به‌ڵێنێكى مه‌ترسیدارى پارتى دیموكراتى كوردستان له‌باره‌ى كورده‌وه به عه‌ره‌به سووننه‌كان ئاشكرا بوو، به‌پێى زانیاریه‌كان "پارتى به‌ڵێنى داوه پۆستى سه‌رۆك كۆمار له كورد وه‌ربگیرێته‌وه و بدرێت به سووننه".
ئه‌مڕۆ شه‌ممه، رۆژنامه‌ى هه‌واڵ له زارى سه‌رچاوه‌یه‌كى باڵاى پێكهاته‌ى سووننه‌وه بڵاویكردووه‌ته‌وه "پارتی دیموكراتى كوردستان به‌ڵێنی به عه‌ره‌به سووننه‌كان داوه، له دوای هه‌ڵبژاردنی په‌رله‌مانى عێراق پۆستی سه‌رۆك كۆمار له كورد و یه‌كێتیی نیشتمانى كوردستان بسه‌نێته‌وه و بیدات به‌و پێكهاته‌یه، له به‌رامبه‌ر ئه‌وه‌ش به‌نیازه به هاوكاری هاوپه‌یمانه سووننه و شیعه‌كانی به‌غدا پۆستی سه‌رۆكى په‌رله‌مانی عێراق به‌ده‌ست بهێنێت".
له‌باره‌ى سازشكردنی پارتی له پۆستی سه‌رۆك كۆمار، چاودێرێكی سیاسی رایگه‌یاند "مه‌سعود بارزانی له‌سه‌ر ئاستی عێراق قبوڵكراو نییه بۆ ئه‌و پۆسته، له به‌رامبه‌ر ئه‌وه‌ش خودی بارزانی نایه‌وێت له ناو پارتیدا كه‌سێكى دیكه پۆستی له خۆی باڵاتری هه‌بێت، بۆیه پێی باشه ئه‌و پۆسته بدات به سووننه و بۆ سه‌رۆكایه‌تی په‌رله‌مانیش كه‌سێكى نزیك له خۆی له ناو پارتی دابنێت".
ئەسیل نوجێفی، پارێزگاری پێشووی نەینەوا رایگەیاند، ململانێكانی نێوان ئێران‌و ئەمریكا، بەتەواوی لەسەر هەڵبژاردنەكانی عێراق دەركەوتووە.
ئەسیڵ نوجێفی راشیگەیاند، بەهۆی ئەو ململانێیانەوە، كێشە لەنێوان لایەنەكان دروستبووەو كێشەكانیش لەنێوان لایەنە گەورەكان قووڵبووەتەوە.
هەڵبژاردنی پەرلەمانی عێراق لە 12ی ئایاری داهاتوو بەرێوەدەچێت، كە لایەنی ئێرانی پشتگیری نوری مالیكی سەرۆكی دەوڵەتی یاسا دەكەن‌و لایەنی ئەمریكش پشتگیری حەیدەر عەبادی سەرۆكی لیستی نەسر دەكەن.
ئەو بەرپرسە عێراقییە هۆشداری ئەوەشیدا، كە ئەگەر ململانێكان بەردەوامبێت، ئەوە ئەگەری پێكدادانی نێوان لایەنەكان دوور نییە، بۆیە دەبێت دەستوەردانی ئەو وڵاتانە كەمبكرێتەوە.
هاوار ئامێدی، به‌رپرسی كۆمیته‌ی یه‌كێتی له ئامێدی، راگه‌یاندوەە: هه‌رچه‌نده ئێستا شه‌ڕی نێوان گه‌ریلاكانی په‌كه‌كه‌و سوپای توركیا له‌ناو خاكی هه‌رێمی كوردستان وه‌ستاوه، به‌ڵام سوپای توركیا كه نزیكه‌ی 20 كیلۆمه‌تر سنووری خاكی هه‌رێمی به‌زاندوه، نه‌كشاوه‌ته‌وه‌و هێزه‌كانی له‌و شوێنانه جێگیركردوه كه پێشڕه‌ویی تێدا كردووه‌و هاوشێوه‌ی ناوچه‌كانی (ئامێدی، بامه‌ڕنێ و سیلییه) بنكه‌ی سه‌ربازیی داناوه.
وتیشی:"به‌پێی زانیارییه‌كانمان، ئۆپراسیۆنی سوپای توركیا له‌سنووری هه‌رێمی كوردستان به‌رده‌وام ده‌بێت و بۆ ماوه‌یه‌كی دیاریكراو نییه، چونكه ئێستا له‌ناوچه شاخاوییه‌كانی هه‌رێمیش بنكه‌ی سه‌ربازیی داناوه‌و مه‌به‌ستی پاشه‌كشه‌ی نییه".
راشیگه‌یاند: سوپای توركیا به ئاسانی له‌ناو شارو شارۆچكه‌كانی سنووره‌كه جموجۆڵ ده‌كات و وه‌كو خاكی خۆی مامه‌ڵه ده‌كات.
هێزێکی ئاسایش پارتی دەستی بەسەر کتێبەکانی سەردەشت عوسمان گرت و ڕایدەگەێنێت "کتێبی سەردەشت عوسمان لە تی ئێن تی و بۆمب و تلیاک مەترسیدارترە".
رۆژی پێنجشەممە ستافی ئامادەکاری بەرگی دووەمی کتێبی سەردەشت عوسمان ڕاگەیاندراوێکی لەسەر دەست بەسەرداگرتنی کتێبەکانی سەردەشت عوسمان لەلایەن هێزێکی ئاسایشی پارتیەوە بڵاوکردەوە.
ستافی ئامادەکاری بەرگی دووەمی کتێبی سەردەشت عوسمان لەو ڕاگەیاندراوەدا کە کۆپیەکی دەست شارپێس کەوتوە تێیدا ڕایگەیاندوە "ڕۆژی پێنجشەممە ١٩ی نیسان بەرگی دووەمی کتێبی سەردەشت عوسمان لە چاپ دەرهات، سەرلەئێوارەی ئەمڕۆ کاتژمێر ٨ بەهزاد موحسین کە ئەندامی ستافی ئامادەکار و سەرپەرشتیاری چاپی کتێبەکەیە لە ڕێگای گەڕانەوەی لە سلێمانیەوە بۆ هەولێر لە سەیتەرەی بێستانە لەلایەن ئاسایشی پارتیەوە دەستگیر دەکرێت و دەست بەسەر ژمارەیەک لە کتێبەکەدا دەگرن".
ستافی ئامادەکاری بەرگی دووەمی کتێبی سەردەشت عوسمان ئاماژەی بەوەشداوە "بەدوای پەیوەندیکردن بە ئاسایشی هەولێر و تاقیبکردنی بەهزاد موحسین، ئاسایش ئەوە پشتراست دەکاتەوە کە ناوبراو لای ئەوانە و دەستیان بەسەر کتێبەکەدا گرتووە، تاکاتی ئامادەکردنی ئەم ڕاگەیاندنە بەهزاد ئازاد نەکراوە".
ستافی ئامادەکاری کتێبەکی سەردەشت عوسمان ئەوەشی وتوە "ئێمە وێڕای ئیدانەکردنی ئەم کردەوە سەرکوتگەرانەیە، کە جگە لە ترس و تۆقینی دەزگا ئەمنیەکانی پارتی لە بڵاوبوونەوەی ڕاستیەکان هیچ بیانوویەکی تری نییە. داوای دەستبەجێ ئازادکردنی بەهزاد و هەموو کۆپیەکانی ئەو کتێبە دەکەین. بانگەوازی سەرجەم ئازادیخوازان دەکەین کە دەنگی ناڕەزایی و بێزارییان لەم سەرکوتگەریە بەرزکەنەوە".
ستافەکە باسی لەوەشکردوە "ئاسایشی پارتی بە بەهزادیان گوتووە کە کتێبی سەردەشت عوسمان لە تی ئێن تی و بۆمب و تلیاک مەترسیدارترە.
ئاشکرایە کە ئەوە تەنها دەسەڵاتە لەرزۆک و زەندەقچووەکانن کە کتێب بە قاچاخ و مەترسی و ئامادەکارانی کتێب بە شایانی زیندانی و کەلەپچەکردن دەزانن".
شاڵاو كۆسرەت رەسوڵ رایگەیاند یەكێتی سەنگی مەحەكە بۆ یەكلایكردنەوەی كێشەكان لەهەرێمی كوردستان و عیراق و كلیكی چارەسەری كێشەكانەو لەم هەڵبژاردنەشدا دەبێت بیسەلێنین كێ خاوەنی راستەقینەی هەولێرە.
شاڵاو كۆسرەت رەسوڵ عەلی لێپرسراوی مەڵبەندی سێ رێكخستنی هەولێری یەكێتیی نیشتمانیی كوردستان لەمەراسیمی ناساندنی كاندیدەكانی لیستی ژمارە 162ی یەكێتی لەپارێزگای هەولێرو دەوبەری رایگەیاند: ئەمڕۆ گەلەكەمان كە بەقۆناغێكی سەختدا تێدەپەڕێت و خەریكە ئایندەمان لێڵدەبێت، ئەوە تەنهاو تەنها یەكێتیە خەباتی كورد لەم قۆناغە رزگار بیكات و بیگەیەنێتە كەنارێكی ئارام، ئەوەش بەپاڵپشتی ئێوەی دەنگدەران دەبێت بۆ دەنگدان بەكاندیدەكانی لیستی ژمارە 162ی یەكێتی.
وتیشی: لەماوەی 27 ساڵی حكومڕانی كورددا كە یەكێتی بەشێك بووە لێی، حكومڕانییەكە بێ كەموكورتی نەبووە، بەڵام لەهەولێری قەڵاو منارەوە، هەولێری شەهیدانەوە، پەیمانتان پێدەدەین قەرەبووی ئەوە بكەینەوەو یەكێتی بخەینەوە سەر رێچكە راستەقینەكەی خۆی، یەكێتی بكەینەوە بەو یەكێتییەی داكۆكیكاری ماف و ئازادییەكان بێت و تەنهاو تەنها لەخزمەتی خەڵكدا بێت، هەولێرییەكان باش دەزانن یەكێتی سەنگی مەحەكە بۆ یەكلایكردنەوەی كێشەكان لەهەرێمی كوردستان و عیراق و كلیكی چارەسەری كێشەكانە.
شاڵاو كۆسرەت راشیگەیاند: ئەوەی ئێمەی یەكێتین لەهەولێر لەم هەڵبژاردنەدا دەبێت بیسەلێنین كێ خاوەنی راستەقینەی هەولێرە.
به‌شێك له وێنه‌ى كاندیده‌كانى یه‌كێتیى نیشتمانى كوردستان له سنورى پارێزگاى هه‌ولێر دڕێنراون و كاندیدێكى یه‌كێتییش رایده‌گه‌یه‌نێت "ئه‌و كاره له هه‌ر شار و قه‌زا و ناحیه‌یه‌ك ئه‌نجام بدرێت، پێویسته ده‌سه‌ڵات رێگرییان لێبكات"، ده‌شڵێت "ئه‌و كاره ناشارستانییه هیچ كاریگه‌رییه‌كی له‌سه‌ر ئه‌نجامه‌كانی هه‌ڵبژاردن نابێت".
"ئارێز عه‌بدوڵا" كاندیدی یه‌كێتیى نیشتمانى كوردستان له سنورى پارێزگاى هه‌ولێر بۆ ئه‌نجومه‌نى نوێنه‌رانى عێراق له‌باره‌ى لێكردنه‌وه و دڕاندنى وێنه‌ى كاندیده‌كانی یه‌كێتیى له سنورى پارێزگاى هه‌ولێر، به ماڵپه‌ڕى فه‌رمى یه‌كێتیى راگه‌یاندووه "ئه‌و كاره كارێكی ناشارستانییه و ته‌نها له ئه‌نجامده‌رانی ده‌وه‌شێته‌وه، به بڕوای من به مه‌به‌ستی سیاسی و لابردنی ژماره‌و روخساری كاندیده‌كان ئه‌نجام ده‌درێت، تا له‌به‌رچاوی هاوڵاتیان نه‌بن".
ناوبراو ئاماژه‌ى به‌وه‌شكرد "ئه‌و كاره له هه‌ر شار و قه‌زا و ناحیه‌یه‌ك ئه‌نجامبدرێت، پێویسته ده‌سه‌ڵات رێگرییان لێبكات، هه‌موو ئه‌و كه‌سانه‌ش دڵنیا ده‌كه‌مه‌وه ئه‌و كاره نه زیان به یه‌كێتیی و نه به كاندیده‌كانی ده‌گه‌یه‌نێت و هیچ كاریگه‌رییه‌كی له‌سه‌ر ئه‌نجامه‌كانی هه‌ڵبژاردن نابێت".
له رێكه‌وتى 15 ى 4 ى 2018 ه‌وه له هه‌رێمى كوردستان بانگه‌شه‌ى هه‌ڵبژاردنى ئه‌نجومه‌نى نوێنه‌رانى عێراق ده‌ستیپێكردووه و وابڕیاره رێكه‌وتى 12 ى 5 ى 2018 هه‌ڵبژاردنه‌كه به‌ڕێوه‌بچێت.
ئەحمەد زاگە لێپرسراوی کۆمیتەی گوێڕی یەکێتیی ڕاگەیاندووە، "ماوەی چەند ڕۆژێکە ھەڵمەتی بانگەشەی ھەڵبژاردن دەستیپێکردوە لەسنوری ناحیەکە، بەڵام لایەنگرانی پارتی پێشێلکاری بەرامبەر بەوێنەو پۆستەری کاندیداکانی یەکێتیی لەسنورەکە دەکەن، بەڵام ئەوکارە بەرامبەر بەھیچ کاندیدێکی پارتی لەسنورەکە ئەنجامنەدراوە".
وتیشی:"ئەگەر پێشێلکاریەکە بەرامبەر کاندیداکانی سەرجەم لایەنە سیاسیەکان ئەنجامبدرێت گرفتمان نییە، بەڵام ناکرێت تەنھا وێنەو پۆستەری یەکێتیی بکرێتە ئامانج لەکاتێکدا لەھەمان شوێن وێنەو پۆستەری کاندیداکانی پارتیش بونی ھەیە، کەچی ھیچ دەستکارییەکیان ناکرێت".
جەختیشیکردەوە، "ئەو پێشیلکاریانە لەھەڵبژاردنەکانی پێشتردا بەئەندازەی ئێستا نەبوە، بەڵام لەمساڵدا ئەو جۆرە ھەڵمەتانە دژ بەیەکێتیی زیادیکردوەو بابەتەکەش ڕونە کە پارتی لەناوچەکە باڵادەستەو ئەو پێشێلکاریانە ئەنجامدەدات".
بەرپرسەکەی یەکێتیی ئەوەشی وت:"ھێزەکانی ئاسایشمان لەو پێشێلکاریانە بەرامبەر پۆستەرو وێنەی کاندیدەکانمان لەسنورەکە ئاگادارکردۆتەوەو پێویستە کۆمسیۆنیش لەسەر ئەو بابەتە بێتە دەنگ".
