بەژداری پێ کردنی هەواڵ لە

FacebookTwitterGoogle BookmarksRSS Feed
ھاوسەرۆکی ئەنجومەنی سوریای دیموکرات ئاماژەوە بەوە دەکات کە ئەوان ئامادەی دانوستانی راستەوخۆن لەگەڵ حکومەتی سوریا.
ئیلھام ئەحمەد ھاوسەرۆکی ئەنجومەنی سوریای دیموکرات سەبارەت بەدوایین ھەڵوێستی حکومەتی سوریا لە بارەی بژاردەکانی بەردەمی کورد دەڵێت: جەنگ و بژاردەی سەربازی بەھیچ شێوەیەک چارەسەری قەیرانی سوریا ناکات.

ئاماژەی بەوەشکردوە: ئێمە بەھەمان روانینی رابردوومان، ئێستاش دەڵێین کە تەنھا دانوستان چارەسەری کێشەکان دەکات و ئێمە ئامادەی دانوستانین .

ھاوسەرۆکی ئەنجومەنی سوریای دیموکرات رایگەیاندووە کە رێگەچارەی سیاسی تاکە رێگەیە بۆ پاراستنی یەکپارچەیی خاکی سوریا و  کۆتایی ھێنان بە جەنگ‌و بونیادنانی سیستمێکی لامەرکەزی و دیموکراتی سوریا .

لێدوانەکەی ئیلھام ئەحمەد لە کاتێکدایە کە پێشتر "بەشار ئەسەد" سەرۆکی سوریا رایگەیاندبوو کە ئەگەر دانوستان بۆ کۆنترۆڵکردنەوەی ناوچەکانی باکوری سوریا سەری نەگرت ئەوا بۆ کۆنترۆڵکردنەوەی ئەو ناوچانە پەنا بۆ ھێزی سەربازی دەبەن.

 

وەزیری دارایی و ئابووری حكومەتی هەرێم رایگەیاند، پێش جەژنی رەمەزان مووچەی هەموو فەرمانبەران بە پێشمەرگەشەوە دابەش دەكەن.
 
رێباز حەملان، وەزیری دارایی و ئابووری حكومەتی هەرێمی کوردستان رایگەیاند: "پێش جەژنی رەمەزان تەواوی مووچەی مووچەخۆران بە پێشمەرگەشەوە دابەش دەكەین".

پێشتریش میدیاكانی نزیك له‌ پارتی له‌ زاری فازڵ نه‌بی، بریكاری وه‌زاره‌تی دارایی و ئابووری حكومه‌تی هه‌رێمی كوردستانه‌وه‌ بڵاویانكرده‌وه‌، "قسەم لەگەڵ ئەو كەسە كردووە كە لە وەزارەتی دارایی، بەرپرسی خەرجكردنی پارەیە و وتوویەتی 317 ملیار دینارەكەی هەرێمی كوردستان پێش جەژنی رەمەزان دەنێردرێت".

هاوكات مەسعوود حەیدەر، پەرلەمانتاری كورد لە لیژنەی دارایی ئه‌نجومه‌نی نوێنه‌رانی عیراق رایگەیاند، لەبەر ئەوەی بەغدا بڕیاریداوە پێش جەژن مووچەی فەرمانبەرانی خۆی دابەش بكات، بەشە پارەكەی هەرێمی كوردستانیش دەنێرێت.

وتیشی: "ئەو 317 ملیار دینارەی بەغدا بۆ كوردستانی دەنرێت بۆ مووچەیە، بۆیە پێش جەژن ئەو پارەیە بۆ كوردستان دەنێردرێت".

وەزارەتی دارایی و ئابووریی هەرێمی کوردستان رۆژی 31ی ئایاری 2018، خشتەیەکی مووچەی بڵاوکردەوە، ناوی زۆربەی وەزارەت و دەستەکانی تێدابوو، کە پێش جەژن مووچە وەردەگرن، بەڵام ناوی هێزە ئەمنییەکان، خانەنشین و پێشمەرگەی تیادا نەبوو، ئەمەش ناڕەزایی ئەو توێژانەی لێکەوتەوە.

به‌پێی خشته‌كه‌ی وه‌زاره‌تی دارایی دابه‌شكردنی مووچه‌ له‌ماوه‌ی دوو رۆژی داهاتوودا به‌م جۆره‌ ده‌بێت:

سێشەممە 12ی حوزه‌یرانی 2018 
1 -وەزارەتی رۆشنبیری

2 -سەرۆكایەتی هەرێم

3 -سەرۆكایەتی پەرلەمان

4 -سەرۆكایەتی ئەنجوومەنی وەزیران
هه‌روه‌ها رۆژی چوارشه‌ممه‌ 13ی حوزه‌یرانی 2018 مووچه‌ی ئه‌نجومه‌نی ئاسایش دابه‌شده‌كرێت.

وا بڕیاره‌  ئه‌مڕۆ كه‌ناڵی‌ سروشت كه‌ مه‌لا مه‌زهه‌ر خاوه‌نیه‌تی‌ بكرێته‌وه‌، ناوبراویش ئاماژه‌ به‌وه‌ده‌كات تا ئێستا به‌فه‌رمی‌ ئاگادار نه‌كراوه‌ته‌وه‌، به‌ڵام بیستویه‌تی‌ ده‌كرێته‌وه‌.

مه‌لا مه‌زهه‌ر خۆراسانی‌ مامۆستای‌ ئاینی‌ ناسراوی‌ شاری‌ هه‌ولێر و خاوه‌نی‌ كه‌ناڵی‌ سروشت  راگه‌یاند، ئه‌نجامێكیان به‌ده‌ست گه‌یشتووه‌ كه‌ ئه‌و بابه‌تانه‌ی‌ له‌سه‌ر كه‌ناڵه‌كه‌ی‌ ده‌وتران راست نییه‌ و بیستوویانه‌ پاشنیوه‌ڕۆی‌ ئه‌مڕۆ ده‌كرێته‌وه‌.

سه‌باره‌ت به‌دانانی‌ مه‌رج له‌لایه‌ن وه‌زاره‌تی‌ رۆشنبیرییه‌وه‌ بۆیان، ناوبراو روونیكرده‌وه‌: "باسی‌ هیچیان نه‌كردووه‌ كه‌ تایبه‌ت بێت به‌ مه‌سه‌له‌ی‌ ئافره‌تان، ته‌نها به‌ڵێننامه‌یه‌ك له‌ هه‌موو كه‌ناڵه‌كان وه‌رگیراوه‌ كه‌ به‌رنامه‌یه‌ك هه‌یه‌ بۆ رێكخستنی‌ فریكوێنسی‌ كه‌ناڵه‌ ناوخۆییه‌كان له‌ڕووی‌ ته‌كنیكییه‌وه‌".

رۆژی‌ شه‌ممه‌ وه‌زاره‌تی‌ رۆشنبیری‌ به‌رامبه‌ر به‌كارهێنانی‌ وشه‌ی‌ "داینه‌سۆر" به‌رامبه‌ر ئافره‌تان بڕیاریدا به‌ داخستنی‌ كه‌ناڵی‌ سروشت، به‌ڵام دوای‌ كه‌متر له‌ 48 كاتژمێر كه‌ناڵه‌كه‌ ده‌كرێته‌وه‌.

ئەنجوومەنی دادوەری عێراق، كۆبوونەوەیەكی ئەنجامداو لەكۆبوونەوەكەدا بۆ دیاریكردنی ئەو دادوەرانەی، كارەكانی كۆمسیۆنی باڵای هەڵبژاردەكانی عێراق رایی دەكەن.

عەبدلستار بیرقدار وتەبێژی ئەنجوومەنی دادوەری ئەمڕۆ دوو شەممە لەمیانی راگەیەنراوێك بڵاویكردەوە، كە كۆبوونەوەكە 9 دادوەر راسپێراون بۆ رایكردنی كارەكانی كۆمسیۆنی باڵای سەربەخۆی هەڵبژاردنەكانی عێراق.

عەبدلستار بیرقدار راشیگەیاند، هەر لەكۆبوونەوەكەدا سەرۆك‌و جێگرو بەرێوەبەری ئیداری كۆمسیۆن دیاریكراون، بەبێ‌ ئەوەی ناوەكانیان ئاشكرابكات.

ئەنجوومەنی دادوەری عێراق داوای لەئەنجوومەنی دادوەری هەرێمیش كردووە، بۆ ئەوەی سێ‌ دادوەر دیاریبكەن، بۆ راپەراندنی كارەكانی لقەكانی كۆسیۆنی هەڵبژاردنەكان لەپارێزگاكانی هەرێم.

چوار شەممەی رابردوو ئەنجوومەنی نوێنەرانی عێراق بڕیاری سكردنی ئەندامانی كۆمسیۆن‌و بەرێوەبەری لقەكان لەپارێزگاكانی عێراق بەهەرێمی كوردستانیشەوە دەركردو ئەنجوومەنی دادوەری راسپارد، بۆ ئەوەی كارەكانی كۆمسیۆن رایی بكەن.

رۆژنامەی "العربی الجدید"، زانیاری نوێ‌ لەبارەی سووتانی ئەو كۆگایەی سندوقەكانی دەنگدان ئاشكراكرد، كە لەناوچەی رەسافەی بەغدا سوتا.

رۆژنامەكە لەراپۆرتێكدا ئاشكرایكردووە، كە هێزێكی چەكدار بەچەند سەعاتێك پێش لەئاگركەوتنەكە چوونەتە ئەو ناوەندەی سندوقەكانی هەڵبژاردنی 12ی ئایاری رابردوویان تێدا هەڵگیراوە.

هەروەها ئاشكرایكرد، كە ئەو هێزە چەكدارە فەرمانیان بەپاسەوانەكانی ناوەندەكە كردووە، ناوچەكە چۆڵبكەن‌و خۆیان پاسەوانی دەكەن، دوای ئەو رووداوە بەدوو سەعات، ناوەندەكە گڕی گرتووە.

ئێوارەی رۆژی یەك شەممە ناوەندێكی هەڵگرتنی سندوقەكانی دەنگدان لەبەغدا گڕیگرت، كە دەنگی ناوچەی رەسافەی بەغداو ئاوارەكان‌و هێزە ئەمنییەكانی تێدا بووە، كە بەزیاتر لە 3 ملیۆن دەنگ خەمڵێنراوە.

رۆژنامەكە ئەوەشی ئاشكراكردووە، كە هێزەكە ژمارەیان زۆر بووەو لەرێگەی شكاندنی قوفڵی دەرگاكانی كۆگاكە چوونەتە ناو ناوەندەكەو گومان دەكرێت، هەر ئەو هێزەش هۆكاری كەوتنەوەی ئاگرەكە بن.

لەدوای رووداوەكە لایەنە پەیوەندیدارەكان لەوانە وەزارەتی ناوخۆ دەستییان بەلێكۆڵینەوە كردووەو تائێستا هیچ لایەنێك بەفەرمی تۆمەتبارنەكراوەو لێكۆڵینەوەكانیش بەردەوامی هەیە.

پەیامنێری کوردسات نیوز لە بەغداد رایگەیاند لە ئاگرەکەی ئەمڕۆدا هیچ سندوقێکی دەنگەکانی هەرێم نەسوتاوە.

: کۆمسیۆنی باڵای هەڵبژاردنەکان رەتیکردۆتەوە کە هیچ سندوقێکی دەنگەکانی هەرێمی کوردستان لە کۆگای رەسافەی کۆمسیۆنی هەڵبژاردنەکان هەبووبێت و سوتابێت

راشیانگەیاندوە: ژمارەیەکی کەم سندوقی دەنگدان سوتاوە، ئاماژەی بەوەشکرد کە لێکۆڵینەوە لە هۆکاری سوتانەکە دەکرێت.

ئێوارەی ئەمڕۆ یەکشەممە کۆگای رەسافەی کۆمسیۆنی باڵای هەڵبژاردنەکان لە شاری بەغداد سوتا.

بریكاری پێشووی وه‌زاره‌تی دارایی عێراق ڕایگه‌یاند، "به‌ر له‌جه‌ژن حكومه‌تی عێراق 317 ملیار دینار بۆ موچه‌ ڕه‌وانه‌ی هه‌رێم ده‌كات".

فازڵ نه‌بی بریكاری پێشووی وه‌زاره‌تی دارایی عێراق ڕایگه‌یاند، لەگەڵ وەزارەتی دارایی عێراق قسەی کردووە و ئەوانیش پێیان راگەیاندووە، پێش جەژن مووچەی وەزارەتەکانی حکومەتی عێراق دەدرێت و لەو چوارچێوەشدا بڕی 317 ملیار دینارەکەی هەرێمی کوردستان رەوانەدەکرێت، ئه‌وه‌ش به‌گوێره‌ی لێدوانی ناوبراو بۆ ڕووداو.

له‌باره‌ی بڕی پاره‌كه‌وه‌ فازڵ نه‌بی ڕایگه‌یاند، به‌غدا 317 ملیار دینار رەوانەی هەرێمی کوردستان دەکات.

پێشتر وه‌زاره‌تی دارایی هه‌رێمی كوردستان ئاماده‌یی نیشاندابوو له‌گه‌ڵ گه‌یشتنی پاره‌ له‌به‌غداوه‌، به‌ر له‌جه‌ژن موچه‌ی وه‌زاره‌ته‌كانی ناوخۆ ‌و پێشمه‌رگه‌ دابه‌شبكات.

وتەبێژی حكومەتی هەرێم پشووی جەژنی رەمەزانی راگەیاند، كە لە كۆتایی ئەم هەفتەیەوە دەستپێدەكات.
سەفین دزەیی وتەبێژی حكومەتی هەرێم لە پەیامێكدا رایگەیاندووە: بەبۆنەی جەژنی رەمەزانی پیرۆزەوە، پیرۆزباییەكی گەرم ئاراستەی موسڵمانانی كوردستان وجیهان دەكەین وهیوادارین ئەم جەژنە ببێتە مایەی دڵخۆشی و سەقامگیری بۆ هەرێمی كوردستان و پتەوتركردنی یەكڕیزی گەلەكەمان.
راشیگەیاندووە: پشووی جەژنی رەمەزانی پیرۆز لە رۆژی پێنجشەمە 14-6-2018 دەستپێدەكات و تا رۆژی دووشەممە 18-6-2018 بەردەوام دەبێت و رۆژی سێشەممە 19-6-2018 دەوامی فەرمی لە دام و دەزگاكانی حكومەتی ھەرێمی كوردستان دەست پێدەكاتەوە.

شه‌ش لایه‌نی‌ توركمانی‌ له‌شاری‌ هه‌ولێر هاوپه‌یمانێتیه‌كیان ڕاگه‌یاند بۆ به‌شداریكردنی‌ له‌هه‌ڵبژاردنی‌ په‌رله‌مانی‌ كوردستان و له‌په‌یامێكیشدا بۆ پارتی‌ داواده‌كه‌ن، چیتر ئه‌و حزبه‌ ده‌نگی‌ توركمانه‌كان بۆخۆی‌ نه‌بات، ڕاشیده‌گه‌یه‌نن، "تكایه‌ چاوتان له‌كورسی‌ توركمانه‌كان نه‌بێت"، نوێنه‌ری‌ پارتێكی‌ توركمانیش ڕایده‌گه‌یه‌نێت، "حزبی‌ كوردی‌ هه‌یه‌، حزبی‌ توركمانی‌ دروستده‌كات بۆ ئه‌وه‌ی‌ كورسیه‌كانی‌ بۆخۆی‌ ببات".

 

نیوه‌ڕۆی‌ ئه‌مڕۆ یه‌كشه‌ممه‌ 10ی‌ 6ی‌ 2018 له‌شاری‌ هه‌ولێر شه‌ش لایه‌نی‌ توركمانی‌ له‌كۆنگره‌یه‌كی‌ ڕۆژنامه‌وانیدا .هاوپه‌یمانێتیه‌كیان بۆ هه‌ڵبژاردنی‌ په‌رله‌مانی‌ كوردستان ڕاگه‌یاند.

له‌كۆنگره‌كه‌دا محه‌مه‌د سه‌عده‌دین سه‌رۆكی‌ پارتی‌ گه‌شه‌پێدانی‌ توركمانی‌ ڕایگه‌یاند، "وه‌كو نوێنه‌رانی‌ شه‌ش لایه‌نه‌كه‌ ناڕه‌زایی خۆمان نیشانده‌ده‌ین له‌ژماره‌یه‌ك له‌حزبه‌ كوردیه‌كانی‌ هه‌رێم، داوایان لێده‌كه‌ین چیتر چاویان له‌كورسی‌ توركمانه‌كان نه‌بێت و لێگه‌ڕێن، ئه‌و پێنج كورسیه‌ی‌ بۆ كۆتای‌ توركمانه‌كان هه‌یه‌، نوێنه‌رانی‌ ئه‌و لایه‌نانه‌ له‌سه‌ر دابنیشن".

هه‌روه‌ك جه‌ختیكرده‌وه‌، حزبی‌ كوردی‌ هه‌یه‌ 100 كورسیه‌كه‌ی‌ په‌رله‌مانی‌ به‌جێهێشتوه‌و چاوی‌ له‌پێنج كورسی‌ كۆتای‌ توركمانه‌كانه‌و كاری‌ بۆ ده‌كات و حزبی‌ بۆ دروستده‌كات، "پێویسته‌ ئه‌و پێنج كورسیه‌ نوێنه‌رانی‌ ڕاسته‌قینه‌ی‌ توركمانه‌كان له‌سه‌ری‌ دابنیشن، ئێمه‌ش جه‌ختده‌كه‌ینه‌وه‌ چیتر قبوڵمان نییه‌ به‌ناوی‌ توركمانه‌وه‌ خه‌ڵك بنێردرێته‌ په‌رله‌مانی‌ كوردستان".

له‌وه‌ڵامی‌ پرسیارێكی‌ دا سه‌باره‌ت به‌تۆمه‌تباركردنی‌ پارتی‌ دیموكراتی‌ كوردستان بۆ به‌كارهێنانی‌ كورسی‌ كۆتاكان محه‌مه‌د سه‌عده‌دین وتی‌:"ئێمه‌ له‌گه‌ڵ مه‌كته‌بی‌ سیاسی‌ پارتی‌ كۆبوینه‌ته‌وه‌و ئه‌مه‌مان به‌فه‌رمی‌ پێوتون كه‌ ئه‌وان تۆمه‌تبارده‌كرێن به‌وه‌ی‌ كورسی‌ كۆتاكان به‌تایبه‌ت توركمان به‌كارده‌هێنن، به‌ڵام ئێستا حزبه‌كانی‌ دیكه‌ش ئه‌مكاره‌یان دوباره‌ كردۆته‌وه‌و حزبی‌ دیكه‌یان به‌ناوی‌ توركمانه‌وه‌ دروستكردوه‌ بۆ به‌كارهێنانی‌ كورسی‌ كۆتاكان".

كۆسرەت رەسوڵ جێگری سكرتێری گشتی یەكێتی نیشتمانی بە پێویستی دەزانێت كورد، بەیەك تیمی هاوبەش بەشداری حكومەتی داهاتووی عێراق بكات.

ئەو هەڵوێستەی كۆسرەت رەسوڵ لەمیانی كۆبوونەوەیەكی بووە لەگەڵ دۆگڵاس سیلیمان باڵیۆزی ئەمریكا لە عێراق و كین گرۆس كونسوڵی ئەمریكا لەهەرێمی كوردستان.

 

بەپێی راگەیەنراوێك، لەكۆبوونەوەكە گفتوگۆ كرا لەبارەی چۆنییەتی پێكهێنانی حكومەتی داهاتووی عێراق و بەشداری هێز و لایەنەكان لەم حكومەتە، لەمڕووەوە هەردوولا هاوڕابوون، كە پێویستە حكومەتی داهاتووی عێراق بە بەشداری سەرجەم پێكهاتەو نەتەوەو ئایینە جیاوازەكان پێكبهێنرێت و حكومەتی هەموو لایەك بێت.

هەر لەو كۆبوونەوەیەدا و پەیوەست بە بەشداری كورد لە حكومەتی داهاتووی عێراق، هەریەك لە كۆسرەت رەسوڵ عەلی و باڵیۆزی ئەمریكا لەعێراق دووپاتیان كردەوە گرنگە كورد وەك یەك تیمی هاوبەش و خاوەنی پلان و بەرنامەی ستراتیژی یەكگرتوو بەشداری لەحكومەتی داهاتوودا بكات.

بارودۆخی ناوخۆی كوردستان بەشێكی تری كۆبوونەوەكە بوو، لەم بارەیەوە كۆسرەت رەسوڵ لەو بارەوە رایگەیاندووە "بۆ ئەوەی بتوانین كۆدەنگی زیاتر بەدەست بێنین و خزمەتی زیاتری میللەتەكەمان بكەین، پێویستە لەناو خۆمان یەكگرتوو بین و ململانێكان وەلا بنێین و بەرژەوەندی باڵای گەلی كورد پێش بەرژەوەندییە حزبی و كەسییەكانمان بخەین".

الصفحة 5 من 1271

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥