بەژداری پێ کردنی هەواڵ لە

FacebookTwitterGoogle BookmarksRSS Feed

مەسعود حەیدەر نامەی دەستلەكاركێشانەوەی پێشكەش بەبزووتنەوەی گۆڕان‌و فراكسیۆنی بزووتنەوەكە لەبەغدا كردووە.

مەسعود حەیدەر لەسەر فراكسیۆنی بزووتنەوەی گۆڕان، پەرلەمانتاری ئەنجوومەنی نوێنەرانی عێراق بوو، ئەمڕۆ سێ‌ شەممە نامەی دەستلەكاركێشانەوەی پێشكەش كردووە.

دەقی نامەكە تایبەت دەست شارپرێس كەوتووەو وەك خۆی بڵاودەكاتەوە.

هاوڕێیانی بەرێز..
‎پاش سڵاو
‎دوای دیراسەتكردنی چوار ساڵی كاركردنم لەپەرلەمانی عێراق و وەزعی ناوخۆی بزوتنەوەی گۆڕان و نەھج و سیاسەتی بزووتنەوەكە، دوای نۆ ساڵ خەباتكردن لەرێگای بزووتنەوەی گۆرانەوە بۆ میللەتەكەم، گەشتمە ئەو قەناعەتەی ،كە دەستلەكار بكێشمەوە لە بزوتنەوەی گۆڕان وەكو حزب‌و وەكو فراكسیۆن و ئەو دوو مانگ و نیوەی ماوە لەم خولەی پەرلەمان وەكو كوردێكی بێ لایەن نوێنەرایەتی بكەم. 

دەمەوێ سوپاسی ھەمووتان بكەم بۆ چوار ساڵی پێكەوە كاركردن لەم خولەی پەرلەمانی عێراق، دڵنیاتان دەكەمەوە لەم چوار ساڵە زۆر بە دڵسۆزی و بە ویژدانەوە بەرگریم لە مافەكانی میللەتەكەم كردوەو ھەمیشە بەرژەوەندی خاك و خەڵكی كوردستانم خستۆتە پێش ھەموو شتێك. 

ھۆكارەكان زۆرن بۆ گەیشتنم بەم قەناعەتەو لەكاتی گونجاو بۆ بەرێزتانی رووندەكەمەوە. دەمەوێ سوپاسی ھەموو ئەو ھەڵسوراوە بەرێزانە بكەم وە لە پێش ھەموویانەوە رەوانشاد كاك نەوشیروان و ھەموو دەنگدەرانم، كە ئەمانەتی نوێنەرایەتی كوردیان خستە سەرشانم. 

لەگەڵ ھاورێ كوردەكانم لە پەرلەمان وەكو ئەركێكی نیشتمانی، ئەخلاقی و نەتەوەیی و ئاینی و سیاسی درێغیم نەكردوەو ئەوەی لەتوانام بووە ھەوڵم بۆی داوە بۆ بەرگری لە مافە دەستوری و یاسایی یەكانی كورد، ھەمیشە لە خەمی قووتی خەلك وچارەسەركردنی كێشەكانیان بوومە و گوێم بە حزبایەتی و ململانێ سیاسێكانی حزبە كوردێكان نەداوە و زۆرجار تەفسیری ھەڵەی بۆ  كراوە و دوور لە گشت ئاكارێك تۆمەت و تەشھیرم ئاراستە كراوە. ئەو ئەركەی كەوتە سەرشانم بە پاكی و ئەمانەتەوە گەیاندمە جێگا و ھەمیشە لەبەرەی بەرگری بوومە لە مافی خەلك و خاكی كوردستان بە شایەتی ھەموو كوتلەو حزبەكانی ناو پەرلەمانی عێراق. بەرانبەر خواو میللەتەكەم روسورو سەربەرزم و ھەمیشە لەخانەی گەل و نیشتمان دەبم.

‎براتان
‎مسعود حیدر
٢٠١٨/٤/١٧
‎بەغداد

یەکێتییەکان، پاڵپشتى خۆیان بۆ شاڵاو کۆسرەت دەربڕى و پشتیوانییان بۆ لیستى 162 ى یەکێتى دووپاتکردەوە.

بەمەبەستى پاڵپشتى و پشتیوانى، لە چوارەم رۆژى دەست بە کاربوونى شاڵاو کۆسرەت رەسول، ئەندامى سەرکردایەتى یەکێتیى نیشتمانیى کوردستان و لێپرسراوى مەڵبەندى 3ى رێکخستنى هەولێر، لە ئاستى باڵا و جیاوازدا چەندین میوان و بە سەدان لە هەوادارانى یەکێتى، سەردانى بارەگاى مەڵبەندیان کرد.

دکتۆر ئەرسەلان بایز ئەندامى مەکتەبى سیاسى یەکێتیى نیشتمانیى کوردستان و پارێزگارو جێگرى پارێزگارى هەولێر و هەردوو قونسوڵ و قونسڵخانەى ئیران و تورکیا و فراکسیۆنەکانى ئەنجومەنى پارێزگاى هەولێرو سەرۆک و ژمارەیەک لەئەندامانى مەکتەبى سیاسى بزوتنەوەى دیموکراتى گەلى کوردستان و ئەنجومەنى باڵاى کاروبارى خانمان و کارمەندانى وەزارەتى تەندروستى و ژمارەیەک لە پارێزەرانی شاری هەولێرو کادیرانى مەڵبەندى موسل یەکێتیى نیشتمانی و لێپرسراوى رێکخستنى کۆمیتەى ئەڵمانیاو چەندین رێکخراوی کۆمەڵگەی مەدەنی و میوانی تر، سەردانى شاڵاو کۆسرەت رەسوڵیان کرد.

میوانان، هەریەکە و لە ئاستى خۆیدا پیرۆزبایى و پشتیوانى خۆیان بۆ دەست بەکاربوونى شاڵاو کۆسرەت دەربڕى و هیواى سەرکەوتنیان بۆ خواست.

هەروەها تەواوى هەوادارانى یەکێتى و کادیرو ئەندامان لەو سەردانەیاندا پشتیوانیان بۆ یەکێتى و کاندیدانى لیستى 162 ى یەکێتى لە پارێزگاى هەولێر بۆ هەڵبژاردنى پەرلەمانى عیراق دووپاتکردەوە و بەڵێنى هەموو هەوڵ و توانایەکیان دا بۆ سەرخستنى ئەم لیستە.

 

 

سەرچاوەیەك لە ئەنجومەنی وەزیرانی هەرێم رایدەگەیەنێت، پێش هەڵبژاردنی ئەنجومەنی نوێنەرانی عێراق مووچەی مانگی دووی بەشێك لەوەزارەتەكان دابەشدەكرێت.

سەرچاوەیەك لە ئەنجومەنی وەزیران رایگەیاندووە، حكومەتی هەرێم هەوڵدەدات پێش هەڵبژاردن دەستبكات بە دابەشكردنی مووچەی مانگی دوو و سەرەتاش لە وەزارەتەكانی پەروەردە و تەندروستییەوە دەستپێدەكرێت".

ئەمەش لە كاتێكدایە ئەمڕۆ سێ شەممە نێچیرڤان بارزانی لە كۆنگرەیەكی رۆژنامەوانیدا ئاماژەی بەوەكرد هیچ كێشەیەك بۆ ئەو پارەیە دروستنەبووە كە لە بەغداوە دەینێرن.

مانگی رابردوو حكومەتی هەرێمی كوردستان دەستكاری كردنی موچەی سەرجەم وەزارەتەكانی راگەیاند بەڵام تاوەكو ئێستا حكومەت موچەی سەرجەم وەزارەتەكانی بەو سیستەمە نوێیەی موچە دابەش نەكردووە.

ئەمەش لە كاتێكدایە، بەپێی زانیارییەكان لەئاییندەیەكی نزیكدا بڕیارە بەغدا بڕێكی دیكە پارە بۆ هەرێم بنێرێت و مووچەی مانگی یەكی سەرجەم وەزارەتەكان دابەشبكرێت و كۆتایی بە دابەشكردنی مووچەی مانگی یەك بهێنرێت، پاشان دەستبكرێت بە دابەشكردنی مووچەی مانگی شوبات.

د. عزەت سابر سەرۆكی لیژنەی دارایی لە پەرلەمانی كوردستان راگەیاندبوو" بەدڵنیاییەوە مووچەی مانگی شوباتی فەرمانبەرانی حكومەتی هەرێمی كوردستان بەسیستمی نوێی مووچە دابەشدەكرێت، چونكە تا ئێستا ئەو پرۆژەیەی لە پەرلەمانە، بۆ لابردنی ئەو دەرماڵانەی یاسایی نین پەسەند نەكراوەو پەرلەمانیش بەرپرسیارێتی بڕیارێك هەڵناگرێت كە پێشتر پەرلەمان خۆی دەرینەكردبێت".

سوپاى تورکیا و جەردەوانەکان لە چیاى جودى لە باکورى کوردستان دەستیانکرد بە ئەنجامدانى ئۆپراسیۆنێکى سەربازی.

ئاژانسى فورات نیوزى نزیک لە پەکەکە ئاشکرایکردووە، سوپاى تورکیا لە چیاى جودیى ناوچەى شرناخ لە باکورى کوردستان بە بەشداریى زیاتر لە ٣٠٠ جەردەوان و ٢٥٠٠ سەرباز، دەستیکرد بە ئەنجامدانى ئۆپراسیۆنێکى بەرفراوانى سەربازی.

ئاژانسەکە ئاماژەى بەوەشکردووە، ئۆپراسیۆنەکە لە ئێوارەى دوێنێوە دەستیپێکردووە و بە فڕۆکەى چاودێری و کۆپتەر و تانک پشتیوانى دەکرێت.

فورات نیوز ئەوەى ئاشکرانەکردووە کە مەبەست لە ئۆپراسیۆنە سەربازییەکەى سوپاى تورکیا لەو ناوچەیە چییە.

پێش ماوەیەک سوپاى تورکیا لە ناوچە سنورییەکانى هەرێمى کوردستان و باکورى کوردستان بەبیانووى هەبوونى گەریلاکانى پەکەکە دەستى بە ئۆپراسیۆنێکى سەربازى کرد و نزیکەى ٢٠ کیلۆمەتر هاتە نێو خاکى هەرێمەوە، بەپێى وتەى بەڕێوەبەرى ناحییەى سیدەکانیش کە پێشتر  ڕاگەیاندبوو سوپاى تورکیا لە خاکى هەرێم سێ بارەگاى گەورە و نزیکەى ١٥ بارەگاى بچوکى سەربازى دامەزراندووە.

پارتی‌ ته‌قه‌ له‌كه‌سوكاری‌ ئه‌م كاندیده‌ی‌ گۆڕان ده‌كات..پۆسته‌ره‌كان لێكرانه‌وه‌
پارتی‌ داوای‌ كشانه‌وه‌ی‌ كاندیدێك له‌لیستی‌ گۆڕان له‌سه‌ر ئاستی‌ پارێزگای‌ هه‌ولێر ده‌كات، ئه‌و كاندیده‌ش ئاشكرایده‌كات هه‌ڕه‌شه‌و فشاره‌كان بۆسه‌ری‌ زیادیكردوه‌، ده‌شڵێت:"شه‌وی‌ ڕابردوو ئاسایشی‌ پارتی‌ ته‌قه‌یان له‌كه‌سوكاره‌كه‌م كردوه‌و سه‌رجه‌م پۆسته‌رو فلێكسه‌كانیشم لێكراونه‌ته‌وه‌".

 

 

هێڤی‌ هه‌یاف كاندیدی‌ بزوتنه‌وه‌ی‌ گۆڕان بۆ ئه‌نجومه‌نی‌ نوێنه‌ران  ڕاگه‌یاندووە ، "شه‌وی‌ ڕابردوو له‌لایه‌ن ئاسایشه‌وه‌ ڕێگریی له‌كه‌سوكارو هاوسه‌ره‌كه‌م كراوه‌ كه‌ پۆسته‌ره‌كانم هه‌ڵواسن، دوای‌ ئه‌وه‌شی‌ كه‌سوكاره‌كه‌م سوربون له‌سه‌ر ئه‌وكاره‌ به‌ته‌قه‌ بڵاوه‌یان پێكردون".

وتیشی‌:"دوای‌ بڵاوه‌كردن به‌كه‌سوكاره‌كه‌م سه‌رجه‌م پۆسته‌رو فلێكسه‌كانی‌ من لێكراوه‌ته‌وه‌و ئه‌مه‌ش دوای‌ ئه‌وه‌دێت تائه‌وشه‌وه‌ی‌ بانگه‌شه‌ ده‌ستی‌ پێكردوه‌ داوایان له‌من كردوه‌ وازبهێنم و وازم نه‌هێناوه‌، دواتر كه‌وتونه‌ته‌ هه‌ڕه‌شه‌كردن".

No automatic alt text available.

Image may contain: one or more people

Image may contain: 1 person, plant

Image may contain: 1 person

Image may contain: 1 person, smiling

Image may contain: 1 person, outdoor

No automatic alt text available.

No automatic alt text available.Image may contain: 1 person, sky and outdoor

 

حکومەتی تورکیا رایگەیاند: لە بارەی داھاتووی مەنبەج رەشنووسی نەخشەرێگایەک لە نێوان ئەنقەرە و واشنتۆن لە ئارادایە.

مەولود چاوشئۆغلۆ وەزیری دەرەوەی تورکیا رایگەیاندوە، پێشتر لەگەڵ ئەمریکا لە بارەی منبج و بارەگاکانی یەکینەکانی پاراستنی گەل (یەپەگە) لە ناوچەکە گەیشتوونەتە رێککەوتنێک، ئێستا رەشنووسی نەخشەرێگایەک لە ئارادایە، کاتێک وەزیری دەرەوەی نوێی ئەمریکا دەستبەکار بوو، دەستبەجێ جێبەجێ دەکرێت.

چاوشئۆغڵو وتیشی: یەپەگ لە مەنبج پێگە و بارەگانی ماون، لە ئایندەدا لەگەڵ ئەمریکا  بەیەکەوە بڕیاردەدە مەنبەج کێ بەڕێوەی دەبات، دواتریش بەرەو ناوچەکانی تری ھەنگاو دەنێن.

چەند جارێک بەرپرسانی تورکیا رایانگەیاندوە کە لەگەڵ ئەمریکا لە بارەی رۆژئاوای کوردستان گەیشتونەتە رێکەوتن، بەڵام بەردەوام لە لایەن ئەمریکاوە رێکەوتنی لەو جۆرە رەتکراوەتەوە.
ھێرشی موشەکی دەکرێتە سەر ناوچەیەکی سوریا و تا ئێستا روون نەبۆتەوە چ وڵات و لایەنێک ئەو ھێرشەی ئەنجامداوە.

سەر لە بەیانی ئەمڕۆ سێشەممە ١٧-٤ تەلەفزیۆنی رەسمی سوریا بڵاویکردەوە، ھێرشێکی موشەکی کراوەتە سەر سوریا و لە شوێنێکی نەزانراوەوە ھاتونەتە ئاسمانی پارێزگای حمسەوە بەڵام ھێزی بەرگریی ئاسمانی سوریا ھەموو موشەکەکانی بەرداوەتەوە.

لەو بارەیەوە، وەزارەتی بەرگری ئەمریکا (پنتاگۆن) لە راگەیەنراوێکی رۆژنامەوانیدا رەتیکردەوە ئەمریکا ئەو ھێرشە موشەکییەکی کردبێتە سەر سوریا.

تەلەفزیۆنی رەسمی سوریا دەڵێت، موشەکەکان ئاراستەی بنکەی ئاسمانی (شعیرات) کراون لە پارێزگای حمس، بەڵام پێش ئەوەی ئامانجەکان بپێکن، لە لایەن ھێزی بەرگری ئاسمانی سوریاوە تێکشکێنراون و خراونەتە خوارەوە.

بەرەبەیانی رۆژی شەممەی رابردوو، بە ھاوکاری فەرەنسا و بریتانیا، ئەمریکا ھێرشێکی موشەکی کردە چەند ئامانجێک لە سوریا وەک کاردانەوەیەک بەرامبەر بەکارھێنانی چەکی کیمیایی لە لایەن سوریاوە لە ناوچەی دومای ئەو وڵاتە.
ه‌نجومه‌نی‌ وه‌زیرانی‌ هه‌رێم كۆده‌بێته‌وه‌، به‌گوێره‌ی‌ زانیاریه‌كانیش له‌كۆبونه‌وه‌كه‌ی‌ ئه‌مڕۆی‌ حكومه‌تی‌ هه‌رێمدا پرسی‌ خانوه‌ بێ‌ تاپۆكان تاووتوێده‌كرێت و ڕاپۆرتێكی‌ تایبه‌تیش به‌شاره‌وانیه‌كان له‌لایه‌ن وه‌زاره‌تی‌ شاره‌وانیه‌وه‌ ده‌خوێندرێته‌وه‌.

 

 

به‌گوێره‌ی‌  زانیارییەکان ، بڕیاروایه‌ كاتژمێر 11ی‌ پێشنیوه‌ڕۆی‌ ئه‌مڕۆ، ئه‌نجومه‌نی‌ وه‌زیرانی‌ هه‌رێمی‌ كوردستان كۆبونه‌وه‌ی‌ ئاسایی خۆی‌ ئه‌نجامبدات.

له‌زانیاریه‌كاندا ئاماژه‌ به‌وه‌شكراوه‌، چه‌ند پرسێكی‌ گرنگ له‌كۆبونه‌وه‌ی‌ ئه‌مڕۆی‌ حكومه‌تدا گفتوگۆی‌ جدیان له‌باره‌وه‌ ده‌كرێت به‌تایبه‌ت پرسی‌ ته‌ملیككردنی‌ خانوه‌ بێ‌ تاپۆكان، هه‌روه‌ها ڕاپۆرتێكی تایبه‌تیش به‌شاره‌وانیه‌كان له‌لایه‌ن وه‌زاره‌تی‌ شاره‌وانیه‌وه‌ ده‌خوێندرێته‌وه‌.

پێشتر باس له‌وه‌كرا، كه‌ ژماره‌یه‌كی‌ زۆر له‌خانوی‌ بێ‌ تاپۆ له‌چوارچێوه‌ی‌ ماسته‌رپلانی‌ شاره‌وانیه‌كاندا بونیان هه‌یه‌، له‌و ڕوه‌شه‌وه‌ ئه‌مڕۆ ئه‌نجومه‌نی‌ وه‌زیرانی‌ هه‌رێم كۆتا قسه‌و بڕیار له‌وباره‌یه‌وه‌ ده‌رده‌كات و چاره‌نوسیان یه‌كلاده‌كاته‌وه‌.

 

 

لەسێیەم رۆژی دەست بەکاربوونی بەرێز شاڵاو کۆسرەت رەسوڵ، ئەندامی سەرکردایەتی یەکێتیی نیشتیمانیی کوردستان، وەک لێپرسراوی مەڵبەندی سێی هەولێر. بەدەیان و بەسەدان لەکادیران و ئەندامان و هەوادارانی یەکێتیی نیشتیمانیی کوردستان و چین و توێژە جیاوازەکانی سنوری پارێزگای هەولێرو شارو شارۆچکەکانی تری کوردستان، بەمەبەستی پیرۆزبایی و پشتیوانی سەردانی بارەگای مەڵبەندیان کردو لەنزیکەوە پاڵپشتی و پشتیوانی خۆیان بۆ بەرێز شاڵاو کۆسرەت رەسوڵ دووپاتکردەوە. دەست بەکاربوونی شاڵاو کۆسرەت رەسوڵ، گروتینێکی تری داوە بەرێکخستنەکانی یەکێتیی نیشتیمانی و خەڵکی شاری هەولێرو کەس و کاری شەهیدان و پێشمەرگەو پێشمەرگە دێرینەکان و زیندانیانی سیاسی و کەم ئەندامان و گەنجان و خوێندکاران و فەرمانبەران و پیشەوەران. شاڵاو کۆسرەت رەسوڵ لە 8ـ4ـ2018 فەرمانی بوون بە لێپرسراوی مەڵبەندی سێی بۆ دەرچوو، له رۆژی شەممە 14ـ4ـ2018 لەمەراسیمێکدا بەئامادەبوونی ژمارەیەک لەئەندامانی مەکتەبی سیاسی و سەرکردایەتی و کاندیدانی یەکێتیی نیشتیمانیی و ئاپۆرەیەکی زۆری جەماوەری، وەک لێپرسراوی مەڵبەندی سێی یەکێتیی نیشتیمانیی کوردستان دەست بەکاربوو.

 

 

وه‌زاره‌تی‌ ئه‌وقاف و كاروباری‌ ئاینی‌ حكومه‌تی‌ هه‌رێم ئاگاداری‌ كیانه‌ سیاسی و كاندیده‌كان ده‌كاته‌وه‌ كه‌ هه‌ڵواسینی‌ هه‌ر جۆره‌ كه‌ره‌سته‌یه‌كی‌ بانگه‌شه‌ی‌ هه‌ڵبژاردن له‌ شوێنه‌ ئاینییه‌كان قه‌ده‌غه‌یه‌ و له‌ حاڵه‌تی‌ سه‌رپێچیش، له‌ كۆمسیۆن سكاڵا تۆمار ده‌كه‌ن.

وه‌زاره‌تی‌ ئه‌وقاف و كاروباری‌ ئاینی‌ له‌ راگه‌یه‌ندراوێكدا كه‌  بلاوکرایتەوە ، به‌هۆكاری هاتنی ماوه‌ی بانگه‌شه‌ی هه‌ڵبژاردنی په‌رله‌مانی عیراق، سه‌رجه‌م كیانه‌ سیاسییه‌كان و كاندیدانی هه‌ڵبژاردن ئاگادار ده‌كه‌نه‌وه‌ كه‌ هه‌ڵواسینی هه‌موو جۆره‌ پۆسته‌ر و فلێكسی بانگه‌شه‌ی هه‌ڵبژاردن و هه‌ر جۆره‌ بانگه‌شه‌یه‌كی تری هه‌ڵبژاردن له‌ ناو حه‌ره‌می مزگه‌وت و دیواری مزگه‌وت و شوێنه‌ ئایینییه‌كان به‌هه‌موو شێوه‌یه‌ك قه‌ده‌غه‌یه‌.

هه‌ر به‌پێی‌ راگه‌یه‌ندراوه‌كه‌، له‌حاڵه‌تی بوونی هه‌ر سه‌پێچییه‌ك وه‌زاره‌تی ئه‌وقاف راسته‌وخۆ به‌بێ ئاگاداری لایه‌نی سه‌رپێچیكار، سكاڵای یاسایی له‌ كۆمسیۆنی باڵای هه‌ڵبژاردنی عیراق تۆمار ده‌كات.

رۆژی‌ 14ی‌ نیسان بانگه‌شه‌ی‌ هه‌ڵبژاردن له‌ پارێزگاكانی‌ عیراق و 15ی‌ نیسانیش له‌ پارێزگاكانی‌ عیراق ده‌ستی‌ پێكرد و ماوه‌ی‌ 25 رۆژ ده‌خایه‌نێت.

الصفحة 4 من 1240

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥