بەژداری پێ کردنی هەواڵ لە

FacebookTwitterGoogle BookmarksRSS Feed

داعش هێرشێكی تێكده‌رانه‌ له‌ فه‌ره‌نسا گرته‌ئه‌ستۆ..

26 حوزەیران 2015
لە هێرشێكدا بۆ سەر كارگەیەكی گاز لە نزیك شاری لیۆن لە فەرەنسا كەسێك كوژرا و دوو كەسی دیكەش برینداربوون و داعشیش بەرپرسیارەتی هێرشەكەی گرتەئەستۆ.

پۆلیسی فەرەنسا رایگەیاند، هێرشەكە لە ناوچەی سان كانتان فالافییە ئەنجامدراوە و تێدا ئەو كەسەی كوژراوە سەری لە جەستەی كراوەتەوە و بە عەرەبی لەسەر جەستەی نوسراوە و ئاڵای داعشیش بە هەڵكراوی جێهێڵدراوە.

وەزیری ناوخۆی فەرەنسا ئاشكرای كرد، بەپێی لێكۆڵینەوەكان ئۆتۆمبیلێك كە كەسێكی تێدا بووە چوەتە ناو كارگەكەوە و دواتر چەند ئامێرێكی كارگەی تەقاندۆتەوە.
لە یەكەمین كاردانەوەیشدا فرانسۆ هۆڵاند، كۆبونەوەی لوتكەی ئەوروپی جێهێشتوو گەڕایەوە فەرەنسا، دواتر لە كۆنگرەیەكی رۆژنامەنوسییدا باسی لەوەكرد، وەزیری ناوخۆیان ناردوەتە شوێنەكە و كەسێكیشیان دەستگیركردوە، كە تۆمەتباری هێرشەكەیە.

هێرشی ئەمرۆ دوای نزیكەی پێنج مانگ دێت، كە لە چەند هێرشێكی رێكخراوی قاعیدە لە نیمچە دورگەی عەرەبی لە چەند وڵاتێكی ئەوروپی، كە بەهۆیەوە دەیان كەس كوژران و دواتر وڵاتانی ئەوروپا رێوشوێنی زیاتریان بەرامبەر هاوڵاتیانی موسڵمان گرتەبەر.

 

پەیوەندی

بۆ پەیوەندی کردن بە بەرێوەبەرایەتی تۆڕی هەواڵی هەولێر ئەو ئیمێل و ژمارە مۆبایلانەی خوارەوە بەکاربێنە

  • ناونیشنا : عێراق - هەولێر - بەرامبەر نەخۆشخانەی سەنتەری دڵ

  • ئیمێل : عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

  • ماڵپەر :٠٠٩٦٤٧٥٠٤٥٤٧٩٣٧

    ماڵپەر : ٠٠٩٦٤٧٥٠٤٦٦١٧٤٥