بەژداری پێ کردنی هەواڵ لە

FacebookTwitterGoogle BookmarksRSS Feed

مەسعود بارزانی تۆمەتباری سەرەکی کێشەکانە

18 ئازار 2018

وەفیق سامەرائی شارەزای سەربازیی عێراقی ئەمڕۆ یەک شەممە رایگەیاند، کێشەی کەم ئاوی لە عێراقدا هۆکارەکەی پارتی دیموکراتی کوردستان و خودی مەسعود بارزانییە ئەویش بەجێبەجێ نەکردنی پرۆژەیەکی گەورە لە ناوچەی ژێر دەسەڵاتیدا.

سامەرائی لە نوسینێکیدا لە تۆڕی کۆمەڵایەتی فەیسبوک رایگەیاندووە '' ئێوە ئەی جوتیاران کە گیرۆدەی کەمی ئاوی رووبارەکان و بەرزبونەوەی رێژەی خوێی ئاوی شەت ئەلعەرەب بونەتەوە، هەرگیز ئەمە رووی نەدەدا ئەگەر بهاتایە بەنداوی بێخمە دروست بکرایە کە سەرەتا لە ساڵێ ١٩٩١ لەلایەن ئەندازیارە بەریتانییەکانەوە نەخشەی بۆ داڕێژرا''.

هەروەها دەشڵێت '' ساڵی ١٩٩١ دەستکرا بە دروستکردنی، بەڵام مەسعود بارزانی کارەکانی بەنداوەکەی راگرت ئەویش بەهۆی ئەوەی زەوی ئەو ناوچەیە خۆی موڵکداری دەکات و بەوەش عێراق بەدەست کەم ئاوییەوە گیرۆدە بووە و کاریگەری زۆری لەسەر ژیانی خەڵك دروست کردووە''.

وەفیق سامەرائی ئاماژە بەوەدەکات '' پێویستە وەزارەتی سامانە سروشتییەکان دەستبەجێ هەڵوەستە بکات چونکە توانای گلدانەوەی ئاوی بەنداوی بێخمە ٦ هێندەی بەنداوی دەربەندیخانە جگە لەوەی سودێکی ئێجگار زۆری بۆ بەرهەمهێنانی کارەبا دەبێت''.

داواش دەکات، پێویستە بڕیار و ئیدارە و پاسەوانیکردنی بەنداوەکان بکەونە ژێر دەسەڵاتی حکومەتی ناوەند.

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥