بەژداری پێ کردنی هەواڵ لە

FacebookTwitterGoogle BookmarksRSS Feed

وەزیری ناوخۆی توركیا ئاشكرای دەكات، هێزەكانی وڵاتەكەی بە قوڵایی27  كیلۆمەتر چو‌ونەتە ناو خاكی عێراقەوە.

سلێمان سۆیلو، وەزیری ناوخۆی توركیا لە میانی وتەكیدا لەبەردەم لایەنگرانی پارتی دادو گەشەپێدان رایگەیاند: سوپای توركیا بە قوڵایی 26 بۆ 27 كیلۆمەتر چۆتە ناو خاكی عێراقەوە.

وەزیری ناوخۆی توركیا راشیگەیاند: وەك پێشتر بەڵێنیاندابوو هێزەكانیان چو‌ونەتە قوڵایی خاكی عێراقەوە  و لە ئێستادا سوپای توركیا لە دەروازەكانی چیای قەندیلن.

لێدوانەكەی وەزیری ناوخۆی توركیا هاوكاتە لەگەڵ  بڵاوبو‌ونەوەی هێزەكانی سەر بە سوپای توركیا لە ناوچە سنورییەكانی هەرێمی كوردستان بە تایبەت لە ناوچەی سیدەكانی سەر بە پارێزگای هەولێر.

موراد قه‌ره‌یلان، ئه‌ندامی ده‌سته‌ی به‌ڕێوه‌به‌ریی په‌كه‌كه‌ رایگه‌یاند، هه‌ر دوو پارتی داد و گه‌شه‌پێدانی ده‌سه‌ڵاتدار له‌ توركیا و پارتی نه‌ته‌وه‌په‌ره‌ست له‌ هه‌ڵمه‌تی هه‌ڵبژاردندا به‌ ئاشكرا بانگه‌شه‌ بۆ شه‌ڕ له‌ دژی كورد ده‌كه‌ن، بۆیه‌ش سه‌ركه‌وتنی پارتی دیموكراتی گه‌لان كۆتایی به‌و سیاسه‌ته‌یان ده‌هێنێت.
موردا قه‌ره‌یلان له‌میانی چاوپێكه‌وتنێكدا له‌گه‌ڵ ئاژانسی فورات نیوز، راشیگه‌یاند: رژێمی ئاكه‌په‌ و مه‌هه‌په‌ هه‌موو شتێكی خۆیان به‌پێی دژایه‌تیكردنی تێكۆشانی ئازادیی گه‌لی كورد رێكخستووه‌، ده‌شڵیت، "ئه‌و دوو حزبه‌ ده‌یانه‌وێت شه‌ڕ قوڵ بكه‌نه‌وه‌ و ئه‌وه‌ش ناشارنه‌وه‌ و له‌ بانگه‌شه‌كانی هه‌ڵبژاردنیشدا به‌ ئاشكرای باسی ده‌كه‌ن".
ئه‌و سه‌ركرده‌یه‌ی په‌كه‌كه‌ راشیگه‌یاند:"كاتێك پارتی داد و گه‌شه‌پێدان (ئاكه‌په‌) له‌ ساڵی 2002 دا هاته‌سه‌ر ده‌سه‌ڵات هه‌وڵیدا سیاسه‌تی پاكتاوكارانه‌ و سڕینه‌وه‌ی گه‌لی كورد به‌ رێگه‌ و شێوازی شاراوه‌ زیاتر به‌ڕێوه‌ببات، ده‌یویست به‌ دوڕوویی ئه‌و سیاسه‌ته‌ به‌ڕێوه‌ببات و كۆمه‌ڵگه‌ی كورد بێ ئیراده‌ بكات".
قه‌ره‌یلان ئه‌وه‌شی خسته‌ڕوو، "سه‌ركه‌وتنی پارتی دیموكراتی گه‌لان  (هه‌ده‌په‌) له‌ هه‌ڵبژاردنی 24ی حوزه‌یراندا كلیلی تێكشكاندنی فاشیزمه‌".

به‌رپرسی راگه‌یاندن و په‌یوه‌ندییه‌كانی كۆمسیۆنی باڵای سه‌ربه‌خۆی هه‌ڵبژاردن و راپرسیی هه‌رێم رایده‌گه‌یه‌نێت، تا ئێستا شه‌ش لایه‌ن خۆیان بۆ هه‌ڵبژاردنی په‌رله‌مانی كوردستان كه‌ بڕیاره‌ 30-9 به‌ڕێوه‌بچێت تۆمار كردووه‌ و پڕۆسه‌ی خۆتۆماركردنیش تا حه‌وتی ئه‌م مانگه‌ به‌رده‌وام ده‌بێت.
شۆڕش حه‌سه‌ن به‌رپرسی راگه‌یاندن و په‌یوه‌ندییه‌كانی كۆمسیۆنی باڵای سه‌ربه‌خۆی هه‌ڵبژاردن و راپرسیی هه‌رێم به‌ رادیۆ نه‌وای راگه‌یاند، تا ئێستا سێ حزبی تاك له‌ پێكهاته‌ی ئه‌رمه‌ن، پارتی دیموكراتی كوردستان و حزبی سۆسیالیست دیموكراتی كوردستان و جه‌بهه‌ی توركمانی عیراقی خۆیان بۆ هه‌ڵبژاردنی په‌رله‌مانی كوردستان تۆمار كردووه‌.
شۆڕش حه‌سه‌ن باسی له‌وه‌شكرد، قه‌واره‌ی تریش له‌ پارێزگاكانی هه‌رێم فۆڕمی خۆتۆماركردنیان وه‌رگرتووه‌ به‌ڵام تا ئێستا فۆڕمه‌كانیان نه‌گه‌ڕاندۆته‌وه‌.
ئاماژه‌ی به‌وه‌شكرد، تۆماركردنی قه‌واره‌ی نوێ پێویستی به‌ ناوی 500 ده‌نگده‌ر هه‌یه‌ له‌گه‌ڵ پڕكردنه‌وه‌ی فۆڕمێكی كۆمسیۆن له‌گه‌ڵ ئه‌و بڕه‌ پاره‌یه‌ی دیاریكراوه‌، ئه‌وانه‌ی پێشتریش تۆمار كراون بڕی 50 ملیۆن وه‌ك بارمته‌ لای كۆمسیۆن داده‌نێن و پێكهاته‌كانیش 25 ملیۆن داده‌نێن.

موقتەدا سەدر سەرۆكی رەوتی سەدر چەند رۆژێك مۆڵەت دەداتە حكومەتی عێراق، ئەوەش بۆ چارەسەری قەیرانی كارەباو ئاو.

موقتەدا سەدر لەمیانی نووسینێك بڵاویكردووەتەوە، كە ئەگەر لەچەند رۆژی داهاتوو كێشەی كارەباو ئاو بۆ هاووڵاتیان چارەسەرنەكات ئەوە هەڵوێستیان دەبێت.

سەرۆكی رەوتی سەدر لەنووسینكەی جەختیشیكردووەتەوە، ئەوان لەپێناوی خەڵك هاتوون‌و لەو پێناوەش بەردەوام دەبن‌و پشتگیری تەواوی داواكارییەكان دەكەن.

ئەمە لەكاتێكدایە، چەند رۆژێكە لەناوچەكانی ناوەڕاست‌و باشووری عێراق كێشەی كەمی كارەباو ئاو دروستبووە، ئەوەش ناڕەزایی لای خەڵكی دروست كردووە.

ئامادەکارییەکانی تورکیا بۆ هێرشکردنە سەر پارتی کرێکارانی کوردستان (پەکەکە) لە چیای قەندیل پێدەنێتە قۆناغێکی نوێوە و سوپای ئەو وڵاتە بە ئاشکرا لە ناو خاکی هەرێم دەبینرێت و وەزارەتی پێشمەرگەش بێ ئاگادایی خۆی نیشاندەدات.

بەگوێرەی زانیارییەکانی رۆژنامەی ژیان کە ئەمڕۆ ١ شەممە بڵاویکردووەتەوە، هاتنی ئەو هێزە سەربازییەی تورکیا بۆ ئەو سنوورە ئامادەکارییەکە بۆ جێگیرکردنی هێزی ئەو وڵاتە لەچەند ناوچەیەکی هەرێمی کوردستان و هێرشکردنە سەر گەریلاکانی پەکەکە لە قەندیل کە بڕیارە لە مانگی تەمووز هێرشەکە دەستپێ بکەن.

رۆژی ٨ی نیسانی ٢٠١٨ وەفدێکی هەدەپە سەردانی پارتی دیموکراتی کوردستان و یەکێطی نیشتیمانی کوردستانیان کرد و ئەو دوو لایەنەیان ئاگادار کردووەتەوە کە تورکیا لە مانگی تەمووز هێرشەکەی ئەنجامدەدات بۆسەر قەندیل و داوای هەڵوێستی ئەوانیان کردووە.

هاوکات سەرحەد ڤارتۆ وتەبێژی کەجەکە لە راگەیاندراوێکدا ئاماژەی بەوەکردووە ئەو دیمەنانەی لەناو هاوڵاتیان بڵاوبوونەتەوە بەشێکە لە کۆکردنەوەی هێز و ئامانج لێی هێرشکردنە سەر گەریلاکانی پەکەکەیە.

لەو بارەیەوە جەبار یاوەر ئەمینداری گشتی وەزارەتی پێشمەرگە بە رۆژنامەکەی وتووە '' هیچ هێزێکمان لەو ناوچانە نییە و هیچ سەرچاوەیەکمان لەو ناوچەیە نییە تا زانیاری بنێرێت بۆ وەزارەتی پێشمەرگە''.

شیرینیەکی عەرەبییە و تامێکی خۆشی هەیە.

پێداویستییەکان:
دوو پەرداخ سمید
یەک پەرداخ گوێزی هیندی
نیو پەرداخ ماست
دوو هێلکە
نیو پەرداخ شەکر
نیو پەرداخ کەرە
یەک پیکن پاودەر
یەک ڤانێلا
یەک تۆز خوێ

چۆنێتی ئامادەکردنی:
لە دەفرێکدا هێلکە و ڤانێلا و شەکرەکە تێکەڵ بکە، دواتر ماست و کەرە، بەڵام کەرەکە بتوێنەرەوە.

پاشان گوێزی هیند و سمید و پیکن پاودەر و خوێکەی تێبکە، پاش ئەوەی هەویرێکی گونجاو دێتەبەرهەم.

قاڵبی ناو فڕنەکە چەور بکە، ئاردی پێدا بپرژێنە، هەویرەکەی تێبکە، بیخەرە فڕنەوە لەسەر پلەی گەرمی 180، بۆ ماوەی 25 خولەک، دواتر شیلەی بکە بەسەردا پێشکەشی بکە.

کەبابی تورکی تام و چێژێکی تایبەتی هەیە و ئامادەکردنی ئاسانە، دەتوانیت بۆ خوانی ئێوارەی رەمەزان ئامادەی بکەیت.

پێداویستییەکان:
500 گرام گۆشتی گا
نیو کوپ فستەقی هاڕڕاو
نیو کەوچکی بچوک خوێ
¼ کەوچکی بچوک ئاڵەتی رەش
کەوچکێکی بچوک بابریکا
نیو کەوچکی بچوک بیبەری سوری هاڕڕاو
پیازێکی وردکراو
دوو سیر
کەوچکێکی گەورە زەیتی رووەکی

چۆنێتی ئامادەکردنی:
لە دەفرێکدا سیر و پیاز و قیمەکە تێکەڵ بکە، پاشان بیشێلە، دواتر خوێ و ئاڵەت و بیبەری سور، پاشان فستەقەکە.

سینی ناو فڕنەکە چەور بکە، پاشان هەویری کەبابەکە بهێنە و بەدەست هاوشێوەی کەبابی ئاسایی بەش بەش ئامادەیبکە، یان بیکە بە لولە تەختەکانەوە کە هاوشێوەی شیش وایە.

لەسەر سینیەکە ریزی بکە، بیخەرە فڕنەوە لەسەر پلەی گەرمی 200 دایبنێ، پاش ئەوەی برژا پێشکەشی بکە.

كۆبوونەوەی ئەنجومەنی سەركردایەتی یەكێتی كۆتایی هات و لەبەر فراوانی گفتووگۆكانیشیان بڕیاردرا سبەینێ بۆ تەواوكاری كۆبوونەوەكانی رابردوو بەردەوامی بە كۆبوونەوە بدەن. 

د.جوان ئیحسان ئەندامی سەركردایەتی یەكێتی لە لێدوانێكیدا بۆ كەناڵی كوردسات رایگەیاندوە: كۆبوونەوەی ئەمڕۆی ئەنجومەنی سەركردایەتی یەكێتی كۆتایی هات و لەبەر فراوانی گفتووگۆكانمان بڕیارماندا سبەینێش كۆبوونەوەكە بەردەوامبێت.

سەبارەت بە تەوەرەكانی كۆبوونەكەش د.جوان وتی: ئێمە وەكو یەكێتی بەردەوام داوای لێكتێگەیشتنمان كردووە، یەكڕیزی لای ئێمە بانگەشە نییە بەڵكو هەموو كات بە كردار سەلماندوومانە، مەبەستی ئێمەش لەو یەكڕیزییە چارەسەركردنی كێشەكانی كوردە، چونكە لە دەستدانی بەشێكی دەستكەوتەكانی ئەمڕۆ هۆكاری ناتەبایی لایەنەكانە.

راشیگەیاند: وەك ئەنجومەنی سەركردایەتی گفتووگۆ كردن لەسەر پۆستی سەرۆك كۆماری عیراق تەوەرێكی سەرەكیمان بوو، چونكە ئەو پۆستە هی یەكێتییە.

وتیشی: پێشتریش و ئێستاش یەكێتی بەباشی ئەدای پۆستی سەرۆكی كۆماری عێراقی كردووە، كە دوو دامەزرێنەری یەكێتی ئەو پۆستەیان بەڕێوەبردووە لە رابردوودا سەرۆك مام جەلال و لە ئێستاشدا دكتۆر فواد مەعسوم.

7i878768.jpg

6454.jpg

767567.jpg

786756.jpg

5665464.jpg

67867567.jpg

 

مەحما خەلیل قائیمقامی شنگال رایگەیاند، ئاگاداری ئەوەن ئەمریكا بنكەیەكی سەربازیی لەسەر چیای شنگال دروست دەكات و جۆرەها چەكی قورس و سوك و مامناوەندی تێدا جێگیركردوە.
مەحما خەلیل بە ئاژانسی ئەنادۆڵی وتوە "لەسەرجەم سەردانەكانمان بۆ ئەمریكا نیگەرانییەكانی كوردی ئێزدی و پێكهاتەكانی سنوری شنگالمان گەیاندە ناوەندە سیاسییەكانی ئەو وڵاتە و جەختمان لەوە كردووەتەوە شنگال پێویستی بە پاراستنی نێودەوڵەتی هەیە".
دەشڵێت "ئەوەی ئێمە وەك ئیدارەی شنگال ئاگادارین جێگیربوونی ئەو هێزە ئەمریكییە لە لوتكەی مێرای سەر چیای شنگال بۆ دروستكردنی بنكەیەكی گەورەی سەربازییە، كە ئەمریكا لە مێژبوو دەیویست لە ناوچەكەدا رێگری بكات لەو دەستوەردانەی ئێران لە كاروباری عیراق و هەرێمی كوردستاندا دەیكات".
بەگوێرەی زانیارییەكانی قائیمقامی شنگاڵ، هێزە ئەمریكییەكە ژمارەیەكی زۆر لە چەكی قورس و سوك و مامناوەندیشیان جێگیركردووە. پێشیوایە، جێگیربونی ئەو هێزە دەبێتەمایەی سەقامگیری لە ناوچەكەدا و پاراستنی پێكهاتەكانی سنوری شنگال بە تایبەت كوردی ئێزدی و كریستیانەكان زامن دەكات.

ژمارەیەك لە پەرلەمانتاران هاتنی سوپای توركیا بۆ ناو خاكی هەرێمی كوردستان ئیدانە دەكەن وبە مەترسی بۆ سەر خاكی كوردستان وەسفی دەكەن.

لە راگەیەندراوێكدا كە ناوی 13 پەرلەمانتاری لەسەرەو تێیدا هاتووە هاتنی ئەم هێزە لە كاتێكدایە رای گشتی كوردستان بەهۆی بڵاوكردنەوەی‌ وێنەی جەندرمەی توركەوە لە گوندێكی سنوری پارێزگای‌ هەولێر، نیگەرانە و لەمیدیا و تۆڕە كۆمەڵایەتیەكان هەڵوێست دەخاتەڕوو.

باسیان لەوەشكردووە" لەساڵانی ڕابردوداو تا ئەم ساتەوەختە چەندینجار پەرلەمانتاران بانگەوازمان ئاراستەی دەسەڵاتدارانی ھەرێم لەپەرلەمان و حكومەت و حزبە حوكمڕانەكان و حكومەتی عیراقیش كردوە تاوەكو ڕێگریی بكەن لەھەنگاوەكانی سنوربەزاندنی سوپای توركیا بۆ ناو خاكی ھەرێم".

ئەمەی خوارەوەی دەقی راگەیەندراوەكەی بەشێك لە پەرلەمانتارانی‌ كوردستانە: 

لە ساڵانی رابردووداو تا ئەم ساتەوەختە چەندین جار نوێنەرانی گەل لەپەرلەمانی كوردستان بانگەوازمان ئاراستەی دەسەڵاتدارانی هەرێم لە پەرلەمان و حكومەت و حزبە حوكمڕانەكان و دەسەڵاتی حكومەتی فیدراڵی عیراق كردوە، كە رێگری بكەن لە هەنگاوەكانی سنور بەزاندنی سوپای توركیا بۆ ناو خاكی هەرێم. بەڵام بەدەنگەوە هاتن نەبووەو، دەوڵەتی توركیاش قۆناغ لەدوای قۆناغ پێگەی خۆی لەناو قوڵایی خاكی كوردستان لە دانانی چەندنی سەربازگەو مۆڵگەو جەندرمە خانە قایمتر دەكات. تا گەیشتۆتە ئەو ئاستەی جەندرمەی توركیا لەگوندەكانی پارێزگای هەولێر مانۆڕو نمایشی سەربازی دەكەن، وەك ئەوەی ئەوان خاوەن ماڵ بن!

لە رێگەی ئەم راگەیەنراوەوە ئەم مەترسیە بۆ سەر ئاسایشی هەموو خاك و خەڵكی كوردستان رادەگەیەنین. پێویستە هەموو لایەك هەڵوێستی جدی و راشكاویان هەبێ بۆ قبوڵنەكردنی ئەم ستەم و داگیركاریەو دەركردنی سوپای بێگانە لەخاكی هەرێم و بێنە دەنگ بەرامبەر پێشێلكردنی یاسا ناوخۆیی و نێودەوڵەتیەكان. 

پێویستە لایەنە سیاسیەكان بە راشكاوی دژی سیاسەتی توركیا بوەستنەوەو سەربەخۆیی ئیرادەی خۆیان بپارێزن و نەكەونە داوی مەرامی داگیركەرانی كوردستانەوە.

داواكارین و پێویستە پەرلەمانی كوردستان بەخێرایی دانیشتنی نائاسایی بكات و بانگەوازی دونیا بكا بۆ بەهاناوە هاتنی كوردستان و حكومەت و لایەنەكانی كوردستانیش رابسپێرێ بە راپەڕاندنی ئەركی پارێزگاری لە كوردستان.

بەتایبەتیش جێبەجێكردنی بڕیاری ژمارە (۳۷) ساڵی ۲٠٠۳ كە تایبەتە بە گەڕاندنەوەی سوپای توركیا لەناو خاكی كوردستان. 

لەساڵانی رابردوو چەندین جار وڵاتی توركیاو ئێران بەبیانوی نا لۆژیكی ئاسمان و زەمینی كوردستانیان بەزاندوەو خەڵكی سڤیلیان كردۆتە ئامانج و گوندنشینانیان دەربەدەركردوە. 

بانگەواز بۆ حكومەت و پەرلەمانی ئیتحادی و هەرێم دەكەین مەسئولیەتی سەرشانیان راپەڕێنن بۆ ناچاركردنی توركیا لە چۆڵكردنی ئەو ناوچانەی بۆی هاتوون.

داوا لە كونسوڵخانەی وڵاتان لەهەولێرو نەتەوە یەكگرتوەكان دەكەین رۆڵیان هەبێ لە پارێزگاریی كوردستان.

 ئەوەی رووی داوە لە رابردوودا داگیركاریەكی شاراوە بوەو، ئەوەی ئێستا روو دەدات لەمانۆڕی سەربازی توركیا  دەستپێكی راگەیاندنی داگیركاریی ئاشكرای هەرێمی كوردستانە. لێدانە لە ئیرادەی زیندووی گەل كە قبوڵی داگیركاری ناكات. بەداخەوە ئیرادەی سیاسی و حوكمڕانی كوردستان  چاوپۆشی كردوەو دەیكات لەو زوڵم و داگیركاریە، پێویستە گەلەكەمان وشیاتربێ و بەهەموو میكانیزمێكی خەباتی مەدەنی و چالاكی سیاسی لەناوەوەو دەرەوەی كوردستان دژی ئەم پێشێلكاریانەی دەوڵەتی توركیا بۆ سەر باشوری كوردستان بوەستنەوە.

الصفحة 10 من 1271

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥