ئه‌ندامێكی لیژنه‌ی دارایی له‌ئه‌نجه‌ومه‌نی نوێنه‌رانی عیراق رایده‌گه‌یه‌نێت، بێگومان له‌به‌رامبه‌ر ناردنی پاره‌ی ته‌واوی هه‌نارده‌ی نه‌وتی هه‌رێم له‌لایه‌ن عه‌بادییه‌وه‌، حكومه‌تی هه‌رێم رێگاچاره‌ی نوێی هه‌یه‌ و به‌بۆچوونی من عه‌بادی به‌هه‌ڵه‌دا براوه‌.

قادر مه‌لا محه‌مه‌د ئه‌ندامی لیژنه‌ی دارایی له‌په‌رله‌مانی عیراق  رايگه‌یاند: بێگومان ئه‌و بڕه‌ پاره‌یه‌ی كه‌ له‌ لایه‌ن حكومه‌تی عیراقه‌وه‌ بۆ هه‌رێم نێدراوه‌ له‌به‌رامبه‌ر هه‌نارده‌كردنی نه‌وتی مانگی چواری هه‌رێم زۆر كه‌مه‌و حكومه‌تی عیراق به‌تایبه‌ت عه‌بادی به‌هه‌ڵه‌دا براوه‌و گه‌یه‌ندراوه‌ته‌ ئه‌و بڕوایه‌ی كه‌ بڕێك پاره‌ گل بداته‌وه‌ له‌به‌رامبه‌ر كێشه‌ی ئه‌وه‌ی كه‌ به‌حساب بڕی 3 ملیار دۆلار، له‌لایه‌ن حكومه‌تی هه‌رێمه‌وه‌ له‌لقه‌كانی بانكی ناوه‌ندی هه‌رێم به‌كارهێندراوه‌و ئه‌و بڕه‌ پاره‌یه‌ش بۆته‌ كێشه‌ له‌نێوان بانكی پیدی ئای و بانكی ناوه‌ندی و ئه‌نجومه‌نی ناوه‌ندی، هه‌روه‌ها واشیان خستوه‌ته‌ڕوو كه‌ ئه‌و بڕه‌ پاریه‌ به‌حساب حكومه‌تی هه‌رێمی كوردستان بردوویه‌تی، بۆیه‌ به‌حسابی عه‌بادی ده‌یه‌وێت ئه‌و بڕه‌ پاره‌یه‌ له‌حكومه‌تی هه‌رێم به‌م شێوه‌یه‌ وه‌ربگرێته‌وه‌.

 وتیشی: چاوه‌ڕان ناكرێت هه‌مان سیناریۆ بۆ مانگی ئایاریش دووباره‌ ببێته‌وه‌، به‌ڵام ئه‌گه‌ر دووباره‌ بووه‌ بێگومان حكومه‌تی هه‌رێم ده‌توانێن به‌پێی مادده‌ی 11 ی بودجه‌ی ساڵی 2015، كه‌ ده‌ڵێت ئه‌گه‌ر هه‌ر لایه‌نێك پابه‌ندنه‌بوو به‌هانارده‌ی نه‌وت، یان پێدانی پاره‌ی نه‌وت، لایه‌نی دووه‌م كه‌ حكومه‌تی هه‌رێمه‌ ده‌توانێت له‌مانگی داهاتوودا به‌هێنده‌ی ئه‌و بڕه‌ پاره‌یه‌ نه‌وت هه‌نارده‌ بكات كه‌ له‌مانگی پێشوودا وه‌ریگرتوه‌.

راشیگه‌یاند: حكومكه‌تی هه‌رێم ده‌توانێت ئه‌و مادده‌یه‌ وه‌ك رێگه‌ چاره‌یه‌ك به‌كارده‌هێنێت تا بتوانێت مافه‌كانی هه‌رێم به‌ده‌ستبهێنێنه‌وه‌و هه‌روه‌ها چاوه‌ڕوان ناكرێت عه‌بادی جارێكی دیكه‌ ئه‌و كاره‌ بكاته‌وه‌، چونكه‌ به‌ بۆچوونی من ئه‌و هه‌ڵه‌یه‌ به‌سه‌ر عه‌بادیدا تێپه‌ڕیوه‌ نه‌ك خۆی بڕوای به‌و كاره‌ هه‌بووبێت.

مۆبایلە نوێیەکەی ئێڵ جی تایبەتمەندییەکی تێدایە کە ئاشکرانەکرابوو و ئێستا بەکارھێنەران زۆر دڵیانخۆشە.
ئەو تایبەتمەندییە نوێیەی مۆبایلی ئێڵ جی جی ٤ بریتییە لەوەی خزمەتگوزارییەکی بۆ دانراوە بەناوی (Qualcomm's Quick Charge ٢.٠) کە رێگەدەدات مۆبایلەکە بەخێرایی بارگاوی بکرێتەوە، ئەو تایبەتمەندییە وادەکات جی ٤ بەراورد بە مۆبایلەکانی تری ئێڵ جی و کۆمپانیاکانی تر کاتێکی کەمتری بوێت بۆ بارگاویکردنەوە و بەھۆی شەحنەوە بێزار نابیت.
ھاوکات لە نمایشی مۆبایلە نوێیەکەیدا ئەو تایبەتمەندییەی ئاشکرانەکرد و تائێستا ھۆکارەکەی نەزانراوە، بەڵام ئێستا بەکارھێنەران دەتوانن بە کاتێکی کەمتر لە جاران مۆبایلەکەیان شەحن بکەنەوە و خزمەتگوزارییەکە کارایە.

سەرباری زۆری ئەو گرفتانەی کەکەسانێکی زۆر بەدەستییەوە دەناڵێنن لەم بابەتەدا بەگرنگییەوە باس لەگرفتی بۆنی ئارەقە دەکەین کەبێزارکەرە بەتایبەت لەوەرزی ھاویندا، کەناوچەی بن باڵ کاریگەرییەکی زۆری تێدەکات، پێکھاتە کیمیاییەکانیش زیانێکی زۆرمان پێ دەگەیەنێت.
لەوانیش:
١.    شەربەتی لیمۆ: ھەموان سودەکانی لیمۆ دەزانین لەرووی تەندروستی و خۆراکییەوە، ئەمەش توانای ھەیە بۆ لەناوبردنی بەکتریای لەش، لەپێناو سود لێ بینینیدا باشترە لیمۆکە دووپارچە بکەیت دواتر بیدەیت لەبن باڵت تا وشک دەبێتەوە پاشان بەئاوی سارد بیشۆ.
٢.    شەربەتی پرتەقاڵ: پرتەقاڵێک بگوشە و دواتر بیدە لەبن باڵت، دوای چەند خولەکێک بیشۆ بەئاوی گەرم.
٣.    خەیار: چەند پارچە خەیارێکی فرێش بدە لەبن باڵت و ئەمەش بەسوودە بەھۆی بونی مەگنیسیۆمەوە کەئارەقەکە لێ دەکاتەوە.
٤.    رۆزمێری: نیو کوپ لەگەڵای رۆزمێری وشک لەگەڵ سێ کوپ ئاوی گەرمدا تێکەڵ بکە پاشان وازی لێ بھێنە تا بیست خولەک ساردبێتەوە، پاشان بیدە لەناوچەی بن باڵت و بەئاوی سارد بیشۆ.

دوای سەرکەوتنیان بۆ یاری کۆتایی و خولی یانە پاڵەوانەکان و روبەروبونەوەی یانەی بەرشەلۆنە لە شاری بەرلین بۆفۆنی گۆڵی یانەی یۆڤانتۆس ھەرەشە لە بەرشەلۆنەش دەکات و دەلێت : ئێمە بۆ گەشت و گوزار ناچینە بەرلین بەڵکو بۆ بەدەست ھێنانی جامەکە دەچین ، چۆن توانیمان شکست بە ریاڵ بھێنێن ھەرواش دەتوانین شکست بە بەرشەش بھێنین بۆفۆن دەلێت ١٢ ساڵە چاوەرێی ئەم رۆژە بووین بۆیە بە ئاسانی ئەم ھەلە لەدەست نادەین .

کاربەدەستێکی باڵای ئێران عەرەبستانی سعودی ئاگادارکردەوە لەوەی ھێرش کردنە سەر ئەو کەشتیە ئێرانیەی پێداویستیی فریاگوزاریی بۆ یەمەن دەگوازێتەوە ئاکامی خراپی بۆ ئەو وڵاتە لێ دەکەوێتەوەوتەبێژی ھاوپەیمانی دژی حوسیەکانیش دوپاتی کردۆتەوە کە رێگە بە ھیچ کەشتیەک نادەن لەکەناراوەکانی یەمەن نزیک بێتەوە ، و ھەر یارمەتیەکی فریاگوزاریش بۆ یەمەن پێویستە لەریًَ ی نەتەوە یەکگرتوەکانەوە بێت.

دەستەی سەرۆکایەتی حکومەت سەردانی پەرلەمانی کوردستانی کرد 

دەستەی سەرۆکایەتی حکومەت لەگەڵ سەرۆکایەتی پەرلەمان و سەرۆکی فراکسیۆنەکان و لیژنەی دارایی و لیژنەی سامانە سروشتیەکان کۆبونەوە بەمەبەستی گفتوگۆکردن لەبارەی رێککەوتنەکانی ھەولێرو بەغداد بەوەی ھەولێر رۆژانە بڕە نەوتی پێویست ڕەوانەی بەغداد دەکات لەبەرامبەردا حکومەتی بەغداد بڕە پارەی پێویستی خۆی نانێرێت.

یەکێتی تۆپی پێی ئیسپانیا کارلۆ ئەنچیلۆتی راهێنەری یانەی ریاڵ مەدریدی ئیسپانی سزادا و بۆ ماوەی دوو یاریی ناتوانێت بێتە نێو یاریگاوە لەگەڵ مێرەنگییەکان.
 
دوای کۆتاییهاتنی یاریی نێوان ریاڵ مەدرید و ڤالەنسیا لە خولی پلە یەکی ئیسپانیاو بە ئەنجامی دوو گۆڵ بۆ هەرلایەک کۆتاییهات کارلۆ ئەنچیلۆتی ئیتاڵی و راهێنەری مێرەنگییەکان چەپڵەی بۆ ناوبژیوانی یارییەکە لێداو وەک گاڵتەکردنێک بە ئاستی دەستەی داوەرانی ئەو یارییە دەریبڕی.
 
بەگوێرەی هەواڵێکی ئاژانسی فرانس پرێس، لە راپۆرتی خۆیدا دوای یارییەکە کارلۆس گۆمێزی ناوبژیوانی ئەویارییە باس لەوە دەکات کە لەگەڵ لێدانی فیکەی کۆتایی یارییەکە ئەنچیلۆتی چەپڵەی بۆ ناوبژیوان لێداوەو گاڵتەی پێکردووە.
 
بەگوێرەی یاساکانی تۆپی پێ یاریزان یان راهێنەری تیم چەپڵە بۆ ناوبژیوان لێبدات لەکاتی دەرکردنی بڕیارەکان لەنێو یاریگادا ئەوا تووشی سزا دەبێت.
رابەری شۆڕشی ئیسلامی ئێران پشتیوانی خۆی بۆ حکومەتێکی جەماوەریی و سەقامگیر لە عیراق دەردەبڕێت و داواش لە لایەنەکانی عیراق دەکات بەسەر ناکۆکییەکانیاندا زاڵ بن و دەستکەوتە مێژوییەکانیان لەدەستنەدەن.
ئەمڕۆ ١٣ / ٥، د. فوئاد مەعسوم سەرۆک کۆماری عیراق، کە بە سەرۆکایەتی وەفدێکی باڵا، سەردانی ئێرانی کرد، لەگەڵ عەلی خامنەیی رابەری باڵای شۆڕشی ئیسلامیی ئێران کۆبووەوە.
لە دیدارێکدا خامنەیی وێڕای ستایشکردنی پەیوەندییە باشەکانی نێوان عیراق و ئێران کە بە (بێ وێنە) وەسفیکرد، ئامادەیی وڵاتەکەی نیشاندا بۆ ھاوکاریکردنی عیراق لەسەرجەم بوارەکاندا، لەپێناو گەشەپێدانی ئەو وڵاتەو سەقامگیربوونی.
راشیگەیاند: بوونی حکومەتێکی جەماوەریی سەقامگیر یەکێکە لەو خەسڵەتە دەگمەنانەی کە عیراقی لەناو وڵاتە عەرەبییەکاندا پێ دەناسرێتەوە.
 
رابەری باڵای شۆڕشی ئیسلامیی ئێران داواشی لە پێکھاتەو لایەنە جیاجیاکانی عیراق کرد، پارێزگاری لە دەستکەوتەکانی حکومەتی وڵاتەکەیان بکەن و رێگەش نەدەن ناکۆکییەکانیان ببێتە ھۆی لەدەستدانی دەستکەوتە مێژووییەکانیان.
بڕیارە سەردانە فەرمییەکەی سەرۆک کۆماری عیراق بۆ ئێران، ماوەی سێ رۆژ بخایەنێت، تێیدا لەگەڵ بەرپرسە باڵاکانی ئەو وڵاتە کۆدەبێتەوەو پەرەپێدانی پەیوزەندییە دوو قۆڵییەکانی نێوان ھەردوو وڵاتیش تەوەری سەرەکیی کۆبوونەوەکان دەبێت.

باراك ئۆباما سه‌رۆكی ئه‌مریكا له‌ دیدارێكدا له‌گه‌ڵ رۆژنامه‌ی شه‌رق ئه‌لئه‌وسه‌ت متمانه‌ی خۆی به‌ تێكشاندنی داعش دووپاتكرده‌وه‌و رایگه‌یاند كێشه‌ی عیراق به‌ته‌نیا سه‌ربازی نییه‌، به‌ڵكو سیاسیشه‌.
له‌و دیداره‌یدا كه‌ یه‌كه‌م سه‌رۆكی ئه‌مریكایه‌ گفتوگۆ له‌گه‌ڵ رۆژنامه‌یه‌كی عه‌ره‌بیدا بكات، ناوبراو وتی: له‌گه‌ڵ هاوبه‌شه‌كانمان توانیمان پێشڕه‌وییه‌كانی داعش له‌ عیراق رابگرین و له‌هه‌ندێك ناوچه‌ ناچارمان كردن پاشه‌كشه‌ بكه‌ن، وتیشی: ئێمه‌ به‌شدار ده‌بین له‌ مه‌شقپێكردن و به‌هێزكردنی هێزه‌ ناوخۆییه‌كانی عیراق هه‌تا تواناكانیان به‌هێز بێت.
ئه‌وه‌شی دركاندووه‌ كه‌ هه‌ڵمه‌تی له‌ناوبردنی داعش كاتی ده‌وێت، به‌ڵام له‌ كۆتایدا عیراق سه‌رده‌كه‌وێت ئه‌گه‌ر سه‌ركرده‌كانی ئه‌و وڵاته‌ به‌رێگه‌یه‌كی گشتگیرو فره‌یی حكومیان كردو هه‌موو عیراقیه‌كان له‌هه‌موو پێكهاته‌كان بینیان له‌ وڵاتدا داهاتوویان هه‌یه‌.

له‌باره‌ی سوریاشه‌وه‌، ئۆباما رایگه‌یاندووه‌ كه‌ قه‌یرانی سوریا بێ وێنه‌یه‌و مل نه‌دانی ئه‌سه‌د بۆ ده‌نگی ره‌وای خه‌ڵك توندتوتیژی لێكه‌وته‌وه‌ كه‌ داعش و به‌ره‌ی نوسره‌ی به‌رهه‌م هێنا، وتیشی: ئه‌سه‌د شه‌رعیه‌تی له‌ده‌ستداوه‌و له‌و چوارچێوه‌یه‌دا هاوكاری ئۆپۆزسیۆنی میانڕه‌وی سوریا ده‌كه‌ین.

سه‌باره‌ت به‌ ئێرانیش، ئۆباما باسی له‌وه‌ كردووه‌ "سه‌رباری رێككه‌وتننامه‌ی ئه‌تۆمیمان له‌گه‌ڵ ئێراندا، به‌ڵام نیگه‌رانین له‌ ده‌ستوه‌ردانی ئێران له‌كاروباری وڵاتانی ناوچه‌كه‌داو كۆبوونه‌وه‌شمان له‌گه‌ڵ سه‌كرده‌كانی كه‌نداو په‌یامی دڵناییه‌ بۆ هاوپه‌یمانه‌كانمان له‌ مه‌ترسیه‌كانی ئێران، وتیشی: له‌گه‌ڵ هاوپه‌یمانه‌ كه‌نداوییه‌كاندا كارده‌كه‌ین بۆ رووبه‌روونه‌وه‌ی نائارامییه‌كانی ناوچه‌كه‌ كه‌ ئێران دروستی كردووه‌

فەرماندەی هێزە دەریاكانی ئەمریكا كەوتنەخوارەوەی فڕۆكەیەكی سەربازی ئەمریكی بۆ ناو ئاوی كەنداوی عەرەبی پشتڕاستدەكاتەوە.

 

بەپێی هەواڵێكی ماڵپەڕی فۆكس نیوز ئەو فڕۆكەیە لەجۆری ئێف 18 سۆپەر هۆرنت بووە، لەكاتی هەستانی لەفڕۆكەهەڵگری تیودۆر ڕۆزفلت لەكەنداوی عەرەبی كەوتووەتە خوارەوە، بەڵام هەر زوو دوو فڕۆكەوانە ڕزگاریان بووەو تێمێكی فریاگوزاری دەستبەجێ فڕۆكەكەیان بردووەتەوە.

 

لەبارەی هۆكاری كەوتنەخوارەوەی فڕۆكەكە هێزی دەریایی ئەمریكا ئاشكرایكردووە، كە فڕۆكەكە بەهۆی كێشەی تەكنیكی كەوتووەتەخوارەوە هیچ پەیوەندی بەهێرشی سەربازی نییە.

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥