رێبوار ته‌ها ئه‌ندامی ئه‌نجومه‌نی نوێنه‌رانی عیراق له‌سه‌ر لیستی یه‌كێتی نیشتمانی كوردستان رایگه‌یاند: كه‌ بڕیاره‌ دراوه‌ حه‌شدی شه‌عبی له‌ كه‌ركوك بكشێته‌وه‌.

رێبوار ته‌ها له‌ كۆنكگره‌یه‌كی رۆژنامه‌نوسیدا له‌ كه‌ركوك رایگه‌یاند: هادی عامری فه‌رمانده‌ی هێزه‌كانی حه‌شدی شه‌عبی بڕیاریدا هێزه‌كانی حه‌شدی شه‌عبی له‌ كه‌ركوك بكشێنرێته‌وه‌و ئه‌و بڕیاره‌ش ده‌چێته‌ قۆناغی جێبه‌جێكردنه‌وه‌.

ته‌ئكیدیشی كرده‌وه‌، كه‌ پارێزگاری نوێی كه‌ركوك كورد ده‌بێت و له‌ پشكی یه‌كێتی نیشتمانی كوردستانیش ده‌بێت.

ئه‌مڕۆ رێكه‌وتى 18 ى 10 ى 2017، سه‌رۆك كۆمارى عێراق بڕیارى له‌سه‌ركارلابردنى "نه‌جمه‌دین كه‌ریم" ى له‌ پۆستى پارێزگارى كه‌ركوك واژۆ كرد. 

به‌پێى ئه‌و زانیارییانه‌، پاش ئه‌وه‌ى به‌ زۆرینه‌ى ده‌نگى ئه‌ندامانى په‌رله‌مانى عێراق، "نه‌جمه‌دین كه‌ریم" له‌ پۆستى پارێزگارى كه‌ركوك دوورخرایه‌وه‌، ئه‌مڕۆ چوار شه‌ممه‌ "فوئاد مه‌عسوم" سه‌رۆك كۆمارى عێراق بڕیارى له‌سه‌ركارلابردنى ناوبراوى له‌ پۆستى پارێزگارى كه‌ركوك واژۆ كرد.

رێكه‌وتى 14 ى 9 ى 2017 په‌رله‌مانى عێراق به‌ زۆرینه‌ى ده‌نگ بڕیاریدا به‌ لابردنى "نه‌جمه‌دین كه‌ریم" پارێزگارى كه‌ركوك له‌ پۆسته‌كه‌ى. 

بڕیاره‌كه‌ى په‌رله‌مان سه‌باره‌ت به‌ دوورخستنه‌وه‌ى پارێزگارى كه‌ركوك له‌ پۆسته‌كه‌ى پاش ئه‌وه‌هات، "حه‌یده‌ر عه‌بادى" سه‌رۆك وه‌زیرانى عێراق داوایه‌كى ئاڕاسته‌ى په‌رله‌مانى عێراق كرد بۆ ئه‌و مه‌به‌سته‌.

كورد زۆرینه‌ى ره‌هاى كورسییه‌كانى ئه‌نجومه‌نى پارێزگاى كه‌ركوكى به‌ده‌سته‌وه‌یه‌ و له‌ سه‌رجه‌م هه‌ڵبژاردنه‌كاندا سه‌ركه‌وتنى گه‌وره‌ى به‌ده‌ستهێناوه‌، بۆیه‌ پێشبینى ده‌كرێت جارێكى دیكه‌ له‌ رێى ئه‌نجومه‌نى پارێزگاوه‌ كوردێك ئه‌و پۆسته‌ به‌ده‌ستبهێنێته‌وه‌.

به‌رپرسی مه‌ڵبه‌ندی یه‌كێتی نیشتمانی كوردستان له‌ كه‌ركوك رایگه‌یاند كه‌ به‌ڵێنیان پێدراوه‌ تا سبه‌ینێ له‌ شاری كه‌ركوك بكشێنه‌وه‌ و ئه‌و ده‌نگۆیانه‌شی ره‌تكرده‌وه‌ كه‌ هێزه‌كانی عیراق بچنه‌سه‌ر هاوڵاتیانی كورد و ده‌ستدرێژییان بكه‌نه‌سه‌ر.
 
له‌ لێدوانێكدا بۆ رۆژنامه‌نوسان، ئاسۆ مامه‌ند، به‌رپرسی مه‌ڵبه‌ندی یه‌كێتی نیشتمانی كوردستان له‌ كه‌ركوك رایگه‌یاند: هه‌وڵ ده‌ده‌ین به‌ زوترین كات پارێزگارێكی نوێ بۆ كه‌ركوك دیاری بكه‌ین و پرسی دیاریكردنی پارێزگار دراوه‌ته‌ ده‌ست من، وتیشی دیاریكردنی پارێزگارێكی نوێ باشترین چاره‌سه‌ره‌.
 
ئاسۆ مامه‌ند راشیگه‌یاند كه‌ له‌گه‌ڵ ئه‌نجومه‌نی پارێزگا داده‌نیشن بۆ ئه‌وه‌ی پارێزگارێكی نوێ دیاری بكه‌ین، چونكه‌ پۆستی پارێزگار له‌ پشتی یه‌كێتی نیشتمانی كوردستانه‌، ئاشكراشیكرد كه‌ یه‌كێتی رایسپاردووه‌ بۆ مه‌سه‌له‌ی هه‌ماهه‌نگی له‌گه‌ڵ حه‌شدی شه‌عبیدا.


له‌ به‌شێكی دیكه‌ی لێدوانه‌ رۆژنامه‌وانییه‌كه‌یدا كه‌ له‌ مه‌كته‌بی سیاسی یه‌كێتی له‌ شاری سلێمانی پێشكه‌شی كرد، ئاسۆ مامه‌ند داوای له‌ خه‌ڵكی شاری كه‌ركوك كرد ماڵوحاڵی خۆیان جێنه‌هێڵن و خه‌ڵكه‌كه‌ی دڵنیا كرده‌وه‌ دوای ته‌واوبونی ئه‌و لێدوانه‌ رۆژنامه‌وانییه‌، خۆشی ده‌گه‌ڕێته‌وه‌ شاری كه‌ركوك.

ئه‌ندامێكى فراكسیۆنى گۆڕان له‌ په‌رله‌مانى عێراق داوا له‌ سێ سه‌رۆكایه‌تییه‌كه‌ى عێراق ده‌كات هیچ جۆره‌ مامه‌ڵه‌یه‌ك له‌گه‌ڵ بارزانی نه‌كه‌ن و رایده‌گه‌یه‌نێت "بارزانى هیچ جۆره‌ شه‌رعیه‌تێكی نه‌ماوه‌".

له‌ راگه‌یه‌نراوێكدا كه‌ به‌ زمانى عه‌ره‌بى بڵاویكردووه‌ته‌وه‌، "هۆشیار عه‌بدوڵا" ئه‌ندامى فراكسیۆنى گۆڕان له‌ په‌رله‌مانى عێراق ئاماژه‌ى به‌وه‌كردووه‌ "مه‌سعود بارزانی له‌بری ئه‌وه‌ی ده‌ستله‌كاربكێشێته‌وه‌ و به‌یه‌كجاری كۆتایی به‌ ژیانی سیاسی خۆی بهێنێت، به‌رپرسیارێتی شكسته‌كان ده‌خاته‌ ئه‌ستۆی خه‌ڵكانی دیكه‌".

ناوبراو راشیگه‌یاندووه‌ "نابێت سێ سه‌رۆكایه‌تیه‌كه‌ی عێراق و دامه‌زراوه‌ فه‌ڕمیه‌كان هیچ جۆره‌ مامه‌ڵه‌یه‌ك له‌گه‌ڵ بارزانی بكه‌ن، له‌به‌رئه‌وه‌ى هیچ جۆره‌ شه‌رعیه‌تێكی نه‌ماوه‌".

ئه‌و ئه‌ندامه‌ى فراكسیۆنى گۆڕان له‌ په‌رله‌مانى عێراق ئه‌وه‌شى خستووه‌ته‌ڕوو "مامه‌ڵه‌كردن له‌گه‌ڵ بارزانی، رێزنه‌گرتنی ئیراده‌ی خه‌ڵكی كوردستانه‌".

"هۆشیار عه‌بدوڵا" ئاماژه‌ى به‌وه‌شكردووه‌ "مانه‌وه‌ی بارزانی له‌ ناو پڕۆسه‌ی سیاسیدا رێگر ده‌بێت له‌ چاره‌سه‌ری كێشه‌كانی نێوان هه‌رێمى كوردستان و حكومه‌تى عێراق".

 

په‌رله‌مانتارێكی‌ كۆمه‌ڵی‌ ئیسلامی‌ له‌ ئه‌نجومه‌نی نوێنه‌رانی عیراق ئاشكرایكرد ئێستا به‌غدا نازانێت چ كه‌س و لایه‌نێك نوێنه‌رایه‌تی‌ هه‌رێمی‌ كوردستان ده‌كات و به‌نیازیشه‌ فه‌رمانی‌ ده‌ستگیركردن له‌ كه‌سی‌ یه‌كه‌مه‌وه‌ تا ئه‌وانه‌ی‌ دیكه‌ش كه‌ رۆڵی‌ سه‌ره‌كی‌ و نه‌خشه‌داڕێژه‌ری پڕۆسه‌ی‌ ریفراندۆم بوون، ده‌ربكات.  
 
زانا رۆستایی‌، په‌رله‌مانتاری‌ كۆمه‌ڵی‌ ئیسلامی‌ له‌په‌رله‌مانی‌ عیراق به‌ وێستگه‌ نیوز-ی‌ راگه‌یاند، كوردستان ده‌ستپێشخه‌رییه‌كانی‌ له‌ده‌ستدا و ئێستا له‌ بارێكی‌ لاوازدایه‌، له‌م كاته‌دا ده‌بێت هه‌وڵ بدرێت مافه‌ ده‌ستوورییه‌كانی‌ هه‌رێم له‌ عیراقدا بمێنێته‌وه‌. 
 
رۆستایی‌ وتی‌ "هه‌وڵ بده‌ین له‌ ده‌ستووردا هه‌رێمی‌ كوردستان بمێنێته‌وه‌ و نه‌بێت باكوری‌ عیراق، چونكه‌ كورد به‌ درێژایی‌ ته‌مه‌نی‌ خۆی‌، له‌و ده‌ستووره‌ی‌ ئێستا باشتری‌ بۆ به‌ده‌ست نایه‌ته‌وه‌ له‌ چوارچێوه‌ی‌ عیراقدا".  
 
سه‌باره‌ت به‌ سه‌ردانی‌ وه‌فدی‌ كوردی‌ بۆ به‌غدا بۆ گفتوگۆكردن له‌گه‌ڵ لایه‌نه‌ عیراقییه‌كان، ئه‌و په‌رله‌مانتاره‌ی كۆمه‌ڵی ئیسلامی وتی‌ "ئێستا به‌غدا نازانێت چ كه‌س و لایه‌نێك نوێنه‌رایه‌تی‌ هه‌رێمی‌ كوردستان ده‌كات، چونكه‌ ئه‌وه‌ی‌ پێشتر نوێنه‌رایه‌تی‌ هه‌رێمی‌ ده‌كرد، ئێستا به‌غدا تاوانباری‌ ده‌كات و به‌نیازه‌ فه‌رمانی‌ ده‌ستگیركردن له‌ كه‌سی‌ یه‌كه‌مه‌وه‌ تا ئه‌وانه‌ی‌ دیكه‌ش كه‌ رۆڵی‌ سه‌ره‌كی‌ و نه‌خشه‌داڕێژه‌ریان بۆ پڕۆسه‌ی‌ ریفراندۆم هه‌بووه‌، ده‌ربكات، كه‌واته‌ گفتوگۆ له‌گه‌ڵ ئه‌واندا ناكات، به‌دیلی‌ نوێنه‌رانی‌ پێشووی‌ كوردستانیش بێ ئه‌نجامدانی‌ هه‌ڵبژاردن ناكرێت، بۆیه‌ تائێستا به‌دیلی‌ نوێنه‌رانی‌ پێشووی‌ كوردستان بۆ گفتوگۆ له‌گه‌ڵ به‌غدا نییه‌". 
 
به‌ره‌به‌یانی 16-10-2017 حه‌یده‌ر عه‌بادی سه‌رۆك، وه‌زیرانی عیراق هێزه‌ ئه‌منییه‌كانی راسپارد بۆ سه‌پاندنی ده‌سه‌ڵاتی خۆیان له‌ پارێزگای كه‌ركوك، راشیگه‌یاند، سورن له‌سه‌ر پاراستنی‌ سه‌لامه‌تی‌ خه‌ڵكی كه‌ركوك و گه‌ڕاندنه‌وه‌ی‌ ئاسایش بۆ ئه‌و شاره‌، وتیشی "داوا له‌ پێشمه‌رگه‌ ده‌كه‌ین ئه‌ركه‌كانی‌ له‌ژێر فه‌رمانی‌ حكومه‌تی‌ ناوه‌ندیدا جێبه‌جێبكات".  
 
له‌ به‌رده‌وامیی‌ جموجوڵی‌ هێزه‌ عیراقییه‌كاندا، ئێواره‌ی‌ هه‌مان رۆژ ئه‌و هێزانه‌ به‌ره‌و كه‌ركوك پێشڕه‌وییان كرد و ناحیه‌ی‌ تازه‌ و به‌شێك له‌ دوزخومارتو وبنكه‌ی‌ سه‌ربازیی‌ كه‌یوان و چه‌ند شوێنێكی‌ باشوری‌ شاری‌ كه‌ركوكیان كۆنتڕۆڵكرد، به‌پێی‌ دوایین ئامار یه‌كێتی‌ 86 شه‌هید و 162 بریندار و 37 ونبوو و دیلی‌ هه‌یه‌.  
 
به‌هۆی هێرشی چه‌كدارانی حه‌شدی شه‌عبی بۆ سه‌ر ناوچه‌ دابڕاوه‌كان و كه‌ركوك له‌ چه‌ند ناوچه‌یه‌ك هێزه‌كانی پێشمه‌رگه‌ پاشه‌كشه‌یان كرد، ئێواره‌ی‌ 16-10-2017 هێزه‌كانی‌ حه‌شدی‌ شه‌عبی‌ گه‌یشتنه‌ شاری‌ كه‌ركوك و بینای‌ پارێزگایان كۆنتڕۆڵكرد و ئاڵای‌ كوردستانیان داگرت. 
 
له‌ رۆژی‌ 16-10-2017 به‌شێكی‌ زۆری‌ خه‌ڵكی‌ شاری‌ كه‌ركوك ماڵ و حاڵیان جێهێشت و روویان كرده‌ شاره‌كانی‌ هه‌ولێر و سلێمانی‌. ئێواره‌ی‌ دوێنێش بارزانی‌ یه‌كه‌م په‌یامی‌ دوای‌ رووداوه‌كانی‌ بڵاوكرده‌وه‌ و رایگه‌یاند "ئه‌وه‌ی له‌ كه‌ركوك رویدا ده‌رئه‌نجامی بڕیاری تاكلایه‌نه‌ی چه‌ند كه‌سێكی نێو لایه‌نێكی سیاسیی ناوخۆی كوردستان بووه". 
 
حه‌یده‌ر عه‌بادی‌ سه‌رۆك وه‌زیرانی‌ عیراق له‌ كۆنگره‌ی‌ رۆژنامه‌وانی‌ هه‌فتانه‌یدا رایگه‌یاند:"ئەوان لەسەر بنەمای دەستور داوای دیالۆگ دەکەن و پێشتریش به‌ سه‌ركرده‌كانی كوردم وت ریفراندۆم یه‌كه‌مجار زیان له‌ به‌رژه‌وه‌ندیی هاوڵاتیانی كورد ده‌دات".  
 
سەرۆک وەزیرانی عیراق راشیگەیاند: "ئێستا ریفراندۆمەکەی هەرێم کۆتایی هاتووەو بووە بە بەشێک لە رابردوو."

یه‌كێتیی نیشتیمانیی كوردستان له‌ ڕێگه‌ی داواكاری گشتییه‌وه‌ سكاڵای یاسایی له‌ دژی دوو كه‌ناڵی نزیك له‌ پارتی دیموكراتی كوردستان تۆمار ده‌كات به‌ تۆمه‌تی ناوزڕاندنی به‌رپرسان و پێشمه‌رگه‌كانی یه‌كێتیی له‌ كاتی ڕووداوه‌كانی كه‌ركوكدا.

سه‌عدی ئه‌حمه‌د پیره‌، وته‌بێژی مه‌كته‌بی سیاسیی یه‌كێتیی ده‌ڵێت: له‌سه‌ر ئه‌وانه‌ی كه‌ناڵه‌كانی ڕووداو و كوردستان 24 وتوویانه‌ له‌ ڕێگه‌ی داواكاری گشتییه‌وه‌ شكاتیان لێ ده‌كه‌ین، چونكه‌ ته‌شهیریان به‌ پێشمه‌رگه‌‌ و یه‌كێتیی كردووه‌.

هه‌ریه‌ك له‌ كه‌ناڵه‌كانی (كوردستان 24)ی سه‌ر به‌ مه‌سرور بارزانی ئه‌ندامی مه‌كته‌بی سیاسیی پارتی كوڕی مه‌سعود بارزانی ‌و (ڕووداو)ی سه‌ر به‌ نێچیرڤان بارزانی جێگری سه‌رۆكی پارتی دووشه‌مه‌ی ڕابردوو 16-10 دوای كشانه‌وه‌ی هێزه‌كانی پێشمه‌رگه‌ له‌ باشووری كه‌ركوك له‌ په‌خشی ڕاسته‌خۆیاندا هێرش كرایه‌ سه‌ر ژماره‌یه‌ك له‌ به‌رپرسانی سیاسی و سه‌ربازی یه‌كێتیی.

وه‌ستا ڕه‌سووڵ، به‌رپرسی میحوه‌ری باشووری كه‌ركوك‌ و ئه‌ندامی سه‌ركردایه‌تیی یه‌كێتی ده‌ڵێت: كه‌ناڵ 24 ‌و ڕووداو با بچن ته‌خوینی ئه‌و كه‌سانه‌ بكه‌ن كه‌ شنگال‌ و مه‌خموور ‌و گوێڕ ‌و دوبز ‌و شێخانیان جێ هێشتووه‌، ئه‌و دوو كه‌ناڵه‌ له‌ جیاتی ئه‌وه‌ی له‌سه‌ر دوژمنه‌كانمان ئیش بكه‌ن له‌سه‌ر ئێمه‌ ئیشیان كرد، ئه‌وه‌ خیانه‌تێكی گه‌وره‌یه‌ كه‌ به‌و شێوه‌یه‌ باسی پێشمه‌رگه‌ ‌و یه‌كێتیی ده‌كه‌ن.

سوپای عێراق گەیشتە ناو ناحیەی زومارو لەئێستاشدا لەگەڵ لایەنە حزبی و حکومییەکانی ناحیەکە لەکۆبوونەوەدان.
بەپێی ئەو زانیارییانە، دوای رادەستکردنەوەی تەواوی ناحیەی رەبیعە، لەئێستادا سوپای عێراق گەیشتوونەتە ناو ناحیەی زوومارو لەگەڵ لایەنە حزبی و حکومییەکانی ناحییەکە لەکۆبوونەوەدان.

 

هێزە عێراقییەكان كۆنتڕۆڵی دەروازەی سنووری رەبعەیان كرد، كە بەدەست هێزەكانی پارتى بووەو پاشەكشەیان لێكردووە.

هێزە عێراقییەكان شەوی رابردوو دەروازەی سنووری رەبیعەیان كۆنتڕۆڵكردووە، كە ئەو دەروازەیە دەكەوێتە سنووری نێوان عێراق‌و سوریا.

بەپێی زانیارییەكان هێزی پارتى، لەو سنوورە بەبێ‌ هیچ شەڕو پێكدادانێك كشاونەتەوەو دوای كشانەوەی ئەو هێزەش هێزە عێراقییەكان چوونەتە ناو دەروازەكەوە.

دەروازەی سنووری رەبیعە دەكەوێتە نزیك شارۆچكەی رەبیعەو زوممار، كە رۆژی سێ‌ شەممە لەلایەن هێزە عێراقییەكان ئەو شارۆچكانە لەلایەن هێزە عێراقییەكان گیران.

بەرپرسێكی یەكێتیی رایدەگەیەنێت كە بەر لە ریفراندۆم ھۆشدارییان دابوو لە خراپی دەرئەنامەكانی بەڕێوەچوونی ریفراندۆم لە كەركوك و ئەگەری لەدەستدانیشی.
رزگار عەلی ئەندامی مەكتەبی سیاسی یەكێتیی نیشتمانیی كوردستان لەلێدوانێكیدا بۆ كەناڵی كوردسات نیوز رایگەیاند كە پێشتر مەكتەبی سیاسی یەكێتی و پارتیان لە مەترسییەكانی ئەنجامدانی ریفراندۆم لە كەركوك و ئەگەری لەدەستدانی ئەو شارە ئاگاداركردبۆوە.
ئەوەشدەخاتەڕوو كە بڕیاری ئەنجامدانی ریفراندۆم ھەڵە بووە و بەرپرسیارێتییەكەشی دەكەوێتە ئەستۆی مەسعود بارزانی و بەشێك لەسەركردەكانی یەكێتی.
رزگار عەلی ئاماژەش دەدات لەوەی لەكاتی بەڕێوەچوونی كۆبوونەوەكەی دوكانیشدا ئاگاداریان كردوونەتەوە لەوەی لەكەركوك شەڕ روودەدات.
وتیشی، ھێزی پێشمەرگە لەكەركوك شەڕێكی بێ وێنەی كرد، بەڵام ھەندێك كەناڵ رۆڵێكی خراپیان بینی سەبارەت بەو رەوشەی لەو شارە دروست بوو. 

فازیل میرانی، سكرتێری مەكتەبی سیاسیی پارتی دیموكراتی كوردستان ڕایگەیاند، "شتێك نییە بەناوی خاكی كورد یان عەرەب، ئەوەی هەیە خاكی عێراقە"،  ئاشكراشیكرد، ڕێكەوتنیان هەیە بۆ گەرانەوەی هێزەكانی عێراق بۆ ناوچە كێشە لەسەرەكان.

لەمیانی چاوپێكەوتنێكیدا لەگەڵ كەناڵی (حەدەس)، فازیل میرانی سكرتێری مەكتەبی سیاسی پارتی  راشیگەیاند "ئێمە كار لەسەر برایەتی‌و پێكەوە ژیان لەعێراق دەكەینەوە، نامانەوێت خوێنی پێشمەرگە‌و سوپای عێراق بڕژێت".

سەرەڕای ئەو گرژیی‌و زیانە گەورانەی بەهۆی ڕیفراندۆمەوە بەر هەرێمی كوردستان كەوتوون، سكرتێری مەكتەبی سیاسیی پارتی لەو چاوپێكەوتنەدا جەختدەكاتەوە لەوەی، "ڕیفراندۆم بۆ دەوڵەت نەبووە".

سەبارەت بەڕووداوەكانی كەركوكیش فازل میرانی ڕایگەیاند، "ئێمە لەوڵاتێكی هاوبەشدا دەژین‌و مێژوویەكی هاوبەشمان هەیە، بۆیە نامەوێت قسە لەوە بكەم، كە ڕوویدا، بەڵام ئەوانەی ڕوویاندا كارناكاتە سەر پەیوەندییەكانی یەكێتی نیشتمانی‌و پارتی دیموكرات".

لەبارەی هەڵبژاردنەكانی هەرێمیشەوە میرانی ڕایگەیاند، "بەڕای من هەرێ‌و بەغدا لەبارودۆخێكی خراپدان، بۆیە ئەستەمە بۆ حیزبەكان بتوانن هەڵبژاردن بكەن، بەڵام ئەمڕۆ پەرلەمان خۆی ئەو پرسە یەكلاییدەكاتەوە".فازیل میرانی، سكرتێری مەكتەبی سیاسیی پارتی دیموكراتی كوردستان ڕایگەیاند، "شتێك نییە بەناوی خاكی كورد یان عەرەب، ئەوەی هەیە خاكی عێراقە"،  ئاشكراشیكرد، ڕێكەوتنیان هەیە بۆ گەرانەوەی هێزەكانی عێراق بۆ ناوچە كێشە لەسەرەكان.

لەمیانی چاوپێكەوتنێكیدا لەگەڵ كەناڵی (حەدەس)، فازیل میرانی سكرتێری مەكتەبی سیاسی پارتی  راشیگەیاند "ئێمە كار لەسەر برایەتی‌و پێكەوە ژیان لەعێراق دەكەینەوە، نامانەوێت خوێنی پێشمەرگە‌و سوپای عێراق بڕژێت".

سەرەڕای ئەو گرژیی‌و زیانە گەورانەی بەهۆی ڕیفراندۆمەوە بەر هەرێمی كوردستان كەوتوون، سكرتێری مەكتەبی سیاسیی پارتی لەو چاوپێكەوتنەدا جەختدەكاتەوە لەوەی، "ڕیفراندۆم بۆ دەوڵەت نەبووە".

سەبارەت بەڕووداوەكانی كەركوكیش فازل میرانی ڕایگەیاند، "ئێمە لەوڵاتێكی هاوبەشدا دەژین‌و مێژوویەكی هاوبەشمان هەیە، بۆیە نامەوێت قسە لەوە بكەم، كە ڕوویدا، بەڵام ئەوانەی ڕوویاندا كارناكاتە سەر پەیوەندییەكانی یەكێتی نیشتمانی‌و پارتی دیموكرات".

لەبارەی هەڵبژاردنەكانی هەرێمیشەوە میرانی ڕایگەیاند، "بەڕای من هەرێ‌و بەغدا لەبارودۆخێكی خراپدان، بۆیە ئەستەمە بۆ حیزبەكان بتوانن هەڵبژاردن بكەن، بەڵام ئەمڕۆ پەرلەمان خۆی ئەو پرسە یەكلاییدەكاتەوە".

الصفحة 1 من 1124

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥