بەژداری پێ کردنی هەواڵ لە

FacebookTwitterGoogle BookmarksRSS Feed

ژماره‌یه‌كی زۆر له‌ دانیشتوانی ناحیه‌ی وه‌رتێ به‌هۆی نه‌بوونی خزمه‌تگوزاری و  فه‌رامۆشكردنی ناحیه‌كه‌یانه‌وه‌، خۆپیشاندانێكیان رێكخست و بۆ ماوه‌یه‌ك رێگای رانیه‌ _ سۆرانیان داخست.

ژماره‌یه‌ك له‌ خۆپیشانده‌ران  راگه‌یاند: سه‌رله‌به‌یانی‌ ئه‌مڕۆ به‌هۆی قیرتاونه‌كردنی رێگاوبانه‌كان و كۆنكرێتنه‌كردنی كۆڵانه‌كانی ناحیه‌كه‌یان و نه‌بوونی پزیشك و فه‌رامۆشكردنی ناحیه‌كه‌یان، خۆپیشاندانیان ده‌ستپێكردوه‌. ئاماژه‌یان به‌وه‌ش كرد: ماوه‌ی دوو ساڵه‌ ناحیه‌كه‌یان له‌ لایه‌ن به‌ڕێوه‌به‌رایه‌تیی پۆلیسه‌وه‌ به‌وه‌كاله‌ت به‌ڕێوه‌ده‌برێت و  له‌ نێوان ئیداره‌ی راپه‌رین و ره‌واندوزدا بوه‌ته‌ قوربانی و به‌ته‌واوه‌تی پشتگوێخراوه‌.

دواتریش خۆپیشاندانه‌كه‌، كۆتایی‌ پێهێنرا چونكه‌ لایه‌نه‌ په‌یوه‌ندیداره‌كان به‌ڵێنیان دا له‌ ماوه‌ی یه‌ك هه‌فته‌دا به‌دواداچوونی جدی بۆ سه‌رجه‌م داواكارییه‌كانی خۆپیشانده‌ران بكه‌ن.

ئەمڕۆ چوارشەممە لیژنەی دەستپاکی لە پەرلەمانی عێراق بانگهشتی هەریەک لە وەزیری دارایی و کارەبا و نەوتی عێراقی کرد بەمەبەستی لێکۆڵینەوەیان لە مەلەفی گەندەڵی.

 لە هۆڵی کۆبوونەوەکە لە بەغدا ڕایگەیاند، ئەمڕۆ لیژنەی دەستپاکی بانگهێشتی هۆشیار زێباری وەزیری دارایی عێراق و عادل عەبدولمەهدی وەزیری نەوتی عێراق و قاسم فەهداوی، وەزیری کارەبای عێراق بانگهێشتی هۆڵی دەستووری پەرلەمانی عێراق کراون بە مەبەستی بەدواداچوون لەسەر مەلەفە گەندەڵییەکان.

 لە کۆبوونەوەکەدا بەها ئەعرەجی جێگری سەرۆك وەزیرانی عێراق بۆ كاروباری وزە بەشدارە و کۆبوونەوەکەش دوای ئەوە دێت کە وەزارەتی دارایی و نەوت تۆمەتبار کران بە نەدانی دەرماڵەیان بە وەازەتی کارەبا و بۆ ئەو مەبەستەش لەلایەن لیژنەی دەستپاکییەوە بانگهێشت کراون.

کورێکی موعەمەر قەزافی سەرۆکی پێشوی لیبیا لەلایەن دادگایەکی ئەو وڵاتەوە حوکمی گوللە بارانکردنی بۆ دەرکرا ، دوای ئەوەی تۆمەتی کوشتن و جینۆسایدی لەکاتی راپەرینە جەماوەریەکەی ساڵی ٢٠١١ ی ئەو وڵاتەدا بەسەردا ساغ کرایەوە.سەرەرای ئەو بریارەی دادگا، بەڵام پێ ناچی بەم زوانە ئەو سزایە بەسەر “سەیفولئیسلام قەزافی” دا جێ بەجێ بکرێت ، لەکاتێکدا ئەو گروپە چەکدارەی کە لە خۆرئاوای لیبیا چالاکن لە ماوەی ٤ ساڵی رابردودا ئامادە نەبون ئەو کورەی قەزافی رادەستی حکومەت بکەن .دادگا ٨ کەسی تریشی لەھەمان کەیسدا حوکم داوە ، لەوانە عەبدوڵا سنوسی سەرۆکی پێشوی دەزگای ھەواڵگریی لیبیا، کە لەئێستادا لەلای حکومەتی ئەو وڵاتە دەست بەسەرە.

حکومەتی کوەیت رەزامەندی نیشاندا لەسەر دواخستنی قەرەبووکردنەوەی ئەو وڵاتە لە داھاتی نەوتی عێراق بۆماوەی ساڵێکی دیکە و بەغدادیش ستایشی بڕیارەکەی کرد. “ئەحمەد جەمال” وتەبێژی وەزارەتی دەرەوەی عێراق رایگەیاند: حکومەتی کوێت رەزامەندی نیشانداوە لەسەر دواخستنی قەرەبووکردنەوەی ئەو وڵاتە لەلایەن حکومەتی بەغداد لە داھاتی نەوتی عێراق بۆماوەی ساڵێکی دیکەو بەمەش بڕیارە لە ساڵی ٢٠١٧دا، عێراق پڕۆسەی قەرەبووکردنەوەی کوێت لە داھاتی نەوت دەستپێبکاتەوە. وتەبێژی وەزارەتی دەرەوەی عێراق ئاماژەی بەوەشدا، دابەزینی نرخی نەوتی خاو لە بازاڕەکانی جیھانداو بەردەوامی قەیرانی دارایی و ئابووریی و جەنگی دژی تیرۆریستانی داعش، لەپشت بڕیارەکەی حکومەتی کوێت بووە لەبارەی دواخستنی قەرەبووکردنەوەی ئەو وڵاتە لە لەلایەن حکومەتی عێراقەوە. پێشترو لە ١٨ی کانوونی یەکەمی ساڵی ٢٠١٤دا، حکومەتی کوێت رەزامەندی لەسەر داوایەکی عێراق نیشاندابوو لەبارەی دواخستنی دواھەمین کاروانی قەرەبووەکانی جەنگی کەنداو.عێراق ٥%ی داھاتی نەوت و غازی سروشتی لە سندوقی تایبەت بە قەرەبووەکان دادەنێت، کە بەپێشترو بەپێی بڕیاری ٦٨٧ی ئەنجومەنی ئاسایشی نێودەوڵەتی لە ساڵی ١٩٩١، پێکھێنراوە.

شارەزایەکی سیاسەتەکانی دەرەوەی تورکیا لەوباوەرەدایە تورکیا نیگەرانی ئەوەیە کە لەلایەن یەکێتیی ئەوروپاوە سزا بدرێت لەسەر پەلاماردانی پارتی کرێکارانی کوردستان.“ئەماندا پۆڵ” لەوبارەیەوە رایگەیاندوە:تورکیا لەھەوڵی دەستەبەرکردنی پشتیوانیی یەکێتیی ئەوروپادایە بۆ دڵنیا بەنەوە لەوەی کە لەسەر ئەو ھێرشانەی سزا نادرێت ، لەکاتێکدا سەروەریی خاکی سوریاو عێراقیشی پێشێل کردوە.ئەو پسپۆرەی بواری سیاسەتی دەرەوەی تورکیا لەوباوەرەدایە ئەو شاڵاوەی سوپای تورکیا بۆ سەر پەکەکە کورت خایەن دەبێت ، لەبەر ئەوەی رەجەب تەیب ئەردۆگان سەرۆکی تورکیا نایەوێت ئۆباڵی لەناوبردنی پرۆسەی ئاشتیی لە تورکیا بخرێتە ئەستۆ.حزبی داد وگەشەپێدان دەسەڵاتدار جەماوەرێکی زۆری بەلای خۆیدا راکێشا دوای ئەوەی پرۆسەی ئاشتی لەگەڵ کورددا خستەگەر، ھەربۆیە نیگەرانە لەوەی ئۆباڵی کۆتایی پێھێنانی ئەو پرۆسەیەی بخرێتە ئەستۆ.

شای‌ سعودیه‌، ئیدانه‌ی‌ ئه‌و كرده‌وانه‌ ده‌كات كه‌ له‌ توركیا ئه‌نجام دراون، به‌پێی هه‌واڵێكی‌ رۆژنامه‌ی‌ "شه‌رق ئه‌وسه‌ت" شا سه‌لمان جه‌ختیش ده‌كاته‌وه‌ له‌وه‌ی‌، توركیا مافی‌ خۆیه‌تی‌ له‌به‌رامبه‌ر كاره‌ تیرۆریستییه‌كانی‌ داعش و هه‌ر رێكخراوێكی‌ تر (وه‌ك ئاماژژه‌یه‌ك بۆ pkk) به‌رگری‌ له‌ خۆی‌ بكات.

شا سه‌لمان كوری‌ِ عه‌بدولعه‌زیز، شای‌ سعودییه‌، له‌ په‌یوه‌ندییه‌كی‌ ته‌له‌فونیدا كه‌ له‌لایه‌ن ره‌جه‌ب ته‌یب ئه‌ردۆغان، سه‌رۆكی‌ توركیاوه‌ پێوه‌ی‌ كرا، رایگه‌یاند: "ئه‌و كرده‌وه‌ تیرۆریستییانه‌ی‌ رووبه‌ڕووی‌ ئه‌نقه‌ره‌ بوونه‌وه‌، ته‌ئكید له‌وه‌ ده‌كاته‌وه‌، كه‌ رێكخراوی‌ داعش و رێكخراوه‌كانی‌ تر : "مه‌ترسین بۆ سه‌ر ئاسایش و ئاشتی‌ ناوچه‌كه‌ و هه‌موو جیهان، بۆیه‌ ده‌بێت له‌ناو ببرێن".

شا سه‌لمان، له‌ په‌یوه‌ندییه‌ ته‌له‌فونییه‌كه‌یدا له‌ ورده‌كاری‌ پرۆسه‌ سه‌ربازییه‌كانی‌ ئه‌م دوایه‌ی حكومه‌تی‌ توركیا ئاگادار كرایه‌وه‌.

هاوكات هاوپه‌یمانی‌ ناتۆ پاڵپشتی‌ خۆی‌ بۆ هێرشه‌كانی‌ توركیا بۆ سه‌ر داعش و چالاكوانه‌ كورده‌كان دووپاتكرده‌وه‌.

له‌وباره‌وه‌، یه‌نس شتۆلتنبێرگ_ی‌ نه‌رویجی‌، كه‌ ئه‌مینداری‌ گشتی‌ هاوپه‌یمانه‌كه‌یه‌، له‌ كۆبوونه‌وه‌ی‌ باڵیۆزی‌ 28 وڵاته‌ به‌شداربووه‌كه‌، رایگه‌یاند: "هه‌موو هاوپه‌یمانان بۆ توركیا ته‌ئكیدیان له‌سه‌ر پاڵپشتی‌ خۆیان كرده‌وه‌".

به‌ڵام ره‌جه‌ب ته‌یب  ئه‌ردۆگان، ئاماژه‌ی‌ به‌ودا، كه‌ پێویسته‌ له‌سه‌ر هاوپه‌یمانه‌كه‌ به‌شێوه‌یه‌كی فراوان به‌شداری‌ پرۆسه‌ سه‌ربازییه‌كان بكات.

هه‌روه‌ها سه‌رۆكی‌ توركیا، ته‌ئكیدی له‌سه‌ر ئه‌وه‌ كرده‌وه‌، كه‌ به‌رده‌وامبوونی‌ پرۆسه‌ی‌ ئاشتی‌ له‌ گه‌ڵ كورده‌كان " ئه‌سته‌مه‌" له‌كاتێكدا ئه‌ندامانی‌ پارتی‌ كرێكارانی‌ كوردستان هێرش ده‌كه‌نه‌ سه‌ر هێزه‌ ئه‌منییه‌كانی‌ توركیا.

سه‌رۆكی ویلایه‌ته‌ یه‌كگرتووه‌كانی ئه‌مریكا راده‌گه‌یه‌نێت، سه‌رۆكایه‌تیم زۆر پێی خۆشه‌ و خۆشم  به‌ باشترین سه‌رۆك كۆمار ده‌زانم، به‌ڵام یاسا رێگه‌ نادات چی دیكه‌ سه‌رۆكبم.

باراك ئۆباما سه‌رۆكی ویلایه‌ته‌ یه‌كگرتووه‌كانی ئه‌مریكا له‌ میانی سه‌ردانه‌كه‌یدا بۆ ئه‌فریقا له‌به‌رده‌م یه‌كێتی ئه‌فریقا كه‌ 54 ئه‌ندامی هه‌یه‌ وته‌یه‌كی پێشكه‌ش كرد و رایگه‌یاند:  ئه‌گه‌ر یاسای ئه‌مریكا رێگه‌ بدات دووباره‌ له‌ هه‌ڵبژاردنه‌كانی ئه‌و وڵاته‌ سه‌ركه‌وتوو ده‌بم، به‌ڵام یاسا ئه‌و رێگه‌یه‌ نادات و ریككه‌وتنه‌ ئه‌تۆمییه‌كه‌ی به‌ گه‌وره‌ترین ده‌ستكه‌وت بۆ دیموكراته‌كان زانی له‌ هه‌ڵبژاردنه‌ سه‌رۆكایه‌تییه‌كه‌ی ئه‌مریكا له‌ ساڵی 2016 دا.

له‌ كاتێكدا ته‌نها 18 مانگ له‌ ماوه‌ی سه‌رۆكایه‌تییه‌كه‌ی ئۆباما ماوه‌، سه‌رۆكی ئه‌مریكا رایگه‌یاند: من هه‌ست ده‌كه‌م سه‌رۆك كۆمارێكی زۆر باشبم و ئه‌گه‌ر له‌ هه‌ڵبژاردنه‌كانی ئه‌مریكا به‌شداربم دووباره‌ ده‌بمه‌وه‌ به‌ سه‌رۆك، به‌ڵام یاسا رێگه‌ نادات.

ئۆباما ره‌خنه‌ی له‌ ده‌سه‌ڵاتدارانی ئه‌فریقا گرت و رایگه‌یاند، هه‌ندێك له‌ سه‌رۆكه‌كانی ئه‌فریقا ئه‌و كاته‌ واز له‌ ده‌سه‌ڵات ده‌هێنن كه‌ پیر ده‌بن یان كوده‌تایان له‌دژ ده‌كرێت.

HNN: كارزان زرار

ئەمرو ٢٨/٧/٢٠١٥ کاتژمیر ٥:٣٠ ی ئیوارە  ئوتومبیلی
جۆری ھوندا ئەلنترا ھەلگری تابلۆی العراق بغداد رەنگی سپی کەوتە ناو رووباری گلی علی بەک   لە ئەنجامدا بوە ھوی شوفیرو منالیکی سەرنشین گیانیان لە دەستدا دایك و كورێك ته‌مه‌ن دوو ساڵ بوو  ئافرەتیکه‌ شوفیر كردووه‌  تیمەکانی رزگارکردن و مەلەوانی لە گەل ھاولاتیان و پولیسی ھاتووجو و فریاکەوتن و جالاکی مەدەنی توانسان تەرمیان لە ناو رووبار دەربھینن و رەوانەی پزیشکی دادی بکەن و ھەروەھا  دەرھینا .

شایانی باسه‌ ئه‌م ئافره‌ته‌ دانیشتووی قه‌زای مێرگه‌سۆره‌ له‌ كاتی گه‌رانه‌وه‌ی له‌ ناحیه‌ی پیرمام  سه‌ر به‌ قه‌زای شه‌قلاوه‌ بۆ ناوچه‌كه‌ی خۆی تووشی ئه‌م رووداوه‌ بوو

په‌رله‌مانتارێكی بزووتنه‌وه‌ی گۆڕان ده‌ڵێت: "مه‌سعود بارزانی له‌ پۆسته‌كه‌ی ده‌مێنێته‌وه‌ له‌ماوه‌ی داهاتووداو هه‌رێم به‌ دۆخێكی ئاڵۆزدا تێپه‌ڕده‌بێت و به‌ره‌و دابه‌ش بوون ده‌ڕوات".

شیرین ره‌زا په‌رله‌مانتاری بزووتنه‌وه‌ی گۆڕان له‌په‌رله‌مانی عیراق به‌ ئاژانسی هه‌واڵی ئه‌لمه‌علومه‌ی راگه‌یاندووه‌ كه‌ "هه‌رێمی كوردستان به‌ بارودۆخێكی ئاڵۆزی سیاسی و ئه‌منی و ئابووریدا زۆر قورسدا تێپه‌ڕده‌بێت"، وتیشی: "ناكۆكیه‌ سیاسیه‌كان گه‌یشتۆته‌ لوتكه‌، له‌كاتێكدا هه‌موو كوتله‌كان ده‌خوازنن سیستمی حوكم له‌ هه‌رێم له‌ سه‌رۆكایه‌تییه‌وه‌ بگۆڕن بۆ په‌رله‌مانی".

راشیگه‌یاند: "ئه‌گه‌ر ئه‌و ناكۆكیانه‌ وه‌ك خۆیان بمێنه‌وه‌، ئه‌وا هه‌رێم به‌ره‌و دابه‌شبوون ده‌چێت"، ته‌ئكیدی له‌سه‌ر پێویستی چڕكردنه‌وه‌ی هه‌وڵه‌كان كرده‌وه‌ بۆ یه‌كخستنی ریزه‌كان دور له‌ په‌ره‌سه‌ندنی زیاتر.
هه‌روه‌ك ئاماژه‌ی به‌وه‌شكردووه‌ كه‌ "له‌چوارچێوه‌ی ئه‌و دۆخه‌دا بارزانی بۆ دوو ساڵی تر له‌ پۆسته‌كه‌ی ده‌مێنێته‌وه‌، دوای ئه‌وه‌ی پارته‌كه‌ی داوایان كردو به‌هۆی ئه‌و دۆخه‌ نائاساییه‌ی هه‌رێمی گرتۆته‌وه‌"، روونیشكرده‌وه‌ كه‌ "بزوتنه‌وه‌ی گۆڕان رازی ده‌بێت به‌ دێژكردنه‌وه‌ی ویلایه‌تی سه‌رۆكی هه‌رێم له‌پێناو خزمه‌تی گشتیدا".

یەکگرتووی ئیسلامی رایدەگەیەنێت، ئەنجامی کۆبوونەوەکانی لەگەڵ لایەنەکان سەرکەوتوو بووەو بڕیاریشە سبەینێ ھەر پێنج لایەنەکە کۆببنەوە بۆ چارەسەرکردنی پرسی سەرۆکایەتی ھەرێم.
 
دکتۆر محەمەد ئەحمەد، ئەندامی مەکتەبی سیاسی یەکگرتووی ئیسلامی کوردستان، بە سایتی فەرمیی حزبەکەی راگەیاندووە: ئەمڕۆ درێژەمان بە کۆبوونەوەکان داو سەردانی پارتیمان کردو کۆبوونەوەکە وەک سەردانی لایەنەکانی تر ئیجابی بوو ، لەگەڵ پێشنیارەکەی یەکگرتووی ئیسلامی کوردستان کە میکانیزمێک دابنێین بۆ ئەوەی سازانێک رێکبخرێت، بریارە سبەینێ ئەو سازانە دەست پێبکات و ھەر لایەنێک نوێنەری خۆی بنێرێت بۆ ئەوەی سازانێکی باش بکەین.
 
ئەندامەکەی مەکتەبی سیاسی یەکگرتووی ئیسلامی کوردستان وتیشی: ژورێکی عەمەلیات لەنێوان ھەر پێنج لایەنەکە دروست دەکرێت و پرۆژەیەکی ھاوبەش رێکدەخرێت، بەجۆرێک کە جێگای دڵخوازی و رەزامەندی ھەموو لایەکمان بێت لە ھەموو رەھەندەکانەوەو دواتریش بدرێتە پەرلەمان و لەڕووی یاساییشەوە چوارچێوەیەکی سەرکەوتوانەی بۆ دابندرێت .
 
لەبارەی رازیبوونی لایەنەکانیش، ئەو سەرکردەیەی یەکگرتوو ئاماژەی بەوەکردووە کە تا ئێستا ھەموو لایەنەکان رازین و ئێمەش پەیوەندی بەھەموو لایەنەکان دەکەین بۆ ئەوەی نوێنەری خۆیان ئامادە بکەن، بۆ ئەوەی ھەر لە سبەینێوە دەست بە کۆبوونەوەکان بکەین، تاوەکو ھەرێمی کوردستان لەقەیران و ئاڵۆزی رزگار بکەین .
 
ئەمڕۆ وەفدێکی باڵای یەکگرتووی ئیسلامی، بە سەرۆکایەتی محەمەد فەرج، ئەمینداری ئەو حزبە، لەشاری ھەولێر، لەگەڵ وەفدی باڵای پارتی دیموکراتی کوردستان، بە سەرۆکایەتی نێچیرڤان بارزانی، جێگری سەرۆکی ئەو حزبە کۆبوونەوە، بەمەبەستی دۆزینەوەی رێگە چارەیەک بۆ پرسی سەرۆکایەتی ھەرێمی کوردستان، کە پارتی بە فەرمی داوایکردووە دوو ساڵێکی دیکە بۆ ویلایەتی بارزانی درێژ بکرێتەوە، ئەو داوایەش لەلایەن یەکێتی و گۆڕان و کۆمەڵ و یەکگرتوی ئیسلامییەوە رەتکراوەتەوە.
دوێنێش وەفدە باڵاکەی یەکگرتوو بۆ ھەمان مەبەست، لەگەڵ ھەریەک لە بزوتنەوەی گۆڕان و یەکێتی نیشتمانی کوردستان و کۆمەڵی ئیسلامی کۆبوونەوە.
بڕیاریشە سبەی چوارشەممە، کۆبوونەوەیەک لەنێوان ھەر پێنج لایەنەکە ئەنجام بدرێت.

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥