بەژداری پێ کردنی هەواڵ لە

FacebookTwitterGoogle BookmarksRSS Feed

میوەی قۆخ بەھۆی زۆری ڕێژەی ئاو تێیدا بۆ ڕۆژە گەرمەکان بەسوودە.

قۆخ میوەیەکی ھاوینەیە و بە بوونی ئاو و ڤیتامینەکان دەوڵەمەندە، ھەروەھا ڕێژەیەکی کەم لە کالۆریش لە خۆ دەگرێت.

ھەروەک ڕێژەیەکی باش لە پۆتاسیۆم و مەگنسیۆم و دژە ئۆکسان و کانزای گرنگی تێدایە و پارێزگاری لە خوێنبەرەکان دەکات و مرۆڤیش لە چەندین گرفتی تەندروستی دوور دەخاتەوە. 

قۆخ ھاوکاری دەکات لە کۆنترۆڵکردنی کێشی لەشدا بەوپێیەی یەک قۆخ ٦٨ کالۆری لە خۆ دەگرێت و بەوەش دەتوانرێت لە بری ژەمێکی سادە بخورێت. 

لە لایەکی دیکەشەوە بەھۆی بوونی ڕیشاڵی خۆراکییەوە تێیدا کرداری ھەرسکردن ئاسان دەکات و تەندروستی “کۆڵۆن”یش دەپارێزێت. ھەروەھا ڕۆڵی لە ڕێکخستنی ڕێژەی کۆلسترۆڵدا ھەیەو بەوەش مەترسییەکانی توشبوون بە نەخۆشییەکانی دڵ کەم دەکاتەوە.

عێراق رێککەوتنە ئەتۆمییەکەی ئێران و گروپی ٥+١ بەمێژوویی وەسف دەکات و خوازیاریشە ببێتە فاکتەرێک بۆ زیادکردنی ھەوڵەکانی بەرەنگاربوونەوەی تیرۆرو داعش لە ناوچەکەدا.فوئاد مەعسوم سەرۆکی کۆماری عێراق لە دوو پەیامیدا کە بەبۆنەی ئیمزاکردنی رێککەوتنە ئەتۆمییەکەوە ئاڕاستەی ھەردوو سەرۆکی ئەمریکا و ئێرانی کرد، جەختیکردەوە لەوەی رێککەوتنەکە گوزارشتێکی زیندوی بەھای لێکگەیشتنە بۆ چارەسەرکردنی ناکۆکییەکانی کۆمەڵی نێودەوڵەتیی.ھیواشی خواست رێککەوتنەکە مێژووییەکە ببێتە مایەی گەشەسەندنی ئاسایش و ئۆقرەیی لەخۆرھەڵاتی ناوەڕاست و فاکتەرێکیش بێت بۆ کۆتاییھێنان بەو گرژییانەی کە لە ئارادان.لای خۆشیەوە حەیدەر عەبادی سەرۆک وەزیرانی عێراق رایگەیاند” چاوەڕوان دەکەین رێککەوتنەکە ببێتە ھۆکاری پاراستنی ناوچەکە لە کارەسات و شەڕو ململانێ، ھەروەھا ببێتە ھۆی زیادکردنی کارو ھەماھەنگیکردن بۆ بەرەنگاربوونەوەی تیرۆر و بەتایبەتیش تاقمی تیرۆریستی داعش کە دەیەوێت ناوچەکە و جیھان دووچاری شەڕو پەرت بوون بکات.

ئەمڕۆ ئەحمەد داودئۆغڵو راسپێردراو بۆ پێکھێنانی کابینەی نوێی حکومەتی تورکیا لەگەڵ سەڵاحەدین دەمیرتاش ھاوسەرۆکی پارتی دیموکراتی گەلان کۆدەبێتەوە.کۆبوونەوەکە لە چوارچێوەی ھەوڵەکانی داودئۆغڵو دێن بۆ پێکھێنانی حکومەتێکی ئیئتیلافی، بەڵام چاوەڕوان ناکرێت ھەدەپە بەشداری تێدا بکات. دوێنێش بزووتنەوەی نەتەوەپەرست مەھەپە بەشداریکردنی لە حکومەتدا رەتکردەوە.ئەحمەد داودئۆغڵو دوای کۆبوونەوەی لەگەڵ دەوڵەت باخچەلی سەرۆکی مەھەپە رایگەیاند، باخچەلی تەئکیدیکردۆتەوە لەوەی نایەوێت بەشداری لە حکومەتدا بکات، بەڵام ئێمە کارەکانمان بەدەوام دەبێت بۆئەوەی تورکیا بەبێ حکومەت نەمێنێتەوە.لەئێستاشدا ھاوپەیمانیکردن لەگەڵ پارتی گەلی کۆماری جەھەپە کە خاوەنی ١٣٢ کورسی پەرلەمانە، بۆتە تاکە بژاردەی بەردەم ئاکەپە کە بەبەدەستھێنانی ٢٥٨ لە کۆی ٥٥٠ کورسی پەرلەمان، بووە براوەی یەکەمی ھەڵبژاردنە پەرلەمانییەکەی ٧ی حوزەیرانی رابردوو.دوای دیدارەکەی رۆژی دووشەممەی نێوان دادوئۆغڵو و کەمال کڵچدارئۆغڵوش، ئاکەپەو جەھەپە کۆبوونەوەکەیان بە سەرکەوتوو و دۆستانە وەسفکرد.

پەرلەمانتارێکی یەکێتی وەڵامێکی توندی سەرۆکی فراکسیۆنی پارتی دەداتەوەو دەڵێت: پێویستە لەگەڵ کاک قوباد، نێچیرڤان بارزانی و ئاشتی ھەورامیش بێنە پەرلەمان بۆ لێپرسینەوە، ئاشکراشیدەکات، وەزیری سامانە سروشتییەکان بەبەھای ١٠ ملیار دۆلار زیانی بە ئابووری ھەرێم گەیاندووە،.
دوای ئەوەی ئومێدی خۆشناو سەرۆکی فراکسیۆنی پارتی لە پرەلەمانی کوردستان داوایکردبوو قوباد تاڵەبانی جێگری سەرۆکی حکومەتی ھەرێم بانگھێشتی پەرلەمان بکرێت لەبارەی دۆسیەی نەوت، د. عزەت سابیر پەرلەمانتاری فراکسیۆنی یەکێتی، وەڵامێکی توندی داوەتەوەو چەند راستییەکیشی لەبارەی دۆسیەی نەوت ئاشکرا کردووە.
ئەو پەرلەمانتارەی یەکێتی، لە پەیامێکدا کە ئاراستەی ئومێد خۆشناوی کردووە، نوسیویەتی:
پەرلەمان ئەرکی چاودێریکردنی حکومەت و لێپرسینەوەیە لە کەم و کورتیەکانی حکومەت، بۆیە زۆر گرنگە و زۆریش ئاساییە حکومەت بانگبکرێت بۆ پەرلەمان بۆ لێپرسینەوە و بە تایبەت لەم دۆخە داراییە خراپە کە ھاووڵاتیانی کوردستانی بێزار کردووە، بەڵام:
١- د. ئاشتی ھەورامی بۆتە ھۆی ئەوەی بە بەھای ١٠ ملیار دۆلار زیان بە ئابووری ھەرێمی کوردستان بکەوێت لە ئەنجامی نەگەیاندنی گازی سروشتی بە ویستگەکانی بەرھەم ھێنانی کارەبا بە ھۆی کێشەی کۆمپانیای دانا گازەوە، چۆن بوری نەوتی کوردستانی بۆ تورکیا ڕاکێشا، ئاواش دەیتوانی بۆری گازی سروشتی بۆ وێستگەکانی کارەبا ڕاکێشێت، بۆیە کیشەی کارەبای کوردستان خەتای ئاشتی ھەورامییە، کاک ئومێد خۆشناو ئایا ئەم ڕاستییە دەزانیت؟
٢- ئایا مەکتەب سیاسی پارتی ئاگاداری پرۆسەی نەوت و داھاتی نەوتن؟ دڵنیام نەخێر.
٣- کاک ئومێد خۆشناو ئایا تۆ دەزانیت کە بەرھەکانی نەوت بە ناعەدالەتی دابەش دەکرێت لە شارەکانی کوردستان؟ دڵنیام ئاگاداری و بێدەنگیشی.
٤- ئایا وێنەی گرێبەستی ٥٠ ساڵەی نێوان ھەرێمی کوردستان و تورکیات لایە وەک پەرلەمانتار و سەرۆکی گەورەترین فراکسیۆنی پەرلەمان؟ دڵنیام نەخێر؟
٥- ئایا پرسیارت لە حیزبەکەت کردووە بۆچی لەوەتەی سەرۆکی حکومەت لە خۆتانە، گریبەستە نەوتییەکان نایەتە پەرلەمان؟
د. عزەت سابیر راشیگەیاندووە، بۆیە گرنگە پەرلەمانی کوردستان و خەڵکی کوردستان ئاگاداری پرۆسەی نەوت و داھاتی نەوت و بەرھەمی نەوت بن نەک مەکتەب سیاسیەکان، چەند مەکتەب سیاسی یەکێتی ئاگای لە پرۆسەی نەوتە ھەر ئەوەندەش مەکتەب سیاسی و فراکسیۆنی پارتی ئاگای لە پرۆسەی نەوتە.
ئەو پەرلەمانتارەی یەکێتی بە باشی دەزانێت لەپێناو چاککردنی ئەم دۆخە، پێویستە ئەنجومەنی باڵای نەوت و گاز بێتە پەرلەمان بۆ لێپرسینەوە نەک تەنھا کاک قوباد.
دەشڵێت": ئەگەر لە من دەپرسی ئەم دۆخە چۆن چاک دەکرێ، من دەڵێم بۆ مانەوەی ئەم حکومەتی بنکە فراوانە، پێویستە لە پەرلەمان بە کۆی دەنگ متمانە لە وەزیری سامانە سروشتیەکان وەرگرینەوە کە لە حیزبەکەی بەڕێزتانە و کەسێکی تر لە شوێنی دابنێن و بەشێکی زۆری کێشەی ئابووری و دارایی و کارەبا لە ھەرێمی کوردستان چارەسەر دەبێت.

وتەبێژی یەكێتی وەبەرهێنەرانی كوردستان ئاشكرای دەكات، كە ڕێككەوتنی نێوان وڵاتانی 5+1 و ئێران، لەسەر بەنارمە ئەتۆمیەكەی ئەو وڵاتە و هەڵگرتنی سزا ئابورییەكان، دەبێتە هۆی گەیاندنی سودێكی گەورەی ئابوری بە عیراق و هەرێمی كوردستان.

یاسین مەحمود ڕەشید ؛وتەبێژی یەكێتی وەبەرهێنەرانی كوردستان ڕاگەیاند: "لە دوای هەڵگرتنی سزا ئابوورییەكان لەسەر كۆماری ئیسلامی ئیران چەندین ڕێگای زەمینی و دەریایی بەڕووی بازرگانان و وەبەرهێنەرانی هەرێمدا دەكرێتەوە بەتایبەت چین و وڵاتانی دیكەی ئاسیا، كە گواستنەوەی كەلوپەل و شمەك لێیانەوە بە چوار قات و پێنج قات هەرزانتر دەكەوێت لە توركیا و وڵاتانی دیكە، ئەوەش پارەیەكی باش بۆ بازرگانان دەگەڕێتەوە و نرخی شمەكەكانیان هەرزان دەكەن، چونكە نرخی گواستنەوە لە ئیران زۆر هەرزانترە بە بەراورد بەو وڵاتانە".

باسی لەوەشكرد، بازرگانان و وەبەرهێنەرانی كوردستان لە ماوەی چەند ساڵی ڕابردوودا بەهۆی سزا ئابوورییەكانەوە نەیانتوانیووە بۆ هاوردەكردنی شمەك سود لەو ڕێگا گرنگانەی ئێران وەربگرن و ناچاربوون لە ڕێگەی توركیا و سوریا و ئوردن و بەندەرەكانی بەسڕەوە ئەو كارە بكەن، كە تیچونێكی ئیجگار زۆری هەبووە.

ئاماژەی بۆ ئەوەشكرد، كە ئەو بانكە نێودەوڵەتیانەی پێشتر لە ئێران بوون دەگەڕێنەوە ئەو وڵاتە و دەتوانرێت سودی گەروە لەو بانكانەش وەربگیرێت بۆ هەرێمی كوردستان.

یاسین مەحمود ڕەشید جەختیشی كردەوە، جارێكی دیكە كۆمپانیا گەورەكانی جیهان دەگەڕێنەوە ئیران و هەرێمیش دەتوانێت لە ڕێگەی ئەو وڵاتە و نزیكبوونەوەی ئەو كۆپانیایانەوە  ژمارەیەكی زۆر كۆمپانیای گەورە بێنێتە هەرێم.

له‌كاتێكدا فه‌ره‌نسا هه‌وڵ بۆ خستنه‌ڕووی‌ تواناكانی‌ ده‌دات بۆ رووبه‌ڕبوونه‌وه‌ی‌ توندڕه‌وی‌ له‌و وڵاته‌، ئه‌مڕۆ سێ‌ شه‌ممه‌، بۆ یه‌كه‌مجار له‌ پاریس یادی‌ رۆژی‌ باستێل ده‌كرێته‌وه‌ و له‌و بۆنه‌یه‌شدا فڕۆكه‌ی‌ جه‌نگی‌ و هێزه‌كانی‌ بنه‌بڕكردنی‌ تیرۆر نمایشێك پێشكه‌ش ده‌كه‌ن.  

رۆژی‌ باستێل یان جه‌ژنی‌ نیشتیمانی‌، له‌كاتێكدایه‌ فه‌ره‌نسا له‌ مانگی‌ كانوونی‌ دووه‌می‌ رابردوو، رووبه‌ڕووی‌ هێرشی‌ تیرۆریستی‌ بووه‌وه‌ و تێیدا 12 كه‌س كوژران، له‌ مانگی‌ رابردووشدا كه‌سێكی‌ توندڕه‌و سه‌ركاره‌كه‌ی‌ خۆی‌ سه‌ربڕی‌ و ته‌قینه‌وه‌یه‌كی‌ ئه‌نجامدا كه‌ تێیدا دوو كه‌س برینداربوون.

فرانسوا ئۆڵاند سه‌رۆكی‌ فه‌ره‌نسا له‌ شه‌قامی‌ شانزلیزێ‌ سه‌رۆكایه‌تی‌ به‌رێوه‌بردنی‌ نمایشه‌كه‌ی‌ كرد و وه‌ك میوانیش ئینریكی‌ بینیا نییتۆ سه‌رۆكی‌ مه‌كسیك هاوڕێیه‌تی‌ سه‌رۆكی‌ فه‌رنسای‌ كرد له‌و بۆنه‌یه‌دا.

 

 

 

به‌پێی‌ چه‌ند سه‌رچاوه‌یه‌كی‌ ئاگادار كه‌ به‌ ماڵپه‌ڕی‌ (الیوم الثامن)ی‌ راگه‌یاندووه‌، له‌ میانی‌ ئه‌و هێرشه‌ چڕه‌ی‌ له‌گه‌ڵ ده‌ستپێكردنی‌ ئۆپراسیۆنی‌ رزگاركردنی‌ ئه‌نباردرا ده‌كرێته‌ سه‌ر قه‌زای‌ فه‌لـلوجه‌، گه‌ورترین سه‌نته‌ری‌ هه‌واڵگری‌ رێكخراوی‌ تیرۆریستی‌ داعش  له‌ هێرشێكی‌ ئاسمانیدا، خاپوركرا.

به‌ وته‌ی‌ سه‌رچاوه‌كه‌، سه‌نته‌ره‌كه‌ به‌ (مركز الاجناد) له‌لایه‌ن داعشه‌وه‌ ناوده‌برێت، ده‌كه‌وێته‌ نزیك مزگه‌وتی‌ سه‌عد بنی‌ ئه‌بی‌ وه‌قاس له‌ گه‌ڕه‌كی‌ (المعلمین)ی‌ دووی‌ ناوه‌ڕاستی‌ شاره‌كه‌.

هه‌ر به‌پێی‌ هه‌مان سه‌رچاوه‌، له‌ سه‌نته‌ره‌كه‌دا ژماره‌یه‌كی‌ زۆر له‌ ئه‌فسه‌ره‌ به‌عسییه‌كان و ئه‌فسه‌رانی‌ هه‌واڵگری‌ عه‌ره‌بی‌ و ئامێری‌ ئه‌لكیترۆنی‌ زۆر په‌ره‌سه‌ندوو، بونیان هه‌بووه‌ و له‌ ئه‌نجامی‌ هێرشه‌كه‌شدا، هه‌موو تیرۆریستانی‌ نێو باره‌گاكه‌، كوژراون.

ئه‌نجومه‌نی‌ ئه‌هلی‌ سوننه‌، فه‌توای‌ جیهادی‌ له‌ دژی‌ رێكخراوی‌ تیرۆریستی‌ داعش راگه‌یاند، رونیشكرده‌وه‌، هه‌ركه‌سێك له‌ دانیشتوانی‌ ئه‌نبار له‌ چوارچێوه‌ی‌ هێزه‌كانی‌ حه‌شدی‌ شه‌عبی‌ و هێزه‌ ئه‌منییه‌كان و هۆزه‌ چه‌كداره‌كاندا له‌دژی‌ داعش بكوژرێت، شه‌هیده‌.

محه‌مه‌د هیتی‌ یاریده‌ده‌ری‌ ئه‌مینداری‌ گشتی‌ ئه‌نجومه‌نی‌ فتوای‌ ئه‌هلی‌ سوننه‌ له‌ به‌یاننامه‌یه‌كدا رایگه‌یاند، فه‌توای‌ جیهاد له‌ دژی‌ داعش بۆ رۆڵه‌كانی‌ فه‌لـلوجه‌ و ئه‌نبار ده‌ركرا، تا رووبه‌ڕووی‌ تیرۆریستانی‌ داعش ببنه‌وه‌ له‌ شاره‌كانیان، ئه‌و رێكخراوه‌ توندڕه‌وه‌شی‌ وه‌ك نه‌خۆشییه‌كی‌ پیس له‌ نێو جه‌سته‌ی‌ ئیسلامدا، وه‌سفكرد.

وتیشی‌: "ئه‌وانه‌ی‌ له‌ رێگه‌ی‌ رووبه‌ڕووبوونه‌وه‌ی تیرۆریستانی‌ داعشدا ده‌كوژرێن، پله‌یه‌كی‌ باڵایان ده‌بێت لای‌ خودا و به‌ شه‌هید قبوڵ ده‌كرێن، چونكه‌ به‌ وته‌ی‌ ئه‌و، داعش ئیسلامی‌ شێواندووه‌ و كۆمه‌ڵگه‌ی‌ ئه‌نباریشی‌ دابه‌ش كردووه‌، داواشی‌ له‌ هێزه‌كانی‌ حه‌شدی‌ شه‌عبی‌ كرد، رۆڵه‌كانی‌ ئه‌نبار بۆ شه‌ڕكردن له‌ دژی‌ داعش، له‌خۆبگرن.

هیتی‌ به‌پێویستی‌ زانی‌، له‌م قۆناغه‌دا ناكۆكییه‌ مه‌زهه‌بییه‌كان وه‌لا بنرێن و هه‌وڵه‌كان بۆ رزگاركردنی‌ شاری‌ فه‌لـلوجه‌ بخرێنه‌گه‌ڕ كه‌ له‌ئێستادا وه‌ك مۆڵگه‌ی‌ سه‌ره‌كی‌ له‌خۆگرتنی‌ چه‌كدارانی‌ داعشی‌ لێهاتووه‌.

هه‌ر له‌و چوارچێوه‌یه‌دا، عید عه‌مماش وته‌بێژی‌ ئه‌نجومه‌نی‌ پارێزگای‌ ئه‌نبار رایگه‌یاند، پرۆسه‌ سه‌ربازییه‌كان له‌ شاره‌كانی‌ رومادی‌ و فه‌لـلوجه‌، پێشكه‌وتنی‌ گه‌وره‌یان به‌دیهێناوه‌، ته‌ئكیدیشی‌ له‌سه‌ر سوربوونی‌ دانیشتوان و ئه‌نجومه‌نی‌ پارێزگاكه‌ بۆ رزگاركردنی‌ ته‌واوی‌ ناوچه‌كانی‌ ئه‌نبار، كرده‌وه‌.

داعش لەشاری فەلوجە سەرجەمی مزگەوت و ماڵ و ئەو رێگایانەی دەگەنە شارەكە بۆمبڕێژكردوە.

فازل غەراوی ئەندامی لیژنەی مافی مرۆڤی لەپەرلەمانی عیراق رایگەیاند: داعش دوای ئەو زیانە زۆرەی بەریان كەوتووە، لەفەلوجە سەرجەم مزگەوت و ماڵ و ناوچەكانی نیشتەجێبون و دامەزراوە حكومیەكان و ئەو رێگایانەی دەگەن بەشارەكە بۆمبڕێژكردوە، لەفەلوجە رێوشوێنی تایبەتی گرتوەتەبەر، ئامانجیشی لەوە ئەنجامدانی تاوانی كۆمەڵكوژییە بەرامبەر هاووڵاتیانی مەدەنی و هێزە ئەمنیەكان.  

هاوكات لەبارەی هەڵمەتی هێزە ئەمنیەكانی عیراقەوە بۆ كۆنترۆڵكردنەوەی پارێزگای ئەنبار، لیوا عەلی ئیبراهیم دەبعون فەرماندەی پرۆسەكانی جزیرەو بادیە رایگەیاند: هێزەكانیان بەپاڵپشتی فڕۆكە جەنگییەكان توانیویانە پێنج رۆژدا 158 تیرۆریستی داعش بكوزژن و 27 ئۆتۆمبێلیشیان تێكبشكێنن.

ئەو فەرماندە سەربازییەی سوپای عیراق ئاماژەی بەوەشداوە كە 27 پشتێنی بۆمبڕێژكراو 15 بۆمبی چێنراو 17 ماڵی بۆمبڕێژكراویشیان پوچەڵكردوەتەوە

بەبۆنەی واژۆکردنی رێککەوتن لەنێوان ئێران و وڵاتانی 5+1 ، بەشار ئەسەد، سەرۆکی سووریا پەیامێکی پیرۆزبایی ئاراستەی حەسەن رۆحانی، سەرۆککۆماری ئێران کرد و تێیدا دەڵێت ''ئەمە وەرچەرخانێکی مێژووییە بۆ ئێران و ناوچەکە و جیهان''.

لە بەشێکی دیکەی پەیامەکەیدا بەشار ئەسەد دەڵێت '' خۆم بە خۆشحاڵ دەزانم کە کۆماری ئیسلامیی ئێران سەرکەوتنێکی گەورەی تۆمارکرد بە گەیشتن بە رێککەوتنێکی کۆتایی لەو بارەوە، پیرۆزبایی گەلانی سووریاتان پێدەگەیەنم، ئەم رێککەوتنە نیشانەی خۆڕاگری گەلانی ئێرانە لە بەرامبەر ئەو گەمارۆ نابەجێیانە کە بە خۆڕاگری ئێرانییەکان بووە هێمایەک بۆ گۆڕانکاری گەورە''.
 
ئەسەد پێیوایە کە بەرنامە ئەتۆمییەکەی ئێران هەر لە سەرەتاوە هیچ گومانێکی لەسەر نەبووە، بۆیە لە کۆتاییدا دانی پێدانراوە و دەڵێت '' ئەو رێککەوتنە دانپێدانانە بە ئاشتەوایی بەرنامە ئەتۆمییەکەی ئێران، هاوکات سەروەری بۆ گەلانی ئێران دەستەبەرکرد، تاوەکو کەس مافی ئەوە بەخۆی نەدات دەست لە بڕیاری سەربەخۆیی ئێران وەربدات''.

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥