بەژداری پێ کردنی هەواڵ لە

FacebookTwitterGoogle BookmarksRSS Feed
تائێستا حكومه‌تی هه‌رێم به‌فه‌رمی داهاتی نه‌وتی هه‌رێمی ئاشكرانه‌كردووه‌، ئه‌ندامێكی په‌رله‌مانی كوردستانیش رایده‌گه‌یه‌نێت"250ملیۆن دۆلاری داهاتی نه‌وتی هه‌رێم دیارنییه‌، هه‌ردوو كۆمپانیای سۆمۆو دیلۆیت ده‌ڵێن داهاتی نه‌وتی هه‌رێم 552 ملیۆن دۆلاره‌، به‌ڵام هه‌رێم بڵاوی ناكاته‌وه‌" و ده‌شڵێت: ئه‌گه‌ر هه‌رێم مانگی داهاتوو دوو موچه‌ بدات، ده‌بێت بڵێین ئه‌و پاره‌یه‌ت له‌كوێ هێناوه‌، چونكه‌ ئێستا ده‌ڵێ پاره‌م نییه‌.

 

 

حاجی كاروان ئه‌ندامی په‌رله‌مانی كوردستان به‌تۆڕی هەواڵى سلێمانى راگه‌یاندووە: 250ملیۆن دۆلار له‌داهاتی نه‌وت دیار نییه‌، گوایه‌ ده‌درێته‌وه‌ به‌قه‌رز، به‌ڵام نازانین سه‌رچاوه‌ی قه‌رزه‌كه‌ كێیه‌و ده‌درێته‌وه‌ به‌كێ و بۆچی ئه‌و قه‌رزه‌ی كردووه‌.

وتیشی"قسه‌ی وه‌زاره‌تی دارایی راسته‌ كه‌ ده‌ڵێ مانگانه‌ 317 ملیار دیناری داهاتی نه‌وتمان به‌ده‌ست ده‌گات، به‌ڵام كۆمپانیای سۆمۆ و كۆمپانیای دیلۆیت ده‌ڵێن داهاتی مانگانه‌ی هه‌رێم نزیكه‌ی 542 ملیۆن دۆلاره‌، به‌ڵام هه‌رێم بڵاوی ناكاته‌وه‌".

سه‌باره‌ت به‌دابه‌شكردنی دوو موچه‌ له‌مانگی داهاتوودا، حاجی كاروان وتی"زانیارییه‌كی ئه‌وتۆمان نییه‌، به‌ڵام به‌گوێره‌ی لێدوان و قسه‌كانی حكومه‌ت بێ، ئه‌و توانایه‌ی نییه‌ له‌مانگی داهاتوودا موچه‌یه‌كی فه‌رمانبه‌ران و موچه‌یه‌كی پاشه‌كه‌وتیش بداته‌وه‌".

وتیشی"ئه‌گه‌ر ئه‌و دوو موچه‌یه‌ دابه‌شبكات، ده‌بێت بڵێین ئه‌و پاره‌یه‌ی له‌كوێ هێناوه‌، چونكه‌ تائێستا ده‌ڵێت پاره‌م نییه‌".

ئاماژه‌ی به‌وه‌شكرد، حكومه‌ت بۆلابردنی پاشه‌كه‌وتی موچه‌، چاوه‌ڕێی په‌سه‌ندكردنی یاسای چاكسازی ده‌كات كه‌ به‌هۆی ئه‌و یاسایه‌وه‌ 100 ملیار دیناری‌ بۆ ده‌گه‌ڕێته‌وه‌ یان داهاتی نه‌وت  زیاد ببێت، به‌ڵام باوه‌ڕومان به‌و قسانه‌ش نییه‌.

وەزارەتی دارایی و ئابووریی حکوومەتی هەرێمی کوردستان داوا لە سەرجەم دامەزراوەکانی حکوومەت دەکات، لیستی مووچەی مانگی شوبات ئامادە بکەن و ڕەوانەی گەنجینەکانی بکەن.

 

بەپێی  زانیارییەکان لە دیوانی وەزارەتی دارایی و ئابوورییەوە بلاوکرایتەوە ، وەزارەتی دارایی لە ڕێگەی گەنجینەکانەوە داوای ئامادەکردنی لیستی مانگی شوباتی لە فەرمانگەکان کردووە. هاوکات داوا کراوە کە لیستەکان ڕەوانەی گەنجینەکان بکرێن.

 

هەر لەمبارەیەوە سەرچاوەیەک لە وەزارەتی دارایی  ئاشکرا کرد کە چاوەڕێ دەکرێ لە سەرەتای مانگی داهاتوو، دابەشکردنی مووچەی مانگی شوباتی فەرمانبەران بە سیستەمە تازەکەی پاشەکەوتی مووچە دەست پێ بکات و لە چەند ڕۆژێکدا مووچەی سەرجەم فەرمانبەران دابەش بکرێت. ئەوەشی ڕوون کردەوە کە سەرەتا مووچەی وەزارەتی پەروەردە دابەش دەکرێت.

 

ئەمە لە کاتێکدایە کە دوێنێ شەممە ١٤ی نیسانی ٢٠١٨، وەزارەتی دارایی خشتەیەکی دیکەی دابەشکردنی مووچەی مانگی ١ی فەرمانبەرانی ڕاگەیاند و ئەوەی ئاشکرا کرد کە دوای گەیشتنی بڕە پارەکەی حکوومەتی عێراق بەدەست حکوومەتی هەرێمی کوردستان، دابەشکردنی مووچەی مانگی ١ی سەرجەم مووچەخۆران کۆتایی پێ دەهێندرێت.

ئەنجومەنی ناڕازی پۆلیسی پاسەوانییەكانى هەولێر، راگەیەندراوێكی بڵاوكردەوە، و رایدەگەیەنێت ئەگەر پاشەكەوتی مووچە لانەبرێت، چەندین ڕێگای یاسایی و مەدەنی دەگرنەبەر تا جێبەجێكردنی داواكانیان.

ئەنجومەنەكە راگەیەندراوەكە ئاڕاستەی حكومەت و لایەنە پەیوەندیدارەكان كردووەو دەڵێت،"لە سەرەتای سیستەمی پاشەكەوتەوە، لە سەدا ٦٥ی مووچەكەمان لێدەبڕدڕێت و  سەدا۳٥ی مووچەكەمان پێدەدرێت".

ئەنجومەنی ناڕازی پۆلیسی پاسەوانییەكان، داوادەكات كێشەی مووچەكەیان بۆ چارەسەر بكرێت،"بە پێچەوانەوە چەندین ڕێگای یاسایی و مەدەنی دەگرینەبەر تا دەسكەوتنی مافە ڕەواكانمان"

بۆ/سەرۆکایەتی ئەنجومەنی وەزیران

بۆ/وەزارەتی ناوخۆ

بۆ/ڕای گشتی

موچە،مافی هەر تاکێکە لەبەرامبەر ئەرکە فەرمییەکەیدا. هەموولایەک دەزانین چەند ساڵێکە بەهۆی گۆڕانکاری و سیاسەتی ناوچەکە و شەڕ و ململانێ،ئابوری حکومەتی هەرێم گەیشتە ئاستێکی خراپ ئەمەش ڕاستەوخۆ کاریگەری خستە سەر گوزەران و ژیانی موچەخۆران و هاوڵاتیان.

تەنانەت ئاستی مەترسیداری تۆمار کرد تا ئاستی ترازانی کۆمەڵایەتی و کێشە و کارەسات. لەناو سەختی ئەو دۆخەدا موچەخۆر و هاوڵاتیان هەرچۆنێک بووبێ بەردەوامییاندا بە ژیان و پەک نەخستنی دەزگا و دامەزراوەکانی حکومەتی هەرێم،

ئێستا کە دۆخە ئابورییەکە بەرەو باشی چووە بەتایبەتی بەهۆی بەرزبوونەوەی نرخی نەوت و دانوستانەکان لەگەڵ حکومەتی ناوەندییەوە،پێویست بوو حکومەتی هەرێم خۆی بەسیستمی پاشەکەوتی موچەدا بچێتەوە،کە ئەمەشی نەکرد!

ئێمە لە پۆلیسی پاسەوانی کە٪٦٥موچەکەمان بڕاوە بێ دەنگ نابین،داوای مافی یاسایی خۆمان دەکەین،لەئەگەری وەڵام نەدانەوەمان خۆپیشاندان ئەنجام دەدەین و هەموو ئەگەرەکانمان لە بەردەممان کراوە دەبێت،بەردەوامی بە خۆپیشاندانەکان دەدەین تا وەڵامی گونجاو وەردەگرین.

لێرەوە ئاگاداری سەرجەم هاوپیشەکانمان دەکەینەوە،لەپێناو سەندنەوەی مافەکانمان لە ئامادەباشی دابن لەکاتی بڵاوکردنەوەی(کات و ڕۆژ و شوێن)بۆ ئەنجامدانی خۆپیشاندان.

( دەستەی ناڕازی پۆلیسی پاسەوانی هەولێر)

وابڕیاره‌ ئه‌مڕۆ 15-4-2018 ئه‌نجومه‌نی سه‌ركردایه‌تی یه‌كێتی له‌ شاری هه‌ولێر كۆببێته‌وه‌.

له‌و باره‌یه‌وه‌ سه‌عدی ئه‌حمه‌د پیره‌ وته‌بێژی یه‌كێتیی نیشتمانی كوردستان راگه‌یاند: سه‌عات 11 ی پێشنیوه‌ڕۆی ئه‌مڕۆ ئه‌نجومه‌نی سه‌ركردایه‌تی یه‌كێتی له‌ هه‌ولێر له‌ باره‌گای مه‌كته‌بی سیاسی كۆده‌بێته‌وه‌.

هاوكات بێگه‌رد دڵشاد ئه‌ندامی ئه‌نجومه‌نی سه‌ركردایه‌تی له‌باره‌ی ناوه‌ڕۆكی كۆبونه‌وه‌كه‌وه‌ راگەیاندووە: كۆبونه‌وه‌كه‌ له‌باره‌ی ده‌ستپێكردنی بانگه‌شه‌كانی هه‌ڵبژاردن و دابه‌شكردنی ئه‌ركه‌كان ده‌بێت و باس له‌ دۆخی سیاسی هه‌رێمیش ده‌كرێت.

پاسەوانى دادوەر و وەزیرەکان دژ بە پاشەکەوتى موچە لە بەردەم دادگاى تێهەڵچوونەوەى هەولێر گردبونەوە.

 : بەیانى ئەمڕۆ پاسەوانى دادوەران و وەزیرەکان بەهۆى ئەوەى سەدا  ٦٥ ى موچەکەیان پاشەکەوت کراوە لەبەردەم داگاى تێهەڵچوونەوەى هەولێر گردبوونەتەوە.

 بەهۆى گردبونەوەکەوە کارەکانى دادگاکە وەستاوەو بەوهۆیەشەوە کێشە لەنێوان ئەو هاوڵاتیانەى بۆ بەڕێکردنى مامەڵەکەیان ڕوویان لە دادگاکە کردووە لەگەڵ ئەو کەسانەى گردبوونەوەیان کردووە دروست بووە.

ئاشکراشە، تاوەکو ئێستا کەس بەدەوام داواکارى ئەو پاسەوانانەوە نەهاتووە.

لەماوەى ڕۆژانى پێشوودا بەهۆى خۆپیشاندانى مامۆستایان و فەرمانبەرانەوە پاشەکەوتى موچە کەمکرایەوەو وەزارەتى ناوخۆش بەر کەمکردنەوەى پاشەکەوتەکە کەوت بەڵام یەکەى پاسەوانى تاوەکو ئێستا بەر ئەو بڕیارى لابردنى پاشەکەوتە نەکەوتووە.

كوردانی رۆژئاوای كوردستان لەسەر هێرش بۆ سەر رژێمی سوریا بێدەنگ، كە ئەوەش پەیوەندی بە بێدەنگی ئەمریكا لەسەر دۆخی عفرین هەیە.

سینەم محەمەد نوێنەری كوردانی رۆژئاوای كوردستان لەئەمریكا لەبارەی بێدەنگی كورد لەسەر هێرشی سەر سوریا وتی: پێویستە تا ئەوكاتەی دۆخەكە رووندەبێتەوە، بێدەنگ بین، چونكە ئێمە ئێستا نازانین چی روویداوە.

سینەم محەمەد بۆ پێگەی مۆنیتۆر وتیشی: بێدەنگی ئەمریكا لەسەر دۆخی عفرین، كە سوپای توركیا هێرشی دەكاتە سەر ئێمەی نیگەران كردووە، هەر ئەوەش وای كردووە، ئێمە لەسەر هێرشەكانی ئەمریكاو هاوپەیمانەكانی بێدەنگی هەڵبژێرین.

ئەمریكاو فەرەنساو بەریتانیا رۆژی شەممە هێرشیان كردە سەر دامەزراوەكانی رژێمی سوریا، ئەوەش بەبیانووی بەكارهێنانی چەكی كیمیایی لەناوچەكانی غوتەی رۆژهەڵات.

ئەو نوێنەرە كوردە لەئەمریكا ئەوەشی وت: ئەوەی لەعفرین روویدا هەمان رووداوە، كە لەغۆتە روویداوە، بەڵام جێگەی نیگەرانییە، ئەمریكا لەسەر عفرین بێدەنگەو لەسەر غۆتە هەڵوێستی هەیە.

ئەنجومەنی ناڕازی پۆلیسی پاسەوانییەكان، راگەیەندراوێكی بڵاوكردەوە، و رایدەگەیەنێت ئەگەر پاشەكەوتی مووچە لانەبرێت، چەندین ڕێگای یاسایی و مەدەنی دەگرنەبەر تا جێبەجێكردنی داواكانیان.

ئەنجومەنەكە راگەیەندراوەكە ئاڕاستەی حكومەت و لایەنە پەیوەندیدارەكان كردووەو دەڵێت،"لە سەرەتای سیستەمی پاشەكەوتەوە، لە سەدا ٦٥ی مووچەكەمان لێدەبڕدڕێت و  سەدا۳٥ی مووچەكەمان پێدەدرێت".

ئەنجومەنی ناڕازی پۆلیسی پاسەوانییەكان، داوادەكات كێشەی مووچەكەیان بۆ چارەسەر بكرێت،"بە پێچەوانەوە چەندین ڕێگای یاسایی و مەدەنی دەگرینەبەر تا دەسكەوتنی مافە ڕەواكانمان"


ئەمەی خوارەوە دەقی راگەیەندراوەكەیە....
بەناوی خوای گەورەو میهرەبان...
بۆ/ بەڕێزان 
ـ سەرۆكی حكومەتی هەرێمی كوردستان
ـ بەڕێز:/ جێگری سەرۆكی حكومەتی هەرێمی كوردستان
ـ بەڕێز:/ وەزیری ناوخۆ
ـ بەڕێز:/ وەزیری دارایی
ـ هەموو ئەندامانی پەرلەمان و سەرۆك و لیژنەی ناوخۆ و لایەنە پەیوەندیدارەكان ....
بەڕێزان وەك ئاشكرایە لاتان ئێمە سەرجەممان وەك یەكەی (پۆلیسی پاسەوانی) سەر بەوەزارەتی ناوخۆ، سەرەڕای ئەو ناهاوسەنگی و جیاوزییە زۆرەی لە نێوان ئێمەو سەرجەم هێزەكانی ناوخۆ بەهەموو بەشەكانییەوە دەكرێت، و لە سۆنگەی بەرپرسیارییەتی خۆمانەوەو هەستكردن بە خراپی بارودۆخی ئابووری نیشتمانەكەمان و دڵسۆزی و ئارامی بۆ خاك ووڵاتمان بێدەنگیمان هەڵبژارد. 
هەموو ئەمانەو دوای چەندین نەهامەتی و كێشەی كۆمەڵایەتی و بەشداری كاریگەرمان لە ڕووبەڕووبوونەوەی تیرۆریستانی داعش و چەندین شەهیدو بریندار....
سەرەڕای هەموو ئەم كێشانە، لە سەرەتای سیستمی پاشەكەوتەوە لە سەدا ٦٥ی مووچەكەمان لێئەبڕدرێ و ۳٥ لەسەدی مووچەكەمان پێئەدرێ...!!
ئەمەو لەكاتێكدا برایانی دیكەمان لە وەزارەتی ناوخۆ سەدا ۳۰ پاشەكەوت لە مووچەكانیان دەكرێ، و پاش بڕیاری حكومەت بۆ دووبارە دەستكاری كردنەوەی سیستمی نوێ ی پاشەكەوت دیسان ئێمەیان لەو چاكسازییە بەدەركردووەو بڕیاریان داوە دەستكاری مووچەكانمان نەكەن .

بۆیە لێرەوە داواكارین لە بەڕێزتان بەئەركی خۆتان كێشەیەمان بۆ چارەسەر بكرێت وەك هەموو فەرمانبەرانی تر، باچیتر ئێمەش لەم نەهامەتییە ڕزگارمان ببێ....
بەپێچەوانەوە چەندین ڕێگای یاسایی و مەدەنی ئەگرینەبەر تا دەسكەوتنی مافە ڕەواكانمان.
زۆر سوپاستان دەكەین ...

لەگەڵ ڕێزماندا
ئەنجوومەنی ناڕازی پۆلیسی پاسەوانییەكان
14/4/2018

حكومەتی هەرێم داواكاریەكی ئاراستەی حكومەتی عیراق كرد بۆ ئەنجامدانی كۆبونەوەیەكی دوو قۆڵی، بەڵام حكومەتی عیراق ئەوە ڕەتدەكاتەوەو بێئاگایی خۆی نیشاندەدات، پەرلەمانتارێكی كوردیش لەبەغدا زانیاری زیاتر ئاشكرادەكات و ڕایدەگەیەنێت، "بەغدا بێئاگایی خۆی پیشانداوە"، دەشڵێت:"دەبوایە سەرجەم لایەنەكان بەشداری هەڵبژاردنیان نەكردایە، تاوەكو پێشمەرگە نەگەڕایەتەوە بۆ كەركوك".

 

 

تاڤگە ئەحمەد ئەندامی ئەنجومەنی نوێنەران  ڕاگەیاندووە، "بەگوێرەی زانیارییەكانی ئێمە، حكومەتی هەرێم خۆی داوای كۆبونەوەیەكی دیكەی كردوە لەگەڵ عیراق بۆ گفتوگۆكردن لەسەر گەڕانەوەی پێشمەرگە بۆ كەركوك و تاووتوێكردنی پرسی خاڵە سنورییەكان و نەوت".

وتیشی:"نوسینگەی حەیدەر عەبادی سەرۆك وەزیرانی عیراق ئەوەی ڕاگەیاند، ئەوان ئاگاداری هیچ جۆرە كۆبونەوەیەك نین لەنێوان هەرێم و بەغدا، بۆیە باسكردن لەو كۆبونەوەیە تاكلایەنەیەو تەنها لەلایەن هەرێمەوە ڕاگەیەنراوە".

بەوتەی ئەو ئەندامەی ئەنجومەنی نوێنەران، "ئەگەر حەیدەر عەبادی لەمكاتەدا پێشمەرگە بگەڕێنێتەوە بۆ كەركوك، لەهەڵبژاردنەكاندا دەكەوێت، بۆئەوەی پێشمەرگە بگەڕایەتەوە بۆ كەركوك، دەبوو هەر پێنج لایەنە بایكۆتی هەڵبژادنی عیراقیان بكردایەو گەڕانەوەی پێشمەرگە بۆ كەركویان بكردایەتە مەرجی بەشداریكردن لەهەڵبژاردنەكان".

جەختیشیكردەوە، "بایكۆتی پارتی لەسنوری كەركوك و شوێنەكانی دیكە، هەڵەیەكی گەورەیە، خۆت سور بزانیت دۆڕاویت لەناوچەكەیەكداو پاشەكشەش بكەیت، ئەمەش خیانەتێكی دیكەیە بەرامبەر بەكورد".

شاڵاو كۆسره‌ت ره‌سول: هه‌موومان به‌یه‌كه‌وه‌ وه‌ك یه‌ك تیم كاربكه‌ین
سه‌رله‌به‌یانی ئه‌مڕۆ 14/4/2018، له‌ هۆڵی 1ی شوبات له‌باره‌گای مه‌ڵبه‌ندی 3ی یه‌كێتی نیشتمانی كوردستان له‌ هه‌ولێر به‌ ئاماده‌بوونی ژماره‌یه‌كی زۆر له‌ كادیران و ئه‌ندامانی یه‌كێتی شاڵاو كۆسره‌ت ره‌سول وه‌ك لێپرسراوی مه‌ڵبه‌ندی هه‌ولێری یه‌كێتی نیشتمانی كوردستان ده‌ستبه‌كاربوو.

له‌ مه‌راسیمه‌كه‌دا كه‌ هه‌ریه‌ك له‌ "سه‌عدی ئه‌حمه‌د پیره‌، ره‌فعه‌ت عه‌بدوڵا و رزگار عه‌لی" ئه‌ندامانی مه‌كته‌بی سیاسی و ژماره‌یه‌ك له‌ ئه‌ندامانی سه‌ركردایه‌تی ئاماده‌ی بوون، شاڵاو كۆسره‌ت ره‌سول جه‌ختی له‌وه‌ كرده‌وه‌ كه‌ هه‌مووان به‌ یه‌ك تیم ده‌توانن كار بكه‌ن و له‌ هه‌ولێره‌وه‌ یه‌كێتی بكه‌نه‌وه‌ حزبێكی خاوه‌ن بڕیار و یه‌كێك له‌ حزبه‌ سه‌ره‌كییه‌ بڕیارده‌ره‌كان له‌ كوردستان.

سه‌ره‌تای مه‌راسیمه‌كه‌ به‌ ده‌قیقه‌یه‌ك وه‌ستان بۆ گیانی پاكی شه‌هیدان ده‌ستی پێكردو دواتر وته‌ی به‌خێرهاتن له‌لایه‌ن د. رێبوار ئیسماعیل جێگری لێپرسراوی مه‌ڵبه‌نده‌وه‌ پێشكه‌ش كرا.

له‌به‌شێكی تری مه‌راسیمه‌كه‌دا ره‌فعه‌ت عه‌بدوڵڵا ئه‌ندامی مه‌كته‌بی سیاسی و لێپرسراوی مه‌كته‌بی رێكخستن وته‌یه‌كی پێشكه‌شكردو باسی له‌گرنگی هه‌ولێر و كاریگه‌ری هه‌ولێر كرد، هاوكات باسی له‌ رۆڵی شاڵاو كۆسره‌ت ره‌سول له‌كاتی كێشه‌ ناوخۆییه‌كانی یه‌كێتی كردو وتی"شاڵاو هه‌میشه‌ رۆڵی باش و ئیجابی گێڕاوه‌ له‌ چاره‌سه‌ركردنی كێشه‌كان و هه‌وڵدان بۆ نزیككردنه‌وه‌ی لایه‌نه‌كان".

رزگار عه‌لی ئه‌ندامی مه‌كته‌بی سیاسی و لێپرسراوی پێشووی مه‌ڵبه‌ندی هه‌ولێر وتارێكی پێشكه‌شكردو سوپاسی كادیر و ئه‌ندامانی مه‌ڵبه‌ندی هه‌ولێری كردو هه‌موو جۆره‌ پاڵپشتی و پشتیوانییه‌كی بۆ لێپرسراوی نوێی مه‌ڵبه‌ندی هه‌ولێر ده‌ربڕی.

شاڵاو كۆسره‌ت ره‌سول لێپرسراوی مه‌ڵبه‌ندی هه‌ولێری یه‌كێتی نیشتمانی كوردستان وتارێكی پێشكه‌شكردو رایگه‌یاند كه‌ ده‌یانه‌وێت كارێك بكه‌ن یه‌كێتی له‌ پایته‌ختی كوردستانه‌وه‌ دیسان به‌ره‌و پێش و به‌ره‌و ئه‌و ئاسته‌به‌رزه‌ بڕوات كه‌ رووبارێك خوێنی بۆ دراوه‌".

له‌ به‌شێكی تری وته‌كانیدا شاڵاو كۆسره‌ت ره‌سول وتی"ئه‌گه‌ر هه‌موومان پێكه‌وه‌ كاربكه‌ین، هیچ گومانم له‌وه‌دا نییه‌ كه‌ یه‌كێتی له‌ گۆڕه‌پانی سیاسی نه‌ك ته‌نیا كوردستان به‌ڵكو عێراقیش ده‌توانێ ده‌نگی خۆی هه‌بێت و سه‌نگی مه‌حه‌ك بێت له‌ بڕیاردان".

لێپرسراوی مه‌ڵبه‌ندی هه‌ولێر وتیشی:"ده‌مانه‌وێ له‌ هه‌ولێره‌وه‌ شكۆ بۆ یه‌كێتی بگێڕینه‌وه‌".

كۆتا وتاری مه‌راسیمه‌كه‌ له‌لایه‌ن سه‌عدی ئه‌حمه‌د پیره‌ ئه‌ندامی مه‌كته‌بی سیاسییه‌وه‌ پێشكه‌شكرا، له‌ وتاره‌كه‌یدا باسی له‌ گرنگی هه‌ولێر و رۆڵی یه‌كێتی له‌ شاره‌كه‌ كردو دووپاتی كرده‌وه‌ كه‌ پێویسته‌ هه‌مووان وه‌ك یه‌ك تیم كاربكه‌ن بۆ سه‌رخستنی یه‌كێتی له‌ هه‌ڵبژاردنه‌كان.

وه‌زاره‌تی دارایی‌و ئابوری حكومه‌تی هه‌رێم خشته‌یه‌كی نوێی دابه‌شكردنی موچه‌ی مانگی 1ی بڵاوكرده‌وه‌.

به‌گوێره‌ی خشته‌ی نوێی دابه‌شكردنی موچه‌ی مانگی یه‌كی فه‌رمانبه‌رانی هه‌رێم، له‌سبه‌ینێ یه‌كشه‌ممه‌ تا ڕۆژی پێنج شه‌ممه‌ موچه‌ی ئه‌م شوێنانه‌ دابه‌شده‌كرێت.

یەك شەممە 15/4/2018.
1_مووچەی وەزارەتی ئەوقاف و كاروباری ئاینی دابەشدەكرێت.
2_مووچەی وەزارەتی رۆشنبیری و لاوان دابەشدەكرێت.

دووەم_دووشەممە 16/4/2018
1_ مووچەی وەزارەتی كشتوكاڵ دابەشدەكرێت.
2_ مووچەی سەرۆكایەتی هەرێم دابەشدەكرێت.
3_ موووچەی پەرلەمان دابەشدەكرێت.
4_ مووچەی ئەنجوومەنی وەزیران دابەشدەكرێت.

سێهەم_ سێ شەممە 17/4/2018
1_ مووچەی وەزارەتی كارو كاروباری كۆمەڵایەتی دابەشدەكرێت.
2_ مووچەی خاوەن پێداویستی تایبەت دابەشدەكرێت.

چوارەم_ پێنج شەممە 19/4/2018 مووچەی دەزگای ئاسایش دابەشدەكرێت.

تێبینی/ دوای گەیشتنی بڕە پارەی بەغدا مووچەی سەرجەم شوێنەكانی تر دابەشدەكرێت بە پێی سیستەمی نوێی مووچە.

الصفحة 5 من 1240

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥