پارتی قەزای مەخمورو ناحیەی گوێڕ چۆڵدەكات

16 تشرینی یەکەم 2017

چەكدارنی پارتی بڕیاریانداوە قەزای مەخمورو ناحیەی گوێڕی نزیك لە هەولێر بۆ سوپای عیراق و حەشدی شەعبی چۆڵ بكەن، دانیشتوانە كوردەكانی ئەو دوو ناوچەیەش ماڵ و حاڵیان جێهێشت و ئاوارە بوون.

ڕەشاد گەڵاڵی لێپرسراوی كۆمیتەی مەخموری یەكێتی، ڕاگەیاند: لەترسی هاتنی هێزەكانی سوپای عیراق و حەشدی شەعبی بۆ قەزای مەخمور، دانیشتوانی قەزاكە بەلێشاو بەرەو هەولێر بەڕێكەوتوون.

هاوكات، ئەحمەد زاگە لێپرسراوی كۆمیتەی گوێڕی یەكێتی ڕاگەیاند: هەرچەند لەبەرنامەی حەشدی شەعبی هەیە كە كۆنترۆڵی ناوچەكانی گوێڕو دەوروبەری بكاتەوە، بەڵام تائێستا جوڵەیەكی ئەوتۆی بەرەو سەنگەرەكانی هێزی پێشمەرگە نەكردوە.

وتیشی:" زۆربەی زۆری هاوڵاتیانی كورد لەناحیەی گوێڕ ماڵەكانیان چۆڵكردووەو بەرەو هەولێر بەڕێكەوتوون، جگە لەوەش پارتی ژمارەیەك ئۆتۆمبێلی سەربازی بەرەو ئەو شارە كشاندۆتەوە، ئەوەش لەكاتێكدایە كە تا ئێستا شەڕو پێكدادان دروست نەبووە".

ئەمەش لە كاتێكدایە و بەگوێرەی زانیارییەكان، پارتی لە مەخمورو گوێڕ خۆی بۆ هەڵاتن ئامادەكردووە.

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥