بەژداری پێ کردنی هەواڵ لە

FacebookTwitterGoogle BookmarksRSS Feed



بڕیارە ئەمڕۆ سەرۆکایەتی پەرلەمانی کوردستان بۆ دیاریکردنی کاتی بەڕێوەچوونی دانیشتنی نائاسایی سەبارەت بە پرسی ھەموارکردنەوەی یاسای سەرۆکایەتی ھەرێم کۆببێتەوە.کۆبوونەوەکە لەسەر بنەمای یاداشتی ٤٩ پەرلەمانتاری فراکسیۆنە جیاوازەکان دێت کە دوێنێ بەمەبەستی دیاریکردنی کاتی دانیشتنە نائاساییەکە ئاڕاستەی سەرۆکایەتی پەرلەمانیان کردبوو.ئەمەش لەکاتێکدایە کە تەنھا سێ رۆژ ماوە بۆ کۆتاییھاتنی ماوەی یاسایی سەرۆکی ئێستای ھەرێم و فراکسیۆنەکانی یەکێتی و گۆڕان و کۆمەڵ و یەکگرتووش جەخت دەکەنەوە لەوەی دەبێت سەرۆک لە پەرلەمانەوە ھەڵبژێردرێت.رۆژی ٢٣ی حوزەیرانی رابردووش پەرلەمانی کوردستان بە ئامادەبوونی پەرلەمانتارانی ٧ فراکسیۆن خوێندنەوەی یەکەمی بۆ چوار پرۆژە یاسای ھەموارکردنەوەی یاسای سەرۆکایەتی ھەرێم کرد و رۆژی ٣ی ئەم مانگەش لیژنەی یاسایی راپۆرتی خۆی لەبارەی پرۆژە یاساکانەوە رەوانەی سەرۆکایەتی پەرلەمان کرد.دوێنێش وێنەی راپۆرتەکەی لیژنەی یاسایی رادەستی پەرلەمانتاران کرا.

فیلمێکی ئەمەریکی نوێ بووە پڕ سەرمایەترین فیلمی ئەم ھەفتەیەی بۆکس ئۆفیس و ئەوەش سەرنجی ھەمووانی بۆخۆی راکێشاوە.

 

ئەو فیلمە نوێیە ناوی (Straight Outta Compton)ە و لەم کۆتایی ھەفتەیەدا لە سینەماکانی ئەمەریکا بەپێی ھەژمارە سەرەتاییەکان توانیویەتی ببێتە خاوەنی (٥٩) ملیۆن دۆلاری ئەمەریکی، ئەو فیلمە لە ١٤ی ئەم مانگەدا دەرچووە و ماوەی ٢.٥ کاتژمێرە.

 

ھاوکات فیلمەکە باس لە باندێک دەکات بەناوی (NWA) و پەیوەندی نێوان ئەندامەکانی پیشان دەدات و چەندین ئەکتەری وەک ئۆشیا جاکسن و کۆری ھۆکینز بەشدارییان تیادا کردووە، ھەروەھا ئەو فیلمە پێش فیلمەکەی تۆم کروز کەوتووە کە ھەفتەی پێشتر کەمتری کۆکردەوە.



لیژنەی دەستپاکی ئەنجومەنی نوێنەران نزیکەی ١٠٠ دۆسێی گەندەڵیی ئاڕاستەی داواکاری گشتیی عێراق دەکات کە لەبەشێکیاندا ژمارەیەک وەزیری کابینەی ئێستاو پێشووی حکومەتی عێراق تۆمەتبار کراون.
عەبدولکەریم عەبتان ئەندامی لیژنەی دەستپاکی ئەنجومەنی نوێنەران لەلێدوانێکی رۆژنامەوانیدا رایگەیاند بەمدواییە دەستەکەیان ٩٩ دۆسێی گەندەڵی بە دووجار ئاڕاستەی داواکاری گشتی کردووە کە پەیوەندییان بە دۆسێی گەندەڵی لە کەرتەکانی کارەبا و گەشتوگوزار و گرێبەستی وەھمی و کرێنی چەک و ئەمنیدارێتی بەغدادەوە ھەیە.
روونیشیکردەوە کە ژمارەیەک وەزیری حکومەتی ئێستا و پێشووی عێراق و چەند لێپرسراوێکی پلە تایبەتەکان لە دۆسێکانی گەندەڵیدا تۆمەتبار کراون.



ولایەتەیەکگرتووەکانی ئەمریکا بڕیاریدا بە کشانەوە بنکەی دژە موشەکی (پاتریوت) لە ناو خاکی تورکیا.لە راگەیەنراوێکی ھاوبەشی ئەمریکا تورکیا، بڵاوکرایەوە، لە کۆتایی مانگی تشرینی یەکەمی ئەمساڵ ، بنکەی دژە موشەکی (پاتریوت) لە ناو خاکی تورکیا کۆتایی بەکارەکانی دەھێنێت، کە پێشتر ناتۆ بڕیاریدابوو بە دامەزراندنی ئەو بنکەیە ، لەبەرامبەر ھەر ھێرشێکی چاوەڕواننەکراو کە بکرێتە سەر ئاسمانی تورکیا.لە راگەیەنراوەکە ھاتووە سەڕەرای ھاوکارییە سەربازییەکانی واشنتۆن بۆ ئەنکەرە بەڵام بە ھەماھەنگی لەگەڵ سەرانی ناتۆ واشنتۆن بڕیاریداوە بنکەی موشەکی (پاتریوت) ، لە ناو خاکی تورکیا بگوێزرێتەوە بۆ بنکە سەربازییەکانی ئەمریکا.کشانەوە بنکەی دژە موشەکی (پاتریوت) لە ناو خاکی تورکیا دوابەدوای ھەڵویستەکەی وەزارەتی بەرگری ئەڵمانیا بوو کە داوای لە ھاوپەیمانی ناتۆ کرد ، کە رێگە بە تورکیا نەدرێت ئەو بنکەیە بەکاربھێنی بۆ ھاویشتنی مووشەک بۆ پێکانی ئامانجەکان لە ناو خاکی سوریا.جێی ئاماژەیە لە ساڵآ ٢٠١٢ ، تورکیا داوای لە ھاوپەیمانی ناتۆ کرد ، ھاوکاری ولاتـەکەی بکەن لە پاراستنی سنوری ئاسمانی وڵاتەکەی لە ھەر ھێرشێکی ئاسمانی ، کە بکرێتە سەر سنوری ولاتـەکەی بە تایبەتی لەلایەن فرۆکە جەنگییەکانی سوریاوە ، دوابەدوای داواکارییەکەی ئەنکەرەش، ئەمریکا و ھۆڵەندا و ئەڵمانیا، ٦ بنکەی دژە موشەک و ھاویشتنی مووشەکی دورھاوێژیان بە ناوی بنکەی (پاتریوت)، لەسەر سنورەکانی تورکیا- سوریا جێگیر کرد.

لەگەڵ بەردەوام بوونی بەرزبونەوەی پلەکانی گەرما لەشی مرۆڤ پێویستی بە چەند شەربەت و چەند میوەیەک ھەیە کە جەستە لە ووشکبوون ئەپارێزێت، ئەم چەند خۆراکە و میوەیەش لە تونێتی ئەتپارێزێت:-

١- ئاو.

٢- قەیسی.

٣- کاڵک.

٤- ترێ.

٥- خەیار.

٦- پرتەقاڵ و لیمۆ.

٧- ئاوی گوێزی ھیندی.

٨- ھەنجیر.

٩- شووتی.

١٠- شیر.

١١- چا.

١٢- کاھو.

١٣- گێزەر و تەماتە.

١٤- چای سەوز.

٤٠٠ ملیۆن کەس لە جیھاندا ئالودەی بەکارھێنانی تۆڕە کۆمەڵایەتیەکانن، بەپێی توێژینەوەیەکی زانستی کە لەلایەن رۆژنامەی دەیلی مەیلی بەریتانیەوە بڵاوکراوەتەوە ، لە ئێستادا دیاردەی ئالودەبون بەبەکارھێنانی ئینتەرنێت و تۆڕە کۆمەڵایەتیەکان لە دیاردەی ئالودەبون بە مادەی ھۆشبەر و خواردنەوە کھولیەکان و جگەرە کێشان زیاتر و مەترسیدارترە و یەکێکە لە ھۆکارەکانی توشبونی مرۆڤ بە خەمۆکی و دڵەرواکێ.

ھەر بەپێی توێژینەوەکە ئالودەبوون بەبەکارھێنانی ئینتەرنێتەوە چەندین کاریگەری نەرێنی لەسەر تەندروستی مرۆڤ دروست دەکات ، کە دیارترینیان کەمی جوڵەی لەش و سەر ئێشە و ھیلاکی ھەمیشەییە .ھەر بەپێی ئەو توێژینەوەیەش لە ئێستادا ٤٠٠ ملیۆن کەس لە جیھاندا ئالودەی بەکارھێنانی تۆڕە کۆمەڵایەتیەکانن .



لە درێژەی ئۆپەراسیۆنەکانی پۆلیسی تورکیا، لەباکوری کوردستان ١٥ کەس دەستگیرکران، لەئۆپەراسیۆنیکدا لەقەزای بیسمیل ی سەربە ئامەد چوار کەس بەتۆمەتی بونی پەیوەندییان بە پارتی کرێکارانی کوردستانەوە دەستگیرکران، ھاوکات لەچەند ناوچەیەکی شاری مەرسین ١١ کەسیتر بەھەمان بەتۆمەتی ئەوەی ئامادەکارییان بۆ ئەنجامدانی چالاکی کردووەدەستیگر کران، بەپێی سەرچاوەکانی ھەواڵ لەناو دەستگیرکراوەکاندا چواریان تەمەنیان خوار ١٨ ساڵە. جێی باسە لەماوەی رابردو ھێزە ئەمنییەکانی تورکیا تاکو ئێستا زیاتر ١٤٠٠ کەس لەچالاکوان و بزوتنەوەی سیاسی کورد لە تورکیا دەستگیرکراون.

مه‌لا به‌ختیار لێپرسراوی ده‌سته‌ی كارگێڕی مه‌كته‌بی سیاسی ی.ن.ك. پێشوازی له‌راوێژكاری سیاسی و وه‌فدێكی كونسوڵگه‌ری به‌ریتانیا، له‌هه‌رێمی كوردستان ده‌كات و به‌خوێندنه‌وه‌ی ئه‌زمونی ده‌وڵه‌مه‌ندی به‌ریتانیاش له‌مێژووی ناوچه‌كه‌دا، سیاسه‌تی حكومه‌تی به‌ریتانیا، له‌ئێستا به‌هاوسه‌نگ ده‌زانێت. هه‌ر جۆره‌ هاوكاریی و پشتیوانییه‌كی زیاتری به‌ریتانیاش بۆ هێزی پێشمه‌رگه‌ له‌شه‌ڕی دژی داعش و په‌رۆشیان بۆ چاره‌سه‌ری كێشه‌كان له‌كوردستاندا، به‌مایه‌ی پێزانیی گه‌له‌مان ناوده‌بات.

پێش نیوه‌ڕۆی ئه‌مڕۆ 16/8/2015 مه‌لا به‌ختیار له‌باره‌گای مه‌كته‌بی سیاسی له‌سلێمانی، به‌ئاماده‌بوونی ته‌حسین نامیق، جێگری لێپرسراوی په‌یوه‌ندییه‌كانی ده‌ره‌وه‌و د.سۆران جه‌مال تاهیر لێپرسراوی كۆمسیۆنی په‌یوه‌ندییه‌كانی ئه‌نجومه‌نی ناوه‌ند، پێشوازی له‌ لی كاگنا راوێژكاری سیاسی و وه‌فدێكی كونسوڵگه‌ری به‌ریتانیا له‌هه‌رێمی كوردستان كرد.

لێپرسراوی ده‌سته‌ی كارگێڕی، سه‌ردانه‌كه‌ی راوێژكارانی كونسوڵگه‌ری به‌ریتانیاو گفتوگۆكانیشیان سه‌باره‌ت به‌هه‌لومه‌رجه‌كه‌، بارودۆخی عیراق و شه‌ڕی به‌رده‌وامی دژی داعش، به‌مایه‌ی په‌رۆشی حكومه‌تی به‌ریتانیا بۆ چاره‌سه‌ری كێشه‌كان زانی و رونیشیكرده‌وه‌: هه‌موومان ئێستا له‌عیراق، له‌ڕۆژڵات و دنیاشدا، له‌سه‌نگه‌رێكداین، تاكێشه‌كان كه‌متربن سه‌ركه‌وتنه‌كان زیاتر ده‌بن.

كێشه‌كانی ئێستای كوردستانیشی به‌كێشه‌ی یاسایی و ده‌ستوریی ناوبردو به‌ئاماژه‌كردنیش بۆ مێژووی راپه‌ڕین و یه‌كه‌مین هه‌ڵبژاردن له‌كوردستاندا، زانیاری پێویستی سه‌باره‌ت به‌و پرۆژه‌ ده‌ستورانه‌ خسته‌ڕوو، كه‌ له‌خوله‌كانی رابردووی په‌رله‌ماندا پێشكه‌شكراون و سه‌ره‌نجامیش به‌هۆی دواكه‌وتنی په‌سه‌ندكردنییه‌وه‌ كێشه‌و گرفته‌كان به‌رده‌وام بوون، تا به‌ئێستا گه‌یشتووه‌و وتی: له‌ته‌مه‌نی ژیانی په‌رله‌مانی كوردستاندا له‌سێ قۆناغی جیاوازدا باس و پرۆژه‌ یاسای ده‌ستور پێشكه‌شكراوه‌. قۆناغی یه‌كه‌م؛ له‌دوای راپه‌ڕین و هه‌ڵبژاردنی په‌رله‌مان، كه‌ حكومه‌تی یه‌كێتی و پارتی بوو، گفتوگۆ له‌سه‌ر ده‌ستور 10 ساڵی خایاند پێش روخاندنی سه‌دان پرۆژه‌ ئاماده‌و په‌سه‌ندیش كرا. قۆناغی دووه‌م قۆناغی دروستبوونی ئۆپۆزسیۆن بوو، كه‌ به‌حزبه‌كانی ده‌سه‌ڵات و ئۆپۆزسیۆنیشه‌وه‌، گفتوگۆمان له‌ده‌ستور كرده‌وه‌، به‌ڵام ئه‌مجاره‌ش هیچ ئه‌نجامێكی نه‌بوو، نه‌گه‌یشتینه‌ ئه‌نجام. قۆناغی سێهه‌میش كه‌ ئه‌م قۆناغه‌ی حكومه‌تی بنكه‌ فراوانی حزبه‌كانه‌، ماوه‌ی دووساڵه‌ گفتوگۆ له‌سه‌ر ده‌ستورو پرسی سه‌رۆكایه‌تی هه‌رێم گه‌رمه‌، ئه‌و بارودۆخه‌كه‌یه‌ كه‌ بۆته‌ مایه‌ی پرسیاری ئێوه‌. رونیشیكرده‌وه‌: "ئێمه‌ له‌كوردستاندا، له‌بنه‌ڕه‌تدا كێشه‌ی ستراكچه‌ری ده‌ستوریمان هه‌یه‌ "

راشیگه‌یاند: "ئه‌م سێ قۆناغه‌ كه‌ 23 ساڵ ده‌كات،  قۆناغی جیاوازه‌، هه‌ڵوێستی سیاسی جیاوازو گۆڕانكاری جیاوازه‌، به‌ڵام هه‌ر ناگه‌ینه‌ ئه‌نجام. ئه‌مه‌ش ئه‌وه‌ ده‌گه‌ینێت، كه‌ ئێمه‌ی حزبه‌ سیاسییه‌كان، فه‌لسه‌فه‌ی حوكمڕانی جیاوازمان هه‌یه‌.

رونیشیكرده‌وه‌: ئه‌م فه‌لسه‌فه‌ جیاوازه‌، له‌ڕووی سیاسی، كۆمه‌ڵایه‌تی و ئایدۆلۆجییه‌وه‌، كاتێك باشتر هه‌ستیپێده‌كه‌ین، ئه‌وكاته‌یه‌، كه‌ نزیك ده‌كه‌وینه‌وه‌ ده‌ستور سه‌روه‌ر بێت، نه‌ك به‌ته‌نها لایه‌نێك، دوپاتیشیكرده‌وه‌: "یه‌كێتیی له‌گه‌ڵ چاره‌سه‌رو سازانه‌، به‌ڵام چاره‌سه‌رو سازانی قبوڵكراوی هه‌موو لایه‌نه‌كان بێ".

مه‌لا به‌ختیار به‌له‌به‌رچاوگرتنی بارودۆخی عیراق و ناوچه‌كه‌، هه‌لومه‌رجی ئێستای كوردستانیش، ئاماژه‌ی بۆ ئه‌وه‌ كرد، كه‌ به‌ئومێدین تا 20ی مانگ چاره‌سه‌ر بدۆزرێته‌وه‌. راشیگه‌یاند:  یه‌كێتیی قۆتابخانه‌ی مام جه‌لاله‌، كه‌ هه‌میشه‌ قوتابخانه‌ی هاوسه‌نگییه‌و به‌شێكیش بووین له‌چاره‌سه‌ر.

راشیگه‌یاند: له‌م وێستگه‌یه‌دا نابێ ده‌ستورو بنه‌ماكانی ده‌ستورێكی دیموكراسی و مه‌ده‌نی له‌ده‌ست بدرێت و ئه‌مه‌شی به‌پرنسیپێكی گرنگ بۆ رێككه‌وتن ناوبردو دوپاتیشیكرده‌وه‌ كه‌ ده‌كرێ سازانی سیاسیش یه‌كێك بێ له‌سیاسه‌ته‌ سه‌ره‌كییه‌كان. هاوكات هاوسه‌نگی سیاسی له‌نێوان ده‌ستورو سازانی له‌نێوان هه‌موو لایه‌نه‌كاندا، بۆ ئه‌م قۆناغه‌ گرنگه‌. دیاره‌ ده‌ستورو سیسته‌می په‌رله‌مانی بنه‌مایه‌.

له‌درێژه‌ی دیداره‌كه‌یدا مه‌لا به‌ختیار ئاماژه‌ی بۆ ئه‌وه‌شكرد، كه‌ یه‌كێتیی به‌ره‌سمی رایگه‌یاندووه‌، كه‌ پشتیوانی ریفۆرمه‌كانی حكومه‌تی ناوه‌ندی ده‌كات و سه‌رنجی ئه‌وه‌شی خسته‌ڕوو، كه‌ چاكسازی، پاكسازی، بونیادنانی سیستمێكی مۆدێرن، ته‌نها به‌بڕیار نایه‌ته‌دی، به‌ڵكو پێویستی به‌ستراتیجه‌.ستراتجیش ئه‌گه‌ر هه‌مووان پێكه‌وه‌ گفتوگۆی له‌باره‌وه‌ نه‌كه‌ین و نه‌بێته‌ بڕیاری سیاسی و رای گشتی، ناچێته‌ سه‌ر.

سه‌باره‌ت به‌رزگاركردنی ناوچه‌كانی ژێر ده‌سه‌ڵاتی داعشیش، رونیكرده‌وه‌ كه‌: یه‌كێتیی ئامانجی رزگاركردنی هه‌موو شارو ناوچه‌كانه‌، له‌نێویشیاندا موسڵ، كه‌ تایبه‌تمه‌ندی خۆی هه‌یه‌و به‌درێژایی مێژووش، به‌هۆی پێگه‌و هه‌ڵكه‌وته‌ی جوگرافییه‌وه‌، موسڵ جیاواز بووه‌ له‌هه‌موو شاره‌كانی تر.

له‌لایه‌ن خۆشیانه‌وه‌، راوێژكارانی كونسوڵگه‌ری به‌ریتانیا، له‌هه‌رێمی كوردستان وێڕای گفتوگۆكانیان له‌سه‌ر كۆی هه‌لومه‌رجه‌كه‌، گرفت و قه‌یرانه‌ جیاوازه‌كانی ئێستای كوردستان، له‌نێویاندا پرسی ده‌ستوری و سه‌رۆكایه‌تی هه‌رێمی كوردستان، ئاماژه‌یان بۆ ئه‌وه‌كرد، كه‌ حكومه‌ته‌كه‌یان له‌هه‌لومه‌رجه‌كه‌ له‌بارودۆخی سیاسی، له‌باری ئه‌منی و ئابوریی ئێستای كوردستانیش تێده‌گات، بۆیه‌ به‌ئومێدن به‌سازانی لایه‌نه‌ سیاسییه‌كان، چاره‌سه‌رێك بۆ كۆی كێشه‌و ده‌ربازبوون له‌و بارودۆخه‌ بدۆزرێته‌وه‌، كه‌ له‌سه‌ره‌نجامدا لێكتێگه‌یشتنێكی ره‌های لێبكه‌وێته‌وه‌، بۆ ئه‌وه‌ی بتوانرێت هه‌مووان پێكه‌وه‌ جه‌خت له‌كێشه‌كانی تر بكه‌نه‌وه‌، له‌وانه‌ كێشه‌ی ئابوری.

راشیانگه‌یاند: وه‌كو حكومه‌تی به‌ریتانیا، به‌بایه‌خه‌وه‌ له‌و ئه‌ركانه‌تان ده‌ڕوانین كه‌ به‌هۆی رزگاركردنی ناوچه‌كانی ژێر ده‌سه‌ڵاتی داعشه‌وه‌، ده‌كه‌وێته‌ ئه‌ستۆتان و سوپاسگوزارین. چونكه‌ ئه‌وه‌ به‌ته‌نها رزگاركردنی ئه‌و شارو ناوچانه‌ نییه‌، به‌ڵكو ده‌بێته‌ مایه‌ی به‌رقه‌راركردنی ئاسایش و ئۆقره‌یی له‌ناوچه‌كه‌دا.

ئاماژه‌یان بۆ ئه‌وه‌شكرد، كه‌ هه‌وڵه‌كانی حكومه‌ته‌كه‌ی بۆ دۆزینه‌وه‌ی رێگه‌چاره‌ی ئاشتییانه‌یه‌ له‌نێو لایه‌نه‌ جیاوازه‌كان و پێكهاته‌ جیاوازه‌كانی عیراقدا، رونیشكرده‌وه‌ كه‌ حكومه‌ته‌ی هیچ رایه‌كی تایبه‌تی نییه‌، به‌ڵكو باوه‌ڕی وایه‌، كه‌ كێشه‌ی سه‌رۆكایه‌تی و پرسی ده‌ستور ده‌بێ له‌ناو لایه‌نه‌كان خۆیاندا چاره‌سه‌ر بكرێت.

ئه‌مڕۆ 16-8-2015، له‌شاری هه‌ولێر بریت ماكگورك یاریده‌ده‌ری وه‌زیری ده‌ره‌وه‌ی ئه‌مریكاو وه‌فدێكی هاوڕێی سه‌ردانی د. به‌رهه‌م ساڵح- یان كردو ده‌رباره‌ی هه‌لومه‌رجی ئێستای هه‌رێم و عیراق و ناوچه‌كه‌ بیروڕایان ئاڵوگۆڕ كرد.

له‌و دیداره‌دا هه‌ردوولا هاوڕابوون كه‌پێویسته‌ به‌وریایی زۆره‌وه‌ مامه‌ڵه‌ له‌گه‌ڵ دۆخی ئێستای كوردستان و عیراق بكرێت و لایه‌نه‌كان هه‌وڵبده‌ن بگه‌نه‌ رێككه‌وتن و تێگه‌یشتنێكی هاوبه‌ش سه‌باره‌ت به‌پرسه‌ جیاجیاكان دور له‌گرژی ناكۆكییه‌كان چاره‌سه‌ر بكرێن.

هه‌روا سه‌باره‌ت به‌هه‌لومه‌رجی عیراق به‌گشتی و چۆنیه‌تی روبه‌ڕبونه‌وه‌ی داعش گفتوگۆ كراو له‌وباره‌یه‌وه‌ ته‌ئكید كرایه‌وه‌ كه‌عیراق به‌ساته‌وه‌ختێكی هه‌ستیاردا تێده‌په‌ڕێت و پێویسته‌ هه‌ڕه‌شه‌و مه‌ترسیه‌كانی تیرۆر له‌سه‌ر خه‌ڵكی عیراق به‌جیدی وه‌ربگیرێت و كار بۆ كۆنترۆڵكردنه‌وه‌ی ته‌واوی ناوچه‌كانی ژێر ده‌ستی داعش بكرێت.

له‌ته‌وه‌رێكی تری دیداره‌كه‌دا باس له‌پرسه‌ گه‌رمه‌كانی ناوچه‌كه‌ به‌گشتی كرا.

ھیلاری کلینتۆن دیارترین کاندیدی دیموکراتەکان بۆ ھەڵبژاردنە سەرۆکایەتییەکەی ئەمریکا ئەو تۆمەتانەی رەتکردەوە کە (جیب بوش) یەکێک لە کاندیدە دیارەکانی کۆمارییەکان، سەبارەت بەھۆکاری خراپبوونی دۆخی ئەمنی عێراق و سەرھەڵدانی تیرۆریستانی داعش ئاڕاستەی کردبوون.

لە بەرامبەریشدا ھیلاری کلینتۆن کە پێشتر وەزیری دەرەوە بوو لە ئیدارەکەی ئۆبامادا، بەرپرسیارێتی بارودۆخەکەی خستە ئەستۆی جۆرج بوش برای جیب بوش، کە ساڵی ٢٠٠٣ بڕیاری ھیرشکردنە سەر عێراقی داو دواتریش رێککەوتنێکی تایبەتی لەگەڵ حکومەتەکەی نوری مالیکی ئیمزاکرد بۆئەوەی تا کۆتایی ٢٠١١ ھێزەکانی سوپای ئەمریکا لە عێراق بکێشێتەوە.

جێی ئاماژەیە پێشتر جیب بوش رایگەیاندبوو بڕیارەکەی ئیدارەی باراک ئۆباما بۆ کێشانەوەی ھێزەکانی سوپای ئەمریکا لە عێراق ھۆکاربووە بۆ تێکچوونی بارودۆخی ئەمنی عێراق و دروستبوونی تاقمی تیرۆریستی داعش و وتیشی، ئۆباماو کلینتۆن ھەلی ئەوەیان لەدەستداوە کە نزیکەی ١٠ ھەزار سەربازی لە عێراقدا بھێڵدرێتەوە

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥