بەژداری پێ کردنی هەواڵ لە

FacebookTwitterGoogle BookmarksRSS Feed

بانکی ناوەندی عێراق روونکردنەوەی لەبارەی هەواڵی دیارنەمانی ٤ ملیار دۆلار بڵاوکردەوە کە گوایە ساڵی ٢٠١٥ راکێشراوە.

لە روونکردنەوەکەی بانکی ناوەندی عێراقیدا هاتووە '' هەندێک لە دەزگا راگەیاندنەکان نوسراوێکی ساختەیان بڵاوکردووەتەوە لەژێر ناونیشانی ( سکاڵا و گەندەڵی دارایی) کە گوایە ساڵی ٢٠١٥ بڕی ٤ ملیار دۆلار  لە بانکی ناوەندی راکێشراوە''.

ئاماژە بەوەشکراوە '' لە کاتێکدا بانکی ناوەندی هەموو ئەو دەنگۆیانە رەتدەکاتەوە، بە پێویستی دەزانێت سکاڵای یاسایی تۆمار بکات و داوا لە میدیاکان بکات بە ووردی هەواڵەکان بڵاوبکەنەوە.

پارتی دیموكراتی كوردستان، كار بۆ ئەوە دەكات مەرسومی یاسایی بۆ ئەفسەرەكانی لە یەكەی 80 دەربكات، مەرسومەكەش لەئێستادا بە تەنها لەدەسەڵاتی سەرۆكی ئەنجومەنی وەزیراندایە.
 

بەپێی زانیارییەکانی ئەمڕۆی هەفتەنامەی(ژیان) زانیویەتی ئەو ئەفسەرانەی كە پێشتر لەلایەن ئۆرگانەكانی حزبەوە مەرسومیان بۆ دەركراوە‌و مەرسوكەیان بەیاسایی بكات.

قادر رەزگەیی، ئەندامی لیژنەی پێشمەرگە لەپەرلەمانی كوردستان، بە (ژیان)ی وت "بەشی زۆری ئەفسەرەكانی یەكەی 80ی خولیان نەبینیوەو مەرسومیان لەلایەن دەسەڵاتی یاساییەوە بۆ دەرنەكراوە، بەڵكو لەلایەن ئۆرگانەكانی پارتیەوە پلەو مەرسومیان پێدراوە".

بەپێی یاسا هیچ ئۆرگانێكی حزبی ناتوانێت مەرسوم دەربكات‌و هیچ ئۆرگانێكی حزبی ناتوانێت پلەی سەربازی نە دەستكاری بكات نە ببەخشێت. 

بۆ پلە بەرزكردنەوەی سەربازی پێویستە مەرسوم بوونی هەبێت‌و ئەو كارەش پێشتر لەدەسەڵاتی سەرۆكی هەرێمدا بوو، لەدوای دابەشكردنی دەسەڵاتەكانی سەرۆكی هەرێم،دەركردنی مەرسومی سەربازی لەدەسەڵاتی سەرۆكی ئەنجومەنی وەزیراندایە.

رەزگەیی، دەڵێت خەڵك هەیە مەرسومی نەبووە بەڵام پلەی رائید یان موقەدەمی پێبەخشراوە بەنوسراوی لق‌و ئۆرگانەكانی پارتی.

وتیشی"لەئێستادا پارتی كار لەسەر ئەوە دەكات هەموو ئەو ئەفسەرانەی لەمیلاكی یەكەی 80 خولی سەربازی‌و خولی سەرەكییان نەبینیوەو مەرسومی ملازم سامیان نییە، بەڵام نەقیب‌و عەقید‌و عەمیدو رائید‌و موقەدەمن، هەموو ئەوانە دەخەنە ناو خولی سەربازیی خێراوە بە رێژەی جیا جیا لەماوەی جیا جیاو كارەكانیان بەیاسایی دەكەن".

وتیشی"لەهەوڵی ئەوەشدان لەرێگەی سەرۆكی حكومەتی هەرێمەوە كە بەشێك لەدەسەڵاتەكانی سەرۆكی هەرێمی پێبەخشراوە ئەو كارە بكەن‌و مەرسومی رەسمیان بۆ دەر بكەن".

بەپێی زانیارییەكانی ڕۆژنامەی (ژیان) كە لەسەرچاوەیەكی ناو وەزارەتی پێشمەرگە، وەریگرتووە "بەر لەچۆڵكردنی پۆستەكەی، مەسعود بارزانی بۆ نزیكەی 393 پلەداری یەكەكانی 80، مەرسومی رەسمی پلەپێدان‌و پلە بەرزكردنەوەی دەركردووە. 
 واده‌ی دابه‌شكردنی مووچه‌ی سه‌رجه‌م وه‌زاره‌ته‌كانی ڕاگه‌یاند
حكومه‌تی هه‌رێم له‌سه‌ر دابه‌شكردنی موچه‌ی فه‌رمانبه‌ران ڕونكردنه‌وه‌ ده‌دات و سه‌فین دزه‌ییش ڕایده‌گه‌یه‌نێت له‌سێشه‌ممه‌وه‌ ده‌ست به‌ دابه‌شكردنی موچه‌ی وه‌زاره‌ته‌كان ده‌كرێت و مانگانه‌ش له‌ماوه‌ی (15-20) ڕۆژدا موچه‌ی سه‌رجه‌م وه‌زاره‌ته‌كان دابه‌شده‌كرێت.

 

سه‌فین دزه‌یی، وته‌بێژی فه‌رمی حكومه‌تی هه‌رێم،  ڕاگه‌یاندووە: له‌ئێستادا وه‌زاره‌تی دارایی ده‌ستی به‌ دابه‌شكردنی موچه‌ كردووه‌، له‌و چوارچێوه‌یه‌شدا به‌رده‌وام ده‌بێت، به‌ڵام هه‌موو وه‌زاره‌ته‌كان به‌یه‌كه‌وه‌ دابه‌شناكریت، به‌ڵكو دابه‌شكردنی موچه‌ی مانگانه‌ ماوه‌ی 15 تا 20 ڕۆژی پێویسته‌.
وتیشی: "به‌پێی ئه‌و داهاته‌ی ده‌گاته‌وه‌ ده‌ست وه‌زاره‌تی دارایی له‌ فرۆشتنی نه‌وت، دابه‌شكردنی موچه‌  مانگانه‌ به‌رده‌وامی پێده‌درێت".
سه‌باره‌ت به‌موچه‌ی ئه‌و وه‌زاره‌تانه‌ی تا ئێستا موچه‌یان وه‌رنه‌گرتووه‌، سه‌فین دزه‌یی ئاشكرایكرد: موچه‌ ڕێكخستنه‌وه‌ی بۆ كراوه‌و مانگانه‌ دابه‌شده‌كرێت، له‌ئێستادا كه‌ دابه‌شكردنه‌كه‌ ده‌ستی پێكردووه‌، به‌هۆی پشووی سبه‌ینێوه‌ موچه‌ دابه‌شناكرێت، به‌ڵام له‌ڕۆژی سێشه‌ممه‌وه‌ دابه‌شكردنی موچه‌ ده‌ستپێده‌كاته‌وه‌و موچه‌ی وه‌زاره‌ته‌كانی تریش دابه‌شده‌كرێت.

شاڵاو كۆسره‌ت ره‌سوڵ ئه‌ندامی سه‌ركردایه‌تی یه‌كێتیی نیشتمانیی كوردستان، وه‌ك لێپرسراوی نوێی مه‌ڵبه‌ندی هه‌ولێر ده‌ستنیشانكرا.

به‌پێی نوسراوێكی مه‌كته‌بی رێكخستنی یه‌كێتیی نیشتمانیی كوردستان كه‌ رۆژی 8-4-2018 ده‌رچووه‌و ئیمزای كۆسره‌ت ره‌سوڵ عه‌لی جێگری سكرتێری گشتی یه‌كێتیی نیشتمانيی كوردستانی له‌سه‌ره‌، شاڵاو كۆسره‌ت ره‌سوڵ وه‌ك لپێرسراوی نوێی مه‌ڵبه‌ندی سێ-ی هه‌ولێر ده‌ستنیشانكراوه‌و به‌پێی نوسراوه‌كه‌ش له‌ رۆژی گوزارشتی ئه‌و بڕیاره‌وه‌ لێپرسراوی نوێی مه‌ڵبه‌ندی هه‌ولێر ده‌ستبه‌كار ده‌بێت.

له‌و باره‌یه‌شه‌وه‌ سه‌عدی ئه‌حمه‌د پیره‌ وته‌بێژی یه‌كێتیی نیشتمانیی كوردستان به‌ PUKmedia ی راگه‌یاند: ده‌ستنیشان كردنی شاڵاو كۆسره‌ت ره‌سوڵ ئه‌ندامی سه‌ركردایه‌تی یه‌كێتیی نیشتمانیی كوردستان بۆ ئه‌و پۆسته‌، له‌سه‌ر داوای مه‌كته‌بی رێكخستن بووه‌و جێگری سكرتێری گشتی-ش ئیمزای له‌سه‌ر كردوه‌و له‌گه‌ڵ ده‌رچوونی فه‌رمانه‌كه‌شدا لێپرسراوی نوێی مه‌ڵبه‌ندی هه‌ولێر ده‌ستبه‌كار ده‌بێت.

 

363636.jpg

ئەندامێكی سكرتاریەتی یەكێتی مامۆستایانی كوردستان رایگەیاند، لە رێگەی پڕۆژەیەكەوە داوا لە پەرلەمانی كوردستان دەكەن، یاسای پارێزبەندی تایبەت بە مامۆستایان دەربكات.

بەرهەم مستەفا بە ماڵپەرى خەندان-ی راگەیاندووە، لە كۆبوونەوەی رۆژی شەممە یەكێتی مامۆستایانی كوردستان بڕیاریدا كاربكرێت بۆ هەڵگرتنی سیستمی پاشەكەوی مووچە، ئەو پاشەكەوتی مووچەیەش كە لای حكومەتە لە رێگەی كارتی بانكییەوە بگەڕێنرێتەوە بۆ مامۆستایان.

ئاماژەی بەوەشكرد، "لەو كۆبوونەوەیەدا تەئكید لەسەر خۆپیشاندانەكان كرایەوە، ھەر مامۆستایەك توندوتیژی بەرامبەر ئەنجام درابێت و سكاڵای ھەبێت پارێزەری دەبن تا رادەی ئەوەی كە پارێزەری بۆ بگرن، بە مەرجێك ئەو سكاڵاكارە پەیوەندی بكات بە رێكخراوی یەكێتی مامۆستایانی كوردستانەوە".

بەرهەم مستەفا رونیشیكردەوە، یەكێتی مامۆستایان پڕۆژەیەكی دیكەی ئامادەكردووەو رەشنوسەكەی تەواوبوەو ئاڕاستەی سەرۆكایەتی پەرلەمانی كوردستانی دەكەن، داوادەكەن یاسایەك دەربكرێت بە ناوی یاسایی پارێزبەندی كە جۆرێك لە حەسانە دەداتە مامۆستایان.

ئامادەكردنی ئەو پڕۆژەیەی یەكێتی مامۆستایان لەكاتێكدایە لە ماوەی خۆپیشاندانەكانی دوو هەفتەی رابردوودا لە هەرێمی كوردستان چەندین پێشێلكاری بەرامبەر بە مامۆستایان ئەنجامدرا.
 
بەرهەم مستەفا وتیشی، "پڕۆژەیەكمان ئامادەكردووە ئاڕاستەی وەزارەتی پەروەردەی دەكەین، بۆ ئەوەی ئەو مامۆستایانەی كە گرێبەستن بكرێنە مامۆستای ھەمیشەی، ھەروەھا ئەوانەی وانەبێژن گربەستیان لەگەڵدا بكرێت".

وتەبێژی حكومەتی هەرێم ڕایدەگەیەنێت "بەبۆنەی یادی ڕزگاركردنی عیراق و ڕوخانی ڕژێمی بەعس-ەوە ڕۆژی دوو شەممە 9ی نیسان دەبێتە پشووی فەرمییە".


بەپێی هەواڵێكی ماڵپەڕی فەرمی حكومەیتی هەرێم، سەفین دزەیی، وتەبێژی فەرمی حكومەتی هەرێمی كوردستان ڕایگەیاندووە، "بە هاووڵاتیانی خۆشەویستی هەرێمی كوردستان ڕادەگەیەنین، رۆژی دوو شەممە رێكەوتی 2018/4/9 بەبۆنەی یادی ئازادی عیراق لە سەرجەم دام و دەزگاكانی حكومەتی هەرێمی كوردستان دەبێتە پشووی فەرمی".

لەبارەی دەنگۆی ئەوەی دەوترێت سبەی پشووە، وتەبێژی فەرمی حكومەتی هەرێم ئەو دەنگۆیانەی ڕەتکردەوە و ڕایگەیاند "ڕۆژی یەك شەممە 2018/4/8 دەوام ئاساییە و نابێتە پشوو".

مامۆستا ئیبراھیم ئەحمەد سیاسەتمەدارو مافپەروەرو خەباتگێڕو نوسەری ناوداری گەلەکەمان دوای زیاتر لە نیو سەدە لە خەبات و تێکۆشان لە پێناو بەدیھێنانی مافەکانی گەلی کورد، ئێوارەی ٨ی نیسانی ساڵی ٢٠٠٠ و لەتەمەنی ٨٦ ساڵیدا لەندەن کۆچی دوایی کردو لە رێورەسمێکی شایستەشدا تەرمەکەی ھێنرایەوە سلێمانی و لە زێدی خۆی بەخاک سپێردرا.

ڕۆژی ٨ ی نیسان، ١٧ ساڵ بەسەر کۆچی دوایی سیاسەتمەدارو  مافپەروەرو خەباتگێڕو نوسەری ناوداری گەلەکەمان ئیبراھیم ئەحمەد تێدەپەڕێت، ئەو تێکۆشەرە گەورەیەی   دوای دەیان ساڵ خەبات و تێکۆشان لەپێناو دۆزی رەوای گەلەکەمان، لە ٨ ی نیسانی ساڵی ٢٠٠٠، لەتەمەنی ٨٦ ساڵیدا لە شاری لەندەن ماڵئاوایی لە خاک و نەتەوەی کورد کردو  دوای خۆشی خەرمانێک بەرھەمی ئەدەبیی  بۆ  نەوەکانی دوای خۆی جێھێشت.
ئیبراھیم ئەحمەد، لە ٦ ی مارسی ساڵی ١٩١٤، لە بنەماڵەیەکی ناسراوی شاری سلێمانی لە‌دایکبووە. رەمزی فەتاح کە ئەفسەرێکی کورد بووە، مامی مامۆستا ئیبراھیم ئەحمەد بووەو کاریگەریی زۆری لەسەر ئاستی رۆشنبیریی برازاکەی ھەبووە، ئەم کاریگەرییەش  تا قۆناغەکانی دواناوەندی بەردەوامبووەو ساڵی ١٩٣٧ لە شاری بەغدا کۆلیژی یاسای تەواو کردووە.

ئیبراھیم ئەحمەد لە پاڵ نووسیندا، سەرقاڵی کاری سیاسیش بووەو لە ساڵانی سییەکانداو لەگەڵ کۆمەڵێک خوێندکاری کورد لە بەغدا، گروپێکی بەناوی "لاوانی کورد" پێکھێناوەو گۆڤارێکیشی بەناوی "دیاری لاوان" بڵاوکردۆتەوە. ھەروەھا لە تەمەنی ١٨ ساڵیدا لە رۆژنامەی "ژیان" کاریکردووەو نۆبەرەی نووسینەکانی لەوێ بڵاوکردۆتەوە، لەبەر شارەزایی لە نووسیندا، "پیرەمێرد"ی شاعیرو خاوەنی رۆژنامەی ژیان لە نووسێنێکدا ستایشی ئیبراھیم ئەحمەد دەکات و دەنووسێت: ژیان چاوەڕێی ئەم کوردییە رەوانەیە.

لەساڵی ١٩٣٩ تاساڵی ١٩٤٩ لەگەڵ مامۆستا عەلائەدین سەجادی گۆڤاری "گەلاوێژ"‌ چاپکردوە، ھەربۆیە ناچار بوە لە ساڵی ١٩٤٤ دەست لە کاری حکومی ھەڵبگرێت.

لەبواری ئەدەبیدا مامۆستا ئیبراھیم ئەحمەد-ی نووسەرو پارێزەر، چەندین کاری بەنرخی نووسیوە، لەوانە "ژانی گەل"، "کوێرەوەری"، "دوا تیری کەوان" و چەند بەرھەمێکی ناوازەی دیکە.

نامیلکەی "الاکراد و العرب"-یش کە لە ساڵی ١٩٣٧ بە عەرەبی نووسیوێتی، ھەوڵێک بووە بۆ رێکخستنی پەیوەندیەکانی نێوان کوردو عەرەب لە عێراقدا.

مامۆستا ئیبراھیم ئەحمەد دامەزرێنەرو لێپرسراوی بزوتنەوەی "ژ ک" بووە لە باشوری کوردستان ، کە سەر بە مەڵبەندی کۆمەڵەی ژیانەوەی کوردستانی خۆرھەڵات بووە،ئەو بزوتنەوەیە   سەروەریی دامەزراندنی کۆماری  مەھابادی لەساڵی ١٩٤٦ پێ بڕاوە. لەگەڵ ھەڤاڵەکانیدا   لە زۆر ناوچەی تری کوردستان لقی "ژ ک" ی کردۆتەوە.

لە ساڵی ١٩٤٨دا لەلایەن دەسەڵاتدارانی ئەوکاتەی عیراقەوە بۆ ماوەی ١٨ مانگ  زیندانی کراوە، دوای ئازادکردنیشی تا ھەڵگیرسانی شۆڕشی ١٤ی تەمموزی ساڵی ١٩٥٨، رێگای خەباتی نھێنیی گرتەبەر.

لە شوباتی ساڵی ١٩٥١دا، لە کۆنگرەی دووەمی پارتی دیموکراتی کوردستان لە شاری بەغدا، ئیبراھیم ئەحمەد بەکۆی دەنگی ئەندامانی کۆنگرە بە سکرتیری گشتی ئەو پارتە ھەڵبژێردرا، ھەر لەو کۆنگرەیەداو لەسەر پێشنیازی مامۆستا ئیبرایم ئەحمەد، ناوی پارتی گۆڕا بۆ پارتی دیموکراتی کوردستان- عێراق.

لەسەر کارو چالاکیی سیاسی لە ھاوینی ١٩٥١ دا، لە سلێمانییەوە گوێزرایەوە بۆ کەرکوک. ساڵی ١٩٦١ ئیبراھیم ئەحمەد وەک سکرتێری پارتی دیموکراتی کوردستان و سەرنووسەری رۆژنامەی خەبات کاری دەکرد، پێش داخستنی رۆژنامەکەو لێسەندنەوەی مۆڵەتی پارتی لە کۆتایی ساڵی  ١٩٦١، ناچاربوو شاری بەغدا بەجێبھێڵێت.

لەگەڵ ھەڵگیرسانی شۆڕشی ئەیلول، روویکردە شاخ و لەڕووی سیاسییەوە شۆڕشەکەی بەڕێوەبردووە.

دوای ھەرەسی شۆڕش ، رویکردۆتە ھەندەران و لە شاری لەندەن نیشتەجێ بوە.

مامۆستا ئیبراھیم ئەحمەد دوای خەبات و تێکۆشانێکی نەپساوە لەپێناو مافە رەواکانی گەلی کورددا، ئێوارەی ٨ ی نیسان ی ساڵی ٢٠٠٠ لە تەمەنی ٨٦ ساڵیدا لە شاری لەندەن کۆچی دوایی کردو تەرمەکەی ھێنرایەوە بۆ شاری سلێمانی و لە رێورەسمێکی گەورەدا کە شایستەی زیاتر لە نیو سەدە  خەبات و تێکۆشان  بووە لەپێناو مافە رەواکانی گەلەکەیدا، لە زێدی خۆی بەخاک سپێردرا.

 

له‌چوارچێوه‌ی پڕۆژه‌یاسای چاكسازی خانه‌نشینی و ده‌رماڵه‌و موچه‌و به‌خشینه‌كان دره‌ماڵه‌ی ژماره‌یه‌كی زۆر له‌فه‌رمانبه‌ران ده‌بڕدرێت، په‌رله‌مانتارێكی یه‌كێتیش ورده‌كاریی ئه‌و ده‌رماڵانه‌ ئاشكراده‌كات كه‌ له‌دوای په‌سه‌ندكردنی یاساكه‌ له‌لایه‌ن حكومه‌تی هه‌رێمه‌وه‌ ده‌بڕدرێن.

 

 

د.ڕێواس فایه‌ق په‌رله‌مانتاری یه‌كێتیی له‌په‌رله‌مانی كوردستان  ڕاگه‌یاندووه، "تێگه‌یشتنمان له‌كاتی په‌سه‌ندكردنی یاسای چاكسازیی له‌خانه‌نشینان و ده‌رماڵه‌و موچه‌و به‌خشینه‌كان جیاوازه‌ له‌تێڕوانینی ئیستامان بۆ یاساكه‌".

وتیشی‌:"چونكه‌ پێشتر دۆخی موچه‌ی خه‌ڵك خراپبوو، به‌ڵام ئێستا گۆڕانكاریی له‌ڕێژه‌ی‌ موچه‌كاندا كراوه‌و كه‌مترین لێبڕین هه‌یه‌، بۆیه‌ مافی خۆمانه‌ وردتر ته‌ماشای یاساكه‌ بكه‌ین به‌تایبه‌ت له‌بڕگه‌ی ده‌رماڵه‌كاندا".

ئه‌و په‌رله‌مانتاره‌ ته‌ئكیدیكرده‌وه‌، "له‌یاساكه‌دا ئاماژه‌ به‌ڕێكخستنه‌وه‌ی ده‌رماڵه‌كان كراوه‌ كه‌ مه‌به‌ست لێی هه‌ر ده‌رماڵه‌یه‌ك نایاساییه‌و پشتی به‌هیچ ده‌قێكی یاسایی نه‌به‌ستوه‌ ئه‌وه‌ ده‌بڕدرێت، به‌ڵام ئه‌و ده‌رماڵانه‌ی یاسایین، ئه‌وه‌ وه‌ك خۆی ده‌مێنێته‌وه‌".

ئاشكراشیكرد، "له‌هه‌رێمی كوردستان 42 جۆر ده‌رماڵه‌ هه‌یه‌ كه‌ ته‌نها (9)یان پشتی به‌یاسا به‌ستوه‌و ئه‌وانه‌ی دیكه‌ له‌سه‌ر بنه‌مای بڕیارو ڕێنمایی و په‌یڕه‌و بۆ موچه‌خۆران كراوه‌".

ئه‌وه‌شی وت:"ئه‌و ده‌رماڵه‌ نایاساییانه‌ له‌لایه‌ن حكومه‌تی هه‌رێمه‌وه‌ به‌خشراوه‌ته‌وه‌، بۆیه‌ ده‌بێت خودی حكومه‌ت بیبڕێت نه‌ك پێداچونه‌وه‌و لابردنه‌كه‌ی بخه‌نه‌ ئه‌ستۆی په‌رله‌مانی كوردستان".

بانکى ڕافیدەین لە بەیاننامەیەکدا داوا لە حکومەتى عیراق دەکات دابەشکردنى موچەى فەرمانبەران بە ئەلیکترۆنى بکرێت و پشتگیرى بانکەکەش بۆ ئەو کارە دەردەبڕێت.

ڕاگەیاندنى بانکى ڕافیدەین لە بەیاننامەکەیدا ئەوەشى ڕاگەیاندووە، داوا لە فەرمانگەکانى دەوڵەتى عێراق دەکەین هاوکاربن بۆ کردنى موچەى فەرمانبەران بەشێوەى ئەلیکترۆنى دابەشکرنى موچەى مانگانە بەو سیستمە لەجیاتى دابەشکردن بەدەست.

بانکەکە ئاماژەى بەوەشکردووە، دەتوانرێت لە ڕێگەى بە ئەلیکترۆنیکردنى موچەوە قەرزەکانى پێشینەکان و خزمەتگوزارییەکان و قەرزەکانى تر لەڕێگەى بانکەوە و بەشێوەی ئەلیکترۆنى بدرێتەوە.

لە عێراق و هەرێمى کوردستان شێوازى دابەشکردنى موچە بەدەستییە لەکاتێکدا ئەوە چەندین ساڵە وڵاتانى جیهان کار بە سیستمى ئەلیکترۆنى دەکەن و لەگەڵ هاتنى سەرى مانگەکان بەشێوەى ئەلیکترۆنى بڕى موچەى هەر فەرمانبەرێک دەچیتە سەر هەژمارە بانکییەکەى.

سوپای توركیا لە هەشت چیای هەرێمی كوردستان بنكەی سەربازی دروستكردووە، ئەوەش لەچوارچێوەی ئەو پێشڕەییانەی لەم دوایانە كردوویەتی.

سوپای توركیا ماوەیەكە دەستی بەئۆپەراسیۆنی سەربازی بۆ سەر ناوچەكانی هەرێمی كوردستان كردووە، ئەوەش بەبیانووی بوونی گەریلاكانی پارتی كرێكارانی كوردستان پەكەكە لەو ناوچانە.

بەپێی زانیارییەكان، كە لەسەرچاوەیەكی ئاگادار دراوە بەشارپرێس، سوپای توركیا لەهەشت لوتكەی چیایی ناوچەكانی سیدەكانی پارێزگای هەولێرو ئامێدی پارێزگای دهۆك بنكەی سەربازی دروستكردووە.

هەر بەپێی زانیارییەكان، ئەو لوتكە چیاییانەی سوپای توركیا تێدا بنكەی سەربازی دروستكردووە، دەڕوانێت بەسەر ناوچەكانی بەرازگرو دوورەموڵكدا، كە ئەو ناوچانە ناوچەی دەشتایی‌و تەختن.

سوپای توركیا بەهاتنە ناوەوەی بۆ ناو خاكی هەرێمی كوردستان 20 كیلۆمەتر بەقووڵایی خاكەكە پێشڕەوی كردووەو بەردەوامیش بۆردومانی ناوچەكانی هەرێمی كوردستان دەكات.

الصفحة 9 من 1240

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥