بارزانی: ئەو نامەیەی ئەمریكا ناردووى لەئەندامانی ئەنجومەنی باڵای ڕیفراندۆم شاردراوەتەوە

18 تشرینی یەکەم 2017

ئەو نامەیەی رێكس تێلەرسۆن وەزیری دەرەوەی ئەمریكا، كە بەر لەڕیفراندۆم بۆ مەسعود بارزانی ناردووە، لەئەندامانی ئەنجومەنی باڵای ڕیفراندۆم "شاردراوەتەوە".

عەبدوڵڵا وەرتێ‌ رایگەیاند، ئەو نامەیەی (ڕیكس تیلەرسن) وەزیری دەرەوەی ئەمریكا بۆ بارزانی كە لەچەند ڕۆژی ڕابردوودا ئاشكرابوو، ناوەڕۆك‌و تەنانەت خودی نامەكەش لەئەنجومەنی باڵای ڕیفراندۆم "شاردراوەتەوە".

عەبدوڵڵا وەرتێ ئەندامی ئەنجوومەنی باڵای ریفراندۆم، كە ئەنجوومەنەكە ئێستا هەڵوەشاوەتەوە، راشیگەیاندووە "نامەكە نەچووتە ناو ئەنجوومەنەكەیانەوە تا گفتوگۆی لەسەر بكەن".

نامەكەی وەزیری دەرەوەی ئەمریكا بۆ بارزانی لەبەرامبەر ئەنجامنەدانی ڕیفراندۆمی هەرێمدا بوو، كە چەندین ئۆفەری خستبووە بەردەم كورد‌و سەركردایەتییە سیاسییەكەی.

ئەمە لەكاتێكدایە، پێش هێمن هەورامی راوێژكاری مەسعود بارزانی رایگەیاندبوو، كە ئەو نامەیە تەنیا رەشنوسێك بووەو لەكۆبوونەوەیەكی ئەنجوومەنی باڵای ریفراندۆم خوێنراوەتەوە.

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥