بەژداری پێ کردنی هەواڵ لە

FacebookTwitterGoogle BookmarksRSS Feed

وەزارەتی بەرگری بەریتانیا بڕیاریدا بەشداری لە هێرشە ئاسمانییەكانی هاوپەیمانان بكات بۆ سەر رێكخراوی تیرۆرستی داعش لە سوریا.

ئاژانسی هەواڵی رۆیتەرز ئەمڕۆ 17-7-2015، بڵاویكردەوە، وەزارەتی بەرگری بەریتانیا بڕیاریداوە لە چوارچێوەی هێرشە ئاسمانییەكانی هاوپەیمانان بۆسەر رێكخراوی تیرۆرستی داعش بەشداری بكات لە هێرشە ئاسمانیییەكان بۆسەر داعش لە ناو خاكی سوریا.

وەزارەتی بەرگری بەریتانیا راشیگەیاندوە، پێش چەند مانگێك لەمەوبەر دیڤید كامیرۆن سەرۆك وەزیرانی بەریتانیا داوای لە پەرلەمانی وڵاتەكەی كردوە كە رێگە بدەن بە ئەنجامدانی هێرشە ئاسمانییەكان بۆ سەر داعش لە سوریا، دوای تاوتوێكردنی ئەو داوایەی سەرۆك وەزیران بڕیاردراوە وەزارەتی بەرگری بەریتانیا لە چوارچێوەی هاوپەیمانی نێودەوڵەتی دژی داعش بەشداری بكات لە هێرشە ئاسمانییەكان دژی رێكخراوی تیرۆرستی داعش لە نێو خاكی سوریادا.

ماوه‌ی زیاتر له‌ 48 سه‌عاته‌ شه‌ڕی قورس له‌حه‌سه‌كه‌ به‌رده‌وامه‌ و جگه‌ له‌پاككردنه‌وه‌ی وێستگه‌ی كاره‌بای شاره‌كه‌و رێگه‌یه‌كی ستراتیژی ، له‌ئێستادا شه‌ڕڤانان له‌چه‌ندین قۆڵیه‌وه‌ پێشڕه‌ویان كردوه‌و له‌سه‌ركه‌وتنی گه‌وره‌ له‌ باشوری شاره‌كه‌ و پاككردنه‌وه‌ی له‌داعش نزیك بوونه‌ته‌وه‌. 

 

ئۆرهان ئیبراهیم چالاكوانی سیاسی له‌رۆژئاوای كوردستان  راگه‌یاند: شه‌ڕی قورس له‌ باشوری حه‌سه‌كه‌ به‌تایبه‌ت گه‌ڕه‌كه‌كانی نه‌شوه‌و گوێران و گونده‌كانی باشور به‌رده‌وامه‌ و شه‌ڕڤانان پێشڕه‌وی زۆریان كردوه‌و لاشه‌ی ده‌یان تیرۆرستی داعش له‌سه‌ر شه‌قامه‌كاندا كه‌وتوون.

 

وتیشی: تاكو ئێستا لاشه‌ی 35 تیرۆرست له‌ژێرده‌ستی شه‌ڕڤانان و زیاتر له‌ 60 تیرۆرستی تر كوژراون و هاوكات فڕۆكه‌ جه‌نگیه‌كانیش سه‌نگه‌ره‌كانی داعش به‌ژڕی بۆردومان ده‌كه‌ن و زیانی زۆرێان پێگه‌یاندون. 

 

جه‌ختیكرده‌وه‌: له‌چه‌ند سه‌عاتی داهاتوودا سه‌ركه‌وتنی گه‌وره‌ به‌ده‌ست ده‌هێنرێت و مه‌ترسیه‌كان له‌سه‌ر شاره‌كه‌ به‌تایبه‌ت ناوچه‌ كوردستانیه‌كان به‌هیچ شێوه‌یه‌ك نامینێت . 

 

ئەمشەوبە ئامادەبوونى هەريەك لە مامۆستا رێبوارحاكم سابير و سابير كاريتانى جێگرانى مەڵبەندى 3ى رێكخستنى هەولێر و چەندين كاديرو دوست و لايەنگگران و دانيشوانى ناحيەى بەحركە لە كۆتا شەوى مانگى رەمەزانى پيرۆز بە سەرپەرشتى كۆميتەى بەحركەى يەكێتى نيشتمانى كوردستان كۆتايي بە يارى كلاَو كلاَوێن هات كە لە شەوانى رەمەزان بۆ بەسەر بردنى كاتێكى خۆش ئەنجام دەدرا. لە كۆتا شەوى رەمەزان ديارى بەسەر براوەى ياريەكە دابەشكرا.

 

 

https://fbcdn-sphotos-b-a.akamaihd.net/hphotos-ak-xpf1/v/t1.0-9/https://fbcdn-sphotos-h-a.akamaihd.net/hphotos-ak-xfp1/v/t1.0-9/

https://fbcdn-sphotos-d-a.akamaihd.net/hphotos-ak-xpf1/v/t1.0-9/

 

 

بابان ئیبراهیم عه‌لی، ئه‌و گه‌نجه‌ خوێنگه‌رمه‌ی شاری قه‌ڵادزێ كه‌ له‌سه‌ره‌تای دروستبوونی شه‌ڕ له‌گه‌ڵ تیرۆرستانی داعش له‌كۆبانێ بڕیارده‌دات خۆشییه‌كانی ژیانی بگۆڕێته‌وه‌ به‌ به‌رگریكردن له‌خاك و نیشتمان، بابان په‌یوه‌ندیكرد به‌ڕیزه‌كانی هێزه‌كانی پاراستنی گه‌ل (ypg) و به‌شداری چه‌ندین روبه‌ڕووبونه‌وه‌ی كرد له‌دژی تیرۆرستان و ناخ ره‌شه‌كانی داعش، دواجار له‌ 30-1-2015 له‌نه‌به‌ردییه‌كی بێوێنه‌دا له‌شاری شه‌نگال به‌سه‌ختی بریندارده‌بێت و به‌وهۆیه‌شه‌وه‌ ده‌ستێكی به‌ته‌واوی له‌ده‌ستداو قاچێكیشی له‌كاركه‌وتووه‌. به‌ڵام تائێستا وه‌ك پێویست نه‌توانراوه‌ چاره‌سه‌ری پێویستی بۆ بكرێت بۆئه‌وه‌ی قاچه‌كه‌ی بكه‌وێته‌وه‌كار، ئه‌مه‌ له‌كاتێكدا كه‌ له‌ده‌ره‌وه‌ی وڵالات ده‌توانرێت چاره‌سه‌ری بكرێت.

بۆ له‌نزیكه‌وه‌ ئاگاداربوون له‌بارودۆخ و ته‌ندروستی بابان، قادر ره‌زگه‌یی ئه‌ندامی په‌رله‌مانی كوردستان له‌فراكسۆنی سه‌وز له‌شاری قه‌ڵادزێ سه‌ردانی ئه‌و شه‌ڕڤانه‌ی كردو بڕیاریدا كه‌ لایه‌نه‌ په‌یوه‌نداره‌كان ئاگاداربكاته‌وه‌ بۆئه‌وه‌ی چاره‌سه‌ری به‌په‌له‌ی بۆ بكرێت.

له‌لێدوانێكدا قادر ره‌زگه‌یی زانیاری خسته‌ڕوو و وتی: له‌شاری قه‌ڵادزێ سه‌ردانی شه‌ڕڤان بابان ئیبراهیم-مان كرد كه‌ یه‌كێكه‌ له‌و قاره‌مانانه‌ی له‌پێناو كوردستاندا له‌شه‌نگال به‌سه‌ختی برینداربووه‌و برینه‌كه‌ی زۆر سه‌خته‌و به‌وهۆیه‌وه‌ به‌شێكی جه‌سته‌ی له‌ده‌ستداوه‌و قاچ و ده‌سته‌كه‌ی تریشی مه‌ترسی له‌ده‌ستدانی لێده‌كرێت و لیژنه‌ی پزیشكیش پێیان راگه‌یاندووه‌ كه‌ ده‌بێت له‌زووترین كاتدا له‌ده‌ره‌وه‌ی وڵات چاره‌سه‌ری بۆ بكرێت. بۆ ئه‌و مه‌به‌سته‌ش په‌یوه‌ندیمانكرد به‌وه‌زیری پێشمه‌رگه‌و به‌ڵینیدا كه‌ وه‌ك برینداره‌كانی تری هێزی پێشمه‌رگه‌ حیسابی بۆ بكرێت و هه‌موو هاوكارییه‌كیشی بۆ دووپاتكرده‌وه‌ بۆئه‌وه‌ی له‌ڕێگه‌ی لیژنه‌ی پزیشكییه‌وه‌ ره‌وانه‌ی ده‌ره‌وه‌ی وڵات بكرێت و هاوكارییه‌كی ماددیشی پێشكه‌شكرد كه‌ بۆ برینداره‌كانی تری هێزی پێشمه‌رگه‌ سه‌رفكراوه‌و دوای جه‌ژن هه‌موو رێكاره‌ یاساییه‌كانی بۆ جێبه‌جێده‌كریت و چاره‌سه‌ری پێویستی بۆ ده‌كرێت.

بەبۆنەی ھاتنەوەی جەژنی رەمەزانەوە، سەرۆکی پەرلەمانی کوردستان، پەیامێکی پیرۆزبایی ئاراستەی مام جەلال دەکات و ھیوادارە ئەم جەژنە دەروازەیەکی نوێ بێت بۆ وەلانانی کێشەو گرفتەکان و ھەنگاونانیش بێت بەرەو ژیانێکی باشتر و ئارام لە وڵاتێکی سەقامگیر و پێشکەوتوودا.
دەقی پەیامەکە:

پێگه‌ی‌ (لیو یوان بای‌ كێ‌) بڵاویكرده‌وه‌، "لی‌ تسینون"ی‌ چینی‌ نزیكه‌ی‌ دوو سه‌ده‌ و نیو ژیاوه‌.

به‌پێی‌ ئه‌و پێگه‌ چینییه‌، "لی‌" له‌ ساڵی‌ 1677 له‌دایك بووه‌ و له‌ ساڵی‌ 1933 له‌ ته‌مه‌نی‌ 256 ساڵیدا كۆچی‌ دوایی‌ كردووه‌، ناوی‌ راسته‌قینه‌ی‌ "چۆ لیانگ"ه‌ و زۆربه‌ی‌ ژیانی‌ له‌ چیاكان بۆ كۆكردنه‌وه‌ی‌ گژوگیا بۆ خواردن یان بۆ پزیشكی‌ به‌سه‌ربردووه‌.

ئه‌و پیاوه‌ چنییه‌، له‌ ته‌مه‌نی‌ 71 ساڵیدا په‌یوه‌ندی‌ به‌ سوپاوه‌ كردووه‌ و وه‌ك مامۆستای‌ هونه‌ره‌كانی‌ شه‌ڕ و به‌رگری‌ و راوێژكاریی‌ سه‌ربازیی‌ كاریی‌ كردووه‌، له‌ ته‌مه‌نی‌ 100 ساڵیدا، ده‌ستكه‌وته‌كانی‌ له‌ بوری‌ پزیشكی‌ چینیدا ده‌ركه‌وتوون، به‌ چه‌شنێك  بوونه‌ته‌ مایه‌ی‌ ئه‌وه‌ی‌ له‌لایه‌ن حكومه‌ته‌وه‌ رێزی‌ لێبگرێت.

 وه‌ك پێگه‌ی‌ (لیو یوان بای‌ كێ‌) ئاماژه‌ی‌ پێكردووه‌، ئه‌و پیاوه‌ له‌ ته‌مه‌نی‌ 200 ساڵیدا بۆ وانه‌ وتنه‌نه‌وه‌ چووه‌ته‌ زانكۆ و چه‌ند جارێكیش له‌و ماوه‌یه‌دا سه‌ردانی‌ ده‌ره‌وه‌ی‌ وڵاته‌كه‌ی‌ كردووه‌.

"لی‌" له‌ ماوه‌ی‌ ژیانیدا، 23 ژنی‌ هێناوه‌ و ژماره‌یه‌كی‌ زۆر منداڵی‌ بووه‌، پاشان 180 نه‌وه‌ی‌ له‌دوای‌ خۆی‌ به‌جێهێشتووه‌.
لی‌، رووه‌كی‌ بووه‌ و ده‌كرێت ته‌مه‌ندرێژییه‌كه‌ی‌ بۆ سێ‌ هۆكار بگێڕدرێته‌وه‌:
1-بۆ ماوه‌یه‌كی‌ دوورودرێژ پشتی‌ به‌ خواردنی‌ رووه‌كی‌ به‌ستووه‌.
2- كه‌سێكی‌ هێمن و له‌سه‌رخۆبووه‌ و به‌رده‌وام هه‌وڵیدا دڵخۆش و بزه‌ له‌سه‌ر لێو بێت.  
3- به‌رده‌وام چای‌ له‌گه‌ڵ به‌ڵاڵوكی‌ كوڵاودا خواردووه‌.

ئایه‌توڵا عه‌لی خامنه‌یی ڕابه‌ری باڵای كۆماری ئیسلامیی ئێران، له‌ نامه‌یه‌كی كراوه‌دا داوا له‌ سه‌رۆك كۆماری وڵاته‌كه‌ی ده‌كات ئاگاداری لایه‌نی به‌رامبه‌ر بێت، چونكه‌ هه‌ندێكیان شایه‌نی متمانه‌نین.

 ده‌زگاكانی ڕاگه‌یاندنی ئێران، ئه‌مڕۆ پێنجشه‌مه‌ 16/7/2015 نامه‌كه‌ی عه‌لی خامنه‌یی ڕابه‌ری باڵای كۆماری ئیسلامیی ئێرانیان بۆ حه‌سه‌ن ڕۆحانی سه‌رۆكی ئه‌و وڵاته‌ بڵاوكرده‌وه‌، خامنه‌یی له‌ نامه‌كه‌دا داوا له‌ ڕۆحانی ده‌كات،  كاربكات بۆ كۆنترۆڵكردن و زیاتر به‌هێزكردنی ڕێككه‌وتنه‌كه‌ی نێوان ئێران و وڵاتانی 5+1.

خامنه‌یی داوای‌ له‌ روحانی‌ كردووه‌  ته‌واوی ڕێكاره‌ یاساییه‌كان بگرێته‌به‌ر، تاكو ڕێككه‌وتنه‌كه‌ له‌ مه‌ترسیی پێشێلكاری بپارێزێت، چونكه‌ هه‌ندێك له‌ ئه‌ندامانی لایه‌نی به‌رامبه‌ر (وڵاتانی 5+1) جێی متمانه‌ نین.

وڵاتی ژاپۆن بۆ یەكەمجار لەدوای 70 ساڵ بڕیاریدا هێزی سەربازی وڵاتەكەی رەوانەی دەرەوە بكات.

ئەمڕۆ 2015/7/16 بەدەنگی هاوپەیمانێتی دەسەڵاتداری سەر بەشینزو ئەبی سەرۆك وەزیران و بایكۆتكردنی لایەنەكانی ئۆپۆزسیۆن دوای 70 ساڵ و بۆ یەكەمجار لەدوای جەنگی جیهانیی دووەمەوە پەرلەمانی وڵاتی ژاپۆن بڕیاریدا هێزی سەربازی وڵاتەی رەوانەی دەرەوە بكات  

شینزو ئەبی لەدوای دەركردنی بڕیارەكە لەلایەن پەرلەمانەوە لەلێدوانێكیدا بۆ رۆژنامەنوسان رایگەیاند: مەترسیەكانی بارودۆخی ئەمنی لەنزیگ ژاپۆن زیادیكردوە، بۆیە پەسەندكردنی ئەو بڕیارە لەلایەن پەرلەمانەوە پێویست بووە بۆ پاراستنی ژیانی گەلی ژاپۆن پێش ئەوەی روبەڕووی جەنگ ببنەوە.  

بەپێی بڕیارەكەی پەرلەمانی ژاپۆن، ئەو هێزە سەربازییەی ئەو وڵاتە كە رەوانەی دەرەوە دەكرێن بەشدار دەبن لەهێزی ئاشتی پارێز كە سەر بەنەتەوە یەكگرتوەكانە

وەزیری دەرەوەی نەمسا سەرسامی خۆی بەئازایەتی پێشمەرگە دەردەبڕێت، میدیاكانی نەمساش دەڵێن لەدوای سەردانی وەزیری دەرەوەی وڵاتەكەیان شەپۆلێكی  گەورەی كۆچكردنی هاووڵاتیان لەعیراق و سوریاوە بۆ نەمسا دەستیپێكردوە.

سباستیان كۆرتێز وەزیری دەرەوەی نەمسا كە بەوەزیرە گەنجەكە ناو دەبرێت و تەمەنی 29 ساڵانە، ئاماژەیداوە بەئەنجامی سەردانەكەی ئەمدوایەی بۆ هەرێمی كوردستان و ئەو كۆبوونەوانەی لەگەڵ سەركردە كوردەكان و عیراقییەكان و ئاوارەكان كردویەتی، لەبارەی پێشمەرگەشەوە رایگەیاندوە: سەرسامم بەئازایەتیان، بەو سەركەوتنانەی بەدەستیان هێناوە لەشەڕی دژ بەتیرۆرستانی داعش، ئەوان بەناوی هەموو جیهانەوە شەڕی رێكخراوی تیرۆرستانی داعش دەكەن، پێویستە هەموومان پاڵپشتیان بكەین.

وەزیری دەرەوەی نەمسا باسی لەنەهامەتیەكانی ئەو خێزانە ئاوارانە كردوە كە لەكاتی سەردانیكردنی كەمپێكی ئاوارەكان لەهەولێر بینیویەتی، دەڵێت:ئەوان لەژیانێكی قورسدان، منداڵان لەبەر گەرمایەكی زۆر ژیان بەسەر دەبەن، وەك نەمسا ئەوەی لەتواناماندا بێت بۆ هاوكاریكردنی  ئاوارەكان دەكەین، وەك چۆن لەشەڕی دژ بەتیرۆرستانی داعشدا كردومانە. 

میدیاكانی نەمسا دەڵێن لەماوەی ئەم رۆژانەی دواید گەورەترین شەپۆلی كۆچكردنی رووی لەنەمسا كردوە كە ماوەی چەندین ساڵە شتی لەو شێوەیە نەبووە، بۆ یەكەمجار 700 كۆچبەر كە گەیشتونەتە نەمسا شوێنێكی خەوتنیشیان نیە، بۆیە بڕیاردراوە لەشارێكی باشوری ڤیەننای پایتەخت بارەگایەكی سەربازی بۆ كۆچبەران تەرخان بكرێت كە توانای لەخۆگرتنی سێ هەزار كۆچبەری هەیە. 

وەزارەتی ناوخۆی نەمساش رایگەیاندوە كە كۆچبەرەكان بەسەر هەرێمەكانی نەمسادا دابەشدەكرێن.

بەپێی رۆژنامەو راگەیاندنەكانی ئەو وڵاتەش، زۆترینی ئەو كۆچبەرانی گەیشتونەتە نەمساو داوای مافی پەنابەرێتیان كردوە، لەعیراق و سوریاوە كۆچیان كردوە، ئەمەش بەهۆی خراپی بارودۆخی ئەمنی ئەو وڵاتانە كە لەجەنگدان.

د.فوئاد مه‌عسوم سه‌رۆك كۆماری عیراق به‌بۆنه‌ی هاتنی جه‌ژنی پیرۆزی ره‌مه‌زانه‌وه‌ په‌یامێكی ئاڕاسته‌ی رۆڵه‌كانی گه‌لی عیراق كرد، كه‌ ئه‌مه‌ ده‌قه‌كه‌یه‌تی:

"به‌ناوی په‌روه‌ردگاری به‌خشنده‌و میهره‌بانه‌وه‌"

ئه‌ی گه‌لی عیراقی مه‌زن

سڵاوی خواتان لێ بێت

له‌گه‌ڵ هاتنی جه‌ژنی پیرۆزی ره‌مه‌زاندا له‌كاتێكدا ماڵئاوایی له‌مانگی به‌زه‌یی و لێبوردن، مانگی گه‌وره‌ی ره‌مه‌زانتان لێده‌كه‌م و له‌یه‌زدانی مه‌زنم داوایه‌ رۆژوه‌كانتانی قبوڵ كردبێت و رۆژه‌كانتان بكاته‌ جه‌ژن و خۆشی و سه‌لامه‌تی، له‌یه‌زدانی مه‌زن ده‌پاڕێمه‌وه‌ به‌گه‌وره‌یی خۆی ئه‌م رۆژه‌ پیرۆزانه‌مان بكاته‌ سه‌ره‌تای سه‌ركه‌وتنی یه‌كجاره‌كی به‌سه‌ر تیرۆرو كۆتاییهاتنی توندوتیژی و كاره‌ساته‌كانی ده‌ره‌نجامی تیرۆرو توندوتیژی و په‌ره‌بدات به‌هه‌نگاوه‌كانمان بۆ پێشكه‌وتنمان له‌بنیاتنانی عیراقی دیموكراسی فیدراڵی له‌سه‌ر بناغه‌ی برایه‌تی و هاریكاری و خۆشه‌ویستی و كاری هاوبه‌ش.

به‌م بۆنه‌ پیرۆزه‌وه‌ به‌هه‌ستێكی پێزانینی زۆره‌وه‌ سڵاو و رێز ئاڕاسته‌ی قاره‌مانه‌ دلێره‌كانمان ده‌كه‌ین له‌به‌شه‌ جیاجیاكانی هێزه‌ چه‌كداره‌كانمان و هێزه‌كانی حه‌شدی شه‌عبی و پێشمه‌رگه‌و خۆبه‌خشه‌ عه‌شایره‌كان كه‌ له‌جه‌نگێكی پیرۆزدان دژی دوژمنانی ژیان و له‌پێناوی ئازادی شاره‌كانیان و گه‌له‌كه‌یاندا شه‌ڕ ده‌كه‌ن، شانازیی به‌و سه‌ركه‌وتنانه‌وه‌ ده‌كه‌ین كه‌ به‌ده‌ستیانهێناوه‌و ئاسۆیه‌كی ئومێدو هیوایان ره‌خساند بۆ گه‌له‌كه‌یان و جیهان، له‌قه‌ڵاچۆكردنی تیرۆرو تێكشكاندنی له‌سه‌ر خاكی عیراق كه‌ گیرۆده‌ی شه‌ڕانگێزییه‌كانیان ببوو.

له‌م بۆنه‌ پیرۆزه‌دا سڵاو ئه‌نێرین بۆ خانه‌واده‌ی شه‌هیدان كه‌ ئه‌وان و ئێمه‌ش شانازی ده‌كه‌ین به‌و داستانانه‌ی رۆڵه‌كانیان تۆماریان كردو له‌پێناوی ئازادی و شكۆمه‌ندی سه‌رو ماڵی خۆیان به‌خشی، خوداوه‌ند شه‌هیده‌ نه‌مره‌كانمان به‌ به‌هه‌شت شادبكات و شیفای خێراش بدات به‌ برینداره‌ نه‌به‌زه‌كانمان.. سڵاو و هاوسۆزیمان بۆ خانه‌واده‌ ئاواره‌بووه‌كان كه‌ زۆریان چه‌شتوه‌ به‌ده‌ست بارودۆخێكی دژواره‌وه‌ هه‌وڵ و توانای هه‌موومان بۆ ده‌سته‌به‌ركردنی گه‌ڕانه‌وه‌یانه‌ به‌سه‌ربه‌رزی و به‌ئارامی بۆ ماڵ و شارو گونده‌كانی خۆیان.

به‌م بۆنه‌یه‌وه‌ هه‌ڵوێستی رۆڵه‌كانی گه‌له‌كه‌مان به‌هه‌موو پێكهاته‌كانیانه‌وه‌ به‌رز ده‌نرخێنین كه‌ له‌و هه‌موو سه‌ختی و دژوارییه‌ی بینیان له‌ روبه‌ڕووبونه‌وه‌ی تاوانه‌كانی تاقمی داعشی تیرۆرست و پرۆژه‌ وێرانكاری و كاولكارییه‌ جیاجیاكانیان، دانیان به‌خۆدا گرت و وره‌یان به‌رنه‌دا.

گه‌له‌كه‌مان له‌م هه‌لومه‌رجه‌ نائاساییه‌ ناهه‌مواره‌دا كه‌ ئێستا پیایدا تێده‌په‌ڕێت توانایه‌كی مه‌زنی نیشاندا له‌تێكشكاندنی پیلانی تیرۆرسته‌كان كه‌ مه‌رامیان ئه‌وه‌یه‌ كۆڵبدات له‌درێژه‌دان به‌كاروانی بیاتنانی عیراقی دیموكراسی نوێ و پاراستنی یه‌كێتییه‌كه‌ی، ئه‌وه‌ش هه‌موو عیراقییه‌كان ده‌خاته‌ به‌رده‌م ئه‌ركی درێژه‌دان به‌و هه‌وڵانه‌و كاری جددی و چڕوپڕ بۆ چاره‌سه‌ركردنی كێشه‌كانمان به‌دیالۆگ و هه‌مووان گیانی لێبورده‌یی زاڵبكه‌ین به‌سه‌ر هه‌موو شتێكی ترداو ره‌گه‌زپه‌رستی و ناوچه‌گه‌رێتی ده‌مارگیری وه‌لابنێن و كاری جددی بكه‌ن بۆ به‌ئاكامگه‌یاندنی ئاشتبونه‌وه‌ی گشتی و چاره‌سه‌ركردنی هه‌مو كێشه‌ هه‌ڵپه‌سێراوه‌كان به‌گیانێكی لێپرسراوانه‌و دادپه‌روه‌ری به‌وجۆره‌ی یه‌كێتیی گه‌ل و وڵات زامن بكات.

یه‌زدان هه‌موو رۆژه‌كانمان بكاته‌ جه‌ژنی خۆشی و ئاشتی خۆشه‌ویستی و خۆشگوزه‌رانی.

جه‌ژنتان پیرۆزو هه‌موو ساڵێك عیراق و عیراقییه‌كان هه‌ر له‌خۆشیدا بن

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥