بەژداری پێ کردنی هەواڵ لە

FacebookTwitterGoogle BookmarksRSS Feed
گۆڕان كشانەوەی لە حكومەت پەسەندكرد
جڤاتی گشتی بزوتنەوەی گۆڕان پرسی كشانەوە لە حكومەتی هەرێم و گەڕانەوە بۆ ئۆپۆزسیۆن پەسەند دەكات و ئاراستەی جڤاتی نیشتمانی دەكات بۆ ئەوەی بڕیاری كۆتایی لەبارەیەوە بدات.

 

 

ئەمڕۆ 14ی كانوونی یەكەمی 2017، جڤاتی گشتی بزوتنەوەی گۆڕان كۆبۆوەو تێیدلا بە زۆرینەی دەنگ كشانەوەیان لە كابینەی هەشتی حكومەتی هەرێم پەسەندكرد.
 
، جێگری سەرۆكی جڤاتی گشتی بزوتنەوەی گۆڕان،  ڕاگەیاند: كشانەوەمان لە حكومەت و بوون بەئۆپۆزسیۆن، بۆ دۆخی ئێستا بەگونجاو زانی، لەو چوارچێوەیەشدا خرایە دەنگدانەوەو پەسەندكرا، تا وەك ڕاسپاردە بدرێتە جڤاتی نیشتمانیی بزوتنەوەی گۆڕان و بڕیاری یەكلاكەرەوەی لەبارەوە بدرێت.
 
وتیشی:" ڕۆژی شەممەی داهاتوو جڤاتی نیشتمانیی كۆدەبێتەوەو دوا بڕیار لەسەر ڕاسپاردەكەی ئێمە دەدات، بەڵام لەو بڕوایەدام ئەوانیش پەسەندی دەكەن و ڕەتی ناكەنەوە و لەحكومەتی هەرێم دەكشێینەوە".
 
سەبارەت بەمانەوەشیان لەحكومەتی خۆجێیی پارێزگاكان و كشانەوەیان لەكابینەی هەشتەم، ساڵح ژاژڵەیی وتی: "ئێمە وەك هەنگاوی یەكەم لە حكومەت دەكشێینەوە، بزانین بۆ دواتریش چۆن دەبێت و قسەی خۆمان لەسەر قۆناغی داهاتوو دەبێت".

ده‌سته‌ی سه‌رۆكایه‌تی په‌رله‌مانی كورستان به‌رنامه‌ی كاری كۆبونه‌وه‌كه‌ی ڕۆژی یه‌كشه‌ممه‌ی داهاتووی په‌رله‌مانی ئاشكراكرد.

به‌گوێره‌ی به‌رنامه‌ی كاری كۆبوونه‌وه‌كه‌، ڕۆژی یه‌كشه‌ممه‌ گفتوگۆ ده‌كرێت له‌باره‌ی پڕۆژه‌یاسای به‌فه‌رمی نه‌كردنی پشوی ساڵیادی دامه‌زراندی سوپای عێراق كه‌ ده‌كاته‌ ڕۆژی 1/6، هه‌وره‌ها له‌كۆبوونه‌وه‌كه‌ پڕۆژه‌بڕیاری بۆنه‌ فه‌رمییه‌كانی نه‌ته‌وه‌ی توركمانه‌كان ده‌خرێته‌ ڕوو.

له‌به‌شێكی دیكه‌ی كۆبوونه‌وه‌كه‌ی ڕۆژی یه‌كشه‌ممه‌ی په‌رله‌مانی كوردستاندا، هه‌ردوو پڕۆژه‌بڕیاری دروستكردنی كارتی ئه‌لیكترۆنی بۆ موچه‌خۆرانی هه‌رێم، پاكسازی له‌لیستی موچه‌ی فه‌رمانبه‌راندا ده‌خرێنه‌ روو.

پڕۆژه‌یاسای لێبوردنی گشتی له‌هه‌رێم، پێكهێنانی لیژنه‌یه‌ك بۆ لێكۆڵینه‌وه‌ له‌ڕاستی ڕووداوه‌كانی دوزخورماتوو به‌شێكن له‌به‌رنامه‌ی كاری كۆبوونه‌وه‌كه‌ی هه‌فته‌ی داهاتوی په‌رله‌مانی كوردستان.

ھێزە ئەمنییەکانی تورکیا زیاتر لە ٢٠٠ کۆچبەری نایاساییان لە باکوری خۆرئاوای وڵاتەکەیان دەستگیر کرد کە بەنیازبوون خۆیان بگەیەننە سنورەکانی بولگاریاو یۆنان. 
لێپرسراوانی تورکیا رایانگەیاندوە، کۆچبەرەکان لە چەند ھەڵمەتێکدا لە ناوچەکانی "ئەدرنە"  دەستگیرکراون و زۆرینەشیان ھەڵگری رەگەزنامەی ئەفغانستان و پاکستان و عێراق و سوریاو چەند وڵاتێکی تربوون.

 

دابه‌شكردنی‌ موچه‌ی‌ مانگی‌ ئه‌یلول (مانگی‌ نۆ) زیاتر دواده‌كه‌وێت و لیستی‌ موچه‌ی‌ وه‌زاره‌تی‌ پێشمه‌رگه‌ش واژۆی‌ له‌سه‌ر نه‌كراو گه‌ڕێندرایه‌وه‌ بۆ وردبینی‌، سه‌رچاوه‌یه‌كی‌ وه‌زاره‌تی‌ داراییش هۆكاره‌كه‌ی‌ ئاشكراده‌كات و ڕونكردنه‌وه‌یه‌ك له‌وباره‌یه‌وه‌ بڵاوده‌كاته‌وه‌.

 

 

دوای‌ ئه‌وه‌ی‌ هه‌فته‌ی‌ ڕابردوو لیستی‌ موچه‌ی‌ وه‌زاره‌تی‌ پێشمه‌رگه‌ ڕه‌وانه‌ی‌ وه‌زاره‌تی‌ دارایی كرا بۆ وردبینیكردن، سه‌رچاوه‌یه‌ك له‌وه‌زاره‌تی‌ دارایی و ئابوری‌ حكومه‌تی‌ هه‌رێم  ڕاگه‌یاندووە، "لیسته‌كه‌ واژۆی‌ له‌سه‌ر نه‌كراوه‌و نێردراوه‌ته‌وه‌ بۆ وردبینیكردن".

سه‌باره‌ت به‌هۆكاری‌ واژۆنه‌كردنیشی‌ له‌لایه‌ن ڕابه‌ر سدیق بریكاری‌ وه‌زاره‌تی‌ دارایی به‌وه‌كاله‌ت سه‌رچاوه‌كه‌ وتی‌:"به‌ڕاستی‌ هۆكاره‌كه‌ی‌ به‌ڕونی‌ نازانم، به‌ڵام زۆركات هه‌بوه‌ كێشه‌ له‌لیستی‌ موچه‌دا دروستبوه‌و گه‌ڕێندراوه‌ته‌وه‌ بۆ وردبینی‌، دڵنیاشم ئه‌و لیسته‌ی‌ وه‌زاره‌تی‌ پێشمه‌رگه‌ش هه‌ر به‌و هۆیه‌وه‌یه‌".

سه‌باره‌ت به‌وه‌ش ئاخۆ واژۆنه‌كردنی‌ لیستی‌ موچه‌ له‌لایه‌ن ڕابه‌ر سدیق تاچه‌ند په‌یوه‌ندیی به‌گه‌ڕانه‌وه‌ی‌ وه‌زیری‌ داراییه‌وه‌ هه‌یه‌ بۆسه‌ر كاره‌كه‌ی‌، سه‌رچاوه‌كه‌ ڕه‌تیكرده‌وه‌ ئه‌وه‌ كێشه‌ی‌ دروستكردبێت، "به‌دڵنیاییه‌وه‌ هه‌ڵه‌یه‌كی‌ تێدابوه‌ بۆیه‌ بۆ به‌شی‌ وردبینی‌ گه‌ڕێندراوه‌ته‌وه‌".

واژۆنه‌كردنی‌ لیستی‌ موچه‌ی‌ پێشمه‌رگه‌و گه‌ڕاندنه‌وه‌ی‌ بۆ به‌شی‌ وردبینی‌، به‌وته‌ی‌ سه‌رچاوه‌كه‌ هۆكارده‌بێت بۆ ئه‌وه‌ی‌ بڵاوكردنه‌وه‌ی‌ خشته‌ی‌ موچه‌و دابه‌شكردنی‌ موچه‌ی‌ پێشمه‌رگه‌ زیاتر دوابكه‌وێت.

 

 

بەڕێوەبەرایەتی پاسپۆرتی هەولێر رایگەیاند، بۆ ماوەی حەوت رۆژ دەرهێنانی پاسپۆرت و نوێكردنەوەی رادەگیرێت.
بەڕێوەبەرایەتییەكە لە ئاگاداریننامەیەكدا ئاگاداری هاووڵاتیانی سنوری هەولێر و دەوروبەری دەكاتەوە، بەهۆی جەرد و پاكتاوكردنی ئامارو كاروچالاكییەكانی ساڵی 2017ەوە، لەرۆژی  25-12-2017 تا رۆژی  2-10-2018 سەرجەم مامەڵەكانی دەرهێنان و نوێكردنەوەی پاسپۆرت رادەگیرێت بۆیە داوا لە هاووڵاتیان دەكات پێش وادەی دیاریكراو سەردانیان بكەن بۆ راییكردنی مامەڵەكانیان.
ئاماژە بەوەشكراوە، وەرگرتنەوەی پاسپۆرت راناگیرێت، ئەو هاووڵاتیانەی پێشتر مامەڵەیان پێشكەشكردوە دەتوانن پاسپۆرتەكانیان وەربگرنە

پیاوان بەشێوەیەکی گشتی حەز لە ژنی لە خۆیان بە تەمەنتر دەکەن چونکە ڕەنگە کۆمەڵێك لێتێگەشتنی زیاتر هەبێت لە نێوانیاندا و زیاتر بەیەکیان ببەستێتەوە، هەروەها ڕیگری ناکەن لە هەموو کارێکی پیاوان کە ئەنجامی دەدەن.

ماڵپەڕی " mesmerizingwords"، بڵاویکردۆتەوە پیاوان حەز لە ژنی لە خۆیان گەورەتر دەکەن لەبەر کۆمەڵێک هۆکار ئەوانیش:

- دەتوانن کۆنترۆڵی هۆڕمۆنەکانیان بکەن

- دەزانن چۆن دڵی پیاو ڕابگرن

- پیاوان بە خۆیانەوە نابەستنەوە و بەرپرسیارێتییان ناخەنە ئەستۆ

- زیاتر سەربەخۆن

- دەزانن چۆن دەسەڵاتی خۆیان پیشان بدەن

- ئازاری دڵدارە گەنجەکانیان نادەن

- خاوەنی ماڵ و موڵکی خۆیانن

- ئەزموونی زۆریان هەیە

مۆز یەکێکە لە میوە بەسوودەکان کە دەوڵەمەندە بە پۆتاسیۆم و ڤیتامینی B6, C سودێکی زۆری بۆ تەندروستی جەستە هەیە، بەڵام ڕەنگی توێکڵی مۆز جیاوازە سەوز و زەرد و پەڵە پەڵەی ڕەش بە توێکڵی مۆزەکەوە هەیە لەگەڵ مۆزێک کە ڕەش بوبێتەوە، هەریەکەیان سودی بۆ تەندروستی جەستە هەیە.

ماڵپەڕی (trendcrown) ئاماژەی بە جۆرەکانی ڕەنگی مۆز کردووە کە چ جۆرێکیان سودی تەندروستی بۆ جەستە زیاترە، لێرەدا سودی جۆرەکانی مۆز خراوەتەڕوو کە بریتین لە:

مۆزی بەرگ سەوز (تازە پێگەیشتوو)

ئەم جۆرە مۆزە ڕەقە، زۆرکات پێویستت بە چەقۆ دەبێت بۆ لەتکردن و پاککردنی، سودی بۆ ئەو کەسانە هەیە کە ڕێژەی شەکر لە جەستەیاندا کەمە بەهۆی بونی ڕێژەیەکی زۆر لە گلوکۆز لە پێکهاتەیدا، بەڵام زیانەکەی ئەوەیە کە بۆ هەرسکردن قورسە بەتایبەت ئەو کەسانەی کە کێشەی گەدەیان هەیە پێویستە کەمتر ئەم جۆرە مۆزە بخۆن.

مۆزی زەرد

وەک پارێزەرێک وایە، بەرگری جەستە بەهێز دەکات و لە نەخۆشییە جۆراوجۆرەکان دەیپارێزێت، نیشانەکانی پیری دوادەخات، بەهۆی ئاسان هەرسکردنیەوە گەدە لە نەخۆشییەکانی دەپارێزێت.

ئەو جۆرە مۆزەی بەرگەکەی خاڵ خاڵی ڕەشی پێوەیە

تامێکی خۆشی هەیە پڕیەتی لە ماددەی سودبەخش کە جەستە لە نەخۆشییەکان دەپارێزێت، بونی ئەو خاڵە ڕەشانەی لە بەرگی ئەو جۆرە مۆزەدا هەیە بەهۆی بونی ماددەیەکە پێیدەڵێن وەرەم کە یارمەتی چارەسەرکردنی کێشەکانی خانەکانی جەستە دەدات بە شێوەیەکی سروشتی، لەگەڵ جۆرە جیاوازەکانی نەخۆشی شێرپەنجە، ئەگەر هەست بە بوونی کێشەیەک کرا لە گەدەدا ئەم جۆرە مۆزە بخورێت باشە.

بەڵام ئەو کەسانەی کە نەخۆشی شەکرەیان هەیە لە خواردنی ئەم جۆرە مۆزە دوربکەونەوە، چونکە ڕێژەی شەکر تێیاندا بەرزە.

ئەم جۆرە مۆزە سودێکی زۆری بۆ تەندروستی جەستە هەیە کە بریتین لە:

- یارمەتی گەدە دەدات بەتایبەت ئەو کەسانەی هەست بە دڵەکزە یان بە ئازاری گەدە دەکەن، کرداری هەرس ئاسان دەکات.

-  ڕێککردنەوەی پەستانی خوێن، ئەو جۆرە مۆزانە ڕێژەی پۆتاسیۆم تێیاندا بەرزە و یارمەتی ڕێککردنەوەی پەستانی خوێن دەدات.

- دورکەوتنەوە لە خەمۆکی، بەهۆی بونی ماددەی ترپۆتۆفان لەو جۆرە مۆزانەدا هۆکارە بۆ کەمکردنەوەی خەمۆکی و پێدانی هەستی دڵخۆشی.

- توانای جەستە زیاد دەکات، چونکە ژمارەیەکی زۆر لە گەرمۆکەی تێدایە کە چالاکی جەستە زیاد دەکەن.

- زیادبونی ڕێژەی خوێن لە جەستەدا، ئەو کەسانەی کە ڕێژەی خوێن لە جەستەیاندا کەمە ئەم جۆرە مۆزە ڕێژەی خوێنیان زیاد دەکات بەهۆی بڕێکی زۆر لە ماددەی ئاسن لە مۆزی ڕەشبودا.

- کەمکردنەوەی ئازاری سوڕی مانگانە لە خانماندا، بەهۆی ئەو پۆتاسیۆمەی لە مۆزدا هەیە گرژی ماسولکەکانی دەوری منداڵدان کەمدەکاتەوە.

 

وەزارەتی بەرگری ئەمریکا رایدەگەیەنێت، ژمارەیەک لەگروپە چەکدارەکان لەعێراق ھەڕەشە لەھێزەکانیان دەکەن.
 ئیریک باھون وتەبێژی وەزارەتی بەرگری ئەمریکا (پنتاگۆن) لەکۆنفرانسێکی رۆژنامەوانیدا لەبارەگای وەزارەتەکەی رایگەیاند، دوای ئەوەی لەچەند رۆژی رابردوودا حەیدەر عەبادی سەرۆک وەزیرانی عێراق کۆتایی ھاتنی گروپی تیرۆریستی داعشی لەوڵاتەکەی راگەیاند، ژمارەیەک لەگروپە چەکدارەکانی ئەو وڵاتە ھەڕەشەیان لەھێزەکانی ئەمریکا کردووە کەبۆ ھاوکاریکردنی ھێزە عێراقییەکان ماونەتەوە.
 وتیشی، بەرەسمی حکومەتی عێراقیان لەو ھەڕەشانە ئاگادارکردۆتەوە و داوایانکردووە ھێزەکان بپارێزن، بەڵام ھێزەکانی ئەمریکاش بەھەموو شێوەیەک ئامادەکارییان کردووە بۆ وەڵامدانەوەی ھەر ھێرش و پەلامارێک کەبکرێتە سەریان.

 

رێکخراوی ھاریکاری ئیسلامی دوای کۆبوونەوەی لە ئەستەنبوڵ لەراگەیەنراوێکدا داوا لەوڵاتانی جیھان کرد بڕیارەکەی ترامپ رەتبکەنەوە.
کۆبوونەوەی باڵای رێکخراوی ھاریکاری ئیسلامی بۆ تاووتوێکردنی رەوشی قودس بە دەرکردنی راگەیەنراوێک کۆتایی ھات کەتیایدا داوای لەسەرجەم وڵاتانی جیھان کردووە بڕیارەکەی ترامپ بۆ ناساندنی قودس وەک پایتەختی ئیسرائیل رەتبکەنەوەو بەرەسمی دان بەوەدابنێن کەقودس تەنھا پایتەختی فەڵەستینە.داواشی لەسەرۆکی ئەمریکا کردە لەپێناو ھەڵنەگیرسانی شەڕو توندوتیژی و تیرۆر، لەبڕیارەکەی پاشگەز ببێتەوە.

 

گۆڕێکی بەکۆمەڵ کە رووفاتی زیاتر لە ٤٠٠ ھاووڵاتی تێدایە لە نزیک قەزای شەنگال دۆزرایەوە.
سەرچاوەیەک لە ئیدارەی پارێزگای نەینەوا رایگەیاند، ھێزە ئەمنییەکانی عێراق، گۆڕێکی بەکۆمەڵیان لە نزیک قەزای شەنگال لە باکووری خۆرئاوای نەینەوا دۆزیتەوە کە روفاتی زیاتر لە ٤٠٠ کەسی تێدابووە، وتیشی: زۆربەی قوربانییەکان ھاوڵاتی ئێزیدی بوون و لەلایەن تیرۆریستانی داعش لەسێدارە دراون.
دوابەدوای پاککردنەوەی شاری موسڵ و دەوروبەری لە تیرۆریستانی داعش، ھێزە ئەمنییەکانی عێراق، بەدەیان گۆڕی بەکۆمەڵیان لەو ناوچانە، دۆزیوەتەوە.

 

الصفحة 1 من 1161

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥