بەژداری پێ کردنی هەواڵ لە

FacebookTwitterGoogle BookmarksRSS Feed

وەزیری بەرگری ویلایەتە یەكگرتووەكانی ئەمەریكا رایگەیاند، دوای كشانەوەی هێزەكانیان لەو وڵاتە فەرماندە سەربازییەكانیان لەگەڵ هاوبەشە كوردەكان و هاوبەشەكانی دیكە هاوكارییەكانی واشنتۆن تاوتوێ دەكەن.

جەیمس ماتیس، لە كۆنگرەیەكی رۆژنامەوانیدا لە بارەی كشانەوەی سوپای وڵاتەكەی لە سوریا و هاوكاریكردنی شەڕڤانانی كورد وتی، "گفتوگۆكانمان بەردەوامە لەو بارەیەوە لەگەڵ هاوپەیمانەكانمان و هاوبەشەكانمان لە سوریا، كار لە سەر ئەوە دەكەین". 

ئاماژەی بەوەشكرد، دوای كشانەوەی هێزەكانیان لەو وڵاتە فەرماندە سەربازییەكانیان لەگەڵ هاوبەشە كوردەكان و هاوبەشەكانی دیكە هاوكارییەكانی واشنتۆن بۆ ئەو هێزانە تاوتوێ دەكەن.

ویلایەتە یەكگرتووەكانی ئەمەریكا شەڕڤانانی هێزەكانی سوریای دیموكرات (هەسەدە) بە هاوپەیمانی خۆی دەزانێت بۆ شەڕی دژی داعش، لەماوەی سێ ساڵی رابردووشدا یارمەتیدەرێكی سەرەكی بووە بۆ كۆنتڕۆڵكردنەوەی ئەو ناوچانەی لە ژێر دەستی داعشدا بوون.

هاوسەرۆكی كۆنسەی بەڕێوەبەری كۆما جڤاكێن كوردستان (كەجەكە) رایگەیاند، ئەوان لەگەڵ ئاشتبوونەوەی كوردانی رۆژئاوا و رژێمی سوریان، بەڵام دەبێت رژێمی سوریا بەڕێوەبەری خۆسەری كورد لە رۆژئاوای كوردستان قبوڵ بكات.

جەمیل بایك لە چاوپێكەوتنێكدا لەگەڵ ئاژانسی فورات نیوز رایگەیاند، "ئەگەر رژێمی سوریا بەڕێوەبەری خۆسەری رۆژئاوای كوردستان قبوڵ بكات ئێمە لەگەڵ ئەوەداین كە كێشەكانی كورد لە ناو سوریادا چارەسەر بكرێن".

بایك جەختی لەوەكردەوە، كە پەیوەندی كوردانی رۆژئاوای كوردستان لەگەڵ ویلایەتە یەكگرتووەكانی ئەمەریكا یان هێزانی دیكە "هەرگیز لە سەر بنەمای دابەشبوونی سوریا نەبووە". 

جەمیل بایك ئاماژە بەوەشكردووە، "پێدەچێت لە قۆناغی داهاتوودا لە سوریا، رژێم و كوردەكان پێكەوە لە دژی توركیا كاربكەن و داگیركردنی عەفرین بشكێنن و ئیدلیب و باب و جەرابلوس لە دەستی گروپە چەكدارەكانی سوریا و توركیا دەربهێنن".

بایك وتووشییەتی، "ئەگەر رژێمی سوریا و كوردەكان پێكەوە لە دژی توركیا كارنەكەن، ئەوا ئەوكات سوریا دابەش دەبێت".

نرخی نەوت لەبازاڕەكانی جیهان نزمبوونەوەیەكی تری تری تۆماركرد، ئەوەش دوای ئەوەی لەرۆژی رابردوو نرخەكەی رووی لەبەرزبوونەوە كرد.

ئاژانسی رۆیتەرز ئەمڕۆ شەممە بڵاویكردەوە، لەكۆتا مامەڵەكانی رۆژ نرخی نەوت نزمبوونەوەی تۆماركردووە، ئەوەش بەهۆی ئەو گرژییە بازرگانییانەی لەنێوان ئەمریكاو چین چەند رۆژێكە دروستبووە.

بەپێی ئاژانسەكە نرخی نەوتی پێوانەیی برێنتی جیهانی، لەكۆتا مامەڵەكان 1.22 دۆلار بەرێژەی 1.79% دابەزیوەو هەر بەرمیلێكی بە 67.11 دۆلار مامەڵەی پێوەكراوە، كە ئەوەش نزمبوونەوەیەكی زۆرە لەنرخەكەی تۆماركراوە.

هەر بەپێی ئاژانسەكە، نرخی نەوتی پێوانەیی ئەمریكاش، كە نەوتی سوكی رۆژئاوای تەكساسی ئەو وڵاتەیە، 1.48 دۆلار بەرێژەی 2.33% رووی لەنزمبوونەوە كردووەو هەر بەرمیلێكی بە 62.06 دۆلار مامەڵەی پێوەكراە.

كێشەی بازرگانی نێوان چین‌و ئەمریكا بەهۆی ئەوەیە، كە واشنتۆن سوورە لەسەر دانانی باجی زیاتر لەسەر كاڵای ئەو وڵاتەو پەكینیش هەڕەشەی كاردانەوە لەو بارەوە دەكات.

بۆردوومانی فڕۆكه‌ جه‌نگییه‌كانی ده‌وڵه‌تی توركیا بۆ سه‌ر هه‌رێمی‌ كوردستان، دانیشتوانی شه‌ش گوندی سه‌ربه‌ شاره‌دێی سیده‌كان-ی له‌ ده‌ڤه‌ری برادۆست ئاواره‌ كرد.

ئاژانسی‌ رۆژ نیوز بڵاویكرده‌وه‌ كه‌ شه‌وی رابردوو فڕۆكه‌ جه‌نگییه‌كانی سوپای تورك سێ جار به‌ چڕی ده‌ستیان كرده‌وه‌ به‌ بۆردوومانكردنی گونده‌كانی سنوری شاره‌دێی سیده‌كان سه‌ربه‌ شارۆچكه‌ی سۆران و به‌و هۆیه‌شه‌وه‌ هاوڵاتیان ده‌ربه‌ده‌ر بوون.

ئاماژه‌شی‌ به‌وه‌داوه‌ كه‌ به‌هۆی بۆردوومانه‌كانه‌وه‌ دانیشتوانی گونده‌كانی نزاری، گوره‌شان، ئاله‌كان، سیران، خه‌لیفان و لیلكانی‌ سه‌ربه‌ شاره‌دێی سیده‌كان ئاواره‌ بوون و ماڵ و حاڵی خۆیان جێهێشتووه‌.

 به‌هۆی بوردوومانه‌كانیشه‌وه‌ جگه‌ له‌ زیانه‌ مادییه‌كان، كچێك به‌ ناوی نیشتیمان بریندار بووه‌.

ئه‌و بۆردوومانه‌ش دوای ئه‌وه‌ دێت، كه‌ سوپای توركیا نزیكه‌ی 20 كیلۆمه‌تر هاتووه‌ته‌ سنووری هه‌رێمی‌ كوردستان و سه‌رقاڵی لێدانی رێگه‌ و بنكه‌ی سه‌ربازییه‌ له‌ ده‌ڤه‌ری برادۆست.

پێدانی پێشینه‌كانی هاوسه‌رگیری و خانوبه‌ره‌ ده‌ستپێده‌كاته‌وه‌
حكومه‌تی هه‌رێمی كوردستان ده‌ست به‌پێدانی پێشینه‌كانی خانوبه‌ره‌و هاوسه‌رگیری ده‌كاته‌وه‌، په‌رله‌مانتارێكی لیژنه‌ی دارایی په‌رله‌مانی كوردستانیش ڕایده‌گه‌یه‌نێت: "به‌زیادبوونی داهات، حكومه‌ت هه‌نگاوه‌كانی بۆ باشتركردنی دۆخی هاوڵاتیان ده‌ستپێده‌كاته‌وه‌".

 

 

مه‌دینه‌ ئه‌یوب، ئه‌ندامی لیژنه‌ی دارایی و كاروباری ئابوری له‌په‌رله‌مانی كوردستان، به‌هەواڵى سلێمانى ڕاگه‌یاندوە: له‌ئێستادا ئێمه‌ وه‌ك لیژنه‌ی دارایی سه‌رقاڵی پرۆژه‌ی چاكسازین تا به‌زووترین كات په‌سه‌ندبكرێت و بخرێته‌ بواری جێبه‌جێكردنه‌وه‌، كه‌ به‌پێی ئه‌و یاسایه‌ نزیكه‌ی 100 ملیار دیناری تر بۆ داهاتی حكومه‌تی هه‌رێم ده‌گه‌ڕێته‌وه‌، به‌وه‌ش ده‌توانێت ده‌ستبكاته‌وه‌ به‌ پێدانی پێشینه‌ی هاوسه‌رگیری و خانوبه‌ره‌.

مه‌دینه‌ ئه‌یوب وتیشی:" تا ئێستا بڕیار له‌سه‌ر ده‌ستپێكردنه‌وه‌ی دابه‌شكردنی ئه‌و پێشینانه‌ نه‌دراوه‌و وه‌ك لیژنه‌كه‌شمان به‌ڕه‌سمی ئاگادار نه‌كراوینه‌ته‌وه‌، به‌ڵام به‌دڵنیاییه‌وه‌ كه‌ ئه‌و بڕه‌ پارانه‌ بۆ داهاتی حكومه‌ت زیاد بكاته‌وه‌، بێگومان حكومه‌ت ده‌ست به‌پێدانی پێشینه‌كان ده‌كاته‌وه‌و هه‌نگاوه‌كانیشی به‌ئاراسته‌ی باشتركردنی دۆخی هاوڵاتیان ده‌خاته‌وه‌گه‌ڕ".

 

 

سەرچاوەیەكی ئەمنی رایگەیاند، كە چەكدارانی داعش هێرشیان كردووەتە سەر هێزە عێراقییەكان، ئەوەش لەناوچەیەكی پارێزگای كەركوك.

سەرچاوە ئەمنییەكە ئەمڕۆ هەینی راشیگەیاند، هێرشەكە شەوی رابردوو ئەنجامدراوە، كە هێزێكی ئەمنی عێراقی لەگوندی كۆبانی لەنێوان كەركوك‌و داقوق كردووەتە ئامانج.

سەرچاوەكە ئاشكراشیكردووە، كە هێزە عێراقییەكان، رووبەڕووی هێرشەكەی داعش بوونەتەوەو تێكیان شكاندووە، بەڵام وردەكاری زیاتری نەخستووەتە روو.

جاری یەكەم نییە چەكدارانی داعش لەپارێزگای كەركوك هێرش دەكەنە سەر سوپای عێراق‌و لەو بارەشەوە تائێستا چەند جارێك هۆشداری دراوە.

 
 
 
(یەکێتییە ویستراوەکەی هەولێرییەکان)
یەکێتی نەک هەر هێزی گەل بووە لەبەرامبەر داگیرکەران لە مێژووەوە بە بەردەوامی،
تەنانەت هەمیشە پەناگەی هێزە نیشتیمانییەکانیش بووە. یەکێتی نەک هەر پارێزەری ئازادی،بەڵکو ڕێ خۆشکەری ڕێ نالەبارەکەی ئازادییە،لە پێناو خۆشگوزەرانی خەڵکدا هەمیشە هێزی هەژاران بووە لەپێناویاندا تێکۆشەر بووە.
 
شاری هەولێر،گرینگی و بایەخی زۆری هەیە لەڕووی سیاسی و حوکمڕانی و حزبایەتیدا،بەتایبەت بۆ یەکێتی،چونکە هەردەم هەولێرییەکان بەهۆی یەکێتی بوونەوە باجی قورسیان داوە چ لە ڕووبەڕوو بوونەوە داگیرکەراندا،چ لە بەرامبەر هێزە نەیارەکانی یەکێتیدا،بۆیە پێویستە یەکێتی لە هەولێر لە ئاستی ویستی هەولێرییەکاندا بێت بەجۆرێک خاوەنداری بکا لە هەولێر کە ساڵانێکە شەڕی بێ پشتیوانی دەکەن بۆ ئازادی و مافەکانیان،ئەمەش لە ڕێگەی ستراتیژێکی نوێ و هاتنە پێشێک لە هەولێرییەکان کە ڕێک ڕەنگدانەوەی ویستی هەولێرییەکان بێت،بە سیاسەتێکی ژیرانە لەهەمانکاتدا بوێری تێدا بەرجەستە بێت. شۆڕشی نوێ ڕۆژگارێک هێزی پارێزەری خەڵک و کوردستان بوو ئێستاش خەڵک چاوی ئومێدی هەر لە یەکێتیە،دۆخی ناوچەکە و ململانێی هاوکێشەکان زیاتر دەخوازێ لە یەکێتی،دەبێت یەکێتی لەئاستی ئەو ئومێدەدا بکەوێتەخۆ لە پێناو: بەبەرز ڕاگرتنی شانازییەکانی دوێنێ،بەردەوامی لە ئەمڕۆ،سبەیەکی شایستە بە ئامانجی شەهیدەکان و نیشتیمان.
 
هەژار دەلۆیی ل.بەشی ڕاگەیاندن و ڕوناکبیری کۆمیتەی(۱٥)ی ڕێکخستنی(ی.ن.ک)

ئه‌نجامدانى خۆپیشاندان بۆ یه‌كه‌مجار له‌ ماوه‌ى چوار ساڵى ڕابردوودا له‌ سنوورى بادینان له‌ هه‌فته‌ى ڕابردوودا ئاماژه‌كانى ده‌ركه‌وتنى ده‌نگى ناڕه‌‌زایی له‌و سنووره‌ ده‌رخست، كه‌ ئه‌گه‌ر هه‌یه‌ به ‌هۆیه‌وه‌ ڕكابه‌ریى هه‌ڵبژاردنه‌كانیش تێیدا سه‌خت بێت بۆ هه‌ڵبژاردنى په‌رله‌مانى عێراق.

لایه‌نه‌ سیاسییه‌كان به‌م دواییه‌ هه‌ڵمه‌ته‌كانیان له‌و سنووره‌ ده‌ست پێ كردووه‌ بۆ به‌ده‌ستهێنانى ده‌نگ و چه‌ند لیستێكى نوێیش بۆ یه‌كه‌م جار له‌و سنووره‌ به‌شدارى ڕكابه‌رییه‌كان ده‌بن.

ئیسماعیل گۆران سه‌رۆكی ده‌سته‌ی هه‌ڵبژاردنی یه‌كێتیی له‌ دهۆك كه‌ حزبه‌كه‌ى به‌ 22 پاڵێوراو له‌و سنووره‌ به‌شداریى هه‌ڵبژاردنه‌كان ده‌كات، ئاماژه‌ به‌وه ‌ده‌كات كه‌ به‌ پێى پێشبینییه‌كانیان به‌راورد له‌گه‌ڵ هه‌ڵبژاردنه‌كانی ڕابردوو ده‌نگى زیاتر به ‌ده‌ست ده‌هێنن و ده‌ڵێت: ״ئه‌وكات ساخته‌كاریی زیاتر بوو به‌ڵام ئه‌م جاره‌ كۆمیسیۆنی هه‌ڵبژاردنه‌كان له‌ ڕێگه‌ى به‌ئه‌لكترونیكردنی سیستمى ده‌نگدانه‌وه‌ ڕێگری ده‌كات له‌ ساخته‌كاری، ئه‌مه‌ش له‌ به‌رژه‌وەندیی هه‌موو لایه‌نێكدا ده‌بێت به‌ تایبه‌تی یه‌كێتیی״.

ئیسماعیل گۆران به‌ ״ئاژانس״ى راگەیاندوە: ״له‌ هه‌ڵبژاردنی ڕابردوودا یه‌كێتیی له ‌سنووری بادینان به‌ هه‌موو ساختەكارییه‌كانه‌وه‌ توانی 37 هه‌زار 400 ده‌نگی هه‌بێت و ئێستا په‌رله‌مانتارێكی هه‌یه‌ له‌ په‌رله‌مانى عێراق و بۆیه‌ پێشبینی ده‌كه‌ین كورسیی خۆمان ببەینه‌وه‌ و هه‌وڵی كورسیی زیاتریش ده‌ده‌ین״.

بزووتنه‌وه‌ى گۆڕانیش كه‌ به‌ چوار پاڵێوراو به‌شداریى هه‌ڵبژاردنه‌كان ده‌كات چاوى لەسه‌ر ده‌نگى ناڕه‌زایی هاووڵاتییانه‌ بۆ كۆكردنه‌وه‌ى ده‌نگ.

موئه‌ید ئه‌حمەد به‌رپرسی مه‌كۆی بادینانى گۆڕان به‌ ״ئاژانس״ى راگەیاندوە: ״زیاتر له‌ دوو مانگه‌ و پیلانمان داناوه‌ و ئاماده‌كاریمان كردووه‌ ‌و هاووڵاتییانێكی زۆریش له‌ بادینان متمانه‌یان پێ داوین ‌و پێشبینی ده‌كه‌ین له‌م هه‌ڵبژاردنه‌دا ده‌نگێكی زۆر به‌ ده‌ست بهێنین״.

له‌ هه‌ڵبژاردنه‌كانى ڕابردوودا یه‌كگرتووى ئیسلامیى كوردستان به‌ به‌راورد به‌ لایه‌نه‌كانى تر توانى زیاتر ڕكابه‌ریى پارتى بكات له‌و سنووره ‌‌و له ‌پاش پارتى دووه‌م هێز بووه‌ له‌ ڕووى ده‌نگدانه‌وه‌.

جه‌مال كۆچه‌ سه‌رۆكی ده‌سته‌ی هه‌ڵبژاردنی یه‌كگرتوو له‌ دهۆك به‌ ״ئاژانس״ى راگەیاندوە: ״زیادبوونی لایه‌نه‌ سیاسییه‌كان له‌م هه‌ڵبژاردنه‌ له‌ بادینان كاریگه‌ریی نابێت له‌سه‌ر ده‌نگده‌ره‌كانمان و ئێستا دوو كورسیی په‌رله‌مانمان له‌ پشكى دهۆك هه‌یه‌ كه‌ ئه‌گه‌ر زیادی نه‌كه‌ین كه‌مى ناكه‌ین״.

كۆمه‌ڵى ئیسلامییش كه‌ بۆ هه‌ڵبژاردنى سنوورى دهۆك به‌ چوار كاندید به‌شداری ده‌كات هیواى وایه‌ كورسییه‌كى ئه‌و شاره‌ بباته‌وه‌.

مه‌ڵاح مستەفا به‌رپرسی مه‌ڵبه‌ندى دهۆكى كۆمه‌ڵى ئیسلامى به‌ ״ئاژانس״ی راگەیاندوە، پێمان وایه‌ له‌م هه‌ڵبژاردنەدا‌ كورسییه‌ك به ‌ده‌ست ده‌هێنین چونكه‌ به‌راورد به‌ ساڵانى ڕابردوو ده‌نگمان زیادی كردووه‌.

له‌ هه‌ڵبژاردنى ساڵى 2014ى په‌رله‌مانى عێراقدا له‌ 11 كورسییه‌كه‌ى پشكى دهۆك پارتی 8 كورسی و یه‌كگرتووى ئیسلامى دوو كورسی و یه‌كێتییش كورسییه‌كى به‌ ده‌ست هێنا.

خالد ئه‌حمد ئه‌ندامی ده‌سته‌ی هه‌ڵبژاردنی لقی دهۆكى پارتى به‌ ״ئاژانس״ى راگەیاندوە: ״به‌ پێی داتا و ڕاپرسییه‌كان خه‌ڵكی دهۆك متمانه‌یان به‌ پارتی به‌هێزه‌، سه‌ره‌ڕای ئه‌ركی قورسی شه‌ڕی داعش و حه‌واندنه‌وه‌ی ئاواره‌كان و خراپیی باری ئابووری كه‌ پشكی شێری به‌ر دهۆك كه‌وتووه‌״.

بەڵام چاودێرانى سیاسى لەم شارە رایدەگەینن پارتى لە سنورى بادینان خەڵک متمانەى بە پارتى نەماوە پارتى بوون لەم شارە بۆتە عەیبە. دەنگى نارەزایی لە زیادبوون دایە و هەوادارانى پارتى ئەمجارە پارتى سەنگى پارتى لاواز دەکەن.

هه‌ڵبژاردنى ئه‌م جاره‌ له‌ دهۆك جیاواز ده‌بێت كه‌ چه‌ندین لیستى نوێ به‌شدار ده‌بن كه‌ كار له‌سه‌ر ده‌نگه‌ ناڕازییه‌كان ده‌كه‌ن.

عه‌لی ئۆره‌ماری ئه‌ندامى هاوپه‌یمانی بۆ دیموكراسی و دادپه‌روه‌رى كه‌ لیسته‌كه‌ى یه‌كه‌مجارە به‌شداریى ئه‌و هه‌ڵبژاردنه‌ بكات به‌ 19 كاندید، به‌ ״ئاژانس״ى راگەیاندوە: ״به‌شێكى زۆر له‌ هاووڵاتییانی دهۆك ڕوویان له‌ لیسته‌كه‌مان كردووه‌، به‌شێك په‌یوەندیی به‌ پێكهاته‌ی لیسته‌كه‌مانه‌وه‌ هه‌یه‌ و پێشبینی ده‌كه‌ین دوو تا سێ كورسی بێنن له‌ دهۆك״.

ئه‌مڕۆ 4-4-2018 له‌ هۆڵی شازاد سائیب له‌ باره‌گای مه‌كته‌بی سیاسی، كۆسره‌ت ره‌سوڵ عه‌لی جێگری سكرتێری گشتی یه‌كێتیی نیشتمانیی كوردستان، به‌ ئاماده‌بوونی مه‌لا به‌ختیار، هێرۆ ئیبراهیم ئه‌حمه‌د، عومه‌ر فه‌تاح، شۆڕش ئیسماعیل، له‌گه‌ڵ سه‌رجه‌م كاندیدانی لیستی یه‌كێتی بۆ هه‌ڵبژاردنی داهاتووی عیراق كۆبووه‌وه‌.

له‌ سه‌ره‌تای كۆبونه‌وه‌كه‌دا، شۆڕش ئیسماعیل وه‌ك لێپرسراوی مه‌كته‌بی هه‌ڵبژاردن وته‌یه‌كی پێشكه‌شكردو راپۆرتێكی زاره‌كی له‌باره‌ی ئاماده‌كارییه‌كان بۆ هه‌ڵمه‌تی بانگه‌شه‌ی هه‌ڵبژاردن خسته‌ڕوو. راشیگه‌یاند: هه‌موو قۆناغه‌كانی په‌یوه‌ست به‌ هه‌ڵمه‌تی هه‌ڵبژاردن سه‌ركه‌وتووانه‌ ته‌واو بووه‌و داخوازییه‌كانی خه‌ڵكی كوردستان و ناوچه‌ كوردستانییه‌ دابڕێنراوه‌كان له‌ به‌رنامه‌و دروشمی لیستی یه‌كێتی ره‌نگیداوه‌ته‌وه‌.

دواتر كۆسره‌ت ره‌سوڵ عه‌لی وته‌یه‌كی پێشكه‌شكردو رایگه‌یاند: خۆشحاڵین له‌گه‌ڵ كاندیدانی لیستی یه‌كێتی بۆ هه‌ڵبژاردنی عیراق كۆبووینه‌ته‌وه‌، تا نوێنه‌رایه‌تی راسته‌قینه‌ی گه‌لی كوردستان بكه‌ن له‌ داهاتوودا". هه‌روه‌ها به‌ كاندیدانی لیستی یه‌كێتیشی راگه‌یاند: جێگای شانازییه‌ بۆ هه‌مووتان نوێنه‌رایه‌تی حزبێك ده‌كه‌ن كه‌ رووبارێك خوێن و قوربانی داوه‌ بۆ ئازادی و رزگاری كوردستان و به‌ئاسانی كاروانه‌كه‌ی نه‌گه‌یشتۆته‌ ئه‌مڕۆ، له‌پێناوی ئازادی و ئه‌و ده‌ستكه‌وتانه‌ی به‌دیهاتوون قوربانی زۆری داوه‌.

كۆسره‌ت ره‌سوڵ جه‌ختیشكرده‌وه‌، هه‌موومان كارده‌كه‌ین له‌م هه‌ڵبژاردنه‌دا به‌ به‌هێزی و سه‌ركه‌وتوویی بێنه‌ ده‌ره‌وه‌. هه‌روه‌ها وتیشی: به‌ ئومێدێكی گه‌وره‌وه‌ ده‌چینه‌ هه‌ڵبژاردن و چاوه‌ڕوانی ئه‌نجامێكی باش ده‌كه‌ن بۆ لیستی یه‌كێتی، له‌م پێناوه‌شدا پێویسته‌ شار به‌ شارو گوند به‌ گوند، كۆڵان به‌ كۆڵان و ماڵ به‌ ماڵ بانگه‌شه‌ بۆ یه‌كێتی بكه‌ین.

پاشان مه‌لا به‌ختیار له‌ وته‌یه‌كدا رایگه‌یاند: پێویسته‌ لیستی یه‌كێتی ئه‌نجامێك به‌ده‌ستبهێنێت، له‌ئاستی ئه‌و قوربانیانه‌ بێت كه‌ به‌ درێژایی مێژوو داوێتی، له‌ئاستی ئه‌و ده‌ستكه‌وتانه‌ش بێت له‌دوای راپه‌ڕین به‌دیمانهێناون. جه‌ختیشكرده‌وه‌ كه‌ پێویسته‌ هه‌موومان پێكه‌وه‌ ئه‌ركه‌كانی هه‌ڵمه‌تی هه‌ڵبژاردن رابپه‌ڕێنین، ماڵ به‌ ماڵ و كۆڵان به‌ كۆڵان و تاك به‌ تاك، به‌ هه‌موو هۆییه‌كانی په‌یوه‌ندیكردن بكه‌وینه‌كار، ته‌نها له‌ناو خۆماندا نه‌مێننه‌وه‌و ده‌بێت بچینه‌ ده‌ره‌وه‌ی خۆمان و بۆ هه‌ڵمه‌ته‌كه‌ سوود له‌ ته‌كنیك و ته‌كنه‌لۆژیای پێشكه‌وتووی ئه‌م سه‌رده‌مه‌ وه‌ربگرین بۆ سه‌ركه‌وتنی هه‌ڵمه‌ته‌كه‌مان.

په‌یوه‌ست به‌ دۆخی عیراق و مه‌ترسیه‌كان، مه‌لا به‌ختیار وتی: عیراق جارێكیتر به‌ شێوه‌یه‌كی تر كه‌وتووه‌ته‌ به‌رده‌م مه‌ترسییه‌كانی سه‌رهه‌ڵدانه‌وه‌ی داعش، كه‌ رۆژ نیه‌ داعش كرده‌وه‌ی تیرۆرستی ئه‌نجام نه‌دات. راشیگه‌یاند: مه‌ترسییه‌كان له‌سه‌ر كوردستان كه‌م نین، مه‌ترسی له‌سه‌ر دیموكراسی و مافی چاره‌نوس و ده‌ستكه‌وته‌ به‌دیهاتووه‌كانی كوردستانیش هه‌یه‌. ئه‌وه‌تا عه‌فرین داگیركراوه‌ته‌وه‌و له‌ كه‌ركوكیش دۆخێكی زۆر ناله‌بار هاتۆته‌پێشه‌وه‌، به‌داخه‌وه‌ حكومه‌تی عیراق له‌جیاتی ئه‌وه‌ی بیر له‌ چاره‌سه‌ر بكاته‌وه‌، به‌ له‌خۆبایی بوونی سه‌ربازییه‌وه‌ مامه‌ڵه‌ له‌گه‌ڵ دۆخه‌كه‌دا ده‌كات. هه‌روه‌ها روونیشیكرده‌وه‌ كه‌ به‌ده‌ر له‌ كاریگه‌رییه‌ ده‌رونییه‌كان و پروپاگه‌ندی شه‌ڕی ده‌روونی، ئه‌گه‌ر وردتر دۆخه‌كه‌ بخوێنرێته‌وه‌، گۆڕه‌پانه‌كه‌ كراوه‌یه‌ بۆ چالاكی میدیایی و جه‌ماوه‌ری بۆ لیستی یه‌كێتی.

 

وەفدێكی باڵای عیراق بەسەرۆكایەتی د.فوئاد مەعسوم سەرۆك كۆماری عیراق بۆ بەشداریكردن لەپرسەی كۆچكردو دلۆڤان ئیدریس بارزانی بەفڕۆكەیەك گەیشتنە فڕۆكەخانەی نێودەوڵەتی هەولێر.

الصفحة 10 من 1240

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥