، ئه‌مه‌ش پاش ئه‌وه‌ى نۆ رۆژ پێش ئێستا كۆچى دوایى كرد.

رێكه‌وتی 3 ی 10 ی 2017، "سه‌رۆك مام جه‌لال" سه‌رۆك كۆماری پێشوی عێراق و سكرتێری گشتی یه‌كێتیی نیشتمانی كوردستان، پاش 70 ساڵ له‌ خه‌باتی بێ ووچان له‌ پێناو گه‌لی كورد و كوردستان، له‌ ته‌مه‌نی 84 ساڵیدا له‌ نه‌خۆشخانه‌یه‌كى ئه‌ڵمانیا دڵه‌ گه‌وره‌كه‌ی له‌ لێدان كه‌وت و كۆچی دوایی كرد.

رێكه‌وتى 6 ى 10 ى 2017 له‌ مه‌ڕاسیمێكى گه‌وره‌ و به‌رفراواندا و به‌ ئاماده‌بوونى سه‌دان هه‌زار هاوڵاتى و به‌شدارى ژماره‌یه‌كى زۆر له‌ سه‌ركرده‌ و كه‌سایه‌تى و نوێنه‌رانى وڵاتانى جیهان، له‌ فڕۆكه‌خانه‌ى نێوده‌وڵه‌تى سلێمانى پێشوازى له‌ ته‌رمى "سه‌رۆك مام جه‌لال" كرا و دواتر له‌ ده‌باشانى شارى سلێمانى به‌خاك سپێردرا. 

 

حەیدەر عەبادی، سەرۆک وەزیرانی عێراق رایگەیاند، ئێمە سوپا دژی گەلی خۆمان بەکارناھێنین و شەڕیش دژی ھاوڵاتی کورد ناکەین.

عەبادی، ئەمرۆ پێنجشەممە، ھەروەھا وتی،"ئەرکمانە یەکگرتویی وڵات بپارێزین، و جێبەجێکردنی دەستوور، و پاراستنی ھاوڵاتیان و سامانی نیشتیمانی بپارێزین".

سەرۆک وەزیرانی عێراق، لەکۆبوونەوەیەک لەگەڵ بەرپرسانی پارێزگای ئەنبار، ئەوەشی خستەڕوو، ئێمە بەجدی کاردەکەین بۆ خێراکردنی گەڕانەوەی سەقامگیری لەپارێزگاکە و پێویستە کامپی ئاوارەکان، دابخەین و ھاوڵاتیان بگەڕێنەوە ماڵی خۆیان، لەماوەیەکی نزیکدا".

جەختیلەوەکردەوە، ئەوان رێگانادەن بگەڕێنەوە بۆ چوارگۆشەی یەکەم، بە"گەڕاندنەوەی وتاری مەزھەبی دابەشکاری".

ئەو وتانەی عەبادی لەکاتێکدایە، ئەنجومەنی ئاسایشی ھەرێمی کوردستان، دوێنێ رایگەیاند، پەیامی مەترسیداریان پێ دەگات لەبارەی ئامادەکاریی ھێزەکانی حەشدی شەعبی، و پۆلیسی فیدراڵی بۆ ئەنجامدانی ھێرشی گەورە بۆ سەر ھەرێمی کوردستان.

ئەنجومەنی ئاسایشی ھەرێمی کوردستان ئێوارەی دوێنێ، لەھەژماری فەرمی، ئەنجومەنەکە لە تویتەر بڵاویان کردەوە، کە"پەیامی مەترسیدارمان پێ دەگات، لەلایەن ھێزەعێراقییەکانەوە. لەنێویاندا حەشدی شەعبی و پۆلیسی فیدراڵی کە ئامادەکاریی دەکەن بۆ ھێرشێکی گەورە بۆ سەر کوردستان لە باشور و رۆژئاوای کەرکوک، ھەروەھا باکوری موسڵ."

شیروان زرار وتەبێژی كۆمسیۆنی باڵای سەربەخۆی هەڵبژاردن‌و راپرسی هەرێمی كوردستان، كاندیدەكەی بۆ پرستی سەرۆكی هەرێمی كوردستان "كێشە"ی هەیەو لەهەوڵی چارەسەری كێشەكەدان.

شیروان زرار ئەمڕۆ پێنج شەممە لەمیانی لێدوانێكی رۆژنامەوانی رایگەیاند، "ئەو بەرێزەی خۆی بۆ پۆستی سەرۆكی هەرێم كاندید كردووە، درەنگ ناوەكەی تۆماركردووە، بەو هۆیەشەوە كێشەی یاسایی دروستبووە".

وتەبێژی كۆمسیۆن ئەوەشی راگەیاندووە، كە ئەوان ئەو كێشە یاساییەیان رەوانەی ئەنجوومەنی دادوەری خۆیان كردووە، بۆ ئەوەی ئەنجوومەنەكە رای خۆی لەو بارەوە بدات‌و دواتر كۆمسیۆن لەسەر بنەمای راكە لەو بارەوە بڕیاربدات.

محەمەد تۆفیق رەحیم، تاكە كەسە خۆی كاندید كردووە بۆ پۆستی سەرۆكی هەرێمی كوردستان، كە بڕیارە رۆژی یەكی مانگی داهاتوو هەڵبژاردنی سەرۆكایەتی هەرێم‌و پەرلەمانی كوردستان بەرێوەبچێت.

شیروان زرار ئەوەشی راگەیاند، كە لای خۆشییەوە محەمەد تۆفیق رەحیم سكاڵای تۆماركردووە، كە مافی خۆیەتی وەك هەر كەسێك خۆی كاندید بكات‌و سكاڵاش تۆماربكات، كە ئەنجوومەنی دادوەری ئەو سكاڵایەش یەكلادەكاتەوە.

محەمەد تۆفیق رەحیم، كە لەسەر پشكی بزووتنەوەی گۆڕان خۆی بۆ پۆستی سەرۆكی هەرێم كاندید كردووە، بەهۆی ئەوەی ناوەكەی درەنگ تۆماركردووە، رەنگە كاندیدبوونەكەی رەتبكرێتەوە.

بە مەبەستی ئەنجامدانی ئۆپراسیۆنی سەربازی، حکومەتی تورکیا قەدەغەکردنی ھاتوچۆی لە ١٥ گوندی شاری ئامەد راگەیاند.
پارێزگاری شاری ئامەد ،قەدەغەکردنی ھاتوچۆی لە ١٥ گوندی سەر بە ناوچەی فارقینی شارەکە ڕاگەیاند. بەپێی ڕاگەیەندراوەکەی پارێزگاری شارەکە بڕیارەکە لە سەعات ٦ ی سەرلەبەیانی ئەمڕۆوە ھەتا کاتێکی نادیار بەردەوام دەبێت، ھەروەھا ھۆکاری ئەو بڕیارەش بۆ ئەنجامدانی ئۆپراسیۆنی سەربازی لەلایەن سوپای تورکیاوە لەو ناوچانە گەڕاندۆتەوە و لە ئێستاشدا جموجۆڵە سەربازییەکان دەستیپێکردووە. 
کۆمسیۆن ژمارەی قەوارە سیاسییەکانی بۆ ھەڵبژاردن دیاریکرد
کۆمسیۆنی باڵای سەربەخۆی ھەڵبژاردن و راپرسی لەھەرێمی کوردستان تیروپشکی بۆ پێدانی ژمارە بەقەوارە سیاسییەکانی ئەنجامدا بەمەبەستی بەشداریکردن لەھەڵبژاردنی داھاتووی پەرلەمانی کوردستان و سەرۆکایەتی ھەرێم کەبڕیارە یەکی تشرینی دووەمی ٢٠١٧ بەڕێوەبچێت.
 
ژمارەی قەوارەکان:
 
یەکێتی نیشتمانی کوردستان ١٧١ 
پارتی دیموکراتی کوردستان ١٧٨ 
بزووتنەوەی گۆڕان ١٠١
یەکگرتووی ئیسلامی کوردستان ١٥٠ 
ھاوپەیمانی بۆ دیموکراسی و دادپەروەری ١٤٢ 
بزووتنەوەی ئیسلامی ١٣١ 
حزبی زەحمەتکێشان ١١٥
حزبی ئێزدی ١٨٢
ھاوپەیمانی سەربەخۆی کوردستان ١٦٣
لیستی نەوەی نوێ ١٢٠ 
پارتی پارێزگارانی کوردستان ١٨٩
لیستی ئازادی ١٩٠ 
کۆمەڵی ئیسلامی ١٩٢ 
پارتی چاکسازی تورکمانی ٢٦١ 
تورکمانی دیموکراتی ٢٩٨
لیستی تورکمانی دیموکراتی ٢٤٠ 
گەشەپێدانی تورکمان ٢٧٠ 
بەرەی تورکمانی عێراق ٢٩٣
توركیا بۆ بارزانی‌: پاشگه‌زنه‌بنه‌وه‌ ئه‌وه‌ی‌ به‌ده‌ستتانهێناوه‌ له‌ده‌ستی‌ ده‌ده‌ن
توركیا جارێكی‌ دیكه‌ په‌یامێك ئاراسته‌ی‌ بارزانی‌ و حكومه‌تی‌ هه‌رێم ده‌كات و داوایان لێده‌كات له‌ئه‌نجامی‌ ڕیفراندۆم پاشگه‌زببنه‌وه‌، وته‌بێژی‌ سه‌رۆكایه‌تی‌ كۆماری‌ توركیاش هه‌ڕه‌شه‌ی‌ ڕاگرتنی‌ هه‌نارده‌ی‌ نه‌وتی‌ له‌بارزانی‌ كردو ڕایگه‌یاند، "ئه‌گه‌ر پاشگه‌ز نه‌بنه‌وه‌، ئه‌وه‌ی‌ به‌ده‌ستتانهێناوه‌ له‌ده‌ستی‌ ده‌ده‌ن".

 

 

ئیبراهیم كاڵن وته‌بێژی‌ سه‌رۆكایه‌تی‌ كۆماری‌ توركیا له‌كۆنگره‌یه‌كی‌ ڕۆژنامه‌وانیدا جارێكی‌ دیكه‌ هه‌ڕه‌شه‌ی‌ له‌هه‌رێمی‌ كوردستان كرده‌وه‌و ڕایگه‌یاند، "پێش ڕیفراندۆم و دواتریش داوامانكرد پێویسته‌ به‌په‌له‌ پاشگه‌زببنه‌وه‌ له‌ئه‌نجامی‌ ڕیفراندۆم، چونكه‌ ده‌ستكه‌وته‌كان له‌ده‌ستده‌ده‌ن".

كاڵن ده‌ڵێت:"به‌بارزانیمان وتوه‌ هه‌رچیتان ده‌وێت و داوایده‌كه‌ن، ده‌بێت له‌چوارچێوه‌ی‌ عیراقدا بێت نه‌ك گۆڕانكاریی له‌خاكی‌ عیراق و سنوره‌كان و سه‌ربه‌خۆیی، چونكه‌ دڵنیابن ڕێگه‌ به‌گۆڕینی‌ سنوره‌كان ناده‌ین به‌هیچ شێوه‌یه‌ك".

به‌رپرسه‌كه‌ی‌ توركیا ئه‌وه‌شی‌ ڕونكرده‌وه‌، :ئێمه‌ نامانه‌وێت زیان به‌برا كورده‌كانمان بگات له‌هه‌رێمی‌ كوردستان، به‌ڵام جه‌ختده‌كه‌ینه‌وه‌و تكاده‌كه‌ین واز له‌ڕیفراندۆم و ئه‌نجامه‌كه‌ی‌ بهێنن، چونكه‌ ده‌بێت له‌وه‌ زۆر دڵنیابن كه‌ هه‌موو ئه‌و ده‌ستكه‌وتانه‌ی‌ به‌ده‌ستتانهێناون له‌ده‌ستتان ده‌چێت".

وته‌بێژی‌ سه‌رۆكایه‌تی‌ كۆماری‌ توركیا ئاماژه‌ی‌ به‌وه‌شدا، نه‌ك ته‌نها كورد، به‌ڵكو هه‌ر گروپ و پێكهاته‌یه‌كی‌ دیكه‌ له‌عیراق هه‌وڵی‌ سه‌ربه‌خۆیی و ڕیفراندۆمی‌ بدایه‌، هه‌مان ئه‌و هه‌ڵوێسته‌ی‌ ئێستایان ده‌بوو و له‌دژی‌ ده‌وه‌ستانه‌وه‌".

سه‌باره‌ت به‌ڕاگرتنی‌ نه‌وتی‌ هه‌رێم و ڕێگریی له‌فرۆشتنی‌، كاڵن وتی‌:"ئه‌ركی‌ بارزانی‌ و حكومه‌تی‌ هه‌رێم زۆر قورس بوه‌، داواده‌كه‌ین بۆ ئه‌وه‌ی‌ ئه‌و زیانه‌یان پێنه‌كات، ئه‌نجامی‌ ڕیفراندۆم هه‌ڵبوه‌شێننه‌وه‌ با زیانی‌ دیكه‌یان پێنه‌گات".

وتەبێژی حکومەتی هەرێمی کوردستان ڕایگەیاند، ئەو بارودۆخەی دوێنێ ڕوویدا خەریکە هێور دەبێتەوە، دەشڵێت:"ئێمە لەگەڵ هەرەشە و گوڕەشە نین، لەگەڵ زمانی گفتوگۆ و دیالۆگداین، هیوادارین بەغداش بە هەمان شێوە بێتە پێشەوە".

 

سەفین دزەیی، وتەبێژی حکومەتی هەرێمی کوردستان، لە میانەی سەردانی بۆ سەر گڵکۆی مام جەلال، سکرتێری گشتیی یەکێتی نیشتمانی کوردستان و سەرۆک کۆماری پێشووی عێراق، کۆنگرەیەکی ڕۆژنامەنووسی ئەنجام دا.

 

سەفین دزەیی، لەبارەی هێنانی هێز لەلایەن سوپای عێراق بۆ سنورەکانی هەرێمی کوردستان، ڕایگەیاند:"ئەوەی کە دوێنێ ڕوویدا خەریکە هێور دەبێتەوە، هیوادارین لۆژیک زیاتر باڵادەست بێت لەسەر ئەو هەرەشانەی کە دەکرێت، حکومەتی هەرێمیش بەشێوەیەکی مەعقول وەڵامی هەڕەشەکانی داوەتەوە".

 

لەبارەی دەنگۆی هەڕەشەی عێراق لەسەر هەرێمی کوردستان، دزەیی وتی:"ئەوە بارێکی ئەمنییە لە نزیکەوە چاودێریی دەکرێت، ئێستا ناتوانم هیچی لەسەر بڵێم، بەڵام ئێمە لەگەڵ هەڕەشە و گوڕەشە نین، لەگەڵ زمانی گفتوگۆ و دیالۆگداین، هیوادارین بەغداش بە هەمان شێوە بێتە پێشەوە و گفتوگۆ هەبێت لە نێوانماندا".

 

وتەبێژی حکومەتی هەرێمی کوردستان، ئەوشی خستە ڕوو، کە کونسوڵخانەی وڵاتان لە عێراق و هەرێمی کوردستان، لە نزیکەوە چاودێری دۆخەکە دەکەن.

 

سەبارەت بە سەردانی بینالی یلدرم، سەرۆک وەزیرانی تورک کە بڕیارە ڕۆژی ١٥ی ئەم مانگە سەردانی بەغدا بکات، سەفین دزەیی وتی:"ئەوان دوو وڵاتی دراوسێن و پەیوەندی دبلۆماسی و ئابووریان پێکەوە هەیە، هیوادارین هیچ شتێک نەکەن کە لە بەرژەوەندی خەڵکی عێراق و هەرێمی کوردستانیش نەبێت".

 

وتەکانی سەفین دزەیی لە کاتێکدایە، دوێنی هەندێک لە ڕاگەیاندنەکان باسیان لە هیرشی سوپای عێراق و حەشدی شەعبی کرد بۆ سەر پێسمەرگە لە سنووری کەرکوک و ئەنجومەنی ئاسایشی هەرێمی کوردستان-یش وتی، کە عێراق ئامادەکاریی دەکات لە کەرکوک و موسڵەوە هێرش بکاتە سەر هەرێمی کوردستان، دوو فەرماندەی پێشمەرگەش لە باشوری کەرکوک لە لێدوانیاندا بۆ ڕۆژنیوز ئەو دەنگۆیانەیان ڕەت کردەوە.

حكومەتی عیراق بە هەماهەنگی باڵیۆزخانەكانی لەدەرەوە، رێكارەكانی بۆ دەستبەسەراگرتنی داهاتی نەوت و پارەی بەرپرسانی هەرێم لە بانكەكانی دەرەوە دەستپێكردو وتەبێژی حكومەتی عیراقیش رایدەگەیەنێت، لە داهاتوویەكی نزیكدا ئەنجامی كارەكان تەواو دەبن و بڕیارەكانیش جێبەجێدەكەین.

سەعد حەدیسی، وتەبێژی حكومەتی عیراق، بە تۆڕی هەواڵی سلێمانی راگەیاند:" تیمێك لە دەستەی دەستپاكی عیراق پێكهێنراوە بۆ دەستپێكردن بە رێكارەكان و بەدواداچوون بۆ ژمارە حیسابی ئەو پارانەی كە هەرێم بەشێوەیەكی نایاسایی و لە دەرەوەی چاودێرییە داراییەكانی عیراق، رەوانەی دەرەوەی وڵاتی كردووە".

 وتیشی:"ئێستا دەستكراوە بە هەماهەنگیكردن لەگەڵ لایەنە یاسایی و چاودێرییەكان و باڵیۆزخانەكانی عیراق لە دەرەوە، بەمەبەستی زوو تەواوكردنی رێكارەكان و ئاشكراكردنی ژمارە حیسابییەكان".

وتەبێژی حكومەتی عیراق راشیگەیاند: لەداهاتوویەكی نزیكدا ئەنجامی كارەكان تەواو دەبن و دەست بەجێبەجێكردنی بڕیار و راسپاردەكان دەكرێت.

سەبارەت بە زانیارییەكانیان لەسەر بڕی پارەكەی هەرێم و ناوی ئەو وڵاتانەی كە پارەكەی لێ هەڵگیراوە، سەعد حەدیسی ئامادە نەبوو هیچ زانیارییەك لەوبارەیەوە بدركێنێت و رایگەیاند: "ئەو زانیارییە رەهەندی ئەمنی هەیەو ناكرێت بۆ میدیاكان بڵاوبكرێتەوە".

بەوتەی حەدیسی، لەمەودوا بەبێ ئاگاداری وەزارەتەكانی دارایی و نەوتی عیراق، حكومەتی عیراق بەهیچ جۆرێك رێگە نادات داهاتی نەوتی هەرێم و كێڵگەكانی كەركوك لەبانكەكانی دەرەوە دابنرێت.

ئەمڕۆ سەركردایەتی سیاسی كوردستان-عیراق بەسەرپەرشتی مەسعود بارزانی  كۆبۆوەو دوای كۆبونەوەكەش راگەیەنراوێكی بڵاوكردەوە، ئەمەی خوارەوە دەقەكەیەتی:-
 
راگەیەنراوێك لە ئەنجومەنی باڵای سیاسیی كوردستانەوە
 
 
ڕۆژی چوارشەممە 11ـی 10ـی 2017 لە سەڵاحەدین بە سەرپەرشتی بەڕێز مەسعود بارزانی ئەنجومەنی باڵای سیاسیی كوردستان كۆبۆوە.
 
لە سەرەتای كۆبونەوەكەدا ئامادەبوان بۆ رێزگرتن لە گیانی سەرۆك مام جەلال و گیانی شەهیدانی رێگەی ئازادی خولەكێك وەستان و لەسەر ئەوەیش هاوڕا بون كە باشترین وەفا بۆ رۆحی سەرۆك مام جەلال و سەرجەم شەهیدانی كوردستان یەكڕیزی و برایەتی و یەكهەڵوێستیی هێزە سیاسییەكانی كوردستانە.
پاشان ئامادەبوانی كۆبونەوەكە دوایین گۆڕانكارییە سیاسی و كاردانەوە نێودەوڵەتی و هەرێمایەتی و عیراقییەكانیان لەبەرانبەر ریفراندۆم تاوتوێ كردو بەو ئەنجامانەی خوارەوە گەیشتن:
 
یەكەم: كۆبونەوەكە، پابەندی ئیرادەی گەلی كوردستانە كە لەڕێگەی بەشداربون و دەنگدان لە ڕیفراندۆمی 25ـی ئەیلولی 2017 بە ئازادانە دەریبڕیوە. هەروەها جێبەجێكردنی ئەنجامەكانی ریفراندۆم لەڕووی زەمەنییەوە بەندە بە دیالۆگێكی بنیاتنەر و لێپرسراوانە. بۆیە كۆبونەوە، ئامادەیی دەربڕی بۆ دەستپێكردنی دیالۆگێكی كراوە لەگەڵ بەغدا بەبێ پێشمەرج و بەبێ سزادان و ئابڵۆقەو هەروەها رەخساندنی كاتی پێویست بۆ سەرخستنی.
دووەم: سەپاندنی سزا بەسەر گەلی كوردستان نایاسایی و نابەرپرسیارانەیەو گرژتركردنی بارودۆخی سیاسی خزمەتی بەرژەوەندیی هیچ لایەك ناكات.
سێیەم: كۆبونەوەكە بە رای گشتی جیهانی و هاوپەیمانێتی نێودەوڵەتی رادەگەیێنێت كە گەلی كوردستان روبەڕوی ئابڵۆقەو سزادانی بە كۆمەڵ و هەڕەشەی بەكارهێنانی هێز كراوەتەوەو ئەوە بارودۆخی مرۆیی و ژیانی خەڵك و ئاوارەكان لە عیراق و كوردستان دەباتە قۆناغێكی مەترسیدارو داوا دەكات سنورێك بۆ ئەم هەڕەشەو ئابڵۆقەو سزادانی بەكۆمەڵە دابنرێت.
چورەم: ئامادەبوانی كۆبونەوەكە بڕیاریان دا كۆبونەوەی حزب و لایەنە سیاسییەكان لەژێر ناوی ئەنجومەنی باڵای سیاسیی كوردستان بەردەوام بێت.
 
ئەنجومەنی باڵای سیاسیی كوردستان
 
11ـی 10ـی 2017

تاکە شتێک کە خۆشتربێت لەوەی خۆشبویسترێیت،ئەوەیە بکەویتە داوی خۆشەویستی کەسێکەوە،هەموو شتێک جۆرێکی تر دەبینیت و بەڵام هێشتا دڵنیا نیت کە ئایا ئاشق بوویت یاخود نا،چێژ لە هەموو ساتەکانی وەربگرە.

ئەگەرئەم هەشت گۆڕانکارییە ڕووی داوە لە ژیانتدا ئەوا دوودڵ مەبە ئاشق بوویت.


1.لە هەموو شوێنێک ناوی ئەو دێتە بەرچاوت
رۆژانە بەلای سەدەها دوکان و مۆڵ شوێنیکاردا رۆیشتوویت وهیچ گرنگیت نەداوە بە ناوەکانیان، بەڵام ئەگەر لەمەولا بەزۆری چاوت کەوتە سەر ئەو دوکان و شوێنیکارانەی کە بە ناوی کچێکە یان کوڕێکەوەیە کە تۆی دەیناسیت، دڵنیابە هیچ نەگۆڕاوە پێشتریش ئەو شوێنانە هەبوون، بەڵام تۆ تازە خەریکە گرنگی بەو ناوە دەدەیت، یانی ئاشقی بوویت.

2.بەلاتەوە ئاساییە کە نوکتە و قسەی بێتامیشی بۆ بکەیت
کۆمەڵێک نوکتە و قسە هەیە دڵنیایت کە لای هاوڕێکانت بیکەیت کەس پێت پێناکەنێت و تەریقت دەکەنەوە، بەڵام لای ئەو بەزۆر هەوڵ دەدەیت کەشێکی پێکەنیناوی درووست بکەیت، بەردەوام بە بەڵام کەسایەتی خۆت لەدەست مەدە.

3.چێژ لە کارە بچوکە ڕۆتینیەکان وەردەگریت
کوڕێکیت و کۆتا شت کە بەبیرتدا بێت بۆ جەوگۆڕین بازارکردنە، بەڵام لەگەڵ کچێکی هاورێتدایت و بە ئەندازەی سەیرکردنی یاریەکی فوتبۆڵ چێژ لە بازارکردنەکە وەردەگریت، متمانەم پێ  بکە بازاركردن هەر ناخۆشە و هیچ نەگۆڕاوە، تەنها بابەتەکە ئەوەیە ئاشقی بوویت.

4.بە هەندێک کاری بێزار دەبیت، بەڵام هەر پێت خۆشە لە نزیکت بێت
بەبەردەوامی باسی بابەتێک دەکات کە تۆ هیچ بەلاتەوە گرنگ نییە و سەرنجت ڕاناکێشێت، بەڵام هەر حەزناکەیت لێت دووربکەوێتەوە.

5.هەست بە ئازارەکانی دەکەیت
کاتێک باسی نەخۆشی باوکی یان دایکی دەکات تۆش خەفەت دەخۆیت و بۆی بێتاقەت دەبیت.

 

6.چێژ لە بینینی وێنەکانی منداڵی دەبینیت
پێت خۆشە هەموو شتێکی بزانیت تەنانەت پێت خۆشە شێوەی منداڵیشی بزانیت.

7.پێت خۆشە باسی ئەو بۆ ئەندامەکانی خێزانەکەت بکەیت
ووردەووردە هەست دەکەیت بووە بە بەشێک لە ژیانت و واهەست دەکەیت بەشێکە لە خێزانەکەت، بۆیە پێت خۆشە بە باسکردنی ئەو بۆ خێزانەکەت نەبوونی ئەو لە ماڵەکەدا پڕبکەیتەوە.

8.بەبەردەوامی سەردانی پرۆفایلەکەی دەکەیت
ئەگەر تەنانەت سەیری ئەو بابەتانەش دەکەیت کە لایکی لێکردوون و کۆمێنتەکانی سەر بابەتێک کە هیچ پەیوەندی بە تۆوە نییە دەخوێنیتەوە، واباشترە لەوە زیاتر نەیشاریتەوە، تۆ ئاشقی ئەویت.

 

الصفحة 6 من 1124

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥