بەژداری پێ کردنی هەواڵ لە

FacebookTwitterGoogle BookmarksRSS Feed

لەشاری هەولێر هاوشێوەی زۆربەی شارو شارۆچكەكان خۆپیشاندان بۆ پشتیوانی عەفرین بەڕێوەچوو، هاوڵاتیان و رێكخراوەكانی كۆمەڵگەی مەدەنی بەشداریان تێدا كرد.

 بەشداری خۆپیشاندانەكەى هەولێر راگەیاند، "ئێمە وەك كەنەكە بۆچوونمان وابوو، چالاكی بەردەوام بۆ بەرخۆدانی عەفرین درێژەی هەبێت، ئەم خۆپیشاندانە سەرتاسەرییەی ئەمڕۆش یەكێكە لە چالاكییەكان".

ئاماژەی بەوەشكرد، "دەمانەوێت پەیامی پشتیوانی كردن لە بەرخۆدانی عەفرین بڵاوبكەینەوە و بگەیەنینە هەموو جیهان، بە دڵنیایەوە ئەمە تەنیا بەش نیە بۆ عەفرین، چونكە عەفرین جینوساید دەكرێت، عەفرین دەشێوێندرێت، ژینگەكەی وێران دەكرێت، بۆیە پێویستە لە سەر هەموو لایەك پشتیوانی لە عەفرین بكەین بە بێ جیاوازی".

36 رۆژە عەفرین لەژێر لەشكركێشی سوپای توركیا و گروپە چەكدارەكانی نزیك لە توركیایە، شەڕڤانی یەپەگە و یەیەژە بەرگری سەخت لەناوچەكانی كانتۆنەكە دەكەن.

مەبەستی توركیا و گروپە چەكدارەكانی نزیك لە توركیا ئەوەیە، دەیانەوێت كۆتایی بەدەسەڵاتی یەكینەكانی پاراستنی گەل (یەپەگە) بهێنن، كە بەهاوپەیمانی نزیكی ویلایەتە یەكگرتووەكانی ئەمەریكا دادەنرێت بۆ شەڕی دژی داعش.

به‌مه‌به‌ستى چاره‌سه‌ركردنى قه‌یرانى كه‌نداو "دۆناڵد ترامپ" سه‌رۆكى ئه‌مریكا له‌ ماوه‌ى چه‌ند هه‌فته‌ى داهاتوودا له‌گه‌ڵ سه‌ركرده‌ى ژماره‌یه‌ك وڵاتى كه‌نداودا كۆده‌بێته‌وه‌.
لێپرسراوانى ئه‌مریكا راگه‌یاندووه‌ ترامپ له‌ دوو مانگى داهاتوودا به‌جیا له‌گه‌ڵ میرى قه‌ته‌رو "محه‌مه‌د بن سه‌لمان" شازاده‌ى جێنشینى سعودیه‌و شازاده‌ى جێنشینى ئه‌بوزه‌بی له‌ واشنتۆن كۆده‌بێته‌وه‌ به‌مه‌به‌ستى چاره‌سه‌ر كردنى ئه‌و قه‌یرانه‌ى له‌ نێوان قه‌ته‌رو وڵاتانى ترى كه‌نداودا سه‌رى هه‌ڵداوه‌ كه‌ بۆته‌ هۆى پچراندنى په‌یوه‌ندییه‌ دبلۆماتییه‌كانى نێوانیان.
پێگه‌ى "ئه‌كسیۆس"ى هه‌واڵى ئه‌مریكاش رایگه‌یاندووه‌ ترامپ بۆ چاره‌سه‌ركردنى قه‌یرانى كه‌نداو له‌گه‌ڵ سه‌ركرده‌ى ئه‌و وڵاتانه‌دا به‌جیا كۆده‌بێته‌وه‌ بۆ ئه‌وه‌ى ئاماده‌كارى بكات بۆ به‌رێوه‌چوونى كۆبوونه‌وه‌یه‌كى لوتكه‌ له‌ واشنتۆن بۆ سه‌ركرده‌ى ئه‌و وڵاتانه‌ له‌ كۆتایى مانگى نیسانى ئه‌مساڵدا. 
سه‌ره‌تاى مانگى حوزه‌یرانى ساڵى رابردوو سعودیه‌ و به‌حره‌ین و ئیمارات و یه‌مه‌ن و لیبیا و میسر په‌یوه‌ندییه‌ دبلۆماتییه‌كانیان له‌گه‌ڵ قه‌ته‌ر پچراند و ئه‌و وڵاته‌یان به‌ پاڵپشتى كردنى تیرۆر و ده‌ستوه‌ردان له‌ كاروبارى ناوخۆیى وڵاتانى تر تۆمه‌تبار كرد، له‌و كاته‌شه‌وه‌ هه‌موو هه‌وڵه‌ دبلۆماتییه‌كان بۆ چاره‌سه‌ركردنى ئه‌و قه‌یرانه‌ به‌ بن به‌ست گه‌یشتووه‌.

 

"مه‌ولود چاوش ئۆغلۆ" وه‌زیرى ده‌ره‌وه‌ى توركیا ره‌خنه‌ى توندى له‌ بریاره‌كه‌ى په‌رله‌مانى هۆڵه‌ندا گرت سه‌باره‌ت به‌جینۆساید ناساندى كۆمه‌ڵكوژى ئه‌رمه‌نه‌كان له‌سه‌ر ده‌ستى ده‌وڵه‌تى عوسمانى له‌ جه‌نگى یه‌كه‌مى جیهانیدا.
چاوشئۆغلۆ رایگه‌یاند: وه‌زاره‌ته‌كه‌ى بانگهێشتى كاربه‌ڕێكه‌ى باڵیۆزخانه‌ى هۆڵه‌نداى له‌ ئه‌نقه‌ره‌ كردووه‌ بۆ ئه‌وه‌ى به‌ره‌سمى ناره‌زایى توركیاى پێ بگه‌یه‌نێت سه‌باره‌ت به‌بریارى په‌رله‌مانى وڵاته‌كه‌ى له‌ باره‌ى كوشتنى ئه‌رمه‌نه‌كانه‌وه‌، چاوشئۆغلۆ ره‌خنه‌ى توندى له‌ په‌رله‌مانتارانى هۆڵه‌ندا گرتوه‌و به‌ره‌گه‌زپه‌رست ناوى بردن، وتیشى: هیچ زانیارییه‌كیان له‌باره‌ى مێژوه‌وه‌ نییه‌.
له‌سه‌رده‌مى جه‌نگى یه‌كه‌مى جیهانیدا نزیكه‌ى یه‌ك ملیۆن و 500 هه‌زار  ئه‌رمه‌نى له‌سه‌ر ده‌ستى ده‌وڵه‌تى عوسمانى كوژراون، ژماره‌یه‌كى زۆر وڵاتى جیهان ئه‌و كوشتاره‌یان به‌جینۆساید ناساندوه‌و توركیاش له‌گه‌ڵ ئه‌وه‌ى دان به‌كوشتنى ئه‌رمه‌نه‌كاندا ده‌نێت، به‌ڵام ره‌تى ده‌كاته‌وه‌ به‌شێوه‌یه‌كى سیستماتیك كوژرابن و ده‌ڵێت له‌ روبه‌رووبونه‌وه‌یان له‌گه‌ڵ ده‌وڵه‌تى عوسمانى كوژراون.
سه‌باره‌ت به‌ به‌ستنى كۆنگره‌ و ئاسته‌نگه‌كانى كۆنه‌بوونه‌وه‌ى ئه‌نجومه‌نى سه‌ركردایه‌تى یه‌كێتى نیشتمانى كوردستان، هیرۆ ئیبراهیم ئه‌حمه‌د نامه‌یه‌ك ئاڕاسته‌ى كۆسره‌ت ڕه‌سوڵ ده‌كات و داواى لێده‌كات په‌له‌ بكات له‌ كۆبوونه‌وه‌ى ئه‌نجومه‌نى سه‌ركردایه‌تى یه‌كێتى و له‌و كۆبوونه‌وه‌یه‌شدا بڕیارى ڕۆژى به‌ستنى كۆنگره‌ى حزبه‌كه‌یان بدرێت.
هه‌روه‌ها ڕاشى ده‌گه‌یه‌نێت ئه‌مه‌ دواینجاره‌ داواى لێبكات و كۆسره‌ت ڕه‌سوڵ ده‌خاته‌ به‌رده‌م به‌رپرسیارێتى مێژووییه‌وه‌.
 
ئه‌مه‌ش ده‌قى نامه‌كه‌یه‌:
برای بەڕێزم كاك كۆسرەت
سڵاو...
ئەنجام نەدانی كۆبوونەوەی ئەنجومەنی سەركردایەتی بۆ بڕیاردان لە چەسپاندنی رۆژی كۆنگرە بووەتە مایەی نیگەرانی خۆم و هەموو جەماوەری یەكێتی.
 
من بۆ دواجار وەك خوشكێك داوات لێ دەكەم كە بەزووترین كات ئەو كۆبوونەوەیە سازبكرێت بۆئەوەی كە جەماوەری یەكێتی لەم دڵەڕاوكێ و چاوەڕوانییە نەجاتی بێت كە ئەوەش بەتەنیا داواكاری من نییە، بەڵكو هی هەموو ئۆرگان و مەكتەب و كادیر و ئەندام و لایەنگرانی یەكێتییە.
 
هیوادارم كە بەرپرسیارێتی سەرشانی خۆت بە ئەمانەتەوە جێبەجێ بكەیت بۆئەوەی كە ناوت وەك هەڵوەرێنەری چەپكە گوڵەكەی مام و یەكێتی نەچێتە لاپەڕەكای مێژووەوە.
 
پێویستە تاوەكو یەك شەممە ( 25/2/2018 ) كۆبوونەوەی سەركردایەتی ئەنجام بدرێت و رۆژی بەستنی كۆنگرە بە فەرمی رابگەیەندرێت، ئەگەر نا رووبەڕووی بەرپرسیارێتی مێژوویی دەبنەوە.
چاوەڕوانی هەڵوێستی برایانە و یەكێتییانەتم.
 
لەگەڵ رێزدا
هێرۆ ئیبراهیم ئەحمەد
22/2/2018

سه‌رۆكی ئه‌نجوومه‌نی پارێزگای هه‌ولێر ڕایگه‌یاند، له‌سه‌ر پێشنیازی ئه‌وان، حكومه‌تی هه‌رێم و وه‌زاره‌تی پێشمه‌رگه‌ ره‌زامه‌ندییان له‌باره‌ی كردنه‌وه‌ی هه‌ردوو رێگای كه‌ركوك و مه‌خموور نیشان داوه‌، بۆ كردنه‌وه‌ی رێگاكان و فڕگه‌ی هه‌ولێریش، سبه‌ی نووسراوێك ئاڕاسته‌ی سه‌رۆك وه‌زیرانی عیراق ده‌كه‌ن.

 له‌ كۆبوونه‌وه‌ی رابردووی ئه‌نجوومه‌نی پارێزگای هه‌ولێردا، به‌ زۆرینه‌ی ده‌نگی ئه‌نجوومه‌ن پێشنیازێك په‌سه‌ند كرا بۆ ئه‌وه‌ی هه‌ردوو رێگای هاتوچۆی نێوان هه‌ولێر بۆ مه‌خموور و هه‌ولێر بۆ كه‌ركوك بكرێنه‌وه‌ و، دواشیان له‌ حكوومه‌ت كرد هه‌رچی زووتره‌ ئه‌و رێگیانه‌ بكاته‌وه‌، چونكه‌ له‌ دوای رووداوه‌كانی 16ـی ئۆكتۆبه‌ره‌وه‌ ئه‌و رێگایانه‌ داخراون.

عه‌لی ره‌شید سه‌رۆكی ئه‌نجوومه‌نی پارێزگای هه‌ولێر به‌ ماڵپه‌ڕی ره‌سمی‌ پارتی دیموكراتی كوردستانی وت: "دوای پێشنیازی ئێمه‌، وه‌زاره‌تی پێشمه‌رگه‌ كۆبوونه‌وه‌ی خۆی ئه‌نجام داوه‌ و بڕیاری دا هه‌ردوو رێگای هه‌ولێر بۆ مه‌خموور و كه‌ركوك بكرێنه‌وه‌".

وتیشی‌: "بڕیاره‌كه‌ تاكلایه‌نه‌یه‌ و بڕیاره‌ هه‌ر ئه‌م حه‌فته‌یه‌یش رێكاری كردنه‌وه‌ی رێگاكان بگرنه‌ به‌ر و بكرێنه‌وه‌، بۆیه‌ پێشنیازه‌كه‌ی ئێمه‌ په‌سه‌ند كراوه‌".
 
سه‌رۆكی ئه‌نجوومه‌نی پارێزگای هه‌ولێر ئه‌وه‌شی‌ خسته‌ڕوو كه‌ "نووسراوێكمان بۆ سه‌رۆكوه‌زیرانی عیراق ئاماده‌ كردووه‌ و بڕیاره‌ سبه‌ی ره‌وانه‌ی به‌غدای بكه‌ین".

ئاشكراشیكرد كه‌ "له‌ نووسراوه‌كه‌دا داوامان كردووه‌ ئه‌وانیش ره‌زامه‌ندی نیشان بده‌ن ئه‌و رێگایانه‌ له‌ پێناو خه‌ڵكی ئه‌و ناوچانه‌دا بكرێنه‌وه‌، ئه‌مه‌ جگه‌ له‌وه‌ی پێشنیاز ده‌كه‌ین فڕگه‌ی هه‌ولێریش بكرێته‌وه‌" .

وەزارەتی پێشمەرگە بلاوى کردۆتەوە، پارەکەی ئه‌مه‌ریكا، گه‌یشتووه‌ بە وەزارەت و  ئامادەکاری دەکرێت بۆ دابەشکردنی بەسەرهێزەکانی پێشمەرگەدا.
" لەم هەفتەیەدا دەست بەدابەشکردنی ئەو بڕە پارەیە دەکرێت، بەسەر لیواکانی وەزارەتی پێشمەرگە، بەڵام نازانرێت بەپاشەکەوتەوە یان بێ پاشەکەوت دابەشدەکرێت".

ئەو پارەیەی كە بڕەكەی 365 ملیۆن دۆلارەو ئەمەریكا تەرخانی كردوە بۆ هێزەكانی پێشمەرگە،  دووەم بڕی ھاوکارییە کە لەلایەن ئەمەریکاوە بۆ پێشمەرگە دابیندەکرێت، پێشتر ھاوکارییەکییان بە بڕی 415 ملیۆن دۆلار داوەتە پێشمەرگە لە کاتی شەڕی داعش.

ئەو 415 ملیۆن دۆلارەی پێشتر، کە بەوەزارەتی پێشمەرگە درابوو، لەچوارچێوەی پرۆتۆکۆلێک بوو لەنێوان ھەرێمی کوردستان و پنتاگۆن، بەمەبەستی بەشداری پێشمەرگە لە شەڕی موسڵ.

 

وەزارەتی بەرگری تورکیا ئەمڕۆ شەممە ئامارێکی نوێی لەبارەی قوربانییەکانی شەڕی عەفرینەوە بڵاوکردەوە و رایگەیاندووە کە هەتا ئێستا نزیکەی ٢ هەزار شەڕڤان کوژراون.

بەگوێرەی بەیاننامەی وەزارەتی بەرگری تورکیا، لە سەرەتای ئۆپەراسیۆنی چڵە زەیتون هەتا ئێستا، ١٩٣١ شەرڤان شەهیدبوون و تەنها لە ٢٤ کاتژمێری رابردوودا ٥٨ شەڕڤان کوژراون.

چاودێران پێیان وایە ئامارەکانی سوپای تورکیا ئەگەری زۆر هەیە کە زێڕۆیی تێدا کرابێت بەوپێیەی کە ماوەی ٣٦ رۆژە هێرشی سەر عەفرین بەردەوامی هەیە، بەڵام بەهۆی بەرگری سەختی شەڕڤانانەوە، هەتا ئێستا سوپای تورکیا نەیتوانیوە عەفرین داگیر بکات.

وەزارەتی بەرگری هەروەها ئاماژەی بەوەشکردووە '' لە ئۆپەراسیۆنەکەدا هەتا ئێستا تەنها ٣٢ سەربازی تورک کوژراون''، بەڵام ئاماژەی بە ژمارەی چەکدارە کوژراوەکانی تری نەکردووە کە لە ریزی میلیشیا چەکدارەکان شەڕ دەکەن.

لە ئێستاشدا حکومەتی سوریا هێزێکی گەورەی چەکداری ڕەوانەی عەفرین کردووە بۆ یارمەتیدانی شەڕڤانان لە شەڕی عەفریندا دژ بە سوپای تورکیا.

مەنسور عوتیبی نوێنەری كوێت لەئەنجوومەنی ئاسایشی نێودەوڵەتی هۆكاری دواخستنی دەنگدان لەسەر پرۆژەیاسای ئاگربەستی سەرتاسەری لەسوریا ئاشكراكرد.

مەنسور عوتیبی لەمیانی لێدوانێكی رایگەیاند، كە هۆكاری دواخستنی دەنگدان لەسەر پرۆژەیاسای ئاگربەست لەسوریا بۆ ئەوە دەگەڕێتەوە، كە ئەندامانی ئەنجوومەن نەگەیشتوون بەرێككەوتنێك لەو بارەوە.

عوتیبی، كە وڵاتەكەی سەرۆكایەتی ئەم خولەی ئەنجوومەنی ئاسایش دەكات، راشیگەیاند، هەوڵەكان بەردەوامی هەیە بۆ ئەوەی لەسەر پرۆژەیاساكە بگەن بەرێككەوتن‌و بڕیارە ئەمڕۆ شەممەش بخرێتە دەنگدانەوە.

پرۆژەی ئاگربەستی سەرتاسەری لەسوریا لەلایەن سویدو كوێت لەئەنجوومەنی ئاسایش ئامادەكراوە، كە رۆژی هەینی ئەنجوومەنەكە نەیتوانی دەنگی لەسەر بدات‌و یەكلایبكاتەوە، ئەوەش بەهۆی ناكۆكییەكان لەبارەی ناوەڕۆكی پرۆژەكە.

پرۆژەكە بەشێوەیەكە، كە 1 مانگ لەسەرتاسەری سوریا ئاگربەستی شەڕ رادەگەیەنرێت، بەڵام روسیا تێبینی لەسەر پرۆژەكە هەیەو ئەگەر هەیە ڤیتۆی بكات.

هه‌سه‌ده‌ رایگه‌یاند ، له‌ شه‌ڕو پێكدادانه‌كانى  24 سه‌عاتى رابردوودا ، 32 چه‌كدارو  4 سه‌ربازى توركیا له‌ ده‌وروبه‌رى عه‌فرین كوژراون.ناوه‌ندى راگه‌یاندنى  هێزه‌كانى سوریاى دیموكرات ئامارى شه‌ڕو پێكدادانه‌كانى 24 سه‌عاتى رابردووى له‌نێوان شه‌ڕڤانان و سوپاى توركیاو گروپه‌ هاوپه‌یمانه‌كانى له‌ ده‌وروبه‌رى عه‌فرین بڵاوكرده‌وه‌و به‌ پێى ئاماره‌كه‌ش ، له‌ناوچه‌كانى (راجۆ و شیراوا و شه‌را)ى عه‌فرین شه‌ڕڤانان چه‌ند چالاكییه‌كى جۆریان له‌دژى سوپاى توركیاو گروپه‌ هاوپه‌یمانه‌كانى ئه‌نجامداوه‌و   له‌ئاكامدا 32 چه‌كدارو 4 سه‌ربازى توركیا  كوژران و 14ى تریش برینداربوون.راشیگه‌یاندوه‌، شه‌ڕڤانان  ئۆتۆمبێلێكى سه‌ربازى سوپاى توركیایان تێكشكاندوه‌و  ده‌ستیشیان گرتوه‌ به‌سه‌ر ژماره‌یه‌ك چه‌ك و كه‌لوپه‌لى سه‌ربازیدا.

زاره‌تى ده‌ره‌وه‌ى ئه‌مریكا جه‌ختى كرده‌وه‌ له‌وه‌ى بریت ماكگۆرك وه‌ك نوێنه‌رى دۆناڵد ترامپ له‌ هاوپه‌یمانى نێوده‌وڵه‌تى دژى داعش، له‌ پۆسته‌كه‌یدا ده‌مێنێته‌وه‌.
هیزه‌ر ناورت وته‌بێژى وه‌زاره‌تى ده‌ره‌وه‌ى ئه‌مریكا رایگه‌یاند: ده‌نگۆى كۆتایی هاتنى ئه‌ركى بریت ماكگۆرك وه‌ك نوێنه‌رى سه‌رۆكى ئه‌مریكا له‌ هاوپه‌یمانى نێوده‌وڵه‌تى دژى داعش دووره‌ له‌ راستییه‌وه‌و له‌و ئه‌ركه‌ى له‌لایه‌ن كۆشكى سپى پێى سپێردراوه‌، به‌رده‌وام ده‌بێت.
پێشتر، پێگه‌ى ئه‌لیكترۆنى گۆڤارى "فۆڕین پۆلیسى" بڵاویكردبۆوه‌: دۆناڵد ترامپ به‌نیازه‌ كۆتایی به‌ ئه‌ركى بریت ماكگۆرك وه‌ك نوێنه‌رى سه‌رۆكى ئه‌مریكا له‌ هاوپه‌یمانى نێوده‌وڵه‌تى دژى داعش، بهێنێت.
پێشترو له‌سه‌رده‌مى ئیداره‌ى باراك ئۆباما، بریت ماكگۆرك وه‌ك نوێنه‌رى سه‌رۆكى ئه‌مریكا له‌ هاوپه‌یمانى نێوده‌وڵه‌تى دژى داعش، ده‌ست به‌كاربوو.
الصفحة 1 من 1205

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥