بەژداری پێ کردنی هەواڵ لە

FacebookTwitterGoogle BookmarksRSS Feed
مامۆستایان ڕەتیدەکەنەوە مانگرتن و بایکۆتکردن بشکێنن و ڕایدەگەیەنن، کێشەی ئێمە بێ پارەییەو چیتر بەشێوەی ئێستا دەواممان پێ ناکرێت، یەکێک لەمامۆستاکانیش ڕایدەگەیەنێت، سبەینێ دەچینەوە بەردەم پەروەردەو لەمانگرتن بەردەوام دەبین.

 

ئەمڕۆ ١٨/ ١٠ ئەنجومەنی خۆڕسکی بەشداربووی بایکۆت و خۆپیشاندانی مامۆستایان، کە خۆیان بە نوێنەری سەرجەم مامۆستایان و فەرمانبەرانی شاری سلێمانی دەزانن، راگەیاندراوێکیان بڵاوکردەوەو تێیدا رایانگەیاند کە بایکۆتی ھۆڵەکانی خوێندن دەشکێنن و سبەی ١٩ی مانگ، دەست بە خوێندن دەکەنەوە.

 

لەوەڵامی ئەو راگەیاندراوەشدا، ئیدریس عەبدولقادر عەبدوڵڵا مامۆستا لەقوتابخانەی ھەواری شارو یەکێک لەناڕازییەکان وتی:" لەماوەی ١٥ ڕۆژی ڕابردووی مانگرتنی مامۆستایاندا، ھیچ کام لەو مامۆستایانەی کە ئەمڕۆ کۆنگرەی ڕۆژنامەوانیان بەمەبەستی کۆتاییھێنان بەمانگرتنی مامۆستایان ئەنجامدا نەبینیوەو نازانین ئەوانە کێن".

 

ڕەتیشیکردەوە، ھیچ پرسێکیان پێ کرابێت لەڕاگرتنی بایکۆتکردنی ھۆڵەکانی خوێندن، وتی:" دەبوو ئەتەکێتی مامۆستایی بنوێنن و پرسمان پێ بکەن، بەڵام بەداخەوە فرسەتیان لێمان ھێناو بەھیچ جۆرێک ئاگاداریان نەکردینەوە".
سەبارەت بەگرفتی سەرەکی مامۆستایان و داواکارییەکانیشیان، ئەو مامۆستایە نەیشاردەوە کە گرفتی سەرەکییان بێ پارەییەو وتی:" گرفتی سەرەکی ئێمە ئەوەیە پارەمان پێ نیەو نان نییە بیخۆین، منداڵەکانمان بەبێ شیر دەگرین، چوار مانگیشە دانمان بەخۆماندا گرتووە، چیتر ناتوانین دان بەخۆماندا بگرین"

 

لەبارەی ھەڵوێستی کۆتایی مامۆستایانیش، ئیدریس عەبدولقادر وتی:"بەدڵنیاییەوە بەردەوامی بەمانگرتن دەدەین و سبەینێش بەھەمانشێوەی ڕۆژانی پێشوو، دەچینەوە سەر شەقام و لەمانگرتن و گردبوونەوەی ناڕەزایی بەردەوام دەبین".
بەوتەی ناوبراو، زۆربەی مامۆستایان و بەڕێوەبەری قوتابخانەکانیان لەگەڵ داواکاری ڕەوای مامۆستایاندان و سبەینێ بەبێ گوێدانە ھیچ قسەو ھەڵوێستێک بەردەوام دەبن لەبایکۆتکردنی دەوام.

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥